ߟߓߌߞߊ ߡߐ߰ ߗߡߍ߬ ߦߙߌߞߊ߫ ߟߋ߬ ߓߐ߫ ߘߊ߫ ߛߌߟߊ ߞߊ߲߬ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߄ ߡߊ߬ ߕߙߌߔߏߟߌ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߛߓߍߘߊ ߘߊߞߘߐߟߊ ߘߐ߫، ߊ߬ߟߎ߬ ߟߊ߫ ߓߐߟߌ ߞߎ߲߭ ߦߋ߫ ߡߎ߲߬ ߘߌ߫߸ ߞߏ߫ ߕߊ߯ߡߊߘߋ߲߫ ߛߌߦߊߡߊ߲߫ ߠߋ߬ ߦߋ߫ ߊ߬ߟߎ߬ ߟߊ߫ ߞߎߓߋߘߊ ߞߌ߲߬ߘߊ ߟߎ߬ ߞߣߐ߫߸ ߡߍ߲ ߠߎ߬ ߕߍ߫ ߛߊ߬ߙߌ߬ߦߊ߬ ߞߣߐ߫، ߏ߬ ߘߐ߫߸ ߞߏ߫ ߝߏ߫ ߞߵߏ߬ ߟߎ߬ ߟߊߓߐ߫ ߟߋ߬ ߟߓߌ߫ ߘߎ߰ߞߟߏ ߞߊ߲߬ ߝߋߝߋ߫.

ߊ߬ߟߎ߫ ߞߊ߬ ߢߐ߲߯ ߞߟߌ ߟߋ߬ ߞߍ߫ ߘߍ߬ߞߙߏߝߏ ߟߎ߫ ߞߊ߲߬߸ ߞߟߌߟߌ ߏ߬ ߟߊߡߌ߬ߣߊ ߘߐ߫߸ ߊ߬ߟߎ߫ ߞߵߊ߬ߟߎ߬ ߢߐ߲߮ ߠߊߘߍ߬߸ ߝߎߝߎ߫ ߥߎߟߋ߲ ߠߎ߬ ߦߴߊ߬ߟߎ߬ ߓߟߏ߫߸ ߞߵߏ߬ ߞߍ߫ ߊ߬ߟߎ߫ ߥߊ߬ߣߌ߲߬ߞߋ ߦߌ߬ߘߊ߬ߟߊ߲ ߘߌ߫߸ ߛߊ߫ ߕߊ߯ߡߊߘߋ߲ ߏ߬ ߟߎ߬ ߘߌ߫ ߓߐ߫ ߟߓߌ߫ ߞߣߐ߫ ߢߊ ߡߍ߲ ߡߊ߬، ߞߎߡߊ߫ ߛߌߦߊߡߊ߲߫ ߠߋ߬ ߕߍ߬ߘߍ߫ ߊ߬ߟߎ߬ ߘߊ߫ ߦߋ߲߬߸ ߦߏ߫: <<ߊ߲ ߕߍ߫ ߕߊ߯ߡߊߘߋ߲ ߠߎ߬ ߣߌ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ߫ ߝߍ߬ ߦߊ߲߬.>> ߊ߬ ߣߌ߫ ߞߏ߫: <<ߟߓߌ߫ ߦߋ߫ ߟߓߌߞߊ ߟߎ߬ ߕߊ ߟߋ߬ ߘߌ߫.>>

ߥߊߞߌߛߦߊ ߣߌ߲߬ ߕߘߍ߬ߒ߬ߘߐ߬ߓߊ߮ ߟߎ߬ ߞߊ߲߫ ߝߣߊ߫߸ ߞߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߛߓߍߘߊ ߡߍ߲ ߦߴߊ߬ߟߎ߬ ߓߘߊ ߦߋ߲߬ ߕߊ߯ߡߊߘߋ߲ ߠߎ߬ ߣߌ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߞߏ ߞߎ߲߬ߠߊ߫߸ ߞߏ߫ ߞߵߏ߬ ߘߊߕߎ߲߯، ߞߊ߬ߕߎ߲߯߸ ߞߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߋ߬ ߕߊ߫ߡߊߘߋ߲ ߠߎ߬ ߟߊ߫ ߞߏ ߘߎ߰ߞߘߐ߬ߞߓߊ߬ߦߊ ߟߊ߫ ߟߓߌ߫ ߘߎ߯ߞߟߏ ߞߊ߲߬.

ߊ߬ߟߎ߬ ߟߊ߫ ߛߓߍߟߌ߫ ߞߍߣߍ߲ ߠߎ߬ ߘߐ߫߸ ߌߕߊߟߌ߫ ߞߏߕߌ߯ ߝߟߐ߫ ߡߛߏ ߖ߭ߌߦߐߙߑߖ߭ߌߦߊ ߡߋߟߏߣߌ߫ ߞߘߐߡߊߕߍ߰ ߞߊ߲ ߠߎ߬ ߕߍ߬ߘߍ߫ ߊ߬ ߘߐ߫، ߊ߬ߟߎ߫ ߞߵߊ߬ߟߎ߬ ߡߊߝߌ߲߬ ߠߋ߬߸ ߞߏ߫ ߊ߬ߟߎ߬ ߓߘߊ߫ ߟߓߌ߫ ߟߋ߬ ߞߍ߫ ߕߊ߯ߡߊߘߋ߲ ߠߎ߬ ߟߊ߫ ߛߍ߰ ߟߊ߬ߢߐ߬ߢߐ߲߬ ߦߙߐ ߘߌ߫ ߞߊ߬ ߋߙߐߔߎ߬ ߟߊߛߐ߬ߘߐ߲߬، ߘߏ߫ ߟߎ߫ ߟߊ߫ ߞߎߡߊ ߟߎ߬ ߘߐ߫߸ ߞߏ߫ ߓߍ߲߬ߞߊ߬ ߛߌ߫ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߕߊ߯ߡߊߘߋ߲ ߠߎ߬ ߟߊߡߍ߲߫ ߟߓߌ߫ ߘߎ߰ߞߟߏ ߞߊ߲߬߸ ߊ߬ߟߎ߬ ߕߴߏ߬ ߝߍ߬ ߡߎ߰ߡߍ߫.

ߞߊ߬ ߓߍ߲߬ ߡߊ߬ߝߌ߲߬ߞߊ߲߬ߠߊ ߏ߬ ߟߎ߫ ߟߋ߬ ߡߊ߬ ߛߊ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߡߊߘߍ߬ߡߍ߲߬ ߗߋߦߊߟߌ ߡߍ߲ ߦߋ߫ ߟߓߌ߫߸ ߏ߬ ߟߎ߬ ߞߎߡߊ߫ ߘߊ߫ ߓߌߟߏ߲ ߥߎ߬ߙߊ ߝߍ߬، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߕߊ߬ߣߍ߲ ߞߵߊ߬ ߟߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߓߟߏߝߘߊ ߕߐ߭ ߟߎ߫ ߞߊ߲߬߸ ߊ߬ߟߎ߫ ߛߋ߲߬ ߛߌ߫ ߕߍ߫ ߕߊ߫ߡߊߘߋ߲ ߠߎ߬ ߟߊߛߌ߰ ߞߏ ߘߐ߫ ߟߓߌ߫ ߞߣߐ߫. ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ <<ߥߎߦߊߜߍ>> ߟߋ߬ ߣߌ߲߬ ߕߐ߮ ߟߊ ߘߌ߫ ߊ߬ߟߎ߫ ߞߎ߲߬ ߝߋߝߋ߫.

ߊߟߎ߫ ߦߴߊ߬ ߟߐ߲߫߸ ߞߊ߬ߦߌ߯ ߞߘߊߝߌ߫ ߟߊ߫ ߡߊ߬ߙߊ ߕߌߢߍ߫ ߘߊ߫ ߦߋ߲߬ ߂߀߁߁ ߠߊ߫߸ ߣߴߊ߬ ߞߎ߲߭ ߕߏ߫ ߘߴߊ߬ ߖߏ߲߬ߖߊ߲ ߘߐ߫߸ ߏ߬ ߞߊ߬ ߟߓߌ߫ ߓߌ߬ߟߊ߬ ߥߏߦߌ߯ߞߏ߲߬ߓߊ ߟߋ߬ ߘߐ߫߸ ߞߊ߬ ߓߊߛߌ߯ߓߊߟߌߦߊ ߛߌ ߓߙߎ߬ߞߎ߬، ߖߡߊ߬ߣߊ ߘߐߝߘߊߣߍ߲߫ ߡߊ߬ߡߙߊ߬ߟߌ߬ߟߊ߫ ߝߌ߬ߟߊ߫ ߟߋ߬ ߕߍ߫: ߡߊ߲߬ߕߏ߲߬ ߠߊߘߍ߬ߣߍ߲ ߞߊ߬ ߞߎ߲߬ߠߊߊ߬ߛߌ߮ ߡߍ߲ ߠߎ߬ ߡߊߟߐ߲߫߸ ߣߴߊ߬ߟߎ߬ ߦߋ߫ ߕߙߌߔߏߟߌ߫߸ ߊ߬ ߣߌ߫ ߜߘߋߕߌ߯ ߞߊ߬ߟߌߝߊ߬ ߤߊߝߑߕߊߙ ߝߣߊ߫ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߡߍ߲ ߦߋ߫ ߕߟߋ߬ߓߐ߬ ߝߊ߲ ߝߍ߬.

ߏ߬ ߡߊ߲߬ߞߊ߲ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߟߓߌ߫ ߞߍ߫ ߕߊ߯ߡߊߘߋ߲ ߠߎ߬ ߟߊ߫ ߘߏ߲߰ߠߌ߲߬ߘߏ߲߰ߠߌ߲߬ ߦߙߐ ߘߌ߫، ߡߍ߲ ߠߎ߬ ߦߋ߫ ߓߐ߫ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߣߌ߫ ߊߛߌ߫ ߟߎ߫ ߘߐ߫ ߕߋ߲߬߸ ߏ߬ ߟߎ߬ ߓߍ߯ ߦߋ߫ ߕߊ߬ߡߌ߲߬ ߠߊ߫ ߟߓߌ߫ ߟߋ߬ ߝߍ߬ ߞߊ߬ ߋߙߐߔߎ߬ ߟߊߡߌ߬ߣߊ߬، ߕߊ߯ߡߊߘߋ߲ ߠߎ߬ ߟߊ߫ ߛߌ߲߬ߝߏ߲߬ߘߊ ߞߵߊ߬ ߦߌ߬ߘߊ߬ ߞߏ߫ ߂߀߂߄ ߕߍߡߊ߫ ߝߊ߲ ߝߍ߬߸ ߕߊ߯ߡߊߘߋ߲ ߠߎ߬ ߣߌ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߉߀߀ ߀߀߀ ߟߋ߬ ߕߊ߬ߡߌ߲߬ ߘߊ߫ ߟߓߌ߫ ߝߍ߬.

ߡߊ߲߬ߕߏ߲߬ ߠߊߘߍ߬ߣߍ߲ ߘߏ߲߬ ߓߘߴߊ߬ ߞߊ߲߬ߞߊߙߌ ߟߊ߫ ߟߓߌ߫ ߦߋ߫߸ ߞߏ߫ ߢߊ߲ߞߎߣߊ߲ߧߊ߫ ߞߊ߲ ߡߍ߲ ߦߋ߫ ߓߐ߫ ߟߴߊ߬ߟߎ߬ ߘߊ߫ ߘߍ߬ߞߙߏߝߏ ߟߎ߫ ߞߊ߲߬ ߕߊ߯ߡߊߘߋ߲ ߠߎ߬ ߟߊ߫ ߞߏ ߘߐ߫ ߛߐ߲߬߸ ߞߏ߫ ߊ߬ߟߎ߬ ߦߴߏ߬ ߘߊߓߌ߬ߟߊ߬.