ߛߎ߰ߘߎ߬ߟߊ߫ ߖߊ߬ߕߋ߬ߛߎ߬ߓߐ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߂߀߂߆ ߤߖߌ ߣߌ߲߬ ߘߐ߫߸ ߊ߬ߟߎ߫ ߞߊ߬ ߤߖߌߟߊ ߁ ߇߀߇ ߃߀߁ ߠߋ߬ ߖߊ߬ߕߋߡߌ߬ߣߊ߬، ߗߍ߭ ߡߍ߲ ߦߴߏ߬ ߘߐ߫߸ ߏ߬ ߟߋ ߡߐ߰ ߈߉߃ ߃߉߆ ߘߌ߫߸ ߡߛߏ߬ ߈߁߃ ߉߀߅ ߢߐ߲߰.

ߖߊ߬ߡߊ ߏ߬ ߟߎ߬ ߘߐ߫߸ ߡߐ߰ ߁ ߅߄߆ ߆߅߅ ߓߍ߯ ߓߐߣߍ߲߫ ߖߡߊ߬ߣߊ߬ ߜߘߍ ߟߎ߫ ߟߋ߬ ߞߊ߲߬، ߊ߬ ߕߐ߬ ߁߆߀ ߆߄߆ ߦߋ߫ ߛߎ߰ߘߎ߬ߟߊ߬ߞߊ ߟߋ߬ ߘߌ߫߸ ߥߟߊ߫ ߡߊ߲߬ߛߊ߬ߟߊ ߛߌ߰ߓߊ߮.

ߤߖߌߟߊ ߝߊ߲߬ߓߊ ߦߋ߫ ߥߊ߫ ߟߊ߫ ߛߊ߲ߡߊߞߎߟߎ߲ ߠߋ߬ ߞߣߐ߫، ߓߊߏ߬ ߢߌ߬ߣߊ߲߬ ߕߊ ߣߌ߲߬ ߘߐ߫߸ ߡߐ߰ ߁ ߄߈߅ ߇߂߉ ߓߍ߯ ߥߊ߫ ߘߊ߫ ߛߊ߲ߡߊߞߎߟߎ߲ ߠߋ߬ ߞߣߐ߫، ߡߐ߰ ߅߄ ߄߂߉ ߥߊ߫ ߘߊ߫ ߘߎ߰ߡߊ߬ ߛߌߟߊ ߝߍ߬߸ ߊ߬ ߕߐ߬ ߡߐ߰ ߆ ߄߉߇ ߥߊ߫ ߘߊ߫ ߖߌߞߊ߲߫ ߛߌߟߊ ߟߋ߬ ߝߍ߬.

ߣߴߌ ߞߊ߬ ߢߌ߬ߣߊ߲߬ ߡߖߌ ߣߌ߫ ߂߀߂߅ ߕߊ ߟߊ߫ ߢߐ߲߮ ߡߊ߬߸ ߌ ߘߴߊ߬ ߦߋ߫ ߞߏ߫ ߊ߬ߟߋ߫ ߖߊ߬ߡߊ ߛߌߦߊߦߊ߫ ߘߴߏ߬ ߘߌ߫ %߂ ߖߊ߬ߕߋ߫ ߟߋ߬ ߟߊ߫، ߓߊߏ߬ ߛߊߙߏ߲߬ ߤߖߌߘߋ߲ ߡߎ߰ߡߍ ߓߍ߲߬ ߘߊ߫ ߡߐ߰ ߁ ߆߇߃ ߂߃߀ ߟߋ߬ ߡߊ߬߸ ߡߍߍ߲ ߠߎ߬ ߕߐ߮ ߟߊߞߎ߲߬ߘߎ߬ ߘߊ߫.

ߊߟߎ߫ ߦߴߊ߬ ߟߐ߲߫߸ ߖߊ߬ߡߊ ߡߍ߲ ߓߘߍ߬ ߥߊ߫ ߟߊ߫ ߤߖߌ ߟߊ߫ ߡߞߊ߫߸ ߞߊ߬ߦߌ߯ ߝߎ߬ߓߊ߬ߖߎ߫ߖߎ߮ ߘߏ߲߬ ߘߊ߫߸ ߏ߬ ߢߐ߲߰ ߖߊ߬ߡߊ ߡߊ߫ ߛߋ߫ ߛߐ߬ߘߐ߲߬ ߠߊ߫ ߡߎߣߎ߲߬، ߣߴߏ߬ ߕߍ߫߸ ߂߀߁߉ ߟߊ߫߸ ߛߌ߬ߟߊ߬ߡߊ߫ ߡߐ߰ ߂،߅ ߢߐ߲߰ ߠߋ߬ ߕߊ߯ ߘߊ߫ ߤߖߌ ߟߊ߫، ߂߀߂߄ ߠߊ߫߸ ߊ߬ߟߎ߬ ߦߙߌߞߊ ߕߘߍ߬ ߁ ߈߃߃ ߁߆߄ ߠߋ߬ ߘߌ߫.

ߣߴߌ ߥߊ߫ ߘߊ߫ ߗߡߍ߬ߘߐ߬ߦߊ߬ ߞߏ ߕߊ߫ ߝߊ߲߭ ߘߐ߫߸ ߊߙߊߓߌ߫ ߛߊߥߎߘߌߕ ߖߍ߬ߘߍ ߟߋ߬ ߦߋ߫ ߗߡߍ߬ߘߐ߬ߦߊ߬ ߞߏ ߖߊ߬ߕߋߡߌ߬ߣߊ߬ ߟߊ߫߸ ߞߵߊ߬ ߝߐ߫ ߞߏ߫ ߡߐ߰ ߖߊ߬ߕߋ ߢߌ߲߬ ߠߋ߬ ߖߡߊ߬ߙߌ߬ߣߍ߲߫ ߖߡߊ߬ߣߊ ߣߌ߲߬ ߞߣߐ߫ ߢߌ߬ߣߊ߲߬ ߞߊ߬ ߥߊ߫ ߤߖߌ ߟߊ߫، ߖߡߊ߬ߣߊ ߏ߬ ߟߎ߬ ߝߣߊ߫ ߘߴߊ߬ߟߎ߬ ߘߐߓߍ߲߬ ߛߊ߫߸ ߞߊ߬ ߓߍ߲߬ ߦߙߌߞߊ߫ ߝߐߣߍ߲ ߏ߬ ߡߊ߬߸ ߞߵߊ߬ߟߎ߬ ߟߊ߫ ߡߐ߱ ߟߎ߬ ߟߊ߫ ߥߊߟߌ߫ ߞߏ ߖߊ߬ߕߋߡߌ߬ߣߊ߬߸ ߞߊ߬ ߓߍ߲߬ ߖߡߊ߬ߣߊ ߓߍ߯ ߣߴߊ߬ ߛߌ߰ߝߊߘߌ߫ ߡߊ߬، ߊߟߎ߫ ߦߴߊ߬ ߟߐ߲߫߸ ߍ߲ߘߣߏߛߌ߫ ߟߋ߬ ߖߡߊ߬ߣߊ߬ ߘߌ߫߸ ߡߍ߲ ߖߊ߬ߡߊ ߞߊ߫ ߛߌߦߊ߫ ߘߎߢߊ߫ ߖߊ߬ߡߊ ߓߍ߯ ߘߌ߫ ߤߖߌ߫ ߘߊߞߎ߲ ߘߐ߫߸ ߊ߬ߟߎ߬ ߟߊ߫ ߗߡߍ߬ߘߐ߬ߦߊ ߞߊ߫ ߓߏ߲߬ ߓߊߟߋ߬، ߞߊ߬ߕߎ߲߯߸ ߤߖߌߘߋ߲ ߂߂߁ ߀߀߀ ߠߋ߬ ߦߴߊ߬ߟߎ߬ ߓߟߏ߫، ߔߊߞߌߛߑߕߊ߲߫ ߠߋ߬ ߕߎ߲߰ߣߴߏ߬ ߟߊ߫߸ ߏ߬ ߟߊ߫ ߗߡߍ߬ߘߐ߬ߦߊ ߦߋ߫ ߤߖߌߘߋ߲߫ ߁߇߉ ߂߁߀ ߠߋ߬ ߘߌ߫߸ ߤߌ߲ߘߌ߬ ߕߊ ߦߋ߫ ߁߇߅ ߀߂߅ ߘߌ߫.

ߌ ߓߊ߯ ߣߊ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߏ߬ ߟߎ߬ ߝߣߊ߫ ߕߊ ߞߊ߫ ߛߌߦߊ߫ ߖߐ߫߸ ߒ߬ߞߊ߬ ߓߟߏߞߏ ߣߌ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߕߜߋߦߊ ߝߣߊ߫ ߦߴߊ߬ߟߋ ߘߐ߯ߦߊ߫ ߟߊ߫ ߕߎ߬ߡߊ ߘߏ߫ ߟߎ߫ ߟߊ߫.

ߢߌ߬ߣߊ߲߬߸ ߖߌ߬ߣߍ߫ ߞߊ߬ ߦߙߐ߫ ߁߀ ߀߀߀ ߠߋ߬ ߛߐ߬ߘߐ߲߬߸ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߖߍ߬ߘߍ ߟߊ߫ ߝߐߟߌ߫ ߘߐ߫߸ ߣߴߊ߲ ߞߵߊ߬ ߦߋ߫ ߍߙߑߕߖ߭ߋ ߞߍߦߙߐ ߞߊ߲߬، ߡߊ߬ߟߌ ߞߊ߬ ߦߙߐ߫ ߁߃ ߃߂߃ ߟߋ߬ ߛߐ߬ߘߐ߲߬، ߜߋ߲ߞߐ߰ߖߌ߬ߘߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߞߊ߬ ߤߖߌߘߋ߲߫ ߁߀ ߀߀߀ ߠߋ߬ ߛߐ߬ߘߐ߲߬، ߛߣߍ߬ߜ߭ߊߟߌ߫ ߖߡߊ߬ߣߊ ߛߊ߫߸ ߏ߬ ߟߊ߫ ߗߡߍ߬ߘߐ߬ߦߊ ߕߎ߲߬ ߦߋ߫ ߦߙߐ߫ ߁߂ ߈߆߀ ߟߋ߬ ߘߌ߫ ߢߌ߬ߣߊ߲߬ ߤߖߌ ߘߐ߫.

ߦߙߌߞߊ ߡߍ߲ ߠߎ߬ ߝߐߣߍ߲߫ ߣߌ߲߬߸ ߢߌ߲߬ ߠߎ߬ ߦߋ߫ ߦߙߌߞߊ߫ ߟߎ߫ ߟߋ߬ ߘߌ߫߸ ߦߙߐ ߡߍ߲ ߠߎ߬ ߦߋ߫ ߘߌ߫ ߟߊ߫ ߖߡߊ߬ߣߊ߬ ߞߋߟߋ߲ ߡߊ߬، ߓߊ߬ߙߌ߬ ߏ߬ ߞߘߐ߫ ߕߍ߫߸ ߞߏ߫ ߝߍ߲ߝߍߘߍ߲߫ ߦߙߌߞߊ ߏ߬ ߟߋ ߦߋ߫ ߥߊ߫ ߟߊ߫ ߤߖߌ ߟߊ߫، ߓߊߏ߬߸ ߘߏ߫ ߟߎ߫ ߦߋ߫ ߥߊ߫ ߟߊ߫ ߟߊ߬ߓߊ߲ ߘߐ߫ ߛߐ߲߬߸ ߘߏ߫ ߟߎ߫ ߝߣߊ߫ ߟߊ߫ ߤߖߌ߫ ߞߏ ߦߋ߫ ߓߐ߫ ߟߴߊ߬ ߡߊ߬߸ ߘߏ߫ ߟߎ߫ ߖߍ߬ߘߍ ߟߊ߫ ߛߓߍ ߟߎ߬ ߓߍ߯ ߕߍ߫ ߘߝߊ߫ ߟߊ߫.

ߛߌ߬ߟߊ߬ߡߊ ߡߍ߲ ߠߎ߬ ߦߋ߫ ߝߊ߬ߙߊ߲߬ߛߌ߫߸ ߊ߬ ߣߌ߫ ߞߊ߬ߝߏ߫ ߘߍ߬ߣߍ߲߸ ߞߵߏ߬ ߟߊ߫ ߕߎ߬ߓߊ߬ߓߎ߬ ߖߡߊ߬ߣߊ߬ ߛߌߦߊߡߊ߲߫ ߞߊ߲߬߸ ߏ߬ ߟߎ߬ ߣߌ߫ ߦߊ߲߬ ߛߌ߲߬ߝߏ߲߬ߧߊ߬ߟߌ ߟߎ߬ ߕߍ߫ ߞߋߟߋ߲߫ ߘߌ߫، ߏ߬ ߟߎ߬ ߟߊ߫ ߕߐ߯ ߛߓߍߟߌ ߟߎ߬ ߦߋ߫ ߞߍ߫ ߟߊ߫ ߢߊ ߡߍ߲߸ ߏ߬ ߟߎ߬ ߦߋ߫ ߝߐ߫ ߦߋ߲߬ ߕߋ߲߬ ߠߋ߬߸ ߛߐ߲߬ߞߐ߬ ߟߊߕߍ߰ߣߍ߲߬ ߞߋߟߋ߲߫ ߕߴߊ߬ ߟߊ߫߸ ߊ߬ ߥߊߘߌ ߟߎ߬ ߝߣߊ߫ ߦߋ߫ ߛߙߊ߬ ߟߊ߫ ߣߛߎߞ ߤߊߖ ߛߌߟߊ ߟߋ߬ ߝߍ߬، ߏ߬ ߦߋ߫ ߛߎ߰ߘߎ߬ߟߊ߫ ߓߟߐߟߐ߫ ߞߍߦߙߐ ߟߋ߬ ߘߌ߫، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߬ߙߊ߲߬ߛߌ߬ ߣߴߊߡߙߌߞߌ߬ ߦߋ߫ ߂߀߂߆ ߤߖߌ ߖߊ߬ߕߋ ߘߐ߫ ߖߐ߫.

ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߏ߬ߣߌ߲ ߡߊ߫ ߟߊ߬ߛߋ߬ߟߌ߫ ߞߟߊ߬ߟߡߊ߬ ߦߋ߫߸ ߡߍ߲ ߦߋ߫ ߝߊ߬ߙߊ߲߬ߛߌ߬ ߣߴߊߡߙߌߞߌ߬ ߤߖߌߘߋ߲ ߦߙߌߞߊ ߘߊ߲߬ߠߊߕߍ߰ ߟߊ߫، ߏ߬ ߘߐ߫߸ ߊ߲ ߕߴߛߋ߫ ߊ߲ ߕߊ߫ ߖߊ߬ߕߋ߫ ߞߎ߲߬ߘߐߕߍ߰ ߟߊ߫ ߢߊ߫ ߜߘߍ߫ ߡߊ߬.

ߡߍ߲ ߓߍ߲߬ߣߍ߲߫ ߤߖߌ ߥߊߘߌ߫ ߞߏ ߡߊ߬߸ ߏ߬ ߦߋ߫ ߓߐ߫ ߟߊ߫ ߢߐ߲߮ ߡߊ߬ ߞߊ߬ ߓߍ߲߬ ߖߡߊ߬ߣߊ ߟߎ߬ ߓߐ߫ ߢߐ߲߯ ߡߊ ߟߋ߬ ߡߊ߬߸ ߛߊ߲ߡߊߞߎߟߎ߲߫ ߛߓߍ߫ ߞߏ߸ ߟߊ߬ߖߌ߰ߦߊ߬ߟߌ߬ ߞߏ߸ ߊ߬ ߣߌ߫ ߞߏ߫ ߜߘߍ ߡߍ߲ ߠߎ߬ ߦߋ߫ ߓߌ߬ߟߊ߬ ߟߴߊ߬ ߘߐ߫.

ߖߌ߬ߣߍ߬ ߞߣߐ߫߸ ߂߀߂߆ ߤߖߌ ߛߐ߲߬ߞߐ ߡߍ߲ ߝߐ߫ ߘߊ߫߸ ߏ߬ ߟߋ ߞߍ߫ ߘߊ߫ ߖߌ߬ߣߍ߬ ߕߊߡߊ߲ ߅߈ ߃߂߅ ߀߀߀ ߘߌ߫߸ ߊ߬ ߝߐ߫ ߘߊ߫ ߞߏ߫ ߤߖߌߘߋ߲߫ ߞߋߟߋ߲ ߦߴߏ߬ ߟߋ ߛߙߊ߬ ߟߊ߫߸ ߊ߲ ߞߵߏ߬ ߡߍ߲ ߦߋ߫ ߍߙߑߕߖ߭ߋ ߞߍߦߙߐ ߞߊ߲߬، ߜߍߓߟߎ ߏ߬ ߦߙߌߞߊ ߝߐ߫ ߘߊ߫ ߖߌ߬ߣߍ߬ ߘߌ߯ߣߊ߫ ߞߏߢߊ ߟߎ߬ ߝߘߏ߬ߓߊ߬ ߞߟߊ߬ߕߌ߮ ߟߋ߬ ߓߟߏ߫߸ ߟߊ߱ߖߌ߬ ߞߊ߬ߙߊ߲߬ߡߐ߮ ߖߊߥߙߊ߫.

ߣߴߌ ߘߏ߲߬ ߞߊ߬ ߛߣߍ߬ߜ߭ߊߟߌ߫ ߕߊ߬߸ ߏ߬ ߟߎ߬ ߟߊ߫ ߤߖߌ ߞߎ߲߬ߠߊ߬ߛߌ߰ߓߊ߮ ߟߎ߫ ߞߊ߬ ߛߍߝߊ ߄ ߃߀߀ ߀߀߀ ߟߋ߬ ߝߐ߫ ߤߖߌ߫ ߟߊ߫ ߕߊ߯ ߛߙߊ ߘߌ߫، ߊ߬ߟߎ ߟߊ߫ ߖߡߊ߬ߣߊ ߞߊ߲߬߸ ߊ߬ ߘߌ߫ ߛߋ߫ ߛߙߊ߬ ߟߊ߫ ߛߋ߲߬ߢߊ߫ ߝߌ߬ߟߊ߬.

ߜߋ߲ߞߐ߰ߖߌ߬ߘߊ ߟߊ߫߸ ߞߎ߲߬ߠߊ߬ߛߌ߮ ߟߊ߫ ߤߖߌ߫ ߟߊ߫ ߕߊ߯ߟߊ ߟߎ߬ ߦߋ߫ ߛߍߝߊ ߃ ߂߅߀ ߀߀߀ ߟߋ߬ ߛߙߊ߬ ߟߊ߫߸ ߊ߲ ߞߵߏ߬ ߡߍ߲ ߟߌ߬ߤߟߊ ߛߐ߬ߘߐ߲߫ ߊ߬ߟߎ߬ ߟߊ߫ ߂߀߂߆ ߤߖߌ ߓߙߊߡߊߖߊ߲ߓߊ߲ ߟߊ߬ߛߋ߬ߟߌ ߘߐ߫، ߛߐ߲߬ߞߐ ߡߍ߲ ߠߎ߬ ߦߋ߫ ߝߐ߫ ߟߊ߫ ߘߎ߲߬ߘߎ߬ߡߊ߬ ߦߙߍߞߍߟߌߟߊ ߟߎ߬ ߓߟߏ߫߸ ߏ߬ ߘߌ߫ ߛߋ߫ ߥߙߊ߬ ߟߊ߫ ߞߎ߲߬ߠߊ߬ߛߌ߮ ߕߊ ߘߌ߫.

ߣߴߌ ߞߊ߬ ߡߊ߬ߟߌ ߕߊ߬߸ ߊ߬ ߝߐ߫ ߘߊ߫ ߞߏ߫ ߤߖߌߘߋ߲߫ ߞߋߟߋ߲ ߠߊ߫ ߕߊ߯ߟߌ߫ ߛߙߊ ߦߋ߫ ߛߍߝߊ ߄ ߁߆߆ ߄߂߅ ߟߋ߬ ߘߌ߫߸ ߞߎ߲߬ߠߊ߬ߛߌ߮ ߟߊ߫ ߞߎ߲߬ߠߊ߫، ߓߊ߬ߙߌ߬߸ ߘߎ߲߬ߘߎ߬ߡߊ߬ߕߊ ߟߎ߬ ߦߋ߫ ߥߙߊ߬ ߟߴߏ߬ ߘߌ߫ ߞߛߐߞߛߐ߫.

ߣߴߌ ߞߊ߬ ߛߐ߲߬ߞߐ ߢߌ߲߬ ߠߎ߬ ߟߊ߫ ߢߐ߲߮ ߡߊ߬߸ ߌ ߘߴߊ߬ ߦߋ߫ ߞߏ߫ ߖߡߊ߬ߣߊ ߓߍ߯ ߣߴߊ߬ ߡߊ߬ߞߏ߬ߡߊ߬ ߞߏ߫ ߟߋ߬ ߤߖߌ߫ ߟߊ߫ ߕߊ߮ ߘߐ߫߸ ߏ߬ ߟߋ ߊ߬ߟߎ߬ ߥߊߘߌ ߟߎ߬ ߓߐ߫ ߟߊ߫ ߢߐ߲߮ ߡߊ߬، ߘߏ߫ ߟߎ߫ ߓߍ߫߸ ߕߊ߯ߣߌߛߊߦߌ߲ ߛߊ߬ߙߊ ߓߊ߬߸ ߟߊ߬ߖߌ߰ߦߊ߬ߟߌ ߓߊ߬߸ ߘߊߥߎ߲ߠߌ߲߫ ߞߏ ߓߊ߬߸ ߞߵߏ߬ ߟߊ߫ ߟߊ߬ߛߌ߲߬ߠߌ߲ ߞߊ߲߬߸ ߏ߬ ߓߍ߯ ߟߋ߬ ߓߌ߬ߟߊ߬ ߟߊ߫ ߤߖߌ߫ ߟߊ߫ ߕߊ߯ ߛߙߊ ߣߌ߲߬ ߘߐ߫.

ߤߖߌ ߣߌ߲߬ ߘߏ߲߬ ߦߋ߫ ߡߞߊ߫ ߦߋߝߊߘߌ ߡߊߦߟߍ߬ߡߊ߲߬ ߠߊ߫ ߟߋ߬ ߛߊ߲߭ ߺ ߊ ߺ ߛߊ߲߬߸ ߞߵߊ߬ ߣߴߊ߬ ߟߊߡߌߣߌ߲߫ ߛߏ ߟߎ߬ ߓߍ߯ ߦߋߝߊߘߌ ߡߊߝߊ߬ߟߋ߲߬߸ ߕߣߐ߬ ߛߌߦߊߡߊ߲߫ ߠߋ߬ ߝߣߊ߫ ߦߋ߫ ߘߏ߲߬ ߠߴߊ߬ߟߎ߫ ߞߎ߲߬ ߢߊ߫ ߛߌߦߊߡߊ߲߫ ߡߊ߬،ߟߊ߬ߖߌ߰ߦߊ߬ߟߌ߸ ߖߌ߰ߣߌ߬ߦߟߍ߸ ߘߊߥߎ߲ߠߌ߲߸ ߖߊ߬ߥߏ߸ ߓߌ߬ߟߊ߬ߢߐ߲߰ߡߊ߸ ߊ߬ ߣߌ߫ ߞߍ߲ߘߍߦߊ߸ ߏ߬ ߖߍ߬ߘߍ ߓߘߍߓߘߍ߫.

߂߀߂߅ ߟߊ߫߸ ߓߊ߯ߙߟߊ߫ ߡߐ߰ ߄߂߀ ߀߀߀ ߠߋ߬ ߕߊ߬ ߘߊ߫ ߤߖߌ ߓߊ߯ߙߊ ߟߎ߬ ߞߊ߲ߡߊ߬ ߝߘߏ߬ߓߊ߬ ߕߊ ߟߎ߬ ߣߌ߫ ߘߎ߲߬ߘߎ߬ߡߊ߬ ߕߊ ߟߎ߬ ߘߐ߫، ߞߵߊ߬ ߟߴߊ߬ ߞߊ߲߬߸ ߓߐߒߖߘߍߘߐ߫ ߡߐ߯ ߃߄ ߀߀߀ ߝߣߊ߫ ߕߍ߬ߘߍ߫ ߦߋ߲߬.

ߞߏ߬ߣߌ߲߬߸ ߢߌ߬ߣߌ߲߬ߞߊ߬ߟߌ ߦߋ߫ ߦߙߐ ߡߍ߲ ߘߐ߫ ߛߊ߫߸ ߊߙߊߓߌ߫ ߛߊߥߎߘߌߕ ߦߋ߫ ߖߋ߬ߟߌ߫ ߛߐ߬ߘߐ߲߬ ߠߊ߫ ߡߖߌ ߘߐ߫ ߓߏ߲߰؟

ߡߞߊ߫ ߕߍ߫ ߤߖߌ ߞߋߟߋ߲߫ ߕߣߐ߬ ߟߊߘߏ߲߬ߣߍ߲ ߠߎ߫ ߖߊ߬ߕߋ ߝߐ߫ ߟߊ߫، ߊ߬ߟߎ߫ ߞߏ߬ߣߌ߲ ߦߋ߫ ߖߐ߰ߣߍ߬ߦߊ߬ߟߌ ߡߍ߲ ߠߎ߬ ߞߍ߫ ߟߊ߫ ߤߖߌ ߣߌ߫ ߎߡߎߙߊ ߘߊߞߎ߲ ߘߐ߫߸ ߏ߬ ߟߎ߬ ߦߋ߫ ߝߐ߫ ߟߴߊ߬ߟߎ߬ ߓߟߏ߫، ߝߣߊ߫߸ ߊ߬ߟߎ߬ ߦߴߊ߬ߟߎ߬ ߟߊ߫ ߛߊ߲߭ ߖߐ߰ߣߍ߬ߦߊ߬ߟߌ߬ ߞߍߣߍ߲ ߠߎ߫ߟ ߋ߬ ߝߐ߫ ߟߊ߫ ߛߐ߲߬، ߏ߬ ߟߋ ߖߍ߬ߘߍ ߞߏߛߐ߲߬߸ ߊ߬ߟߎ߬ ߟߊ߫ ߞߎ߲ߝߊ߲ߓߐߟߌ ߞߏߕߌ߮ ߞߵߊ߬ ߦߌ߬ߘߊ߬߸ ߞߏ߫ ߂߀߂߄ ߠߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߎ߲ߝߊ߲ߓߐߟߌߟߊ ߡߍ߲ ߠߎ߬ ߕߊ߯ ߘߊ߫ ߦߋ߲߬ ߛߊ߲߭ ߏ߬ ߟߊ߫߸ ߏ߬ ߟߎ߫ ߞߊ߬ ߛߎ߰ߘߎ߬ߟߊ߫ ߙߌ߬ߦߊ߬ߟߌ ߥߟߎ߬ߡߊ߫ ߂߈߄ ߠߋ߬ ߖߐ߰ߣߍ߬ߦߊ߫߸ ߥߟߊ߫ ߘߟߊ߫ ߥߟߎ߬ߡߊ߬ ߇߆، ߏ߬ ߞߘߐ ߟߋ߬߸ ߊ߬ߟߎ߬ ߟߊ߫ ߛߊ߲߭ ߡߎ߰ߡߍ ߞߎߎ߲ߝߊ߲ߓߐߟߌ ߟߋ߬ ߏ߬ ߘߌ߫߸ ߊ߬ߟߎ߫ ߞߊ߬ ߥߊߘߌ ߡߍ߲ ߛߐ߬ߘߐ߲߫ ߊ߬ ߘߐ߫، ߏ߬ ߘߐ߫߸ ߊ߬ߟߎ߬ ߕߴߊ߬ ߝߐ߫ ߟߊ߫ ߞߏ߫ ߤߖߌ ߞߋߟߋ߲߫ ߞߊ߬ ߢߌ߲߬ ߠߋ߬ ߟߊߘߏ߲߬.

ߣߴߏ߬ ߕߍ߫߸ ߦߊ߬ߣߌ߫ ߝߎ߬ߓߊ߬ߖߎ߯ߖߎ߮ ߦߋ߫ ߘߏ߲߬߸ ߊ߬ ߦߌ߬ߘߊ߬ߣߍ߲߫ ߞߏ߫ ߛߎ߰ߘߎ߬ߟߊ߫ ߞߊ߬ ߙߌ߬ߦߊ߬ߟߌ ߥߟߎ߬ߡߊ߬ ߁߂ ߟߋ߬ ߛߐ߬ߘߐ߲߫ ߛߊ߲߭ ߞߘߐ߫߸ ߤߖߌ ߣߌ߫ ߎߡߎߙߊ ߘߐ߫، ߥߟߊ߫ ߘߟߊ߫ ߥߟߎ߬ߡߊ߬ ߄߅.

ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ ߞߏ߬ߓߊ ߟߎ߬ ߘߐ߫ ߓߏ߲߬ߓߊ ߘߏ߫ ߟߋ߬ ߘߌ߫، ߓߊ߬ߙߌ߬߸ ߖߡߊ߬ ߥߙߍ ߡߍ߲ ߠߎ߬ ߦߋ߫ ߟߊߘߍ߬ ߟߊ߫ ߦߋ߲߬߸ ߡߐ߱ ߞߋ߲߬ߥߟߎ ߏ߬ ߓߍ߯ ߣߴߊ߬ ߟߌ߬ߤߟߊ߬ ߓߐߣߍ߲߫ ߢߐ߲߰ ߡߊ߫ ߟߋ߬ ߞߊ߯ߓߊ߫ ߟߊߡߌߣߌ߲ ߘߐ߫، ߘߏ߫ ߟߎ߫ ߟߊ߫ ߤߖߌ ߞߏߢߊ ߟߎ߬ ߦߋ߫ ߢߊߓߐ߫ ߟߊ߫ ߞߎ߲߬ߠߊ߬ߛߌ߮ ߟߊ߫ ߛߌߟߊ ߟߋ߬ ߝߍ߬߸ ߘߏ߫ ߟߎ߫ ߕߊ ߘߌ߫ ߢߊߓߐ߫ ߘߎ߲߬ߘߎ߬ߡߊ߬ ߞߏߟߊߘߍ ߟߎ߬ ߓߟߏ߫߸ ߘߏ߫ ߟߎ߫ ߖߍ߬ߘߍ ߕߊ ߘߌ߫ ߢߊߓߐ߫ ߓߟߐߟߐ߫ ߛߌߟߊ ߝߍ߬، ߝߘߊ߬ߝߌ߲߬ߠߊ߫ ߕߟߋ߬ߓߋ ߞߣߐ߫߸ ߟߎ ߘߏ߫ ߟߎ߫ ߦߋ߫ ߛߊ߲߬ ߦߙߌߞߊ߫ ߟߋ߬ ߞߍ߫ ߟߊ߫߸ ߤߖߌ߫ ߟߊ߫ ߕߊ߯ ߥߊߘߌ ߟߊߘߍ߭ ߦߴߌߘߐ߫.