ߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߌ߫ ߓߌߟߏ߲ ߣߌ߲߬ ߡߊ߬ ߂߀߂߆ ߞߏ߲ߞߏߘߓߌ ߕߋ߬ߟߋ߫ ߂߃߸ ߞߏ߫ ߣߊ߲߬ߕߌ߮ ߟߎ߫ ߣߐ߬ ߦߙߍߞߍߟߌ߫ ߓߟߋߓߟߋ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߡߐߔߑߕߌ߬ ߕߌ߲߬ߞߎߘߎ߲ ߘߐ߫߸ ߣߊ߲߬ߕߌ߰ ߦߙߍߞߍߟߌ߫ ߓߟߋ߬ߓߟߋ.

ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߣߌ߲߬ ߘߐ߫߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߫ ߡߙߊ߬ߒ߬ߡߊ߬ߝߋ߲߬ߕߌ߯ ߡߐ߰ ߦߙߌߞߊ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߊ߬ߟߎ߬ ߡߊߞߍ߫ ߦߌߟߊ ߘߐ߫ ߖߎߙߊ߬ ߞߐ߰ߘߎ߯ ߕߟߋ߬ߓߋ ߘߐ߫، ߡߊ߬ߟߌ ߡߊ߲߬ߣߌ߰ ߞߎ߲ߕߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ߟߎ߬ ߛߋ߫ ߘߊ߫ ߡߐ߰ ߓߌߥߐ߯ߙߐ߫ ߢߐ߲߰ ߞߍ߫ ߟߊ߫ ߛߎ߭ ߘߌ߫߸ ߞߵߊ߬ߟߎ߬ ߡߊߞߍ߫ ߦߌߟߊ ߏ߬ ߡߎ߰ߡߍ ߘߐߕߌߢߍ߫ ߝߋߝߋ߫. ߏ߬ ߝߐ߫ ߘߴߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫.

ߣߊ߲߬ߕߌ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߓߊ߯ߙߊ ߡߍ߲ ߞߊ߲߬ ߛߎ ߣߌ߫ ߕߋ߬ߟߋ߸ ߏ߬ ߟߋ ߖߡߊ߬ߣߊ ߟߊߞߊ߲ߘߊ ߘߌ߫ ߢߊ ߓߍ߯ ߡߊ߬߸ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߞߟߍ߬ ߞߵߊ߬ߟߎ߬ ߡߊߕߊ߯ ߖߡߊ߬ߣߊ ߘߎ߰ߞߣߍ ߡߎ߰ߡߍ ߟߊ߫، ߒ߬ߓߊ߬߸ ߊ߬ߟߎ߬ ߦߴߊ߬ ߢߊߢߌߣߌ߲ ߠߋ߬ ߞߊ߲߬ ߏ߬ ߘߐ߫ ߞߘߊߎ߫߸ ߊ߬ߟߎ߬ ߘߌ߫ ߓߊ߰ߓߊ߰ߟߌ߬ߟߊ ߟߎ߬ ߛߊ߲ߞߎ߲߫ ߢߊ ߡߍ߲ ߡߊ߬߸ ߞߊ߬ ߖߡߊ߬ߣߊ ߓߌ߬ߟߊ߬ ߓߊߛߌ߮ ߞߣߐ߫.