ߦߏ߫ ߓߍ߯ ߟߊߘߍ߬ߣߍ߲ ߦߋ߫ ߛߌ߯ߙߌ߲߫ ߔߏߞߑߟߍ߲߫ ߓߊ߯ߙߊ߫ ߞߏ ߞߊ߬ߟߊߡߊ߬ ߢߊ ߡߍ߲ ߡߊ߬߸ ߒ߬ߓߊ߬ ߞߎߘߊ߫ ߓߘߊ߫ ߓߌ߬ߟߴߊ߬ ߘߐ߫ ߘߋ߬، ߓߊߏ߬߸ ߊ߬ ߕߎ߬ߡߊ߬ߙߋ߲߬ ߇߂ ߟߋ߬ ߕߋ߲߬߸ ߔߏߞߑߟߍ߲߫ ߓߊ߯ߙߊ ߣߌ߲߬ ߞߎߡߊ ߦߋ߫ ߡߐ߱ ߟߎ߬ ߘߊ߫ ߓߘߍߓߘߍߞߍ߬߸ ߊ߬ ߞߎߡߊ ߦߴߌߘߐ߫ ߞߏ߫ ߊ߬ ߓߊ߯ߙߊ ߦߴߌߘߐ߫ ߝߊ߲߬ ߛߌߦߊߡߊ߲߫ ߝߍ߬، ߊ߬ ߘߏ߲߬ ߜߎ ߝߐߣߍ߲߫ ߠߋ߬ ߞߊ߬ߦߌ߯ ߕߎ߬ߡߊ߬ ߖߊ߲߫߸ ߞߏ߫ ߔߏߞߑߟߍ߲ ߞߊߣߊ߬ ߓߊ߯ߙߊ߫ ߡߎ߬ߕߎ߲߬߸ ߊ߬ ߟߊ߫ ߓߊ߯ߙߊ ߟߊߕߐ߲ߣߍ߲߫ ߠߋ߬ ߝߋߎ߫.

ߒ߬ߓߊ߬߸ ߓߐߛߎ߲߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߲߬ߞߊ߬ ߓߟߏߡߊߞߊ߬ ߡߐ߱ ߘߏ߫ ߟߎ߫ ߟߋ߬ ߣߊ߬ߣߍ߲߫߸ ߞߊ߲ߓߍ߲ ߞߊ߲ߕߌ߮ ߖߘߍ߬ߓߊ߬ߞߎ߲ ߞߵߊ߬ ߓߟߏߝߘߊ߫ ߡߍ߲ ߠߎ߬ ߟߊ߫ ߞߵߊ߬ߟߎ߫ ߓߌ߬ߟߊ߬، ߞߏ߫ ߊ߬ߟߎ߬ ߦߋ߫ ߣߊ߬ ߛߌ߯ߙߌ߲߫ ߡߙߊ߬ߘߊ߬ߓߊ ߞߣߐ߫߸ ߞߵߊ߬ߟߎ߬ ߓߟߏ ߟߊ߫ ߔߏߞߑߟߍ߲߫ ߞߏ ߣߌ߲߬ ߞߌ߬ߛߍ ߞߊ߲߬߸ ߞߵߊ߬ ߟߐ߲߫ ߖߐ߲߫ ߕߊ߫ ߦߴߊ߬ߟߎ߬ ߘߌ߫߸ ߊ߬ ߣߌ߫ ߖߐ߲߫ ߦߴߊ߬ ߞߏ ߢߍ߫ ߣߴߊ߬ߟߎ߬ ߦߋ߫ ߛߋ߫ ߟߊ߫ ߓߊ߯ߙߊ߫ ߟߊ߫߸ ߣߴߊ߬ ߓߊ߯ߙߊ߫ ߢߊ ߖߍ߬ߘߍ ߖߎ߯ߡߊ߲߫߸ ߊ߬ ߘߏ߲߬ ߕߍ߫ ߛߊ߬ߙߌ߬ߦߊ߬ ߞߣߐ߫.

ߒ߬ߓߊ߬߸ ߊ߲ ߞߊ߬ ߘߋ߲ߡߌߛߍ߲ ߘߏ߫ ߡߊߛߐ߬ߘߐ߲߫ ߜߎ߬ߕߙߎ߬ ߞߣߐ߫߸ ߏ߬ ߞߵߊ߬ ߡߙߌߦߊ ߘߌ߫ ߣߌ߲߬ ߞߏ ߞߊ߲߬ ߕߊ߲߬ ߠߋ߬: <<ߝߊ߲߬ߞߊ߬ ߓߟߏߡߊߞߊ߬ߣߍ߲ ߠߎ߬ ߟߊ߫ ߗߋߦߊߟߌ ߟߋ߬ ߦߋ߫ ߛߌ߯ߙߌ߲߫ ߕߋ߲߬، ߊ߬ߟߎ߫ ߛߐ߰ߣߍ߲߫ ߦߙߐ߫ ߟߎ߫ ߟߋ߬ ߡߊߝߟߍ ߡߊ߬ ߡߎߣߎ߲߬߸ ߔߏߞߑߟߍ߲ ߠߊߟߐ߬ߣߍ߲߫ ߦߙߐ ߡߍ߲ ߠߎ߬ ߘߐ߫، ߦߊ߬ߣߴߊ߬ߟߎ߫ ߣߊ߬ߕߐ߫ ߊ߬ߟߎ߬ ߓߍ߯ ߟߊߘߍ߬ ߞߊ߬ ߥߴߊ߬ߟߎ߬ ߘߌ߫ ߘߊ߮ ߞߣߐ߫.

ߕߍ߮ ߓߘߊ߫ ߞߍ߫ ߛߣߌߥߊ߫ ߛߌߦߊߡߊ߲߫ ߘߐ߫߸ ߊ߬ ߣߴߊ߬ߟߎ߬ ߓߊ߯ߙߊߢߐ߲߯ ߛߌߦߊߡߊ߲߫، ߞߎߣߎ߲߬ ߖߍ߬ߘߍ߸ ߛߌ߯ߙߌ߲߫ ߡߙߊ߬ߓߊ߮߸ ߝߊߙߌ߲ ߛߋߣߌ߬ ߛߌߟߑߝ߭ߍߙ ߞߡߊ߬ߙߊ߬߸ ߘߎ߰ߞߣߍ ߞߟߍ߬ߡߐ߰ߘߊ ߡߙߊ߬ߓߊ߮߸ ߝߊߙߌ߲ ߓߌߟߌ߬ ߣߊ߲ߞߎ߬ߡߊ߲߫ ߞߏ߬ߣߊ߬ߕߍ߫߸ ߊ߬ ߣߌ߫ ߕߐ߲ߕߌ߯ ߛߙߍߞߍ߸ ߝߊߙߌ߲ ߎߛߑߡߊߣߌ߲߬ ߞߊ߬ߓߊ߸ ߏ߬ ߟߎ߬ ߓߍ߯ ߡߊߞߟߌ߫ ߘߊ߫߸ ߞߵߊ߬ߟߎ߫ ߕߊ߬ ߞߊ߬ ߥߴߊ߬ߟߎ߬ ߘߌ߫ ߞߐߣߊߞߙߌ߫߸ ߛߌ߯ߙߌ߲߫ ߟߊ߬ߡߌߣߌ߲ ߘߐߖߊߛߌ߫ ߞߏ ߣߌ߲߬ ߞߊߡߊ߲ ߞߣߐ߫߸ ߛߴߊ߬ ߢߊߘߐߜߍ ߘߌ߫ ߟߐ߲߫، ߊ߲ ߧߋ߫ ߊߟߊ߫ ߟߋ߬ ߕߙߊ߫ ߟߊ߫߸ ߓߊ߯ߙߊ ߡߍ߲ ߦߴߌߘߐ߫ ߣߌ߲߬߸ ߏ߬ ߦߋ߫ ߥߴߊ߬ ߡߊ߬ ߟߋߋ߬ ߘߍ߯، ߊ߲ ߘߏ߲߬ ߦߴߊ߬ ߝߍ߬ ߟߋ߬߸ ߛߌ߯ߙߌ߲߫ ߘߎ߰ߞߟߏ ߘߐߕߌߢߍߓߊ߮ ߢߌ߲߬ ߠߎ߬ ߦߋ߫ ߣߵߊ߲ ߠߊ߫ ߟߊ߬ߡߌߣߌ߲ ߞߍ߫ ߊ߬ ߢߊ ߡߊ߬ ߝߣߊ߫ ߖߐ߫.>> ߘߋ߲ߡߌߛߍ߲ ߣߌ߲߬ ߞߵߏ߬ ߦߌ߬ߘߊ߬.

ߕߋ߲߭ߕߋ߲߭ ߣߌ߲߬ ߞߏ߬ߣߌ߲߬ ߘߐ߫߸ ߊ߲ ߡߊ߫ ߕߍ߰ߒ߬ߞߊ߲߬ ߝߏߦߌ߬ ߛߐ߬ߘߐ߲߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ߠߊ߫ ߡߎߣߎ߲߬߸ ߞߊ߬ ߣߌ߲߬ ߞߏ ߔߘߋߔߘߋߟߊߕߍ߰.