ߡߊ߬ߟߌ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߓߘߴߊ߬ ߟߊߛߋ߫ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߞߏ߲ߞߏߘߓߌ ߕߋ߬ߟߋ߫ ߂߅߸ ߞߏ߫ <<ߓߊ߰ߓߊ߰ߟߌ߬ ߞߙߎ߫ ߡߙߊ߬ߒ߬ߡߊ߬ߝߋ߲߬ߕߌ߰ ߟߐ߲ߓߊߟߌ>> ߘߏ߫ ߟߎ߫ ߓߘߊ߫ ߥߴߊ߬ߟߎ߬ ߞߍ߫ ߖߡߊ߬ߣߊ ߘߊ߯ ߛߌߦߊߡߊ߲߫ ߞߊ߲߬ ߞߎߓߋߘߊ ߟߊ߫߸ ߊ߬ ߣߌ߫ ߞߣߐߟߊ ߘߐ߫، ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ߬ ߞߊ߲ ߠߵߏ߬ ߘߌ߫.

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫: <<ߞߍ߬ߟߍ ߦߴߌߘߐ߫ ߕߋ߲߬ ߞߘߏߞߘߏ߫>>߸ ߣߊ߲߬ߕߌ߮ ߟߎ߫ ߞߵߏ߬ ߟߊߕߍ߰߸ ߞߊ߬ ߓߊ߲߫ ߞߵߊ߬ ߝߊ߬ߙߴߊ߬ ߞߊ߲߬ ߞߏ߫ ߖߡߊ߬ߣߊ ߟߊߞߊ߲ߘߊ ߣߴߊ߬ ߡߊߞߊ߲ߞߊ߲ ߗߍ߬ߘߋ߲ ߠߎ߬ ߦߋ߫ <<ߗߍ߬ߦߊ ߖߍ߬ߘߍߖߍ߬ߘߍ ߟߋ߬ ߞߊ߲߬ ߕߋ߲߬ ߞߊ߬ ߞߍߒߞߊ߲ߠߌ߲ߠߊ ߢߌ߲߬ ߠߎ߬ ߛߌߟߊߛߊ߬.>>

ߟߊ߬ߛߋ߬ߟߌ ߣߌ߲߬ ߞߍߣߍ߲߫ ߞߊ߬ ߓߍ߲߬ ߟߌ߬ߤߟߊ ߘߏ߫ ߟߋ߬ ߡߊ߬߸ ߊ߲ ߕߎ߲߬ ߓߘߊ߫ ߡߍ߲ ߞߎߡߊ߫ ߞߎ߲ߞߎߘߎ߲ ߦߌ߬ߘߴߊߟߎ߫ ߟߊ߫ ߞߊ߬ߞߘߐ߫، ߡߊ߬ߙߌ߬ߝߊ߬ ߡߊ߲ߞߊ߲ ߣߌ߫ ߝߏߘߏ߲߫ ߡߊ߲ߞߊ߲ ߠߋ߬ ߡߍ߲ߣߍ߲߫ ߞߊ߬ߕߌ߬߸ ߏ߬ ߡߍ߲ ߦߋ߫ ߖߡߊ߬ߣߊ ߘߊ߯ ߓߟߋߓߟߋ ߘߏ߫ ߘߌ߫ ߓߡߊ߬ߞߐ߬ ߘߊߝߍ߬، ߝߊ߰ߡߊ ߟߎ߫ ߞߏ߬ߣߌ߲ ߡߊ߫ ߢߊߝߐߟߌ߫ ߘߐߘߎ߲߬ߧߊ߬ߣߍ߲߬ ߞߍ߫ ߊ߬ ߞߏ ߞߊ߲߬߸ ߞߊ߬ ߓߍ߲߬ ߞߍߒߞߊ߲ߠߌ߲ ߝߊ߲߬ߞߊ ߟߊ߫ ߥߊ߬ߙߊ ߣߴߊ߬ ߟߊ߫ ߘߐ߯ߦߊ ߡߊ߬߸ ߊ߬ߟߎ߬ ߡߴߊ߬ ߞߊ߬ߛߙߊ߬ ߞߍߣߍ߲ ߠߎ߬ ߝߣߊ߫ ߘߊ߲߬ߠߊߕߍ߰ ߡߎߣߎ߲߬.

ߓߊ߰ߓߊ߰ߟߌ߬ ߞߙߎ߫ ߡߊ߫ ߛߐ߬ߘߐ߲߬ ߡߎߣߎ߲߬߸ ߡߍ߲ ߠߎ߬ ߣߐ߬ ߞߍߒߞߊ߲ߠߌ߲ ߢߌ߲߬ ߞߍߟߌ ߘߍ߬ߡߍ߲߬ߘߌ߬ ߟߊ߫.

ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߣߊ߲߬ߕߌ߮ ߟߎ߫ ߞߊ߬ <<ߖߡߊ߬ߣߊ߬ߘߋ߲ ߠߎ߬>> ߞߟߌ߫ <<ߡߊ߬ߝߊ ߣߌ߫ ߓߊߛߌ߮>> ߟߋ߬ ߡߊ߬، ߞߵߊ߬ ߟߊ߬ߤߘߌ ߕߊ߬ ߝߣߊ߫߸ ߞߏ߫ ߞߏߢߊ ߟߎ߬ ߓߊ߯ ߞߍ߫ ߢߊ ߡߍ߲߸ ߊ߬ߟߎ߬ ߘߌ߫ ߕߏ߫ <<ߟߌ߬ߤߟߊ߬ ߖߐ߲ߖߐ߲ ߘߌ߫>> ߟߴߊ߬ ߞߊ߲߬.