ߞߟߊ߬ߝߟߌ߬ߟߊ߬ ߣߌ߫ ߞߊ߲ߞߊ߲߫ ߕߍ ߦߋ߫ ߞߎߘߍ߫ ߂߃߀ ߟߋ߬ ߡߊߜߍ߲ ߘߐ߫߸ ߊ߬ ߦߋ߫ ߓߎ߯ߟߊ߫ ߡߙߊ߬ߘߊ߬ߙߋ߲ ߠߋ߬ ߘߐ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߘߐ߫، ߒ߬ߓߊ߬߸ ߣߊ߲߬ߕߌ߮ ߟߎ߬ ߥߊ ߡߍ߲ ߞߍߣߍ߲߫ ߊ߬ߟߎ߬ ߓߘߊ߸ ߏ߬ ߘߊߣߐ ߕߏߣߍ߲߫ ߠߋ߬ ߞߟߊ߬ߝߟߌ߬ߟߊ߬ ߛߏ ߞߣߐ߫߸ ߊ߬ ߣߴߊ߬ ߛߏ߫ ߞߣߐ߫ ߡߐ߮ ߟߎ߫ ߡߊ߬.
ߦߊ߬ߣߵߊ߲ ߧߋ߫ ߥߊ߫ ߞߟߊ߬ߝߟߌ߬ߟߊ߬߸ ߞߊ߲ߞߊ߲߫ ߡߙߊ߬ߓߊ߮ ߝߊߙߌ߲߫ ߡߏ߬ߤߊ߬ߡߍߘ ߢߊ߲ߜ߭ ߞߵߊ߬ ߟߊߛߋ߫ ߟߋ߬߸ ߞߏ߫ <<ߛߋ߫ ߡߊ߫ ߞߍ߫ ߓߏ߲߫ ߡߊ߬߸ ߛߋ߫ ߡߊ߫ ߞߍ߫ ߡߐ߰ ߡߊ߬.>> ߝߊߙߌ߲߫ ߊ߬ߟߌ ߓߊߘߊ߬ߙߊ ߞߡߊ߬ߙߊ߬ ߡߍ߲ ߦߋ߫ ߞߎ߲߬ߠߊ߬ߛߌ߰ߟߊ ߘߌ߫߸ ߏ߬ ߞߵߊ߬ ߝߐ߫ ߟߋ߬ ߞߵߊ߬ ߟߊߕߍ߰߸ ߞߏ߫ <<ߖߎ߯ߡߊ߲ ߛߎ߯ ߺ ߎ ߺ ߛߎߎ߯ ߟߋ߬ ߕߴߦߋ߲߬.>>
ߞߏ߬ߣߌ߲߬߸ ߞߐ߬ߓߊ߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߀߸ ߊ߲ ߠߊ߫ ߟߞߊ߬ߟߌ߬ߟߊ߬ߕߊ߬ ߢߌ߬ߣߌ߲߬ߠߊ ߞߵߊ߬ ߛߋ߲߭ ߛߎ߫ ߞߟߊ߬ߝߟߌ߬ߟߊ߫ ߘߎ߰ߞߟߏ ߞߊ߲߬߸ ߊ߲ ߥߊ߫ ߘߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߞߎߡߊ߫ ߝߐߣߍ߲ ߏ߬ ߛߌ߬ߣߊ ߟߋ߬ ߛߐ߬ߘߐ߲߫ ߦߋ߲߬، ߞߊ߬ߕߎ߲߯߸ ߓߏ߲߫ ߓߌߛߓߊ߬ ߣߌ߫ ߞߐ߫߸ ߡߍ߲ ߠߎ߬ ߣߴߊ߬ߟߎ߬ ߞߣߐ߫ ߝߋ߲ ߠߎ߬ ߖߋ߬ߣߌ߲߬ߣߍ߲߬ ߞߎߙߍ߫߸ ߝߊߘߌߦߊߓߐ ߟߎ߬߸ ߓߊߟߏ߫ ߛߎߡߊ߲ ߠߎ߬߸ ߓߏ߬ߙߌ߬ߝߋ߲ ߠߎ߬߸ ߏ߬ ߓߍ߯ ߟߋ߬ ߞߍ߫ ߘߊ߫ ߓߎ߰ߘߌ ߘߌ߫ ߕߊ ߓߟߏ߫، ߔߏߔߏ ߟߎ߫ ߖߋ߬ߣߌ߲ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߘߊ߫ ߛߌߦߊߡߊ߲߫ ߠߋ߬ ߝߣߊ߫ ߞߊߘߌߣߍ߲ ߦߋ߫ ߘߴߊ߲ ߓߟߏ߫ ߟߎ߫ ߞߣߐߟߊ ߟߎ߬ ߘߐ߫߸ ߞߊ߬ ߥߊߘߌ ߟߎ߫ ߕߊ߬، ߊ߬ ߣߌ߫ ߝߎ߲ߞߎ߲ ߠߎ߬߸ ߡߍ߲ ߠߎ߬ ߞߣߐ߫ ߝߋ߲߫ ߛߌߦߊߡߊ߲߫ ߕߊ߬ ߘߊ߫߸ ߏ߬ ߓߍ߯ ߕߘߍ߬ ߟߊߞߙߐ߬ߛߌ߬ ߟߊ߫ ߜߍ ߘߐ߫.
ߞߟߊ߬ߝߟߌ߬ߟߊ߫ ߗߍ߭ ߓߍ߯ ߓߘߊ߫ ߛߏ ߓߌ߬ߟߊ߬ ߝߊߦߌߘߊ߫
ߊ߲ ߕߠߊ߫ ߞߟߊ߬ߝߟߌ߬ߟߊ߬ ߞߎ߲ߝߊ߲ߓߐߟߌ ߝߍ߬߸ ߊ߲ ߞߵߊ߬ ߦߋ߫ ߟߋ߬ ߛߏ ߘߐߞߏߟߏ߲ߧߊߣߍ߲߫ ߗߍ߭ ߟߊ߫، ߊ߬ ߛߌ߰ߓߊ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ ߛߌߦߊߡߊ߲ ߓߏ߬ߙߌ߬ߣߍ߲߫ ߞߵߊ߬ߟߎ߬ ߛߊߙߌ߫ ߥߊ߭ ߟߋ߬ ߟߊ߫߸ ߊ߬ߟߎ߬ ߛߌߟߊ߲ ߞߏߛߐ߲߬ ߣߊ߲߬ߕߌ߮ ߟߎ߬ ߦߋ߫߸ ߡߍ߲ ߠߎ߬ ߦߴߊ߬ߟߎ߬ ߟߊ߫ ߛߏ ߞߣߐ߫ ߦߋ߲߬ ߤߊߟߌ߬ߛߊ߫.
ߘߋ߲ߡߌߛߍ߲ ߠߎ߬ ߟߊ߫ ߓߋߟߋ߲ߕߌ߮ ߊߡߙߊ߫ ߞߋߕߊ߬ ߞߊ߬ ߕߐ߲ߓߟߏߡߊ ߟߎ߬ ߖߙߊ߬ߞߌ߫ ߣߌ߲߬ ߞߏ ߘߐ߫ ߞߏߛߓߍ߫. <<ߊ߬ߟߎ߫ ߣߐ߬ ߊ߲ ߦߋ߫ ߟߊ߸ ߊ߬ߟߎ߫ ߞߊ߬ ߢߊߖߌߓߐߥߊߦߌ߲ ߝߌ߬ߟߌ ߘߊߡߌ߬ߣߵߊ߲ ߕߎ߫ ߘߐ߫߸ ߞߊ߬ ߕߊ ߛߎ߫ ߓߏ߲߫ ߃߁ ߖߊ߬ߕߋ߬ ߟߊ߫߸ ߞߵߊ߬ߟߎ߬ ߣߴߊ߬ߟߎ߬ ߞߣߐ߫ ߝߋ߲ ߓߍ߯ ߖߋ߬ߣߌ߲߬ ߛߎ ߝߍ߬.>> ߊߡߙߊ߫ ߞߵߏ߬ ߦߌ߬ߘߊ߬.
ߊ߬ ߞߵߊ߬ ߦߌ߬ߘߊ߬ ߞߏ߫ ߕߍ߮ ߞߍ߫ ߘߊ߫ ߡߐ߰ ߂߈ ߠߋ߬ ߘߐ߫߸ ߊ߬ߟߎ߬ ߟߊ߫ ߛߏ ߢߍߓߊ߯ ߝߌߟߊߣߊ߲ ߦߴߏ߬ ߘߐ߫߸ ߊ߬ ߣߌ߫ ߡߏ߬ߛߏ ߟߎ߬ ߣߌ߫ ߘߋ߲ߣߍ߲ ߠߎ߬، <<ߊ߬ߟߎ߫ ߞߊ߬ ߡߐ߰ ߉ ߓߌ߬ߟߊ߬ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲߸ ߓߊ߬ߙߌ߬ ߕߐ߭ ߟߎ߬ ߦߋ߫ ߥߛߎ ߟߊ߫ ߡߎߣߎ߲߬، ߡߏ߬ߛߏ ߘߏ߫ ߖߍ߬ߘߍ ߦߋ߫ ߥߛߎߟߊߘߏ߲ߓߊ߯ߕߐ ߏ߬ ߟߎ߬ ߘߐ߫߸ ߏ߬ ߟߎ߬ ߘߋ߲ߓߊߕߌ߮ ߟߋ߬߸ ߊ߬ߟߎ߬ ߘߋ߲ ߠߎ߬ ߦߴߊ߲ ߝߍ߬ ߦߊ߲߬ ߕߋ߲߬.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.
ߘߏ߲߬ߛߏ߬ߓߊ ߕߎ߲߬ ߕߴߦߋ߲߬ ߡߌ߬ߣߊ߬ߟߌ ߕߎ߬ߡߊ ߟߊ߫، ߘߎ߰ ߡߐ߮ ߟߎ߬ ߟߊ߫ ߝߐߟߌ߫ ߘߐ߫߸ ߕߐ߲ߓߟߏߡߊ ߟߎ߬ ߥߊ߫ ߘߊ߫ ߘߏ߲߬ ߊ߬ ߟߊ߫ ߟߎ ߡߊ߬߸ ߞߵߊ߬ ߘߋ߲ߞߍ߫ ߡߌ߬ߣߊ߬߸ ߞߊ߬ ߓߊ߲߫ ߞߵߊ߬ ߟߊ߫ ߟߎ ߡߎ߰ߡߍ ߖߋ߬ߣߌ߲߫ ߞߵߊ߬ ߞߍ߫ ߞߎߙߍ߫.
ߞߊ߬ߟߌߟߎ߬ ߞߏ߬ߣߊ߬ߕߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߡߏ߬ߛߏ߫ ߝߌ߬ߟߊ ߓߍ߯ ߡߌ߬ߣߊ߬ߣߍ߲߫ ߠߋ߬߸ ߏ߬ ߟߎ߬ ߦߋ߫ ߓߟߏߘߐ߫ ߕߋ߲߬، <<ߞߋߟߋ߲߫ ߦߴߊ߬ ߘߐ߫ ߖߍ߬ߘߍ߸ ߏ߬ ߦߋ߫ ߘߋ߲ߠߊߡߌ߲ ߠߋ߬ ߞߊ߲߬ ߕߋ߲߬߸ ߏ߬ ߘߋ߲ ߦߴߊ߲ ߝߍ߬ ߦߊ߲߬، ߊ߲ ߧߋ߫ ߣߐߣߐ ߟߋ߬ ߘߌ߫ ߟߴߏ߬ ߡߊ߬ ߕߋ߲߬߸ ߊ߬ ߕߍ߫ ߝߏߦߌ߬ ߟߊ߫ ߣߌ߫ ߞߊ߬ߛߌ ߕߍ߫.>>
ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߦߙߌߞߊ߫ ߟߋ߬ ߓߐ߬ߣߐ ߟߊߘߏ߲߬ߣߍ߲߫ ߡߐ߰ ߛߌߦߊߡߊ߲߫ ߞߎ߲߬
ߊ߲ ߛߋ߫ ߘߊ߫ ߟߎ ߡߍ߲ ߠߎ߬ ߞߣߐ߫߸ ߏ߬ ߟߎ߬ ߛߌߦߊߡߊ߲߫ ߦߋ߫ ߦߋ߲߬߸ ߊ߲ ߞߵߊ߬ߟߎ߬ ߞߏ߲ ߠߎ߬ ߘߐߕߌߢߍߣߍ߲ ߦߋ߫߸ ߞߵߊ߬ߟߎ߬ ߞߣߐߝߋ߲ ߠߎ߬ ߞߍ߫ ߢߐ߲߮ ߘߐ߫، ߛߏ߫ ߡߐ߮ ߟߎ߫ ߞߊ߬ ߛߏ߲߬ߧߊ߬ߟߌ߬ ߘߏ߬ ߛߌߦߊߡߊ߲߫ ߠߋ߬ ߝߐ߫.
ߛߋߞߎ߬ ߛߘߌ߬ߓߋ߫ ߞߵߊ߬ ߦߌ߬ߘߊ߬ ߞߏ߫: <<ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߈ ߠߋ߬ ߕߊ߬ ߘߊ߫ ߒߠߋ ߞߎ߲߬ ߦߊ߲߬߸ ߞߵߏ߬ ߟߊ߫ ߛߍߝߊ ߂߀ ߀߀߀ ߞߊ߲߬. ߣߊ߲߬ߕߌ߮ ߟߎ߫ ߞߵߊ߬ ߓߍ߯ ߕߊ߬.>>
ߗߍ߬ߡߐ߮
ߞߋߕߊ߬ ߡߍ߲ ߦߋ߫ ߛߣߍ߬ߞߍ߬ߟߊ߫
ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߓߕߐߟߊ ߕߏ߫ ߘߴߊ߬ ߝߊ߬ ߖߊ߲߬ߞߊ߬ߙߏ߬ߕߐ ߟߋ߬ ߝߍ߬ ߞߊ߲ߞߊ߲߫߸ ߊ߬ߟߎ߫ ߞߊ߬ ߟߌ߬ߤߟߊ߬ ߖߎ߮ ߣߌ߲߬ ߢߊߝߐ߫ ߊ߬ ߦߋ߫. <<ߊ߬ߟߎ߫
ߞߊ߬ ߒ ߞߟߌ߫ ߞߊ߬ ߒ ߠߊߟߐ߲ߠߌ߲߫ ߞߏ߫ ߕߐ߲ߓߟߏߡߊ ߟߎ߬ ߓߘߊ߫ ߘߏ߲߬ ߛߏ ߞߣߐ߫ ߞߊ߬ ߣߊ߬ ߕߊ ߛߎ߫ ߊ߲ ߠߊ߫ ߓߏ߲ ߠߎ߬ ߟߊ߫߸ ߞߵߊ߬ ߞߣߐߝߋ߲ ߓߍ߯ ߖߋ߬ߣߌ߲߬߸ ߊ߬ ߣߌ߫ ߔߏߔߏ߫ ߂ ߣߌ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߉߸ ߞߊ߬ ߓߊ߲߫߸ ߊ߬ߟߎ߫ ߞߊ߬ ߒ ߘߐ߯ߞߍ߫ ߛߊ߲߬ ߇ ߘߏ߫ ߡߌ߬ߣߊ߫ ߞߊ߬ ߥߴߊ߬ ߘߌ߫.>>
ߊ߬ ߞߵߊ߬ ߝߙߊ߬ ߞߎߡߊ ߞߊ߲߬ ߞߏ߫ : <<ߕߋ߲߭ߕߋ߲߭ ߣߌ߲߬ ߘߐ߫߸ ߊ߲ ߧߋ߫ ߛߌ߬ ߟߊ߫ ߥߊ߭ ߟߋ߬ ߘߐ߫ ߛߊ߲ߖߌ ߞߘߐ߫، ߌ ߓߊ߯ ߒ ߧߋ߫ ߛߏ ߞߣߐ߫ ߦߊ߲߬ ߕߋ߲߬߸ ߊ߬ ߝߐ ߡߍ߲ ߞߍߣߍ߲߫ ߞߏ߫ ߝߐ߰ߓߍ߬ߦߊ߬ߟߊ ߟߎ߬ ߦߋ߫ ߦߊ߲߬߸ ߏ߬ ߟߋ ߦߋ߫، ߣߴߏ߬ ߕߍ߫߸ ߕߐ߲ߓߟߏߡߊ ߟߎ߬ ߓߴߊ߲ ߧߋ߫߸ ߊ߬ߟߎ߬ ߦߴߊ߲ ߜߊ߬ߛߌ߬ ߟߊ߫ ߟߋ߬.>>
ߕߌߢߍߟߌ߫ ߞߋߟߋ߲߫ ߏ߬ ߟߋ ߞߍ߫ ߘߊ߫ ߞߊ߭ߟߎ߬ ߕߙߊߥߟߋ߫ ߝߣߊ߫ ߓߘߊ߸ ߏ߬ ߞߵߊ߬ ߦߌ߬ߘߊ߬ ߘߏ߫ ߊ߬ߟߋ ߟߊ߫ ߥߊߘߌ߫ ߛߌߦߊߡߊ߲߫ ߠߋ߬ ߕߊ߬ߣߍ߲߫ ߊ߬ߟߋ߬ ߓߘߊ ߣߌ߲߬ ߞߏߢߊ ߛߋ߲߭ߝߍ߬. <<ߊ߬ߟߎ߫ ߘߏ߲߬ ߘߊ߫ ߒߠߋ ߟߊ߫ ߡߣߐ߬ߓߏ߲ ߞߣߐ߫ ߞߊ߬ ߕߊ߬ߟߌ ߞߍ߫߸ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߅ ߕߊ߬ ߘߊ߫߸ ߞߵߏ߬ ߟߊ߫ ߟߌߞߐ߯ ߓߘߐ߫ ߁߁ ߞߊ߲߬߸ ߊ߬ߟߎ߬ ߥߊ߫ ߘߴߏ߬ ߘߌ߫، ߞߵߊ߬ ߛߐ߬ߘߐ߲߬߸ ߛߊ߬ߝߌ߬ߣߊ߬ ߓߘߐ ߡߍ߲ ߠߎ߬ ߦߋ߫ ߦߊ߲߬߸ ߛߋ߫ ߡߊ߫ ߞߍ߫ ߏ߬ ߟߎ߫ ߡߊ߬.>>
ߊߟߡߊߞߏ߫
ߞߋߕߊ߬ ߡߌ߲ ߦߋ߫ ߘߏ߲߬ߛߏ߬ߓߊ ߟߊ߫ ߓߐ߬ߟߐ߲߬ߞߊ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߓߣߐ߬ ߘߊ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߃߆ ߟߋ߬ ߟߊ߫ ߣߌ߲߬ ߞߏ ߘߐ߫߸ ߊ߬ ߞߴߏ߬ ߡߌ߲ ߛߐ߬ߘߐ߲߫ ߛߡߐ߬ߞߟߏ ߘߐ߫߸ ߏ߬ ߡߍ߲ ߦߋ߫ ߛߏ ߣߌ߲߬ ߛߌ߰ ߞߎ߲ߧߊ ߘߏ߫ ߘߌ߫ ߛߍ߬ߣߍ ߘߊߞߎ߲ ߘߐ߫ ߞߊ߬ߣߌ߲߬.
<<ߒ ߟߐ߬ߣߍ߲ ߕߏ߫ ߘߊ߫ ߦߊ߲߬ ߠߋ߬߸ ߞߵߊ߬ ߦߋ߫ ߊ߬ߟߎ߬ ߓߘߊ߫ ߕߊ ߛߎ߫ ߊ߲ ߠߊ߫ ߓߏ߲ ߠߎ߬ ߟߊ߫.>> ߊ߬ ߞߵߏ߬ ߝߐ߫. ߞߵߊ߬ ߟߴߊ߬ ߞߊ߲߬ ߝߣߊ߫: <<ߝߏߦߌ߬ ߣߴߊ߲ ߓߟߏ߫ ߦߊ߲߬ ߡߎ߬ߕߎ߲߬ ߊ߲ ߘߌ߫ ߡߍ߲ ߘߊߥߎ߲߫: ߓߊߟߏ ߓߘߊ߫ ߖߋ߬ߣߌ߲߬߸ ߓߏ߲ ߣߴߊ߬ ߞߣߐߝߋ߲ ߓߍ߯߸ ߤߊߟߌ߬ ߒ ߠߊ߫ ߡߛߏ߬ߦߊ߬ ߡߎߙߊ߲߸ ߞߴߏ߬ ߟߋ߫ ߖߌ߬ߣߍ߫ ߕߊߡߊ߲ ߞߋ߲߬ߥߟߎ߬ ߃߆ ߞߊ߲߬߸ ߊ߬ ߓߍ߯ ߟߋ߬ ߕߏߣߴߊ߬ ߘߐ߫.>>
ߡߛߏ߬ ߜߘߍ߫ ߝߣߊ߫ ߞߢߊ߬ߣߍ߲ ߟߊߣߍ߲߫ ߕߍ߬ߘߍ߫ ߊ߬ߟߎ߬ ߟߊ߫ ߟߎ ߡߊ߬߸ ߞߵߊ߬ ߛߐ߬ߘߐ߲߬ ߥߊߦߌ߲ ߡߊ߫ ߓߊ߲߫ ߊ߬ ߓߌ߬ߟߊ߬ ߟߊ߫ ߡߎߣߎ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߓߣߐ߬ ߘߊ߫ ߖߌ߬ߣߍ߬ ߕߊߡߊ߲ ߅ ߅߀߀ ߀߀߀ ߣߌ߫ ߓߌ߲ߝߊ߯ߟߊ߲ ߝߎߝߎ߫ ߣߊ߯ߣߌ߲߫ ߠߋ߬ ߟߊ߫ ߣߌ߲߬ ߞߏ ߘߐ߫߸ ߞߊ߬ ߕߊ߲߫ ߞߊ߬ ߕߊ ߛߎ߫ ߊ߬ߟߎ߬ ߟߊ߫ ߓߏ߲ ߠߊ߫.
ߛߋ߫ ߞߍ߫ ߘߊ߫ ߟߋ߬ ߘߊ߲ߘߊߛߏ ߡߊ߬߸ ߡߛߏ߬ߞߘߐ߬ ߞߋߟߋ߲߫ ߝߣߊ߫ ߓߣߐ߬ ߘߴߊ߬ ߣߌ ߘߐ߫
ߓߊ߲߬ߖߎ߮
ߞߡߊ߬ߙߊ߬ ߡߍ߲ ߦߋ߫ ߘߊ߲ߘߊߟߌ߫ ߓߏ߲ ߞߎ߲߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߛߋ߫ ߞߍ߫ ߟߋ߬ ߘߊ߲ߘߊߟߌ߫߫ ߦߙߐ ߝߣߊ߫ ߡߊ߬. <<ߊ߬ߟߎ߫ ߘߏ߲߬ ߘߊ߫ ߟߋ߬ ߜߋ߬ߕߋߜߋ߭ ߘߌ߫ ߞߏߞߏ ߞߣߐ߫ ߦߊ߲߬߸ ߞߊ߬ ߢߊߖߌߓߐߥߊߦߌ߲ ߝߟߌ߬ ߘߊ߲ߘߊߛߏ ߞߣߐ߫ ߦߊ߲߬.>>
ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߞߊ߬ ߡߐ߰ ߞߐ߬ߣߐ߲߬ߘߐ߫ ߟߋ߬ ߟߊߛߐ߬ߘߐ߲߬߸ ߡߍ߲ ߠߎ߬ ߕߘߍ߬ ߓߊ߯ߖߌ߫ ߟߊ߫߸ ߊ߬ ߣߌ߫ ߣߌߟߊߞߟߌ߫ ߖߊߒߘߐ ߕߘߍ߬ ߘߏ߫ ߟߎ߫ ߞߊ߲߬ ߥߊߦߌ߲ ߞߏߛߐ߲߬، ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߖߍ߬ߘߍ ߛߙߋߦߊ߫ ߘߊ߫ ߡߛߏ߬ߞߘߐ ߘߏ߫ ߞߏ߬ߙߌ߬ߣߍ߲ ߟߊߣߍ߲ ߡߊ߬ ߘߊ߲ߘߊߛߏ ߟߊ߫ ߦߋ߲߬.
ߊߡߙߊ߫
ߞߓߊ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߥߊߦߌ߲ ߠߋ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ߟߋ ߝߊ߫ ߓߐ߬ߣߐ߫ ߊ߬ ߣߌ ߘߐ߫߸ ߡߛߏ߬ߞߘߐ ߏ߬ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߇߀ ߤߊ߲߯ ߈߀ ߖߊ߬ߕߋ߬ ߘߐ߫. <<ߒ
ߣߊ߬ [...] ߖߊ߲߬ߞߊ߬ߙߏ߬ߕߐ߫ ߕߎ߲߬
ߕߍ߫߸ ߝߏߦߌ߬ ߕߎ߲߬ ߕߴߊ߬ ߟߊ߫، ߞߐ߬ߟߏ߲ ߖߍ߬ߘߍ߸ ߊ߲ ߓߍ߯ ߟߋ߬ ߕߍ߬ߘߍ߫ ߛߍ߬ߣߍ ߘߐ߫ ߢߐ߲߯ ߝߍ߬.>>
ߊ߬ ߘߋ߲ߞߍ߫ ߝߟߐ ߟߊ߫ ߝߐߟߌ߫ ߘߐ߫߸ ߡߛߏ߬ߞߘߐ ߛߊ߬ ߘߊ߫ ߥߊ߭ ߟߋ߬ ߘߐ߫ ߛߏ߫ ߞߐߞߊ߲߬ ߌߞߘߐ߫، ߞߊ߬ߕߎ߲߯߸ ߥߊߦߌ߲ ߝߌ߬ߟߌ ߡߍ߲ ߞߍ߫ ߘߊ߫߸ ߊ߬ߟߎ ߕߍ߬ߘߍ ߏ߬ ߕߋ߬ ߘߊ߲ ߖߊ߬ߕߋ߬ ߟߊ߫ ߡߊ߬ߙߌ߬ߝߊ߬ ߡߊ߲ߞߊ߲ ߠߋ߬ ߘߌ߫، ߏ߬ ߞߣߐ߬ߢߊ ߕߊ߬ߣߍ߲ ߞߵߊ߬ ߟߊ߫ ߥߊߦߌ߲ ߝߣߊ߫ ߡߊ߲߬ߕߙߐ ߞߊ߲߬߸ ߓߍ߯ ߛߊߙߌ߫ ߢߊ ߟߋ߬ ߞߍߣߍ߲߫ ߥߊ߭ ߟߊ߫ ߏ߬ ߘߌ߫، ߒ߬ߓߊ߬߸ ߡߛߏ߬ߞߘߐ ߝߣߊ߫ ߞߎ߲߬ߞߊ߬ߘߊ߲߬ߕߐ߬ߟߊ ߏ߬ ߟߋ ߕߏߣߍ߲߫ ߞߵߊ߬ ߛߌ߲߫ ߥߊ߭ ߟߊ߫߸ ߊ߬ ߛߎ߭ ߟߋ߬ ߦߋ߫ ߘߊ߫ ߣߛߌ߬ߜߍ߲߬ߠߊ߬ ߟߎ߬ ߓߟߏ߫ ߡߎ߬ߕߎ߲߬ ߛߊ߫߸ ߞߵߊ߬ ߝߐ߫ ߛߏ߫ ߞߣߐ߫ ߡߐ߮ ߟߎ߬ ߦߋ߫.
ߊ߲ ߞߊ߬ ߘߊ߲ߘߊߟߌߟߊ ߡߊߢߌ߬ߣߌ߲߬ߞߊ߫ ߞߐߞߊ߲߬ ߞߏߢߊ߬߸ߏ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ ߓߍ߲߬ ߟߊ߬ߡߊ߰ߟߊߡߊ߮ ߟߊ߫ ߥߊ߬ߙߊ ߡߊ߬߸ ߊ߬ߟߎ ߡߊ߫ ߛߋ߫ ߡߊ߬ߝߟߍ߬ߟߌ߬ ߞߍ߫ ߟߊ߫ ߡߛߏ߬ߞߘߐ ߟߊ߫߸ ߞߵߊ߬ ߟߊ߫ ߛߊ߬ߦߊ ߛߓߊߓߎ ߟߐ߲߫، ߛߏ߫ ߞߣߐ߫ ߡߐ߮ ߟߎ߫ ߞߏ߬ߣߌ߲ ߞߊ߲߫ ߞߏ߫ ߥߊߦߌ߲ ߠߋ߬ ߞߵߊ߬ ߝߊ߰، ߏ߬ ߘߐ߫߸ ߝߐ߫ ߢߊ߫ ߜߘߍ߫ ߕߴߊ߬ ߟߊ߫ ߛߏ߫ ߡߐ߮ ߟߎ߬ ߕߊ ߏ߬ ߞߍ ߞߐ߫ ߡߎߣߎ߲߬.
ߞߊ߲ߞߊ߲߫ ߡߙߊ߬ߓߊ߮ ߞߊ߬ ߞߟߊ߬ߝߟߌ߬ߟߊ߬ߞߊ ߟߎ߫ ߟߋ߬ ߖߙߊ߬ߞߌ߬߸ ߞߏ߫ ߊ߬ߟߎ߬ ߥߊ߫ ߘߊ߫ ߓߊ߰ ߣߊ߲߬ߕߌ߮ ߟߎ߬ ߟߊ߫ ߞߏ߲ߞߏ߫ ߞߣߐ߫ ߘߊ߮ ߡߊ߬ ߞߵߊ߬ߟߎ߬ ߞߍ߫ ߦߋ߲߬ ߞߊ߲߬. <<ߊ߬ߟߎ ߟߋ߬ ߥߊߣߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߟߊ߫ ߘߊ߮ ߞߊ߲߬߸ ߞߵߊ߬ ߘߐߕߌߢߍ߫߸ ߞߊ߬ ߡߙߊ߬ߒ߬ߡߊ߬ߝߋ߲ ߠߎ߬ ߕߊ߬>>
ߞߟߊ߬ߝߟߌ߬ߟߊ߬ߞߊ ߟߎ߬ ߞߊ߲߫ ߞߏ߫ ߓߟߐ߬ߛߏ߬ߞߊ ߟߎ߬ ߟߊ߫ ߣߊ߬ߟߌ ߜߏߡߊ߲߫ ߕߍ߫ ߊ߬ߟߎ ߦߋ߫ ߘߋ߬، ߊߡߙߊ߫ ߞߋߕߊ߬ ߞߵߏ߬ ߦߙߐ ߟߋ߬ ߘߐߞߣߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߟߊߕߊ߯ߡߊ߫ ߢߊ ߝߊ߰ߡߊ ߟߎ߬ ߓߟߏ߫߸ ߏ߬ ߟߋ ߡߊ߫ ߘߌߦߴߊ߬ߟߎ߬ ߦߋ߫، ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫ ߞߊ߲ߞߊ߲߫ ߡߙߊ߬ߓߊ߮߸ ߝߊߙߌ߲߫ ߡߏ߬ߤߊ߬ߡߍߘ ߢߊ߲ߜ߭ ߡߴߊ߬ߟߎ߬ ߟߊ߫ ߓߍ߲߬ߡߊ߬ߞߊ߲ ߓߐ߫ ߊ߬ ߛߌߟߊ ߝߍ߬، <<ߓߟߏ߬ߛߏ߬ߞߊ ߟߎ߬ ߟߊ ߣߊ߬ߟߌ ߜߏߡߊ߲߫ ߕߴߊ߲ߠߎ߬ ߦߋ߫߸ ߊ߲ߠߎ߬ ߦߋ߫ ߛߊ߬ߙߌ߬ߦߊ ߟߋ߬ ߞߐ߫߸ ߏ߬ ߦߋ߫ ߟߊߓߊ߯ߙߊ߫ ߞߊ߬ ߖߏ ߘߌ߫ ߖߏߕߌ߮ ߡߊ߬߸ ߞߊ߬ ߖߙߊ߬ߞߌ߬ߕߌ߮ ߖߙߊ߬ߞߌ߬، ߏ߬ ߟߋ ߞߏߛߐ߲߬߸ ߊ߲ߠߎ߬ ߞߊ߬ ߡߙߊ߬ߓߊ߮ ߟߊߟߐ߲ߠߌ߲߫߸ ߞߏ߬ߣߌ߲߬ ߊ߲ ߞߊ߬ ߡߎ߲߬ ߦߋ߫߸ ߊ߬ߟߋ ߞߊ߬ ߜߋ߬ߕߋߜߋ߭ ߟߊߣߵߊ߲ߠߎ߬ ߞߊ߲ߡߊ߬، ߝߊ߰ߡߊ ߟߎ߬ ߞߊ߫ ߘߊ߲߫ ߞߵߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ߸ ߛߊ߫ ߖߛߎ߬ߛߎߡߊ ߘߌ߫ ߘߏ߲߬߸ ߦߊ߬ߣߴߊ߬ߟߎ߬ ߦߴߊ߬ߟߎ߬ ߟߊ߫ ߘߏ߫ ߝߍ߬.>>
ߞߟߊ߬ߝߟߌ߬ߟߊ߫ ߛߏ ߞߣߐ߫ ߦߋ߲߬߸ ߊ߲ ߞߵߊ߲ ߛߎߡߊ߲߫ ߣߊ߲߬ߕߌ߮ ߟߎ߬ ߝߣߊ߫ ߝߍ߬ߟߊ ߟߐ߲߫ ߞߏ ߘߐ߫߸ ߛߴߊ߲ ߘߌ߫ ߦߋ߲߬ ߕߌߢߍߟߌ߫ ߞߍߣߍ߲ ߠߎ߬ ߖߌ߬ߦߊߕߊ߬، ߓߊ߬ߙߌ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߖߡߊ߬ߙߌ߬ߞߊ߲߬ߠߊ߫ ߛߐ߬ߘߐ߲߬ ߞߊ߬ ߝߘ ߊ߬ߟߎ߬ ߛߊ߲ߝߍ߫ ߡߐ߮ ߟߎ߬ ߟߊ߫، ߊ߲ ߞߐߛߊ߬ߦߌ߲ ߞߊ߲ߞߊ߲߫߸ ߊ߲ ߞߵߊ߲ ߡߊߝߟߍ߫ ߡߙߊ߬ߓߊ߮ ߝߣߊ߫ ߦߋ߫ ߞߏ ߘߐ߫ ߛߴߊ߲ ߘߌ߫ ߟߊ߬ߞߙߐ߬ߛߟߌ߬ ߞߍߣߍ߲ ߠߎ߬ ߢߊߝߐ߫ ߊ߬ ߦߋ߫߸ ߓߊ߬ߙߵߊ߬ ߡߊ߫ ߕߎ߬ߡߊ߬ ߘߴߊ߲ ߡߊ߬.
ߞߟߊ߬ߝߟߌ߬ߟߊ߬ ߞߣߐ߫ ߕߋ߲߬߸ ߊ߬ ߕߌߢߍߟߌ߫ ߞߍߣߍ߲ ߠߎ߬ ߕߍ߫ ߞߣߐߘߌߡߌ߲߫ ߘߌ߫߸ ߢߊߘߌߡߌ߲ ߠߋ߬، ߝߏ߫ ߛߊ߬ߙߌ߬ߦߊ߫ ߟߋ߬ ߞߏ߬ߣߌ߲ ߦߋ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߦߋ߲߬߸ ߞߵߊ߬ ߟߐ߲߫߸ ߖߐ߲߫ ߠߎ߫ ߞߊ߬ ߕߌߢߍߟߌ ߏ߬ ߟߎ߬ ߞߍ߫، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߛߏ߫ ߡߐ߮ ߟߎ߬ ߦߋ߫ ߣߊ߲߬ߕߌ߮ ߟߎ߫ ߟߋ߬ ߖߙߊ߬ߞߌ߬ ߟߴߊ߬ ߞߏ ߘߐ߫.
Aucun commentaire pour le moment.