ߡߊ߬ߛߎ߬ߓߊ߬ߞߏ ߘߏ߫ ߟߋ߬ ߞߍߣߍ߲߫ ߂߀߂߆ ߘߓߊ߬ߕߊ ߕߋ߬ߟߋ߫ ߂ ߣߌ߲߬ ߛߐ߰ߡߊ߬ߘߊ ߟߊ߫߸ ߏ߬ ߡߍ߲ ߓߍ߲߬ߣߍ߲߫ ߞߍ߲ߘߍߟߏ߲ ߡߊ߬، ߞߌߢߍ߲ߞߎߘߊ߫ ߘߊ߬ߡߊ߲߬ ߘߋ߲ߞߊ ߘߏ߫ߟ ߋ߬ ߖߎߙߊ߲ߣߍ߲߫߸ ߊ߬ߟߋ ߡߍ߲ ߦߋ߫ ߓߊߟߊ߲ߘߎ߯ߓߊ ߡߙߊ߬ߘߊ߬ߙߋ߲ ߘߐ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߞߣߐ߫، ߡߐ߰ߛߌ ߟߎ߬ ߟߊ߫ ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߟߋ߬ ߖߎߙߊ߲ߣߍ߲߫߸ ߊ߬ߟߎ߬ ߦߴߊ߬ ߝߐ߫ ߟߊ߫ ߡߍ߲ ߡߊ߬ ߞߏ߫ "ߔߕߌ"߸ ߏ߬ ߞߍ߫ ߘߊ߫ ߁߀ߕߎߡߊ ߝߊ߲߭ ߝߍ߬ ߟߋ߬߸ ߞߊ߬ ߡߐ߰ ߛߌߦߊߡߊ߲߫ ߕߏ߫ ߝߎ߯ߘߌ ߞߘߐ߫ ߘߊ߬ߡߊ߲߬ߛߋ߲߬ߠߊ ߟߎ߬ ߘߐ߫.

ߛߊߣߌ߲߫ ߛߋ߲ߠߊ ߘߏ߫ ߟߊ߫ ߝߐߟߌ߫ ߘߐ߫߸ ߊ߬ ߞߏ ߞߍ߫ ߘߊ߫ ߞߵߊ߬ߟߋ ߡߍ߲ ߛߐ߬ߘߐ߲߬ ߜߍ ߘߐ߫ ߦߋ߲߬߸ ߡߐ߰ ߕߊ߲߫ ߢߐ߲߰ ߠߋ߬ ߕߍ߬ߘߍ߫ ߘߋ߲߬ߞߊ߬ ߞߎߘߎ߲ ߣߌ߲߬ ߞߣߐ߫ ߓߌ߬ߟߊ߬ߒ߬ߘߐ ߞߍ߫ ߕߎߡߊ ߟߊ߫، ߊ߬ߟߋ ߞߵߊ߬ ߦߌ߬ߘߴߊ߲ ߠߊ߫ ߜߎ߬ߕߙߎ ߞߣߐ߫߸ ߞߏ߫ <<ߡߐ߰ ߛߌ ߟߎ߬ ߟߊ߫ ߓߊ߯ߙߊ߫ ߦߙߐ ߟߋ߬ ߔߕߌ ߣߌ߲߬ ߘߌ߫، ߖߌ߬ߣߍ߬ߞߊ߬ ߞߋߟߋ߲߫ ߠߋ߬ ߕߎ߲߬ ߦߴߊ߬ ߘߐ߫߸ ߊ߬ ߕߐ߭ ߓߍ߯ ߕߘߍ߬ ߦߋ߫ ߓߙߎߞߌߣߞߊ ߟߋ߬ ߘߌ߫.>> ߊ߬ ߞߵߏ߬ ߦߌ߬ߘߊ߬.

ߝߊ߰ߓߊ߰ߕߐ ߢߌ߲߬ ߠߎ߫ ߝߊ߲߬ߓߊ ߦߋ߫ ߓߎߞߌߣߞߊ ߟߋ߬ ߘߌ߫߸ ߊ߬ ߕߌ߯ߕߌ߯ ߡߐ߰ߛߌ ߟߎ߬߸ ߏ߬ߴ ߟߎ߫ ߟߋ߬ ߕߘߍ߬ ߓߊ߯ߙߊ߫ ߟߊ߫ ߘߋ߲߬ߞߊ߬ ߞߎߘߎ߲ ߣߌ߲߬ ߞߣߐ߫߸ ߞߊ߬ ߕߏ߫ ߢߍ ߡߊߘߏ߬ߣߌ߲߬ ߠߊ߫ ߞߕߊ߬ߞߕߊ߬ߣߍ߲߬ ߞߣߐ߫ ߞߊ߬ ߥߴߊ߬ ߘߌ߫ ߕߙߏ߬ߞߏ߬ ߕߌ߮ ߟߎ߫ ߡߵߊ߬ ߞߏ߬ ߞߊ߲ߡߊ߬، <<ߔߕߌ ߡߍ߲ ߦߋ߫ ߕߋ߲߬߸ ߡߐ߰ߛߌ ߟߎ߫ ߟߋ߬ ߦߋ߲߬، ߊ߬ߟߎ߬ ߦߋ߫ ߢߍ ߡߊߘߏ߬ߣߌ߲߬ ߠߊ߫ ߦߋ߲߬ ߠߋ߬ ߞߵߊ߬ ߞߍ߫ ߞߕߊ߬ߞߕߊ߬ߣߍ߲ ߞߣߐ߫ ߞߊ߬ ߥߴߊ߬ ߘߴߊ߬ ߞߏ߬ ߦߌߟߊ ߕߙߏ߬ߞߏ ߟߊ߫.>> ߛߙߋ ߣߌ߲߬ ߞߵߏ߬ ߝߐ߫.

ߢߌߣߌ߲ߠߌ߲ ߛߌ߰ ߘߊ߫ ߛߋ߲߬ߠߊ߫ ߘߊ߬ߡߊ߲߬ߛߋ߲߬ߠߊ ߟߎ߬ ߓߟߏ߫߸ ߝߊ߰ߡߊ ߟߎ߫ ߕߊ߬ߣߍ߲ ߞߵߊ߬ ߟߊ߫ ߓߊߙߊ߲ߕߏ߲߫ ߥߎߟߋ߲ ߞߊ߲߬߸ ߏ߬ ߟߎ߬ ߓߍ߯ ߕߘߍ߬ ߢߌߣߌ߲ߠߌ߲ ߣߌ߲߬ ߘߐ߫، ߊ߬ߟߋ߬ ߡߐ߰ ߞߋߟߋ߲ ߠߊ߫ ߝߐߟߌ߫ ߘߐ߫ ߒ߬ ߧߋ߫߸ ߢߌߣߌ߲ߠߌ߲ ߞߍ߫ ߘߊ߫ ߕߎ߬ߡߊ߬ߙߋ߲߬ ߦߙߌߞߊ߫ ߟߋ߬ ߞߘߐ߫߸ ߞߵߊ߬ ߕߊ߬ ߁߀ߕߎߡߊ ߡߊ߬ ߞߵߊ߬ ߛߌ߰ ߁߄ߕߎߡߊ ߟߊ߫߸ ߊ߬ߟߎ߬ ߓߍ߯ ߡߊ߫ ߦߋ߫ ߝߏ߫ ߁߄ߕߎߡߊ߃߅.

ߓߊ߬ߙߌ߬ ߓߊߘߋ߲ ߠߎ߬߸ ߓߐߛߎ߲߫ ߜߘߍ߫ ߟߎ߫ ߝߣߊ߫ ߞߊ߬ ߖߊ߬ߕߋ ߘߏ߫ ߟߎ߫ ߝߐ߫ ߊ߲ ߧߋ߫߸ ߡߍ߲ ߣߌ߫ ߞߎߡߟߊ߫ ߝߟߐ ߕߊ ߝߘߏ߬ߣߍ߲߬ ߢߐ߲߮ ߡߊ߬، ߏ߬ ߟߋ ߞߌߢߍ߲ߞߎߘߊ߫ ߘߎ߰ߕߌ߮ ߘߌ߫߸ ߣߴߊ߬ ߕߐ߯ ߞߏ߫ ߝߊ߬ߡߙߐ ߞߋߕߊ߬، ߏ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߕߊ߲߫ ߠߋ߬ ߝߊ߰ߣߍ߲߫߸ ߓߊ߬ߙߌ߬ ߛߎ߬ ߛߋߦߌ߲߫ ߠߋ߬ ߓߘߊ߫ ߛߋ߫ ߟߊߦߟߍ߬ ߟߊ߫߸ ߊ߬ ߟߊ߫ ߞߎߡߊ ߕߎ߬ߡߊ ߞߵߊ߬ ߛߐ߬ߘߐ߲߬ ߊ߬ ߕߐ߬ ߝߌ߬ߟߊ ߡߊ߫ ߦߋ߫ ߡߎߣߎ߲߬، ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ <<ߊ߲ ߞߊ߬ ߟߌ߬ߤߟߊ ߡߍ߲ ߠߎ߬ ߟߊߛߐ߬ߘߐ߲߬߸ ߡߐ߰ ߕߊ߲߫ ߠߋ߬߸ ߊ߬ ߓߍ߯ ߦߋ߫ ߓߙߎߞߌߣߞߊ߫، ߛߋߦߌ߲߫ ߓߘߊ߫ ߦߋ߫߸ ߊ߬ ߕߐ߬ ߝߌ߬ߟߊ ߢߌߣߌ߲ ߦߴߌߘߐ߫ ߜߊ߲ߜߘߊ ߞߘߐ߫ ߡߎߣߎ߲߬.>> ߊ߬ ߞߵߏ߬ ߦߌ߬ߘߊ߬.

ߝߊ߬ߡߙߐ ߞߋߕߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߘߊ߫ ߡߙߌߘߐ߫ ߖߐ߲ߖߐ߲߫ ߕߊ߬ ߞߊ߬ ߓߍ߲߬ ߛߎ߭ ߟߎ߫ ߘߏ߲߬ ߞߏ ߡߊ߬. <<ߕߙߏ߬ߞߏ ߘߏ߫ ߓߘߊ߫ ߕߊ߬ ߡߍ߲ ߦߋ߫ ߘߋ߲߬ߞߊ߬ ߛߋ߲ ߞߊ߲߬ ߕߋ߲߬߸ ߞߵߏ߬ ߞߍ߫ ߞߊߓߙߎ ߘߌ߫ ߛߎ߭ ߢߌ߲߬ ߠߎ߬ ߟߊߖߌ߰ ߏ߬ ߞߣߐ߫، ߘߋ߲߬ߞߊ߬ ߛߋ߲ ߏ߬ ߦߴߌߘߐ߫ ߦߙߐ ߡߍ߲ ߘߐ߫߸ ߏ߬ ߟߋ ߞߐ߬ߢߍ߲߬ ߘߌ߫߸ ߏ߬ ߣߌ߫ ߛߏ ߕߍ ߦߋ߫ ߞߎߘߍ߫ ߅ ߢߐ߲߰ ߠߋ߬ ߘߌ߫، ߞߊ߬ߕߎ߲߯߸ ߡߐ߰ߛߌ ߟߎ߬ ߟߊ߫ ߡߐ߰ߓߊ ߡߝߊߣߍ߲߫ ߦߋ߲߬ ߠߋ߬.>> ߊ߬ ߞߵߏ߬ ߦߌ߬ߘߊ߬.

ߘߎ߰ߕߌ߮ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߐ߫߸ ߞߏ߫ ߘߋ߲߬ߞߊ߬ ߞߎߘߎ߲ ߣߌ߲߬ ߓߊ߯ߙߊ ߕߎ߲߬ ߓߘߊ߫ ߟߊߕߐ߲߫ ߊ߬ߟߎ߫ ߡߊ߬ ߞߘߐ߬ߡߊ߲߬، <<ߓߊߙߊ߲ߕߏ߲߫ ߥߎߟߋ߲ ߕߎ߲߬ ߓߘߊ߫ ߦߙߐ ߣߌ߲߬ ߓߊ߯ߙߊ ߟߊߕߐ߲߫ ߞߘߐ߬ߡߊ߲߬، ߓߊ߬ߙߌ߬ ߛߐ߱ ߢߌ߲߬ ߠߋ߬ ߡߊ߬߸ ߡߐ߱ ߟߎ߫ ߞߵߊ߬ߟߎ߬ ߞߐߛߊ߬ߦߌ߲߫ ߦߋ߲߬ ߌߞߐ߫߸ ߊ߲ ߞߊ߬ ߟߌ߬ߤߟߊ߬ ߖߎ߮ ߣߌ߲߬ ߡߍ߲߫ ߏ߬ ߟߋ ߞߐ ߘߐ߫.>> ߊ߬ ߞߵߏ߬ ߦߌ߬ߘߊ߬.

ߛߎ߭ ߟߎ߬ ߕߎ߲߬ ߦߋ߫ ߓߊߙߊ߲ߕߏ߲߫ ߥߎߟߋ߲ ߠߋ߬ ߕߊ߫ ߓߟߏ ߡߊ߬، ߊ߲ ߧߋ߫ ߣߌ߲߬ ߛߓߍ ߞߊ߲߬ ߕߎ߬ߡߊ ߡߍ߲ ߠߊ߫ ߣߌ߲߬߸ ߘߎ߰ߕߌ߮ ߞߵߊ߬ ߦߌ߬ߘߴߊ߲ ߠߊ߫ ߞߏ߫ ߝߎ߬ߙߋ ߟߎ߬ ߓߘߴߊ߬ߟߎ߫ ߖߌ߰ߦߘߊ߬ ߟߊ߬ߓߊ߲ ߡߊߛߐ߬ߘߐ߲߬، ߊ߬ߟߎ߬ ߓߍߣߊ߬ ߢߌߣߌ߲ߠߌ߲ ߘߊߓߊ߲߫ ߞߵߊ߬ ߕߐ߬ ߡߐ߰ ߝߌ߬ߟߊ ߟߊߓߐ߫.