ߖߡߊ߬ߣߊ ߦߋ߫ ߝߙߌ߬ߦߊ ߘߝߊߣߍ߲ ߠߋ߬ ߘߐ߫ ߕߋ߲߬߸ ߖߡߊ߬ߣߊ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߟߊ߫ ߛߊ߬ߦߊ ߞߐ ߘߐ߫، ߒ߬ߓߊ߬߸ ߞߏߕߌ߯ ߝߟߐ ߊߓߘߎߟߊߦߌ߬ ߡߊ߬ߦߌߜ߭ߊ߬ ߓߘߊ߫ ߥߟߌ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߕߋ߬ߟߋ߫ ߂߇߸ ߞߊ߬ ߕߊ߯ ߖߊ߯ߓߘߊ ߘߊ߲ߘߊߛߏ߫ ߕߊ߲ߓߊ߲ ߞߊ߬ߙߊ߲߬ߝߊ߬ ߓߏߞߊߙ ߛߌߘߌ߬ ߛߊߟ ߞߣߐ߫߸ ߏ߬ ߡߍ߲ ߦߋ߫ ߞߊ߬ߕߌ߬߸ ߞߊ߬ ߥߴߊ߬ ߢߊ ߟߊ߫ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߖߐߞߌߓߊ߯ߕߐ ߟߎ߫ ߞߊ߲߬.

ߊ߬ ߟߊ߫ ߕߊ߯ߡߊ߫ ߛߌߟߊ ߢߌ߲߬ ߠߊ߫߸ ߡߊ߬ߟߌ ߘߐ߬ߕߊߡߌ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߞߊ߲ߕߌ߮ ߕߘߍ߬ ߛߌߟߊ ߟߊ߫߸ ߡߊߟߌߞ ߖߊߥ، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߐߞߌߓߊ߯ߕߐ ߟߎ߬ ߦߋ߫߸ ߡߍ߲ ߠߎ߬ ߦߋ߫ ߟߊ߬ߞߎ߬ߣߎ߲߬ߠߌ߲ ߘߊߞߘߐ߫߸ ߊ߬ ߣߌ߫ ߡߍ߲ ߠߎ߬ ߦߋ߫ ߞߎ߲߬ߡߊ߬ߦߟߍ߬ߡߊ߲߬ߟߐ߲߬ߘߊ ߟߊ߫، ߞߎߡߊ ߛߐ߬ߘߐ߲߬ ߘߴߊ߲ ߓߟߏ߫ ߞߊ߬ ߝߘߊ߫ ߞߏߕߌ߯ߝߟߐߘߊ ߟߋ߬ ߟߊ߫.

ߓߐߒߡߊߟߌ ߣߌ߲߬ ߘߐ߫߸ ߞߏߕߌ߯ ߝߟߐ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߢߌ߲߬ ߠߊߜߏߦߊߢߍ߫߸ ߞߵߊ߬ ߦߌ߬ߘߊ߬ ߞߏ߫ <<ߓߊ߰ߓߊ߰ߟߌ߬ߟߊ߫ ߡߐ߰ ߡߊ߬ߞߏ߬ߛߊ߬ߣߍ߲߫ ߥߊ߬ߥߟߏ>> ߟߎ߬ ߟߊ߫ ߓߊ߯ߙߊ ߟߋ߬، ߊ߬ ߞߊ߬ ߝߏ߬ߟߌ ߟߊߛߋ߫ ߘߊ߲ߘߊߛߏ ߓߊ߯ߙߟߊ ߟߎ߫ ߡߊ߬߸ ߊ߬ߟߎ߬ ߟߊ߫ ߘߐ߬ߖߊ ߟߊ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߖߐߞߌߓߊ߯ߕߐ ߘߏ߫ ߟߎ߫ ߓߘߊ߫ ߛߴߊ߬ߟߎ߬ ߓߘߊ߸ ߡߍ߲ ߠߎ߬ ߕߊ ߖߎ߯ߦߊߣߍ߲߫߸ ߏ߬ ߟߎ߬ ߘߊ߲ߘߊ ߦߴߌߘߐ߫.

ߝߊ߰ߡߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߦߙߐ߫ ߛߐ߬ߘߐ߲߬ ߞߵߊ߬ ߘߌ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߟߊ߫ ߦߙߐ ߕߌߢߍߣߍ߲߫ ߡߙߊ߬ߒ߬ߡߊ߬ߟߌ ߣߌ߲߬ ߝߍ߬، ߖߐ߲߰ߛߴߊ߬ߟߎ߬ ߘߴߊ߬ߟߎ߬ ߡߝߊ߫ ߦߋ߲߬ ߏ߬ ߕߎ߬ߡߊ߸ ߦߊ߬ߣߌ߫ ߓߐߘߊ߫ ߛߐ߬ߘߐ߲߬ߕߐ߫ ߊ߬ ߞߏ ߟߊ߫، ߕߟߋ߬ ߝߌ߬ߟߊ߬ ߝߙߌߦߊ߫ ߞߏ߬ߣߌ߲ ߓߘߊ߫ ߛߌ߰ ߛߋ߲߬ߠߊ߫ ߖߡߊ߬ߣߊ ߞߣߐ߫ ߕߋ߲߬߸ ߡߍ߲ ߘߊߡߌ߬ߣߊ߬ߣߍ߲߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߂߇، ߞߎ߲߬ߠߊ߬ߛߌ߮ ߓߘߊ߫ ߖߡߊ߬ߣߊ߬ߘߋ߲ ߓߍ߯ ߞߟߌ߫ ߡߊ߬ߝߊ ߡߊ߬.