ߊ߬ ߞߊߙߏ߫ ߝߌ߬ߟߊ ߟߋ߬ ߕߋ߲߬߸ ߞߊ߬ߙߊ߲߬ߡߐ߯ ߛߏ߬ߟߏ ߣߌ߫ ߣߊ߲߬ߝߏ߯ ߌߛߎ߬ߡߊ߬ߌ߯ߟߊ߫ ߖߊ߰ߓߌ߫ ߦߋ߫ ߛߞߌߝߟߌ ߞߊ߲߬ ߓߟߐߟߐ ߞߊ߲߬߸ ߞߊ߬ ߓߍ߲߬ ߘߌ߯ߣߊ ߝߐߢߐ߲߯ߞߐ ߘߏ߫ ߡߊ߬، ߣߴߏ߬ ߕߍ߫߸ ߡߐ߰ ߝߌ߬ߟߊ ߢߌ߲߬ ߠߎ߬ ߓߟߏ ߟߊ߫ ߘߊ߫ ߟߋ߬ ߢߐ߲߮ ߞߊ߲߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߭ ߡߊ߬߸ ߣߊ߲߬ߝߏ߰ ߥߊ߫ ߘߊ߫ ߟߋ߬ ߞߊ߬ߙߊ߲߬ߡߐ߯ ߛߏ߬ߟߏ ߓߘߊ، ߞߊ߬ߕߎ߲߯߸ ߝߐߢߐ߲߯ߞߐ ߟߋ߬ ߥߟߌ߬ߣߴߊ߬ߟߎ߬ ߕߍ߫ ߘߐ߲߬ߞߌ߲ ߝߍ߬߸ ߞߊ߬ ߓߍ߲߬ ߞߊ߲ߞߊ߲߫ ߟߊ߲߬ߓߋ߬ ߞߏ ߡߊ߬، ߞߏ߬ߣߌ߲߬ ߥߊߦߌߞߊ߫߸ ߕߍߘߐߓߍ߲ ߏ߬ ߞߍߣߍ߲߫ ߡߍߙߍ߲ ߛߎ߫ ߞߋߟߋ߲߫ ߛߌ ߟߋ߬ ߘߌ߫߸ ߊ߬ ߡߊ߫ ߞߎ߲߬ߘߐߖߊ߲߰ߧߊ߬.
ߞߊ߬ߙߊ߲߬ߡߐ߯ ߛߏ߬ߟߏ ߦߋ߫ ߞߎߡߊ ߡߍ߲ ߠߎ߬ ߞߍ߫ ߟߊ߫ ߖߎߡߊߟߏ߲ ߣߌ߫ ߞߊ߯ߙߌߟߏ߲ ߠߎ߬ ߘߐ߫ ߛߐ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߛߊߟߌ ߞߍ ߡߊ߬ߣߌ߲߬ߞߊ߬ ߞߊ߲ ߘߐ߫߸ ߞߊ߬ ߝߊߕߌߤߊ߫ ߝߐ߫ ߢߊ ߡߊߦߟߍ߬ߡߊ߲߫߸ ߏ߬ ߕߍ߫ ߓߍ߲߬ ߢߊ߫ ߛߌ߫ ߟߋ߬ ߡߊ߬، ߝߏ߫ ߊ߬ ߞߵߊ߬ ߝߐ߫ ߊ߬ ߟߊ߫ ߞߐߟߊ߫ ߞߎߡߊ ߢߌ߲߬ ߠߎ߬ ߘߏ߫ ߘߐ߫߸ ߞߏ߫: <<ߞߍ߬ߟߍ ߕߍ߬ߘߍ߫ ߘߎ߱ ߟߋ߬ ߡߊ߬߸ ߊ߬ ߓߘߊ߫ ߦߟߍ߬ ߛߊ߲ߝߍ߬.>> ߞߊ߬ߦߌ߯ ߣߌ߲߬ ߞߎߡߊ ߘߏ߲߬ ߘߊߡߌ߬ߣߊ߬ ߘߊ߫ ߞߊ߬ߙߊ߲߬ߡߐ߯ ߛߏ߬ߟߏ ߓߟߏ߫߸ ߊ߬ߟߋ ߡߙߌߦߊ ߟߊߓߊ߬ߕߏ߬ߓߊ߮ ߟߎ߬ ߦߴߊ߬ߟߋ ߞߐߡߊߓߌ߲ߓߌ߲ ߞߊ߲߬߸ ߣߊ߲߬ߝߏ߯ ߞߐߡߊߓߌ߲ߓߌ߲ߓߊ߮ ߡߍ߲ ߠߎ߬ ߝߣߊ߫ ߦߋ߫ ߒߞߏ ߞߊߙߊ߲ߘߋ߲ ߠߎ߬ ߘߐ߫߸ ߞߵߏ߬ ߟߊ߫ ߣߊ߲߬ߝߏ߯ ߖߍ߬ߘߍ ߞߊ߲߬߸ ߏ߬ ߟߎ߬ ߝߣߊ߫ ߓߘߊ߫ ߦߙߐ ߓߍ߯ ߟߊߛߐ߲ߞߐ߫ ߖߋ߬ߓߌ߬ߟߌ ߟߊ߫.
ߞߊ߬ ߓߍ߲߬ ߏ߬ ߟߋ ߞߎߡߊ ߛߌߦߊߦߊ ߡߊ߬ ߛߊ߫߸ ߡߏߙߌ߬ ߞߡߐ߬ߘߎ߯ ߞߏ߬ߣߊ߬ߕߍ߫ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߞߊ߬ߙߌ߬ߝߐ ߕߋ߬ߟߋ߫ ߂߅ ߡߊ߬߸ ߞߵߊ߬ ߗߋ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߡߊ߬، ߊ߬ ߢߊߖߌߞߎߘߎ߲ߕߐ ߟߋ߬ ߞߊ߬ ߟߊ߬ߛߋ߬ߟߌ ߏ߬ ߛߓߍ߫، ߞߵߊ߬ ߦߌ߬ߘߊ߫ ߏ߬ ߞߣߐ߫ ߞߏ߫: <<ߡߊ߲߬ߘߋ߲߬ ߟߐ߲ߣߍ߲߫ (ߖߐ) ߣߌ߫ ߓߟߏߘߏ߲ ߢߐ߲߰ߓߟߏ ߟߊߛߓߊ߬ߕߌ ߟߋ߬ ߡߊ߬ ߣߊߡߎ߲ ߣߌ߫ ߡߐ߰ߦߊ ߞߣߐ߫ ߸ ߏ߬ ߟߋ ߞߏߛߐ߲߬ ߘߌ߯ߣߊ ߓߍ߯ ߘߏ߲߬ ߘߊ߫ ߡߊ߲߬ߘߋ߲߬ ߞߣߐ߫ ߸ ߡߙߎ߬ ߡߊ߫ ߕߊ߬ ߸ ߡߏ߬ߙߌ߬ߝߊ ߝߣߊ߫ ߡߊ߫ ߕߊ߬ ߸ ߡߎ߲߬ ߘߐ߫ ߓߌ߬ ߊ߲ߠߎ߬ ߣߊߘߋ߲ߡߊ ߞߊ߲ ߞߋߟߋ߲߫ ߘߌ߯ߣߊ ߞߋߟߋ߲߫ ߓߟߏߦߊߓߊ߮ ߟߎ߬ ߦߋ߫ ߞߍ߬ߟߍ ߞߍߟߊ߫ ߘߌ߯ߣߊߞߏ ߘߐ߫ ߓߌ߬ ߞߊ߬ ߢߐ߲߯ ߘߊ߲ߕߌߢߍ߲ ߸ ߞߊ߬ ߢߐ߲߯ ߜߎ߲߬ߘߎ ߟߎ߬ ߝߙߊ߫ ߘߎߢߊ ߢߣߊ߫.>> ߊ߬ ߞߵߏ߬ ߛߓߍ߫.
ߊ߬ ߞߵߊ߬ ߞߊ߲ߠߊߘߌ߫ ߒߞߏ ߘߋ߲ ߠߎ߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫: <<ߓߊߘߋ߲߫ ߓߘߍ ߡߊ߲߬ߘߋ߲߬ߞߊ ߟߎ߬ ߸ ߒߞߏ ߘߌ߲߬ߞߏ ߟߎ߬ ߸ ߊ߲ ߓߍ߯ ߦߋ߫ ߘߌ߬ߢߍ߬ ߞߊ߬ ߓߍ߲߭ ߞߍ߫ ߛߙߊߞߊ ߘߌ߫ ߸ ߞߊ߬ ߝߏ߲ߞߐߢߐ߲߯ߦߊ ߞߎߡߊ ߣߌ߲߬ ߓߟߏߞߊ߬ ߟߟߐߟߐ ߞߊ߲߬ ߸ ߒߠߋ ߓߟߏߝߌ߬ߟߊ ߦߋ߫ ߒ ߞߐ߫ ߒߞߏ ߘߌ߲߬ߞߏ ߟߎ߬ ߢߍ߫ ߞߎߡߊ ߣߌ߲߬ ߓߌ߬ߟߊ߬ ߞߏߛߐ߲߬ ߸ ߣߌ߫ ߞߍ߬ߟߍ ߘߏ߲߬ ߘߊ߫ ߡߊ߲߬ߘߋ߲߬ߞߊ ߟߎ߬ ߣߌ߫ ߢߐ߲߯ ߕߍ߫ ߸ ߏ߬ ߞߊ߫ ߞߊ߲߫ ߞߊ߬ ߝߐ߫ ߡߊ߲߬ߘߋ߲߬ ߓߏߟߏ߲ ߠߋ߬ ߟߊ߫ ߸ ߢߊ߬ߙߊ ߟߎ߫ ߣߌ߫ ߡߐ߰ߓߊ߬ߦߊ ߓߟߏ߫.>> ߏ߬ ߛߓߍ߫ ߘߊ߫ ߟߊ߬ߛߋ߬ߟߌ ߣߌ߲߬ ߞߣߐ߫.
ߊ߬ ߞߵߊ߬ ߞߊ߲ߠߊߘߌ߫ ߡߊ߲߬ߘߋ߲߫ ߡߐ߰ߓߊ ߟߎ߫ ߡߊ߬ߟ ߘߌ߯ߣߊ߫ ߢߍߡߐ߮ ߟߎ߫ ߡߊ߬߸ ߊ߬ ߣߌ߫ ߖߋ߬ߟߌ ߟߎ߫ ߡߊ߬߸ ߞߏ߫ ߓߍ߯ ߦߋ߫ ߓߍ߲߭ ߞߍ߫ ߛߘߊߞߊ߫ ߘߌ߫߸ ߞߊ߬ ߛߋ߫ ߣߌ߲߬ ߞߏ ߘߐߛߎߡߊ߫ ߟߊ߫، ߣߌ߲߬ ߞߊߣߊ߬ ߞߍ߫ ߝߘߊߝߘߊߟߌ ߕߙߎ߬ ߘߌ߫ ߡߊ߲߬ߘߋ߲߬ߞߊ߫ ߜߊ߲߰ߛߊ߲ ߣߌ߫ ߢߐ߲߯ ߕߍ߫.
Aucun commentaire pour le moment.