ߞߊ߲ߞߊ߲߫ ߞߊ߬ߝߏ߬ߙߋ߲ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߫ ߞߎ߲߬ߕߌ߮ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬ ߛߍߥߊߣߍ߲ ߠߋ߬ ߞߊ߬ ߛߙߊ߬ߣߎ߲ ߕߊ߬߸ ߞߵߊ߬ߟߎ߬ ߟߊ߫ ߓߊ߯ߙߊ߫ ߞߍߣߍ߲ ߘߏ߫ ߘߊ߲߱ߕߍ߰ ߖߊ߬ߡߊ ߦߋ߫߸ ߞߵߊ߬ ߛߐ߬ߘߐ߲߬ ߞߊ߲ߞߊ߲߫ ߡߐ߰ߓߊ߬ ߓߏߟߏ߲ ߢߊ ߦߋ߫ ߜߍ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ ߞߊ߬ ߣߌ߲߬ ߟߊߥߟߌ߬ ߡߍ߲ ߡߊ߬߸ ߞߊ߲ߕߌ߮ ߞߵߊ߬ ߓߟߏ ߛߌ߰ ߊ߲ ߞߘߐ߫ ߟߊߒߘߦߊ ߡߍ߲ ߡߊ߬߸ ߟߊߒߘߦߊ ߏ߬ ߘߌ߫ ߛߋ߫ ߡߝߊ߫ ߟߊ߫ ߘߌ߬߸ ߞߊ߲ߞߊ߲ߞߊ ߞߵߊ߬ ߓߟߏ ߛߌ߰ ߊ߲ ߞߘߐ߫ ߖߌ߰ߦߊ ߡߍ߲ ߡߊ߬߸ ߏ߬ ߘߌ߫ ߛߋ߫ ߡߝߊ߫ ߟߊ߫ ߢߊ ߡߍ߲ ߡߊ߬߸ ߞߊ߬ ߛߋ߫ ߛߏ ߛߊߣߌ߲ߧߊ߫ ߟߊ߫.>> ߊ߬ ߞߵߏ߬ ߦߌ߬ߘߊ߬، ߊ߬ ߞߊ߲߫ ߞߏ߫ ߣߴߌ ߞߊ߬ ߞߊ߲ߞߊ߲߫ ߡߊߝߟߍ߫߸ ߖߊ߬ߡߊ ߓߘߊ߫ ߥߙߊ߬߸ ߏ߬ ߓߘߊ߫ ߞߍ߫ ߕߙߎ߬ ߘߌ߫߸ ߞߊ߬ ߕߊ߬ߡߌ߲߬ ߢߊ߬ߡߊ ߛߌߦߊߦߊ߫ ߟߊ߫، ߞߊ߬ߕߎ߲߯߸ <<ߛߏ ߓߘߊ߫ ߓߏ߲߬ߧߊ߬߸ ߞߊ߲ߞߊ߫ ߦߋ߫ ߛߏ߫ ߟߋ߬ ߘߌ߫ ߓߌ߬߸ ߊ߬ ߡߌ߬ߙߌ߲߬ߘߌ ߓߘߊ߫ ߥߙߊ߬، ߏ߬ ߘߐ߫߸ ߢߊ߬ߡߊ ߦߋ߫ ߓߐ߫ ߟߊ߫ ߟߋ߬ ߟߏ߲ ߓߍ߯، ߌ ߘߏ߲߬ ߓߴߊ߬ ߡߍ߲߫ ߞߏ߫ ߞߊ߬ߝߏ߬ߙߋ߲߸ ߖߌ߱ ߟߋ߬ ߟߊߣߴߊ߲ ߘߐ߫߸ ߖߌ߰ߦߊ ߏ߬ ߟߎ߬ ߘߐ߫ ߓߏ߲߬ߓߊ ߦߋ߫ ߛߏ ߛߊߣߌ߲ߧߊ߫ ߞߏ ߟߋ߬ ߘߌ߫.>> ߊ߬ ߞߵߏ߬ ߝߐ߫. ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߛߏ ߛߊߣߌ߲ߧߊ߫ ߞߏ ߟߋ߬ ߞߍ߫ ߝߟߐߦߊ ߘߌ߫߸ ߞߊ߬ ߢߊ߬ߡߊ ߟߎ߫ ߕߍ߬.

ߞߊ߬ ߞߐ߲߰ ߓߊ߯ߙߊ߫ ߡߎߙߊ߲߫ ߞߏ ߣߌ߲߬ ߢߍ߫߸ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߫ ߛߐ߰ ߘߊ߫ ߞߊ߲ߞߊ߲ߞߊ ߓߍ߯ ߞߟߌ ߟߋ߬ ߡߊ߬߸ ߞߎ߲߬ߘߊ߬ߕߌ߮ ߟߎ߬ ߣߌ߫ ߞߌ߲߬ߕߌ߮ ߟߎ߬߸ ߞߵߏ߬ ߟߊ߫ ߥߊߟߌߥߊߟߌ߫ ߓߏߙߌߟߊ ߟߎ߬ ߣߌ߫ ߝߍߙߍ߲ߛߟߊ ߟߎ߫ ߞߊ߲߬߸ ߞߎߡߊߕߍ߫ ߕߙߏ߬ߞߏߏ߬ߦߊ߬ߟߊ ߟߎ߬ ߡߊ߬߸ ߊ߬ ߣߌ߫ ߛߘߍ߫ ߘߊ߲߬ߘߌߦߊ߫ ߄߲ ߡߍ߲ ߠߎ߬ ߦߋ߫ ߓߙߊ ߘߐ߫߸ ߊ߬ߟߎ߫ ߞߵߏ߬ ߟߎ߬ ߓߍ߯ ߞߟߌ߫ ߞߵߊ߬ߟߎ߬ ߞߐߓߌ߬ߟߊ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫߸ <<ߊ߲ ߞߊ߬ ߔߋߟߎ ߕߊ߬߸ ߞߊ߬ ߝߏߟߏ߲ ߠߎ߬ ߘߓߐ߫߸ ߞߊ߬ ߛߌߙߊ߲ ߕߊ߬߸ ߞߊ߬ ߛߌߟߊ ߛߊߣߌ߲ߧߊ߫.>> ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߞߵߏ߬ ߦߌ߬ߘߊ߬.

ߓߊ߬ߙߌ߬߸ ߊ߬ߟߎ߬ ߟߊ߫ ߝߊ߲߬ߝߘߊ ߏ߬ ߞߵߊ߬ ߦߌ߬ߘߴߊ߬ߟߎ߬ ߟߊ߫ ߜߍ ߘߐ߫ ߌߞߘߐ߫߸ ߞߏ߫ ߛߏ ߛߊߣߌ߲ߧߊ ߕߴߛߋ߫ ߥߊ߫ ߟߊ߫ ߢߊ ߏ߬ ߡߊ߬߸ ߝߏ߫ ߡߎ߬ߙߊ߲߬ ߞߟߏߡߊ ߟߎ߫ ߟߋ߬ ߦߋ߫ ߛߐ߬ߘߐ߲߬، ߏ߬ ߟߋ ߘߐ߫߸ ߊ߬ߟߎ߬ ߓߐ߫ ߘߊ߫ ߛߌߟߊ߫ ߘߌ߫߸ ߡߍ߲ ߘߴߊ߬ ߞߍ߫߸ ߛߏ ߘߌ߫ ߛߋ߫ ߞߍ߫ ߟߊ߫ ߛߏ߫ ߞߣߐ߫ ߡߐ߮ ߟߎ߫ ߛߊ߬ߥߏ ߘߌ߫، ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߥߊߘߌ߫ ߟߊߘߍ߬ߣߍ߲ ߠߎ߬ ߘߐ߫߸ ߡߍ߲ ߕߍ߬ߘߍ߫ ߞߏ߲߬ߘߏ ߟߊ߫߸ ߊ߬ߟߎ߬ ߛߋ߫ ߘߊ߫ ߕߙߏ߬ߞߏ߬ߘߓߊ ߣߌ߫ ߘߊ߲߬ߞߊ߬ߞߎߟߎ߲ ߢߌ߲߬ ߠߎ߫ ߛߊ߲߬ ߠߴߊ߬ߟߎ ߖߍ߬ߘߍ ߞߎ߲߬ ߥߊߘߌ ߟߊ߫، <<ߊ߲ ߞߵߏ߬ ߟߋ ߦߋ߫ ߤߙߍ ߘߌ߫߸ ߊ߲ ߘߌ߫ ߛߋ߫ ߡߍ߲ ߕߏ߫ ߟߊ߫ ߞߊ߲ߞߊ߲ߞߊ ߓߟߏ߫߸ ߞߊ߬ ߓߍ߲߬ ߛߊߣߌ߲ߧߊ ߟߊߛߓߊ߬ߕߌ ߡߊ߬، ߊ߬ ߘߌ߫ ߛߓߊ߬ߕߌ߬ ߢߊ ߡߍ߲ ߞߊ߲߬ ߞߵߊ߬ ߕߏ߫ ߊ߬ ߡߊ߬߸ ߛߊ߲߭ ߦߙߌߞߊ ߞߘߐ߫.>> ߊ߬ ߞߵߏ߬ ߝߐ߫.

ߕߙߏ߬ߞߏ ߢߌ߲߬ ߣߌ߫ ߘߊ߲߬ߞߊ߬ߞߎߟߎ߲ ߢߌ߲߬ ߠߎ߬ ߘߌߣߍ߲߫ ߥߊ߯ߕߌ߫ ߟߋ߬ ߟߊ߫ ߕߋ߲߬߸ ߡߍ߲ ߣߌ߫ ߥߊ߯ߕߌ ߕߐ߭ ߟߎ߬ ߕߍ߫ ߞߋߟߋ߲߫ ߘߌ߫، ߞߊ߬ߕߎ߲߯߸ ߢߣߊߕߊߟߌ ߓߊ߲߫ ߛߊ߲ ߠߋ߬ ߕߋ߲߬߸ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߓߟߏߓߐ߫ ߕߎߡߊ ߓߘߊ߫ ߛߋ߫ ߓߊ߯ߙߊ ߘߐ߫߸ ߞߊ߬ ߛߌߟߊ ߘߌ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߎ߬ ߡߊ߬߸ ߡߍ߲ ߠߎ߬ ߣߊ߬ߕߐ߫ ߛߏ ߟߊߕߊ߯ߡߊ߫ ߟߊ߫ ߟߏ߲߫ ߣߊ߬ߕߐ ߟߎ߬ ߘߐ߫، ߘߐ߬ߕߊߡߌ߲ ߕߎ߬ߡߊ߫ ߟߵߏ߬ ߘߌ߫߸ ߡߙߌߦߊ߫ ߛߌߦߊߡߊ߲߫ ߦߋ߫ ߡߐ߱ ߟߎ߬ ߟߊ߫ ߥߊ߯ߕߌ ߡߍ߲ ߠߊ߫، ߓߊߏ߬߸ ߘߏ߫ ߟߎ߫ ߢߣߊ߫߸ ߞߏ߫ ߓߐߓߊ߯ߕߐ ߢߌ߲߬ ߠߎ߬ ߡߊ߫ ߞߏ߫ ߞߌߛߍ߫ ߞߍ߫߸ ߡߍ߲ ߘߴߊ߬ߟߎ߫ ߣߐ߭ ߕߏ߫.

ߓߊ߬ߙߌ߬߸ ߊ߬ߟߎ߬ ߟߊ߫ ߓߊ߯ߙߊ ߣߌ߲߬ ߓߘߊ߫ ߕߊ߬ߡߌ߲߫ ߊ߬ߟߎ߫ ߣߐ߭ ߟߊߘߊ߲߫ ߠߊ߫، ߏ߬ ߟߋ ߞߏߛߐ߲߬߸ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߫ ߞߵߊ߬ ߦߌ߬ߘߊ߬߸ ߞߏ߫ ߓߊ߯ߙߊ ߓߊ߯ ߞߊ߬ߙߌ߬ߝߊ߬ ߌ ߟߊ߫߸ ߝߏ߫ ߌ ߦߴߊ߬ ߞߍ߫ ߟߋ߬ ߊ߬ ߞߍߢߊ ߡߊ߬، ߏ߬ ߘߌ߫ ߓߐ߫ ߜߍߟߊ߫ ߢߊ߫ ߛߌ߫ ߡߊ߬߸ ߝߏ߫ ߌ ߦߴߏ߬ ߟߋ ߞߍ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߘߌ߫ ߥߊ߫߸ ߓߊ߬ߙߌ߬ ߓߊ߯ߙߊ߫ ߘߊߡߌ߬ߣߊ߬ߣߍ߲ ߠߎ߬ ߕߍ߫ ߟߊߟߐ߬ ߟߊ߫، ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߓߍ߯ ߦߋ߫ ߞߊ߲ߞߊ߲߫ ߠߊ߫ ߢߝߍߕߊ߮ ߟߋ߬ ߝߍ߬، ߏ߬ ߟߋ ߞߏߛߐ߲߬߸ ߊ߬ߟߎ߫ ߣߐ߬ ߓߊ߯ߙߊ߫ ߛߌ߰ ߟߊ߫ ߛߋ߲߬ߠߊ߫߸ ߡߍ߲ ߘߌ߫ ߛߋ߫ ߛߊ߲߬ ߦߙߌߞߊ߫ ߓߊ߯ߙߊ ߞߍ߫ ߟߊ߫߸ ߤߊߟߌ߬ ߛߊ߲߬ ߄߀، ߊ߬ ߞߵߊ߬ ߟߴߊ߬ ߞߊ߲߬ ߝߣߊ߫߸ ߞߏ߫ ߊ߬ߟߎ߬ ߦߋ߫ ߡߐ߰ ߞߎߘߊ߫ ߣߊ߬ߕߐ ߟߎ߫ ߛߊ߬ߥߏ߬ ߘߐ߫ <<ߞߏߟߊߕߍ߯ ߞߎߘߊ߫ ߣߊ߬ߕߐ ߟߎ߬ ߘߌ߫ ߡߊߘߍ߬ߡߍ߲߬ ߛߌߟߊ߫ ߛߌ߫ ߝߍ߬߸ ߊ߲ ߧߴߊ߬ߟߎ߫ ߛߊ߬ߥߏ߬ ߘߐ߫، ߣߴߊ߬ߟߎ߫ ߡߊ߬ߞߏ ߛߋ߫ ߘߴߊ߲ ߡߊ߬߸ ߊ߲ ߧߴߊ߬ߟߎ߫ ߛߊ߬ߥߏ߬ ߘߐ߫.>> ߊ߬ ߞߵߏ߬ ߦߌ߬ߘߊ߬.

ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߞߵߊ߬ ߡߙߌߦߊ ߘߌ߫ ߞߊ߬ ߓߍ߲߬ ߞߊ߲ߞߊ߲߫ ߞߊ߬ߝߏ߬ߙߋ߲ ߦߙߌߞߊ ߟߊ߫ ߛߌߦߊߦߊ ߡߊ߬، ߊ߬ ߞߊ߲߫ ߞߏ߫ ߞߊ߲ߞߊ߲߫ ߦߋ߫ ߥߊ ߟߋ߬ ߞߊ߲߬ ߢߍߝߍ߬߸ ߞߌ߲߬ߘߊ߬ ߄ ߠߋ߬ ߕߘߍ߬߸ ߊ߬ ߓߐ߫ ߘߴߏ߬ ߘߐ߫ ߞߊ߬ ߞߍ߫ ߥߐ߯ߙߐ ߣߌ߫ ߕߊ߲ߣߌߥߐ߯ߙߐ ߟߎ߬ ߘߌ߫߸ ߝߏ߫ ߊ߬ ߞߵߊ߬ ߞߍ߫ ߂߈ ߘߌ߫߸ ߊ߬ ߦߋ߫ ߅߇ ߟߋ߬ ߘߐ߫ ߕߋ߲߬، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߡߐ߰ ߞߎߘߊ߫ ߣߊ߬ߕߐ ߟߎ߬ ߝߣߊ߫ ߣߴߊ߬ߟߎ߬ ߛߋߞߏ ߞߍߟߌ ߦߊ߫ ߞߊ߲߫، <<ߣߌ߫ ߞߊ߬ߝߏ߬ߙߋ߲ ߛߌߦߊߦߊ߫ ߘߊ߫߸ ߤߙߊ ߘߌ߫ ߛߌߦߊߦߊ߫߸ ߛߓߊ߬ߕߌ ߘߌ߫ ߛߌߦߊߦߊ߫.>> ߊ߬ ߞߵߏ߬ ߟߋ ߞߍ߫ ߊ߬ ߟߊ߫ ߞߎߡߊ ߟߊߓߊ߲ ߘߌ߫.