ߡߊ߬ߛߎߓߊ ߣߌ߲߬ ߞߍ߫ ߘߊ߫ ߛߌ߬ߣߌ߲߬ߟߏ߲ ߛߎ ߟߋ߬ ߘߐ߫ ߞߵߊ߬ ߘߎ߰ߛߊ ߜߍ߫ ߞߍ߲ߘߍߟߏ߲ ߠߊ߫߸ ߖߌ߰ߦߊ߬ߓߏ߲ ߘߏ߫ ߟߊ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ <<ߟߊ߬ ߔߍ>>߸ ߏ߬ ߦߋ߫ ߖߌ߰ߦߊ߬ߓߏ߲ ߘߏ߫ ߟߋ߬ ߘߌ߫ ߓߡߊ߬ߞߐ߬ ߞߣߐ߫߸ ߊߛߋߌ ߘߋߡߌߟ ߟߊ߫߸ ߊ߬ ߡߊ߲߫ ߖߊ߲߬ ߗߊߦߌߣߊ ߡߐߟ ߟߊ߫، ߒ߬ߓߊ߬߸ ߝߊߕߎ߫ ߖߘߍ߬ ߝߙߋ߬ߟߊ ߘߏ߫ ߟߋ߬ ߛߎ߭ ߟߊߣߍ߲ ߦߋߣߍ߲߫ ߖߌ߰ߦߊ߬ߓߏ߲ ߘߏ߫ ߟߊ߫߸ ߊ߬ ߛߎ߭ ߕߊ߬ ߘߊ߫ ߦߋ߲߬ ߠߋ߬ ߞߊ߬ ߥߴߊ߬ ߘߌ߫ ߡߍߙ ߊ߲ߝߊ߲ ߘߎ߳ ߟߎ߳ߜ߭ߑߖ߭ߊ߲ߓߎߙ ߘߊ߲ߘߊߛߏ ߟߊ߫.

ߟߌ߬ߤߟߊ ߡߍ߲ ߛߐ߬ߘߐ߲߬ ߘߊ߫ ߘߊ߲ߘߊߟߌߟߊ ߟߎ߬ ߟߊ߫߸ ߊ߬ߟߎ߬ ߓߊ߲ ߞߐ ߊ߬ ߛߊ߬ ߢߊ ߢߊߢߌߣߌ߲߫ ߠߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߛߊ߬ߦߊ ߛߓߊߓߎ ߞߍߣߍ߲߫ ߜߍ߬ߘߍ ߟߋ߬ ߘߌ߫߸ ߞߊ߬ ߝߋ߲ ߘߏ߫ ߖߵߊ߬ ߞߊ߲ ߘߐ߫ ߞߊ߬ߣߌ߲߬، ߊ߬ ߛߌߦߊߡߊ߲ ߘߐ߫߸ ߊ߬ߟߎ߬ ߛߌߞߊ߫ ߘߊ߫ ߡߍ߲ ߡߊ߬߸ ߘߏ߫ ߟߋ߬ ߣߐ߬ ߘߌ߫ ߞߍ߫ ߓߌߘߌ߲ߞߊ߲ ߖߊ߬ ߟߴߊ߬ ߞߊ߲ ߘߐ߫ ߤߊ߲߯ ߞߵߊ߬ ߛߎߡߊ߫، ߒ߬ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ ߞߍߓߊ߯ ߟߐ߲ߣߍ߲߫ ߕߍ߫ ߡߎߣߎ߲߬، ߛߓߍ߫ ߝߏߦߌ߬ ߕߎ߲߬ ߕߍ߫ ߘߋ߲ߡߛߏ ߟߊ߫߸ ߊ߬ ߘߌ߫ ߛߋ߫ ߡߊߟߐ߲߫ ߠߊ߫ ߡߍ߲ ߡߊ߬߸ ߊ߬ ߓߟߏߝߋ߲ ߠߎ߬ ߡߊߝߟߍ߫ ߘߊ߫߸ ߢߊ߫ ߡߊ߫ ߦߋ߫ ߞߏ߫ ߡߊ߬ ߦߋ߲߬߸ ߊ߬ ߓߐ߫ ߦߌߟߊ ߘߌ߫ ߟߐ߲߫ ߡߍ߲ ߡߊ߬، ߛߍߝߊ ߥߊ߯ ߕߊ߲߫ ߠߋ߬ ߟߊߣߍ߲ ߦߋ߫ ߘߴߊ߬ ߞߍ߬ߙߍߝߍ߬ (ߕߊߡߊ߲ ߅߀ ߀߀߀)߸ ߏ߬ ߡߍ߲ ߣߊ߬ ߘߊ߫ ߛߌߞߊ ߘߌ߫ ߞߵߊ߬ ߝߐ߫ ߞߏ߫ ߊ߫߸ ߊ߬ߝߐ߫ ߊ߬ ߣߌ߫ ߡߐ߰ ߟߊ߬ߓߊ߲ ߡߍ߲ ߕߘߍ߬߸ ߏ߬ ߟߋ ߡߊ߫ ߣߌ߲߬ ߞߍ߫ ߊ߬ ߟߊ߫ ߥߊ߬߸ ߏ߬ ߞߏ߬ߣߌ߲ ߦߋߣߍ߲߫ ߕߍ߫߸ ߊ߬ ߟߐ߲ߣߍ߲߫ ߕߍ߫ ߡߎߣߎ߲߬ ߝߣߊ߫.

ߢߊߝߐߟߌ߫ ߛߌߦߊߡߊ߲ ߠߎ߬ ߞߐߝߍ߬߸ ߘߋ߲ߡߛߏ ߣߌ߲߬ ߝߊ߬ ߓߘߊ߫ ߕߍ߫ ߡߊ߬ߟߌ ߖߡߊ߬ߣߊ ߖߍ߬ߘߍ ߘߌ߫߸ ߊ߬ ߘߌ߫ ߞߍ߫ ߖߡߊ߬ߣߊ߬ ߜߘߍ߫ ߡߐ߰ ߟߋ߬ ߘߌ߫߸ ߏ߬ ߞߏ߬ߣߌ߲ ߕߍ߰ߒ߬ߞߊ߲߬ ߕߴߊ߲ߠߎ߬ ߓߟߏ߫، ߢߊߢߌߣߌ߲ߠߌ߲ߠߊ ߟߎ߫ ߘߏ߲߬ߣߍ߲ ߓߏ߲ ߞߣߐ߫߸ ߞߊ߬ ߘߋ߲ߡߛߏ ߟߊ߫ ߢߊ ߦߋ߫߸ ߞߊ߬ ߓߏ߲߫ ߞߣߐߟߊ ߖߍ߬ߘߍ ߟߌ߬ߤߟߊ ߝߣߊ߫ ߘߐߜߍ߫߸ ߊ߬ ߝߊ߰ߓߊ߮ ߓߊ߲ߣߍ߲߫ ߊ߬ ߡߊ߬ߞߏ ߟߊߓߐ߫ ߟߴߊ߬ ߟߊ߫ ߟߋ߬ ߡߎߣߎ߲߬ (ߞߊ߬ߝߏ߬ߢߐ߲߰ߦߊ ߛߌߟߊ ߝߍ߬)߸ ߞߣߊ߬ߕߏ߫ ߊ߬ ߓߣߐ߬ ߟߴߊ߬ ߣߌ ߘߐ߫.

ߞߊ߬ ߓߍ߲߬ ߞߏ ߟߊ߫ ߖߎ߯ߦߊ ߡߊ߬ ߛߊ߫߸ ߝߊ߰ߡߊ ߟߎ߬ ߓߘߊ߫ ߖߊ߬ߡߊߙߌ ߘߌ߫ ߞߏ߫ ߞߊ߬ ߖߌ߰ߦߊ߬ߓߏ߲ ߏ߬ ߘߊ ߕߎ߲߯ ߡߎߣߎ߲߬߸ <<ߤߏ߬ߕߍߟ ߟߊ߬ ߔߍ>>߸ ߖߐ߲߰ߛߊ߫ ߢߊߢߌߣߌ߲ߠߌ߲ ߘߌ߫ ߞߍ߫ ߊ߬ ߢߌ߬ߡߊ ߟߊ߫، ߊ߬ߟߎ߬ ߟߊ߫ ߓߘߊ߫ ߖߐ߭ ߟߊߛߌ߰ ߌߞߘߐ߫߸ ߛߴߊ߬ ߞߍߓߊ߮ ߘߌ߫ ߡߌ߬ߣߊ߬߸ ߏ߬ ߡߍ߲ ߛߋ߫ ߘߊ߫ ߓߐ߫ ߟߊ߫ ߖߌ߰ߦߊ߬ߓߏ߲ ߞߣߐ߫߸ ߊ߬ ߣߐ߬ ߛߌ߫ ߡߊ߫ ߦߋ߫، ߖߌ߰ߦߊ߬ߓߏ߲ ߡߍ߲ ߦߋ߫ ߕߋ߲߬߸ ߛߌ߯ߣߌ߲ߞߊ߫ ߡߊ߬ߟߌ߬ߞߊ ߘߏ߫ ߟߋ߬ ߕߊ߫ ߦߋ߫߸ ߡߍ߲ ߗߍ߬ ߕߐ߯ ߞߏ߫ ߡߏߘߌߓߐ߬.