ߞߟߊ߬ߘߏ߲ߛߏ߫ ߞߊ߬ߙߊ߲߬ߝߊ߬ ߡߏߙߌ߫ ߞߡߊ߬ߙߊ߫ ߖߐ߲߬ߡߊߛߌߣߌ߲ߟߐ߲߫ ߦߋ߫ ߤߖߌ ߟߊ߫ ߡߞߊ߫ ߕߋ߲߬߸ ߊ߬ ߣߐ߬ ߊ߬ ߕߏ߫ ߟߊ߫ ߦߋ߲߬ ߠߋ߬ ߞߊ߬ ߟߊ߬ߖߍ߲߬ߛߍ߲߬ߠߌ߲߬ ߞߟߊߒߞߋ߫ ߞߍ߫ ߘߍ߬ߞߙߏߝߏ߫ (ߝߍߛߑߓߎߞ) ߞߊ߲߬߸ ߞߊ߬ ߓߍ߲߬ ߡߊ߬ߘߌ߬ߣߊ߫ ߓߌ߬ߘߌ߲ ߠߎ߬ ߟߌ߬ߤߟߊ ߡߊ߬ ߞߋߟߊ ߟߊ߫ ߕߌ߲ߓߌߘߌ߲ߘߊ ߟߊߡߌߣߌ߲ ߘߐ߫ ߡߊ߬ߘߌ߬ߣߊ߫.

ߛߓߍߟߌ ߣߌ߲߬ ߞߍ߫ ߘߊ߫ ߂߀߂߆ ߘߓߊ߬ߕߊ ߕߟߋ߬ ߁߅ ߢߌ߲߬ ߠߋ߬ ߡߊ߬߸ ߊ߬ߟߋ ߡߍ߲ ߦߋ߫ ߞߟߊ߬ߘߏ߲ߛߏ߫ ߘߌ߫ ߣߴߊ߬ ߟߊ߫ ߞߟߊ߬ߘߏ߲߬ߛߏ߬ߦߊ ߦߋ߫ ߟߞߊ߬ߟߌ߬ߕߊ߫ ߘߌ߫ ߘߎߢߊ߫ ߞߣߐ߫، ߒ߬ߓߊ߬߸ ߊ߬ ߞߵߊ߬ ߦߌ߬ߘߊ߬ ߛߓߍߟߌ ߣߌ߲߬ ߘߐ߫߸ ߞߏ߫ ߓߌ߬ߘߌ߲ ߡߍ߲ ߠߎ߬ ߦߋ߫ ߕߌ߲ߓߌߘߌ߲ߘߊ ߟߊߡߌߣߌ߲ ߘߐ߫ ߣߌ߲߬߸ ߏ߬ ߟߎ߬ ߕߍ߫ ߝߊߕߌ߬ߡߊ߬ ߟߊ߫ ߓߌ߬ߘߌ߲ ߠߎ߬ ߓߐ߲ߛߐ߲߫ ߠߎ߫ ߘߌ߫ ߡߎ߰ߡߍ߫߸ ߦߏ߫ ߡߐ߰ ߛߌߦߊߡߊ߲߫ ߦߴߊ߬ ߖߌ߰ ߟߊ߫ ߢߊ ߡߍ߲ ߡߊ߬.

<<ߡߐ߰ ߛߌߦߊߡߊ߲߫ ߊ߬ ߝߐ߫ ߟߊ߫ ߞߏ߫: ߞߋߟߊ ߘߋ߲ߡߛߏ߫ ߝߊߕߎߡߕߊ߫ ߟߊ߫ ߓߌ߬ߘߌ߲ ߓߌ߬ߟߊ߬ߣߍ߲ ߠߎ߬ ߓߐ߲ߛߐ߲ ߠߎ߫ ߟߋ߬ ߡߊ߬ߘߌߣߊ߬ ߓߌ߬ߘߌ߲߬ߣߍ߲ ߠߎ߬ ߘߌ߫ ߞߋߟߊ ߟߊ߫ ߡߌ߬ߛߙߌ߬ߘߊ ߟߊ߫، ߞߵߊ߬ ߕߘߍ߬ ߞߎߡߊ ߕߎ߬ߢߊ ߦߋ߫ ߡߍ߲ ߘߌ߫ ߸ ߏ߬ ߝߟߍ߫>> ߊ߬ ߞߵߏ߬ ߛߓߍ߫.

ߊ߬ߟߋ ߟߊ߫ ߝߐߟߌ߫ ߘߐ߫߸ ߞߐ߬ߣߐ ߢߌ߲߬ ߠߎ߬ ߝߘߊߣߍ߲߫ ߕߙߎߞߌ߫ ߝߊ߰ߡߊ߬ߟߊ ߟߋ߬ ߟߊ߫، ߊ߬ ߞߊ߲߫ ߞߏ߫ ߤߖߌ ߕߎ߲߬ ߓߊ߯ ߓߊ߲߫ ߛߐ߲߬߸ ߡߞߊߞߊ ߟߎ߫ ߕߘߍ߬ ߞߏ ߡߍ߲ ߞߍ߫ ߟߊ߫ ߤߖߌߘߋ߲ ߠߎ߬ ߟߊ߫߸ ߏ߬ ߟߋ ߞߐߝߟߌ ߞߍߣߍ߲߫ ߓߌ߬ߘߌ߲߬ ߞߏ ߣߌ߲߬ ߣߊ߬ ߢߊ ߘߌ߫، ߓߊߏ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߘߏ߫ ߟߎ߫ ߕߍ߬ߘߍ߫ ߡߎ߲߬ ߞߍ߫ ߟߊ߫߸ ߊ߬ߟߎ߬ ߘߌ߫ <<ߞߌ߬ߦߊ ߞߍ߫ ߡߐ߱ ߟߎ߬ ߟߊ߫ ߞߵߊ߬ߟߎ߬ ߣߍ߲߯ ߞߵߊ߬ߟߎ߬ ߟߊߕߏ߫ ߊ߬ߟߎ߬ ߓߘߊ ߦߊ߲߬، ߏ߬ ߞߐ߫ ߸ ߊ߬ߟߎ߬ ߘߴߊ߬ߟߎ߬ ߞߍ߫ ߖߐ߲߬ ߘߌ߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫ ߞߊ߲ߡߊ߬، ߊ߬ߟߎ߫ ߕߎ߲߬ ߘߌ߫ ߘߏ߫ ߟߎ߫ ߕߍ߲߰ ߞߵߊ߬ߟߎ߬ ߞߓߐ߫ ߛߊ߫ ߏ߬ ߝߋ߲߫ ߞߊߣߊ߬ ߓߋ߬ ߊ߬ߟߎ߫ ߡߏ߬ߛߏ ߣߴߊ߬ߟߎ߫ ߘߋ߲ߡߛߏ߫ ߟߎ߫ ߞߊ߲߬.>>

ߞߊ߬ ߓߍ߲߬ ߘߊ߲߬ߠߕߊ߬ߡߌ߲߬ ߥߊߟߋ ߏ߬ ߟߋ ߡߊ߬ ߛߊ߫߸ ߡߏߙߌ߫ ߞߡߊ߬ߙߊ߬ ߞߊ߲߫ ߞߏ߫ ߕߙߎߞߌ߫ ߝߊ߰ߡߊ ߡߍ߲ ߠߎ߬ ߕߘߍ߬ ߡߞߊ߫ ߡߙߊ߬ ߟߊ߫ ߕߎ߬ߡߊ ߏ߬ ߟߊ߫߸ ߏ߬ ߟߎ߫ ߞߵߊ߬ߟߎ߫ ߛߋ߲߭ߓߌ߬ߟߊ߫ ߏ߬ ߟߋ ߟߊߕߐ߲ ߘߐ߫߸ ߞߵߊ߬ߟߎ߫ ߕߊ߬ߣߊ ߟߊ߫ ߘߊ߱ ߘߐ߫، ߤߊ߲߯ ߝߊ߰ߡߊ ߖߍ߬ߘߍ ߣߊ߬ ߘߊ߫ ߡߞߊ߫ ߞߵߊ߬ ߝߐ߫ ߞߏ߫: <<ߓߌ߬ ߕߊ ߞߐ߫ ߓߌ߬ ߕߊ ߢߍ߫ ߸ ߖߐ߲߬ߧߊ߬ ߕߍ߫ ߡߞߊ߫ ߡߎ߬ߕߎ߲߬ ߸ ߤߖߌߘߋ߲߫ ߕߍ߫ ߞߎ߲߬ߡߊߕߎ߬ ߟߊ߫ ߦߊ߲߬ ߏ߬ ߞߐ߫ ߞߵߊ߬ ߞߍ߫ ߖߐ߲߬ ߘߌ߫.>> ߊ߬ ߞߊ߲߫ ߞߏ߫ ߝߊ߰ߡߊ ߟߋ߬ ߞߊ߲߫ ߕߋ߲߬ ߕߎ߬ߡߊ ߏ߬ ߟߊ߫.

ߞߵߊ߬ ߟߊߥߟߌ߬ ߞߎߡߊ ߏ߬ ߘߊ߬ߟߎ ߦߌ߬ߘߊ ߡߊ߬߸ ߊ߬ ߣߴߊ߬ ߕߐ߰ߡߊ߬ߛߙߋ߸ ߞߟߊ߬ߘߏ߲ߛߏ ߞߵߊ߬ ߟߊ߫ ߞߎߡߊ ߘߊߓߊ߲߫ ߌߞߐ߫߸ ߞߏ߫ ߝߊ߰ߡߊ ߞߊ߬ ߓߌ߬ߘߌ߲ ߘߏ߫ ߟߎ߫ ߓߌ߬ߟߊ߬ ߞߵߏ߬ ߟߎ߬ ߞߍ߫ ߡߙߌߦߊ ߕߐ߰ߡߊ߬ߛߙߋ ߘߌ߫، ߞߵߊ߬ ߝߐ߫ ߏ߬ ߘߐ߫ ߛߊ߫ ߞߏ߫ <<ߓߌ߬ߘߌ߲ ߢߌ߲߬ ߠߎ߫ ߓߌ߬ߟߊ߬ߣߍ߲߬ ߢߊ ߡߍ߲ ߕߊ߲߬ ߸ ߖߐ߲߭ ߓߍ߯ ߓߘߊ߫ ߟߊߓߌ߬ߟߊ߬ ߕߊ߲߬ ߤߊ߲߯ ߟߏ߲ ߡߍ߲ ߘߌߡߊ߲߫ ߊߟߊ߫ ߢߍ߫.>> ߖߐ߲߬ߡߊߛߌߣߌ߲ߟߐ߲߫ ߞߵߏ߬ ߛߓߍ߫ ߞߵߊ߬ ߦߌ߬ߘߊ߬ ߞߏ߫ ߕߙߎߞߌ߫ ߡߊ߲߬ߛߊ ߞߵߏ߬ ߟߋ ߝߐ߫.

ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߝߐߟߌ߫ ߘߐ߫߸ ߞߐ߬ߣߐ ߏ߬ ߟߎ߫ ߟߋ߬ ߖߘߌߣߍ߲߫߸ ߞߊ߬ ߓߎ߯ ߤߙߊߡߎ߲ ߠߊߡߌߣߌ߲ ߘߐ߫ ߦߋ߲߬߸ ߓߊߏ߬ ߊ߬ߟߎ߬ ߟߊߞߊ߲ߘߊߣߍ߲߫߸ ߛߋ߫ ߕߍ߫ ߞߍ߫ ߟߴߊ߬ߟߎ߫ ߡߊ߬߸ ߊ߬ߟߎ߫ ߘߏ߲߬ ߕߍ߫ ߝߊ߰ ߟߊ߫߸ <<ߝߏ߫ ߞߊ߬ ߞߋߟߊ ߟߊ߫ ߡߌ߬ߛߙߌ ߣߴߊ߬ ߓߐ߰ߝߍ ߞߍ߫ ߓߌ߬ߘߌ߲߬ ߛߌߦߊߡߊ߲߫ ߘߌ߫>>

ߊ߬ ߞߵߊ߬ ߖߊ߬ ߦߙߐߣߍ߲ ߣߌ߲߬ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߡߐ߰ ߛߌߦߊߡߊ߲߫ ߦߴߊ߬ ߝߐ߫ ߟߊ߫ ߢߊ ߡߍ߲߸ ߊ߬ ߕߍ߫ ߕߋ߲߬، <<ߞߏ߬ߣߌ߲߬ ߝߋߎ߫ ߞߋߟߊ ߘߋ߲ߡߛߏ߫ ߕߊ߫ ߟߎ߫ ߕߍ߫.>>

ߡߏߙߌ߫ ߞߡߊ߬ߙߊ߬ ߡߍ߲ ߦߋ߫ ߕߋ߲߬߸ ߊ߬ ߓߘߊ߫ ߞߊ߬ߝߊ߫ ߂߀߀ ߛߓߍ߫ ߛߊ߲߬ ߛߋߦߌ߲߫ ߞߘߐ߫߸ ߘߏ߫ ߟߎ߫ ߞߊ߫ ߛߌߌߦߊ߫ ߞߐߜߍ߫ ߁߄߀߀ ߘߌ߫. ߊ߬ ߓߘߊ߫ ߟߞߊ߬ߟߌ߬ߟߌ߬ ߛߌߦߊߡߊ߲߫ ߠߋ߬ ߞߍ߫ ߊ߬ ߟߊ߫ ߤߖߌ ߞߎ߲߬ߕߊ߮ ߣߌ߲߬ ߞߣߐ߫.