ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߓߘߊ߫ ߞߟߌߟߌ ߞߍ߫ <<ߕߊ߬ߞߏ߬ ߞߋߟߋ߲>> ߡߊ߬ ߢߣߊߕߊߟߌ ߘߐ߫߸ ߊ߬ ߣߌ߫ ߞߵߊ߬ ߦߌ߬ߘߊ߬ ߥߛߊߞߙߊ߫ ߞߏ߫ ߊ߬ߟߎ߬ ߦߋ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߞߐߡߊߓߌ߲ߓߌ߲߫ ߠߊ߫

ߓߌ߬ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߅ ߣߌ߲߬ ߡߊ߬߸ ߞߙߎ߬ߛߊ߬ߞߊ ߟߎ߫ ߞߊ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߟߊ߫ ߟߊ߬ߛߋ߬ߟߌ߬ߓߊ߫ ߟߋ߬ ߟߊߞߢߐ߬ߡߊ߬߸ ߡߍ߲ ߞߍ߫ ߘߊ߫ ߓߏ߲߬ߓߊ߬ ߢߍߓߌߟߊ߫ ߘߌ߫ ߓߘߍ߬ߓߘߍ߬ߟߌ ߘߐ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߘߎ߰ߘߋ߲ ߠߎ߬ ߟߊ߫ ߕߏ߰ߝߏ ߣߌ߲߬ ߞߵߊ߬ ߝߐ߫ ߞߏ߫ ߓߊ߯ߙߊ߫ ߜߘߍ߫ ߕߴߊ߬ߟߎ߬ ߟߊ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲ ߞߐ߫، ߏ߬ ߟߋ ߘߐ߫߸ ߊ߬ߟߎ߬ ߓߘߴߊ߬ߟߎ߫ ߟߐ߬ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߝߍ߬ ߜߡߊ߫߸ ߏ߬ ߡߍ߲ ߣߐ߬ ߝߊ߬ߛߏ߬ ߞߊ߲ ߠߎ߬ ߞߍ߫ ߟߊ߫ ߞߎ߲߬ߠߊ߬ߛߌ߰ ߞߊ߲ ߘߌ߫ ߛߌ߰ߞߊ߲ ߞߣߐ߫، ߊ߬ߟߎ߬ ߓߘߊ߫ ߓߍ߯ ߞߟߌ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߛߎߥߊ߲ߘߌ ߟߊ߫ ߞߏߟߌ߲ߞߏߟߌ߲ ߂߈ ߢߣߊߕߊߟߌ ߘߐ߫߸ ߛߊ߫ ߕߊ߬ߞߏ߬ ߞߋߟߋ߲ ߘߌ߫ ߞߍ߫.

ߣߌ߲߬ ߞߍ߫ ߘߊ߫ ߞߙߎ߬ߛߊ߬ ߟߍߙߊߓߏ߲߫ ߞߡߊ߬ߙߊ ߟߊ߱ߦߌ߬߸ ߊ߲ߝߊ߲ ߣߎߥߊߙ ߟߋ߬ ߟߊ߫ ߓߌ߬߸ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߵߊ߬ ߡߙߌߦߊ ߟߊߛߋ߫ ߦߋ߲߬ ߠߋ߬ ߥߛߊߞߙߊ߫، ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߏ߬ ߡߍ߲ ߞߊ߬ߙߊ߲߬ ߘߊ߫ ߞߊ߲ߕߌ߯ ߛߙߍߞߍ߫ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߓߟߏ߫߸ ߊ߬ߟߎ߫ ߞߵߊ߬ߟߎ߬ ߥߊ߫ ߝߊ߲ ߞߋߟߋ߲ ߦߌ߬ߘߊ߫ ߓߌ߬ ߣߌ߫ ߕߊ߰ߕߊ߰ ߕߍ߫߸ ߞߵߊ߬ߟߎ߫ ߘߊ߬ߟߎ ߞߍ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲ ߘߌ߫߸ ߊ߬ ߣߌ߫ ߡߐ߬ߟߐ߲ ߘߌ ߊ߬ߟߎ߫ ߡߊ߬.

ߊ߬ߟߎ߬ ߟߊ߫ ߟߊ߬ߛߋ߬ߟߌ  ߣߌ߲߬ ߝߍ߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߞߐߡߊߓߌ߲ߓߌ߲ߓߊ߯ ߞߎߘߊ߫ ߟߎ߫ ߛߐ߬ߘߐ߲߫ ߓߌ߬߸ ߡߍ߲ ߠߎ߬ ߞߊ߲߫ ߞߏ߫ ߓߌ߬ ߕߎ߲߬ ߡߴߊ߬ߟߎ߫ ߓߌ߬ߟߊ߬ ߞߏ ߡߍ߲ ߡߊߞߐ߬ߣߐ߲ ߞߊ߲߬߸ ߏ߬ ߟߋ ߞߍߣߍ߲߫ ߣߌ߲߬، << ߊ߬ ߛߋ߲߬ߢߊ߬ ߝߟߐ ߟߋ߬ ߕߋ߲߬߸ ߝߊ߬ߛߏ߬ ߞߊ߲ ߠߎ߬ ߦߋ߫ ߟߊߘߏ߲߬ ߛߌ߰ߞߊ߲ ߘߐ߫ ߖߌ߬ߣߍ߬ ߞߊ߲ߓߍ߲ ߖߡߊ߬ߣߊ ߞߣߐ߫ ߞߵߊ߬ߟߎ߬ ߞߍ߫ ߞߎ߲߬ߠߊ߬ߛߌ߰ ߞߊ߲ ߘߌ߫،>> ߊ߬ߟߋ߬ ߕߏ߰ߝߏ ߟߋ߬ ߞߊ߲߫ ߕߋ߲߬߸ ߊ߬ߟߎ ߡߍ߲ ߠߎ߬ ߣߐ߬ ߏ߬ ߞߏ ߦߋ߫ ߟߊ߫ ߛߊ߲߬ ߦߙߌߞߊ߫ ߛߌ߬ߓߏ ߓߐ ߘߌ߫ ߜߍߟߊ߫߸ ߞߊ߬ ߛߊ߲߬ ߦߙߌߞߊ߫ ߘߊ߫ ߡߊߞߐ߲ߞߐ߲ ߞߍ߫ ߘߊ ߟߊߞߊ߬ߣߍ߲ ߘߌ߫.

ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߵߊ߬ ߦߌ߬ߘߊ߬ ߞߏ߫ ߞߊ߲߫ ߞߏ ߕߍ߫ ߞߏߣߍ߲߫ ߘߌ߫، ߞߊ߲ߕߌ߯ ߛߙߍߞߍ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߊ߬ߛߏ߬ ߞߊ߲ ߠߎ߬ ߓߌ߬ߟߊ ߛߌ߰ߞߊ߲ ߞߣߐ߫߸ ߖߡߊ߬ߣߊ ߛߊ߬ߙߌ߬ߦߊ߬ ߓߊߖߎߟߞߊ߸ ߏ߬ ߞߊ߫ ߓߏ߲߬ ߟߊ߬ߞߊߟߌ ߡߊ߬، ߊ߬ ߦߋ߫ ߥߙߎߞߌ ߛߡߊ߬ߛߋ߲ ߠߋ߬ ߘߌ߫، << ߞߊ߲ ߕߍ߫ ߓߌ߬ߟߊ߬ߢߐ߲߰ߡߊ߬ ߝߋ߲ ߘߐߙߐ߲߫ ߘߌ߫؛ ߊ߬ ߦߋ߫ ߦߟߌߘߐ ߟߋ߬ ߘߌ߫ ߞߊ߬ ߡߌ߬ߙߌ߲߬ߘߌ ߟߊߡߙߊ߬߸ ߥߙߎߞߌ ߡߎ߬ߙߊ߲߬ ߞߟߏߡߊ ߟߋ߬߸ ߞߎ߲߬ߝߌ߲߬ߧߊ ߞߟߍ߬ߟߊ߲ ߠߋ߬߸ ߊ߬ ߦߋ߫ ߓߊ߬ߟߊ߲ ߠߋ߬ ߝߣߊ߫ ߘߌ߫ ߛߎ߯ ߟߊߕߎߣߎ߲ ߢߍ߫.>> ߊ߬ߟߎ߬ ߟߊ߫ ߟߊ߬ߛߋ߬ߟߌ ߞߣߐߘߐ ߘߏ߫ ߟߵߏ߬ ߘߌ߫.

ߓߊ߬ߙߌ߬߸ ߕߏ߰ߝߏ ߞߊ߬ ߟߊ߬ߛߏ߬ߓߌ߬ߟߌ ߞߍ߫ ߘߋ߬߸ ߞߏ߫ ߞߏ߫ ߘߊߡߌ߬ߣߊ߬ߣߍ߲߬ ߜߊ߲ߛߊ߲ ߠߋ߬، ߊ߬ߟߎ߬ ߞߊ߲߫ ߞߏ߫ ߊ߬ ߝߐ ߛߊ߬ߙߌ߬ߦߊ߬ ߓߟߏ ߡߊ߬ ߕߋ߲߬ ߞߏ߫ ߞߊ߲ ߠߎ߬ ߓߘߊ߫ ߟߊߞߎ߲߬ߠߊ߬ߛߌ߰ߦߊ߫߸ ߝߏ߫ ߊ߬ ߦߋ߫ ߓߐ߫ ߛߓߍ ߟߋ߬ ߞߣߐ߫ ߞߊ߬ ߓߌ߬ߟߊ߬ ߞߍߟߌ ߘߐ߫ ߞߣߍ ߞߊ߲߬߸ ߞߊ߬ߙߊ߲߬ߕߊ ߟߎ߬ ߟߊ߫߸ ߡߊ߬ߡߙߊ߬ߟߌ߬ ߓߏ߲ ߠߎ߬ ߟߊ߫߸ ߞߌ߬ߓߊ߬ߙߏ߬ߘߊ ߟߎ߬ ߟߊ߫߸ ߛߐ߬ߘߐ߲ ߞߏߢߊ ߟߎ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ߫ ߘߌ߲ߞߌߙߊ ߓߍ߯ ߘߐ߫. ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߊ߲߫ ߞߏ߫ ߣߴߊ߬ ߞߍ߫ ߘߊ߫ ߢߊ ߏ߬ ߡߊ߬߸ ߏ߬ ߟߋ ߘߴߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߕߏ߫ ߊ߬ ߡߊ߬߸ ߏ߬ ߡߍ߲ ߦߴߊ߬ߟߎ߫ ߘߏ߲߬ ߞߎ߲ߧߊ ߘߌ߫ ߞߊ߬ߣߌ߲߬.

ߖߡߊ߬ߓߊ߫ ߟߋ߬ ߣߊ߬ ߘߊ߫ ߞߊ߬ ߓߐ߫ ߘߊߓߏߟߊ߫ ߟߎ߫ ߘߐ߫߸ ߊ߬ ߣߌ߫ ߛߌ߯ߙߌ߲߫ ߣߌ߫ ߡߊ߲߬ߖߊ߲߬ߠߊ߬߸ ߞߎߡߊߕߍ߫ ߞߎߓߋߘߊ ߖߍ߬ߘߍ ߡߊ߬ ߞߐߣߊߞߙߌ߫߸ ߞߵߏ߬ ߟߊ߫ ߞߊ߲ߞߊ߲߫ ߞߊ߲߬߸ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߊ߲߫ ߞߏ߫ ߓߍ߯ ߦߋ߫ ߟߋ߬ ߣߌ߫ ߞߐߡߊߓߌ߲ߓߌ߲ߠߌ߲ ߣߌ߲߬ ߦߊ߫ ߞߊ߲߫، ߊ߬ߟߎ߫ ߞߵߊ߬ߟߎ߬ ߢߌߣߌ߲ߞߏ ߦߌ߬ߘߊ߬ ߣߌ߫ ߞߎߡߊ߫ ߟߊߕߙߎߕߙߎ߫ ߕߍ߫߸ ߏ߬ ߟߋ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߛߎߘߊ߲ ߘߌ߫ ߖߊ߰ߟߋ߬ ߝߟߐ ߘߐ߫ ߕߊ߬ߞߏ߬ ߞߋߟߋ߲ ߠߊ߫. << ߏ߬ ߟߋ ߘߐ߫߸ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߦߴߊ߬ ߟߊߛߋ߫ ߟߊ߫ ߓߌ߬߸ ߣߌ߫ ߦߙߍߦߙߍ߫ ߕߍ߫߸ ߞߏ߫ ߊ߲ ߧߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߞߐߡߊߓߌ߲ߓߌ߲߫ ߠߊ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߞߊ߲ߕߌ߯ ߢߣߊߕߊߟߌ ߘߐ߫ ߶߸ ߖߐ߲߰ߛߴߊ߬ ߣߐ߬ ߓߊ߯ߙߊ ߡߍ߲ ߠߎ߬ ߘߊߡߌ߬ߣߊ߬ ߟߊ߫ ߝߊ߬ߛߏ߬ ߞߊ߲߬ ߞߏ ߘߐ߫߸ ߊ߬ ߦߋ߫ ߛߴߏ߬ ߟߎ߬ ߘߊߓߊ߲߫ ߠߊ߫.>>

ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߓߊ߲߫ ߘߊ߫ ߞߊ߬ ߝߊ߬ߛߏ߬ ߞߊ߲߬ ߞߏ ߛߍ߬ߘߏ߲߬ߠߊ ߟߎ߬ ߞߟߌ߫߸ ߓߍ߯ ߦߴߊ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߛߋ߫ ߓߊ߬ߟߊ߲ ߠߎ߬ ߞߊߘߌ߫ ߟߊ߫߸ ߢߣߊߕߊߟߌ ߣߌ߲߬ ߦߋ߫ ߞߍ߫ ߟߊ߬ߡߊ߮ ߘߌ߫߸ ߛߊ߫ ߖߡߊ߬ߣߊ ߞߊ߲ ߠߎ߬ ߘߌ߫ ߓߐ߫ ߥߛߎ ߟߊ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍ߫ ߕߟߋ߬ ߘߐ߫ ߡߎ߬ߕߎ߲߬߸ ߓߘߍ߬ߓߘߍ߬ߟߌ߬ߟߊ߬ ߞߏߙߏ߲ ߠߎ߬ ߦߋ߫ ߓߟߏߓߌߘߌ߲ߢߟߊ ߡߍ߲ ߠߎ߬ ߞߍ߫ ߟߊ߫߸ ߣߴߏ߬ ߟߎ߬ ߘߌ߫ ߣߐ߭ߛߐ߬ߘߐ߲߫ ߊ߬ߟߎ ߡߊ߬، << ߊ߲ ߧߴߊ߬ ߝߍ߬ ߞߊ߬ ߛߌߟߊ ߕߍ߰ ߏ߬ ߟߎ߬ ߓߍ߯ ߢߍ߫߸ ߛߊ߫ ߞߎ߲߬ߠߊ߬ߛߌ߮ ߟߊ߫ ߢߍߥߟߊ߫ ߓߘߍ ߟߎ߬ ߘߌ߫ ߛߎߘߊ߲߫.>>

ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߡߐ߰ߓߊ߬ ߛߌߦߊߡߊ߲߫ ߠߋ߬ ߢߣߊ߫߸ ߘߌ߯ߣߊ߫ ߞߎ߲ߘߊ߫߸ ߊ߬ ߣߌ߫ ߟߐ߲ߠߌ߲ߦߊ߫ ߞߎ߲ߘߊ߫߸ ߒߞߏ ߢߍߓߊ߮ ߣߊ߲߬ߝߏ߯ ߖߊ߰ߓߌ߫ ߕߍ߬ߘߍ߫ ߦߋ߲߬߸ ߏ߬ ߞߊ߬ ߖߊ߲߬ߖߏ߲ ߘߐߘߌߦߊ߫ ߥߎ߬ߦߊ߲߬ߞߟߌ߬ ߞߊ߲߬ߓߊ ߟߎ߬ ߟߊ߫.

ߞߏߟߌ߲ߞߏߟߌ߲ ߕߟߋ߬ ߁߅ ߣߌ߲߬ ߞߍ߫ ߘߊ߫ ߟߏ߲߫ ߠߋ߬ ߘߌ߫ ߞߙߎ߬ߛߊ߬ ߞߣߐ߫߸ ߞߎߡߊ߫ ߝߌ߬ߟߊ߫ ߕߎ߲߬ ߕߍ߫߸ ߞߋߟߋ߲߫ ߔߋ߫: ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߦߋ߫ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ߬ ߞߏ ߟߋ߬ ߞߐߡߊߓߌ߲ߓߌ߲߫ ߠߊ߫߸ ߞߊ߬ ߘߐ߬ߝߐ ߟߊߕߊ߲߬ߞߊ߬߸ ߞߊ߬ ߕߊ߬ߞߏ߬ ߞߋߟߋ߲ ߘߌ߫ ߞߏߢߊ ߏ߬ ߓߐߢߟߊߓߊ߮ ߡߊ߬ ߞߏߟߌ߲ߞߏߟߌ߲ ߂߈ ߢߣߊߕߊߟߌ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߛߌߕߊ߲߬ ߞߊ߬ߓߊ ߟߊ߫ ߘߊ߲߬ߕߍ߰ߟߌ ߟߋ߬.