ߘߊߣߌߡߙߞ ߣߌ߫ ߔߊߞߌߛߑߕߊ߲߫ ߠߊ߫ ߟߊ߬ߢߌߣߌ߲ ߞߣߐߡߊ߬߸   ߖߡߊ߬ߣߊ߫ ߁߅߀ ߛߋ߫ ߘߴߊ߬ ߞߏ ߞߐߡߊߓߌ߲ߓߌ߲߫ ߠߊ߫߸ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ߬ ߝߏߦߌ߬ ߣߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߓߟߏ߫ ߦߋ߫ ߢߐ߲߯ ߓߟߏ߫߸ ߣߴߊ߬ߟߎ߬ ߦߋ߫ ߓߊ߯ߙߊ߫ ߟߊ߫߸ ߞߏ߫ ߣߌ߫ ߞߏ߫ ߞߊ߬ ߜߏ߲ߜߏߘߏ߲ ߓߊ߯ߡߊ ߗߍ߬ߘߋ߲ ߡߍ߲ ߛߐ߬ߘߐ߲߬߸ ߊ߬ ߓߘߊ߫ ߞߍ߫ ߊ߬ߟߎ߫ ߞߊ߲߬ ߘߌߦߊߜߏߦߊ ߘߌ߫߸ ߞߵߏ߬ ߟߊ߫ ߞߏ ߢߊߢߌߣߌ߲߫߸ ߞߵߊ߬ ߘߐߛߏ߯ߙߋ߫߸ ߞߵߊ߬ ߞߍߓߊ߮ ߣߐ߬ߝߍ߬ߜߍ߲߬߸ ߣߌ߫ ߓߌ߬ߟߊ߬ ߞߊ߬ ߛߎߡߊ߫ ߕߍ߫، ߞߊ߬ߕߎ߲߯߸ ߞߏ߫ ߓߊ߰ ߦߋ߫ ߞߍ߫ ߟߊ߫ ߟߋ߬ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߡߊ߬ ߕߎ߬ߡߊ߬ ߛߌߦߊߡߊ߲߫߸ ߞߊ߬ ߡߊ߬ߙߴߊ߬ߟߎ߫ ߡߊ߬߸ ߞߵߊ߬ ߛߐ߬ߘߐ߲߬ ߞߏߟߊߕߐ߲߫ ߝߏߦߌ߬ ߕߍ߫ ߞߍ߫ ߟߊ߫.

ߊ߬ߟߎ߬ ߟߊ߫ ߝߙߋߞߋߝߎߟߋ߲߫ ߛߓߍ ߣߌ߲߬ ߞߣߐ߫߸ ߊ߬ ߝߐߣߴߊ߬ ߘߐ߫ ߟߋ߬ ߞߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߝߘߏ߬ߓߊ߬ ߞߟߊ߬ߕߌ߮ ߦߴߊ߬ ߖߋ߬ߕߌ߰ ߡߊ߲ߞߊ߲ ߘߏ߫ ߟߎ߫ ߟߊߘߊ߲߫ ߦߙߐ ߟߎ߬ ߘߐ߫߸ ߡߍ߲ ߠߎ߬ ߘߴߊ߬ߟߎ߫ ߖߊ߲߬ߕߏ߫ ߊ߬ߟߋ߬ ߞߏ߫ ߛߎ߮ ߟߎ߬ ߘߐ߫߸ ߞߵߊ߬ ߕߌߢߍߟߌ ߞߍߓߊ߮ ߟߎ߬ ߟߐ߲߫߸ ߞߊ߬ ߖߐ ߟߊߛߓߊ߬ߕߌ ߓߊ߯ߙߊ ߟߎ߬ ߓߊ߲ߓߊ߲߫߸ ߞߊ߬ ߓߊ߲߫ ߞߊ߬ ߘߊߘߐߛߓߍ ߟߎ߬ ߞߍ߫ ߌߞߘߐ߫߸ ߣߴߊ߬ ߓߍ߲߬ ߘߊ߫ ߓߌ߬ߟߊ߬ߒ߬ߘߐ߫ ߡߊ߬، ߝߣߊ߫߸ ߊ߬ߟߎ߫ ߞߵߊ߬ ߞߍ߫ ߘߌߦߊߜߏߦߊ ߘߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߝߘߏ߬ߓߊ߬ ߞߟߊ߬ߕߌ߮ ߞߊ߲߬߸ ߞߏ߫ ߊ߬ ߦߋ߫ ߛߊ߲߭ ߞߊ߲߬ߞߎߡߊ ߟߊߓߐ߫ ߕߋ߬ߟߋ߫ ߁߂߀ ߞߘߐ߫߸ ߏ߬ ߡߍ߲ ߓߍ߲߬ߕߐ߫ ߞߏ߲ߓߌߕߌ߮ ߕߍߡߊ߫ ߝߊ߲ߝߍߟߊ ߡߊ߬.

ߘߊߣߌߡߊߙߞ ߟߊ߬ߛߌ߰ߘߋ߲ ߓߐ߬ߟߐ߲߬ߞߊ߫ ߞߙߌߛߑߕߌߣߊ߫ ߡߊߙߑߞߎ߳ߛ ߟߊߛߋ߲߫ ߞߊ߬ ߓߍ߯ ߟߊ߫ ߓߍ߲߬ߒ߬ߡߊ߬ ߢߣߊߕߊߟߌ ߣߌ߲߬ ߕߊ߲߬ߘߏ߬ ߞߏߛߓߍ߫߸ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߗߋߦߊߟߌ߫ ߅߀ ߀߀߀ ߣߌ߫ ߞߐ ߡߍ߲ ߠߛߊߙߌߣߍ߲߫ ߘߎߢߊ߫ ߟߊ߫߸ ߣߌ߲߬ ߦߋ߫ <<ߗߋߟߦߊ߫ ߝߊߘߌ߲߫ ߕߣߐ߬ߡߊ>> ߟߋ߬ ߘߌ߫ ߞߵߊ߬ ߞߌ߬ߦߊ߫ ߏ߬ ߟߎ߬ ߓߍ߯ ߡߊ߬، ߊ߬ ߓߐߢߐ߲߯ߞߏ߫ ߔߊߞߌߛߑߕߊ߲ߞߊ߫ ߊߛߌߡ ߌ߬ߝߑߕߌ߬ߞߊߙ ߊߤߑߡߊߘ ߞߵߊ߬ ߦߌ߬ߘߊ߬ ߞߏ߫ ߕߋ߲߭ߕߋ߲߭ ߣߌ߲߬ ߘߐ߫߸ ߜߏ߲ߘߏߜߏ߲߫ ߓߊ߯ߡߊ߫ ߕߌ߯ ߡߐ߰ ߄ ߅߀߀ ߟߋ߬ ߓߘߊ߫ ߝߊ߰ ߊ߬ߟߎ߬ ߟߊ߫ ߓߊ߯ߙߊ ߘߐ߫߸ ߔߊߞߌߛߑߕߊ߲ߞߊ߫ ߁߈߃ ߦߴߏ߬ ߘߐ߫.

ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߞߏߟߊߕߐ߲ߓߊߟߌߦߊ ߞߏ߫ ߞߏߙߏ߲߫ ߛߎ߮ ߣߌ߲߬ ߘߐ߫߸ ߏ߬ ߕߍ߫ ߓߍ߲߬ ߢߊ߫ ߛߌ߫ ߡߊ߬، ߝߏ߫ ߞߊ߬ ߓߍ߯ ߣߐ߭ߡߌ߬ߣߊ߫ ߟߋ߬߸ ߓߍ߯ ߦߴߌ ߘߊߘߐߟߴߊ߬ ߞߏ߫ ߛߎ߮ ߡߊ߬.>> ߊ߬ ߞߵߏ߬ ߝߐ߫.