ߎ߳ߞߙߍߣߌ߲߬ ߞߐߞߊ߲ߞߏ ߟߎ߬ ߞߐߕߌ߮ ߟߊ߫ ߟߊ߬ߢߌߣߌ߲ ߞߣߐߡߊ߬߸ ߊߟߌߖ߭ߋߙߌ߫ ߟߊ߬ߛߌ߰ߘߋ߲ ߕߊ߯ ߘߊ߫ ߓߐߒߡߊߟߌ ߟߊ߫ ߞߌߦߍߝ߭߸ ߙߎ߬ߛߌ߬ ߟߊ߫ ߥߊ߬ߟߏ߲߬ߠߌ߲ ߞߐ ߘߐ߫ ߦߋ߲߬ ߞߊ߬ ߕߌߌߢߍߍߟߌ߫ ߛߌߦߊߡߊ߲߫ ߞߍ߫، ߏ߬ ߟߋ ߞߍ߫ ߘߊ߫ ߖߊ߰ߘߏ ߘߋ߲߫ ߞߎߘߊ߫ ߞߍߣߍ߲ ߘߴߊ߬ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߙߎ߬ߛߌ߬ ߣߌ߫ ߊߟߌߖ߭ߋߙߌ߫ ߟߊ߫ ߞߎ ߕߍ߫ ߡߐ߬ ߟߊ߫ ߘߊ߰ ߞߋߟߋ߲߫ ߘߐ߫ ߕߋ߲߬߸ ߞߊ߬ ߓߍ߲߬ ߡߊ߬ߟߌ ߞߏߢߊ ߡߊ߬.

ߊߟߌߖ߭ߋߙߌ߫ ߟߊ߬ߛߌ߰ߘߋ߲ ߣߐ߬ ߞߎߡߊ ߕߊ߬ ߟߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ <<ߓߌ߬ߢߍ߬ߞߎߟߎ߲>> ߠߋ߬ ߣߐ߬ ߕߌߢߍߟߌ ߞߍ߫ ߟߊ߫߸ ߞߊ߬ ߡߐ߰ ߂߄ ߝߊ߰ ߞߊ߬ ߛߌߦߊߡߊ߲߫ ߖߐߞߌ߫߸ ߝߏ߫ ߞߊ߬ ߞߌߦߍߝ߭ ߓߌ߬ߟߊ߫ ߕߟߋ߬ ߞߋ߬ߟߋ߲߬ ߝߙߌߦߊ ߘߐ߫، ߊ߬ ߟߊ߫ ߞߎߡߊ ߏ߬ ߟߋ ߞߵߊ߬ ߦߌ߬ߘߊ߬ ߌߞߘߐ߫߸ ߞߏ߫ ߊߟߌߖ߭ߋߙߌ߫ ߕߍ߬ߘߍ߫ ߖߘߍ߬ߘߐ߬ߡߌߣߊ ߡߍ߲ ߘߐ߫ ߥߊ߯ߕߌ߫ ߕߊ߬ߡߌ߲߬ߣߍ߲߫߸ ߊ߬ ߓߘߴߏ߬ ߓߊ߬ߟߊ߲ ߞߊߘߌ߫ ߞߵߊ߬ ߡߙߌߦߊ ߦߌ߬ߘߊ߬ ߜߍ ߘߐ߫ ߥߛߊߞߙߊ߫، ߣߴߏ߬ ߕߍ߫߸ ߞߊ߬ߦߌ߯ ߙߎ߬ߛߌ߬ ߣߌ߫ ߎ߳ߞߑߙߍߣߌ߬ ߠߊ߫ ߞߍ߬ߟߍ ߣߌ߲߬ ߘߊߡߌ߬ߣߊ߬ ߘߊ߫߸ ߊߟߌߖ߭ߋߙߌ߫ ߡߊߘߏ߲߬ߣߴߊ߬ ߖߘߍ߬ ߟߊ߫ ߟߋ߬ ߊ߬ ߞߎߡߊ ߟߎ߬ ߘߐ߫.

ߊߟߎ߫ ߦߴߊ߬ ߟߐ߲߫߸ ߊߟߌߖ߭ߋߙߌ߫ ߟߊ߫ ߞߟߍ߬ߡߎߙߊ߲ ߓߍ߯ ߦߋ߫ ߓߐ߫ ߟߊ߫ ߙߎ߬ߛߌߌ߫ ߟߋ߬߸ ߏ߬ ߟߋ ߘߐ߫߸ ߊ߬ ߡߴߊ߬ ߘߊ߫ ߓߌ߬ߟߊ ߞߍ߬ߟߍ ߣߌ߲߬ ߘߐ߫ ߞߵߊ߬ ߜߏߦߊ߫ ߙߎ߬ߛߌ߬ ߟߊ߫ ߟߏ߲߫ ߞߋߟߋ߲߫، ߒ߬ߓߊ߬ ߣߌ߫ ߞߎߡߊ߫ ߛߎ߮ ߣߌ߲߬ ߓߐ߫ ߘߴߊ߬ߟߎ߬ ߘߊ߫ ߏ߬ ߘߐ߫߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ ߞߏ ߓߘߊ߫ ߓߎ߬ߘߎ߲߬.

ߊߟߎ߫ ߦߴߊ߬ ߟߐ߲߫߸ ߡߊ߬ߟߌ ߣߌ߫ ߊߟߌߖ߭ߋߙߌ߫ ߝߣߊ߫߸ ߏ߬ ߟߎ߬ ߟߊ߫ ߛߌ߱ ߞߛߊߣߍ߲߫ ߠߋ߬، ߓߊߏ߬߸ ߡߊ߬ߟߌ ߓߘߴߊ߬ ߡߊߘߏ߲߬ ߙߎ߬ߛߌ߬ ߟߊ߫ ߓߊߟߋ߬߸ ߣߊ߲߬ߕߌ߰ߦߊ߬ ߞߏ ߣߌ߫ ߟߊ߬ߞߊ߲߬ߘߊ߬ߟߌ ߛߌߟߊ ߝߍ߬، ߞߵߊ߬ ߛߐ߬ߘߐ߲߬߸ ߊ߬ߟߎ߬ ߣߌ߫ ߊߟߌߖ߭ߋߙߌ߫ ߕߍߟߊ ߦߋ߫ ߕߊ߬ߡߌ߲߬ ߠߊ߫ ߜߐ߬ߛߐ߲߬ߞߐ߬ ߟߊ߫ ߞߐ߰ߘߎ߰ ߝߊ߲ ߝߍ߬ ߢߊ ߓߍ߯ ߡߊ߬.

ߞߊ߬ߦߌ߯ ߂߀߂߄ ߠߋ߬ ߟߊ߫߸ ߡߙߎߕߌߓߊ߮ ߟߎ߬ ߟߊ߫ ߕߌߢߍߟߌ ߛߋ߫ ߘߊ߫ ߡߊ߬ߟߌ ߣߊ߲߬ߕߌ߮ ߟߎ߫ ߡߊ߬߸ ߎ߳ߞߑߙߍߣߌ߲߬ ߞߵߏ߬ ߟߎ߬ ߞߐߡߊߓߌ߲ߓߌ߲߫߸ ߊ߬ ߦߋ߫ ߘߊ߫ ߞߏߢߊߢߌߣߌ߲ ߠߎ߬ ߞߐߝߍ߬ ߞߏ߫ ߎ߳ߞߑߙߍߣߌ߲߬ ߠߊ߫ ߟߊ߬ߛߏ߬ߓߟߌ߬ ߗߋߢߘߊ ߞߊ߬ ߘߍ߬ߡߍ߲߬ ߞߍ߫ ߏ߬ ߞߏ ߘߐ߫߸ ߕߎߥߊߙߍߖߌ ߟߎ߬ ߟߊ߫ ߡߊ߲߬ߞߊ߲ ߏ߬ ߝߍ߬، ߏ߬ ߟߋ ߕߊ߬ߡߌ߲߬ ߘߊ߫ ߎ߳ߞߑߙߍߣߌ߲߬ ߣߌ߫ ߡߊ߬ߟߌ ߕߍ ߕߌߢߍ߫ ߟߊ߫ ߓߘߍߞߍ߭.

ߊ߬ ߓߘߊ߫ ߦߋ߫ ߓߐߛߎ߲ ߘߏ߫ ߟߎ߫ ߘߐ߫߸ ߞߏ߫ ߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߦߋ߫ ߞߍ߬ߟߍ ߞߊ߲߬ ߡߊ߬ߟߌ ߞߐ߰ߘߎ߮ ߘߐ߫߸ ߏ߬ ߟߎ߬ ߣߌ߫ ߎ߳ߞߑߙߍߣߌ߲߬ ߓߟߏ߫ ߦߋ߫ ߢߐ߲߯ ߓߟߏ߫ ߘߓߌ߬ ߘߐ߫߸ ߟߊ߬ߛߏ߬ߓߌ߬ߟߌ ߛߌߟߊ ߝߍ߬߸ ߊ߬ ߣߌ߫ ߞߎߟߎ߲ߞߎߟߎ߲߫ ߞߏ ߡߊ߬ߘߎ߮ ߘߐ߫، ߏ߬ ߘߏ߲߬ ߕߍ߫ ߙߎ߬ߛߌ߬ ߓߟߏ߫ ߞߏߣߍ߲߫ ߘߌ߫.

ߞߊ߬ ߓߍ߲߬ ߝߐߢߐ߲߯ߞߐ ߢߌ߲߬ ߠߎ߫ ߟߋ߬ ߡߊ߬ ߛߊ߫߸ ߊߟߌߖ߭ߋߙߌ߫ ߓߘߴߊ߬ ߡߊߘߏ߲߬ ߊ߬ ߖߘߍ߬ ߟߊ߫ ߙߎ߬ߛߌ߬ ߟߊ߫ ߞߏ ߘߐ߫߸ ߞߵߊ߬ ߞߎ߲߬ߛߌ߲߫ ߊߡߙߌߞߌ߬ ߟߊ߫߸ ߊ߬ ߣߌ߫ ߕߟߋ߬ߖߌ߰ ߖߡߊߣߊ ߘߏ߫ ߟߎ߫.