ߞߎ߲߬ߠߊ߬ߛߌ߮ ߓߍ߯
ߕߍߓߊ߯ߦߊߛߣߍ߬ߜ߭ߊߟߌ߫ ߞߊ߲ߕߌ߮߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߓߘߊ߫ ߞߙߍߞߙߍ߫ ߞߵߊ߬ ߞߍ߫ ߛߘߋߦߊߥߏ ߞߊ߬ߝߏ߬ ߞߎ߲ߕߌ߮ ߟߎ߬ ߟߊ߫ ߜߊ߬ߙߊ ߞߊ߲ߕߌ߮ ߘߌ߫، ߏ߬ ߡߍ߲ ߞߎߡߊ ߝߐ߫ ߘߊ߫ ߞߊ߯ߙߌߟߏ߲ ߡߊ߬߸ ߂߀߂߆ ߞߊ߬ߙߌ߬ߝߐ ߕߟߋ߬ ߁߉߸ ߛߌ߲߬ߝߏ߲߬ߘߊ ߟߊ߫ ߘߋ߬ߙߌ߬ߣߊ߲߬ ߜߙߊ ߆߉߲ ߘߐ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߝߌ߬ߙߌߕߐ߲߬߸ ߛߙߊ߬ߟߏ߲߫ ߖߡߊ߬ߣߊ ߞߊ߲߬.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߘߍ߭ߕߟߋ߬ ߘߊ߲ߘߐ߫ ߓߟߐߟߐ߫ ߝߛߏߝߛߊ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߘߊ߫ ߛߊ߬ߦߌ߲߫ ߊ߬ߟߎ߬ ߡߊ ߡߊ߬ ߣߍ߲ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߕߎ߲߬ ߓߘߊ߫ ߓߟߏߕߍ߰߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߡߊ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߞߍ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫.
ߓߘߍ߬ߓߘߍ߬ߟߌߛߌ߰ߞߊ߲ ߞߕߌߖߌ߲ ߓߘߊ߫ ߙߏߡߎߥߊߟߘ ߥߘߊߢߌ߫ ߟߊ߫ ߛߎߘߊ߲ߠߌ߲߫ ߞߏ ߔߘߋߔߘߋߟߊߕߍ߰ ߞߊ߲ߕߌ߯ ߢߣߊߕߊߟߌ ߘߐ߫߸ ߞߵߊ߬ ߞߙߍߞߙߍ߫ ߡߎ߬ߕߎ߲߬ ߞߵߊ߬ ߞߍ߫ ߓߋߣߍ߲߫ ߞߊ߲ߕߌ߮ ߘߌ߫، ߏ߬ ߘߐ߫߸ ߂߀߂߆ ߞߏ߲ߞߏߘߓߌ ߁߂ ߞߊ߲ߕߌ߯ ߢߣߊߕߊߟߌ ߓߘߊ߫ ߞߎ߲߭ߝߊ߰ ߟߵߏ߬ ߘߌ߫ ߝߛߊߦߌ߫.
ߟߊ߬ߞߊ߲߬ߘߊ߬ߟߌߡߐ߰ ߃߀߀ ߢߐ߲߰ ߠߋ߬ ߟߊ߫ ߞߕߌ ߟߊߣߍ߲߫ ߖߋ߬ߟߌ߬ߓߊ߬ߟߊ߫ ߖߣߊ߬ߡߊ ߞߣߐ߫ ߞߵߊ߬ߟߎ߫ ߖߊ߲߬ߞߌ߫ ߕߟߋ߬ ߣߊ߯ߣߌ߲߫ ߞߕߌ ߞߐߝߍ߬، ߖߋ߬ߟߌ߬ߓߊ߬ߟߊ߫ ߓߘߊ߫ ߞߏߓߊ ߟߊߡߊ߰ ߓߊ߬ߓߊ߰ߟߌ ߞߟߍ߬ ߞߊ߲ߡߊ߬߸ ߊ߬ߟߎ߬ ߟߊ߫ ߖߡߊ߬ߣߊ ߏ߬ ߡߍ߲ ߕߎ߬ߡߊ߬ ߖߊ߲ ߦߋ߫ ߥߊ߬ߥߎߟߋ ߕߍߡߊ߬ ߕߋ߲߬ ߞߊ߬ߣߌ߲߬.
