ߡߙߊ߬ߒ߬ߡߊ߬ߟߌ߬ ߛߌߦߊߡߊ߲ ߡߍ߲ ߠߎ߬ ߞߍ߫ ߘߊ߫ ߡߊ߬ߟߌ ߞߣߐ߫ ߞߎ߲߬ߢߐ߰ ߟߊ߬ߖߌ߮ ߣߌ߲߬ ߝߍ߬߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߊ ߣߐ߬ ߏ߬ ߞߏ ߘߐߜߏߦߊ߫ ߟߊ߫ ߟߋ߬ ߔߐߕߌ߫، ߞߊ߬ߕߎ߲߯߸ ߊ߬ߟߋ߬ ߡߙߊ߬ߒ߬ߡߊ߬ߟߌ ߟߋ߬ ߘߐ߫߸ ߡߊ߬ߟߌ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߣߌ ߕߏ߫ ߘߴߊ߬ ߘߐ߫߸ ߊ߬ ߣߌ߫ ߞߊ߬ ߞߌ߬ߘߊߟ ߟߊ߫ ߖߎ߮ ߟߎ߬ ߕߊ߫ ߓߟߏ߫ ߞߊ߲߬߸ ߞߵߊ߬ ߓߐ߫ ߖߡߊ߬ߣߊ ߗߍ߬ߘߋ߲ ߠߎ߬ ߓߟߏ߫.

ߒ߬ߓߊ߬߸ ߡߟߛ ߞߊ߬ ߝߐ߰ߓߍ߬ ߟߊߘߍ ߘߏ߫ ߟߋ߬ ߞߍ߫ ߣߌߦߐߙߑߞߎ߬߸ ߛߑߕߋߝߊߣ ߘߎߖ߭ߊߙߌߞ  ߡߍ߲ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߝߘߏ߬ߓߊ߬ ߞߟߊ߬ߕߌ߮ ߟߊ߫ ߓߋߟߋ߲ߕߌ߮ ߘߌ߫߸ ߏ߬ ߞߊ߬ ߊ߲ߕߏߣߌߦߏ ߜ߭ߎߕߋߙߍߛ ߡߙߌߦߊ ߦߌ߬ߘߊ߫ ߖߊ߬ߡߊ ߟߊ߫߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߡߊ߬ߟߌ ߖߡߊ߬ߣߊ߬ߘߋ߲ ߠߎ߬ ߝߍ߬ ߣߌ߲߬ ߞߏ ߘߐ߫߸ ߛߎ߬ߣߎ߲ ߦߴߊ߬ߟߎ߬ ߓߍ߯ ߟߋ߬ ߟߊ߫ ߓߏ߲ߘߊ ߟߊ߫، ߞߊ߬ ߓߍ߲߬ ߥߊ߬ߥߎ߬ߟߋ߬ ߞߎߘߊ߫ ߕߍ߰ߣߍ߲ ߣߌ߲߬ ߕߙߐߦߊ ߡߊߜߏ߬ߙߏ ߡߊ߬.

<<ߝߘߏ߬ߓߊ߬ ߞߟߊ߬ߕߌ߮ ߦߴߊ߬ ߞߊ߲ߠߊߘߌ߫ ߟߊ߫ ߘߎߢߊ߫ ߡߊ߬ ߘߍ߬ߡߍ߲߬ߠߌ߲߬ ߞߏ ߘߐ߫߸ ߖߐ߲߰ߛߊ߫ ߜߘߋߜߘߋߦߊ ߡߊ߬ߓߊ߬ߓߊ߰ߟߌ߬ ߓߟߋߓߟߋ ߢߌ߲߬ ߠߎ߬ ߘߌ߫ ߟߊߘߊ߲߬ ߢߊ ߡߍ߲ ߡߊ߬߸ ߞߊ߬ ߘߊ߲߭ߛߌ߰ ߓߊ߰ߓߊ߰ߟߌ ߟߊ߫ ߞߌ߬ߢߍ߬ߞߏ߲ߞߏ߫ ߞߊ߲߬، ߊ߬ ߣߌ߫ ߞߊ߬ ߛߋ߫ ߡߐ߱ ߟߎ߬ ߝߣߊ߫ ߡߊߘߍ߬ߡߍ߲߬ ߠߊ߫ ߓߊߟߞߏ ߣߌ߫ ߞߍ߲ߘߍߦߊ߫ ߞߏ ߘߐ߫.>> ߛߑߕߋߝߊߣ ߘߎߖ߭ߊߙߌߞ ߟߋ߬ ߞߵߏ߬ ߝߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߲ߕߏߣߌߦߏ ߜ߭ߎߕߋߙߍߛ ߟߊ߫ ߟߊ߬ߢߌߣߌ߲ ߦߋ߫ ߡߍ߲ ߘߌ߫߸ ߏ߬ ߟߋ ߓߍ߯ ߘߍ߭ ߘߌ߫ ߢߐ߲߯ ߝߍ߬߸ ߞߊ߬ ߛߋ߫ ߟߌ߬ߤߟߊ ߟߎ߬ ߘߌ߫ ߟߊ߫ ߢߐ߲߮ ߡߊ߬߸ ߞߊ߬ ߛߋ߫ ߥߟߌ߬ ߟߊ߫ ߞߋߟߋ߲ߘߌ߫ ߓߊ߰ߓߊ߰ߟߌ߬ߟߊ ߢߌ߲߬ ߠ߫ߎ ߞߍ߬ߟߍ ߘߐ߫، ߊ߬ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫ ߞߏ߫: <<ߘߏ߲߬ߖߟߎ߬ߡߊ߬ߟߌ߸ ߊ߬ ߣߌ߫ ߓߊ߯ߙߊ߫ ߢߐ߲߰ ߝߍ ߟߋ߬ ߞߍߕߊ ߘߌ߫ ߟߊ߬ߞߊ߲߬ߘߊ߬ߟߌ ߓߊ߲ߓߊ߲ ߘߐ߫ ߕߟߋ߬ߓߋ߬ ߊߝߙߌߞߌ߬ ߞߣߐ߫.>>

ߡߊ߬ߟߌ ߛߊ߲߬ ߦߙߌߞߊ ߟߋ߬ ߓߊ߰ߓߊ߰ߟߌ ߕߍߡߊ߬ ߕߋ߲߬߸ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߓߘߊ߫ ߥߙߊ߬߸ ߊ߬ߟߎ߬ ߟߊ߫ ߟߊߞߊ߲ߘߊ ߓߘߊ߫ ߝߛߏ߬ߝߛߊ߬߸ ߞߊ߬ ߜߟߍ߬ߦߊ ߟߊߘߏ߲߬ ߖߡߊ߬ߣߊ ߞߐ߰ߘߎ߮ ߘߐ߫߸ ߊ߬ ߣߴߊ߬ ߕߊ߲ߓߊ߲ ߘߐ߫.

ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߓߘߊ߫ ߤߊߡߌ߲߫ ߡߐ߱ ߟߎ߬ ߘߌ߫ ߏ߬ ߟߋ ߘߐ߫߸ ߜߟߍ߬ߦߊ ߞߏߛߐ߲߬ ߓߊߟߞߏ ߣߌ߫ ߞߍ߲ߘߍߦߊ߫ ߞߏ ߘߐ߫، ߞߊ߬ ߞߐ߲߰ ߞߏ߲ߞߏߘߓߌ ߡߙߊ߬ߒ߬ߡߊ߬ߟߌ ߣߌ߲߬ ߢߍ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߫ ߖߊ߬ߕߋ߬ ߓߐߣߍ߲ ߘߏ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߞߋ߲߬ߥߟߎ߬ ߆،߄ ߠߋ߬ ߡߊ߬ߞߏ ߦߋ߫ ߊߘߡߊߦߊ ߘߍ߬ߡߍ߲ ߠߊ߫ ߡߊ߬ߟߌ ߞߣߐ߫، ߡߐ߰ ߞߋ߲߬ߥߟߎ߬ ߁،߅ ߓߍ߫ ߦߋ߲߬ ߝߣߊ߫߸ ߡߍ߲ ߠߎ߬ ߦߋ߫ ߓߊߟߏ߫ ߞߏߖߊ ߘߝߊߣߍ߲ ߘߐ߫.

ߛߑߕߋߝߊߣ ߞߊ߲߫ ߞߏ߫ ߡߐ߰ߦߊ ߡߊߘߍ߬ߡߍ߲ ߝߊ߲߬ߝߘߊ ߡߍ߲ ߕߍ߰ ߘߊ߫߸ ߏ߬ ߟߋ ߕߘߍ߬ ߘߟߊ ߞߋ߲߬ߥߟߎ߫ ߅߇߈ ߘߌ߫߸ ߡߍ߲ ߛߋ߫ ߘߊ߫ ߖߐ߰ߣߍ߬ߦߊ߬ ߟߴߏ߬ ߘߐ߫߸ ߏ߬ ߟߋ %߁߃ ߘߐߙߐ߲߫ ߘߌ߫، ߏ߬ ߟߋ ߞߘߐ ߦߴߏ߬ ߘߌ߫ ߞߏ߫ ߡߟߛ ߡߊ߬ߞߏ ߦߋ߫ ߘߍ߬ߡߍ߲߬ ߛߌߦߊߡߊ߲߫ ߠߊ߫ ߡߎߣߎ߲߬߸ ߞߵߊ߬ ߛߐ߬ߘߐ߲߬ ߞߏ ߟߎ߬ ߦߋ߫ ߕߊ߬ߡߌ߲߬ ߠߊ߫ ߥߊ߬ߙߊ ߞߊ߲߬.