ߓߡߊ߬ߞߐ߫ ߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߉ ߡߊ߬ ߸ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߗ߭ߊ߲߭ ߘߊߏ߫ ߞߊ߬ ߖߊ߬ߕߋ߬ߛߎ߬ߓߐ ߘߏ߫ ߟߋ߬ ߝߐ߫ ߡߊ߬ߟߌ ߞߎߡߊߛߏ ߝߊ߬ߛߏ߬ߟߊ߬ߞߊ (ߏߍߙߑߕߍߡ) ߠߊ߫ ߸ߞߊ߬ ߓߍ߲߬ ߣߊ߲߬ߕߌ߰ ߦߙߍߞߍߟߌ߫ ߕߊ߬ߡߌ߲߬ߣߍ߲ ߡߊ߬ ߊߣߋߝߌ߫ ߕߌ߲߬ߞߎߘߎ߲ ߘߐ߫.

 

ߣߊ߲߬ߕߌ߰ ߛߊ߲ߘߐ ߟߎ߬ ߟߊ߫ ߝߐߟߌ߫ ߘߐ߫ ߸ߡߍ߲ ߠߎ߬ ߢߍߡߌ߬ߘߊ߬ߣߍ߲߫ ߡߊ߬ߟߌ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ (ߝߊ߬ߡߊ) ߟߎ߬ ߓߟߏ߫ ߸ߞߏ߫ ߊ߬ߟߎ߬ ߛߋ߫ ߘߊ߫ ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߁ ߀߀߀ ߢߐ߲߰ ߝߊ߰ ߊ߬ ߣߌ߫ ߞߊ߬ ߞߐ߲߬ߛߏ߬ ߁߄ ߘߐߕߌߢߍ߲߫ ߊߣߋߝߌ߫ ߘߊߝߍ߬  ߞߟߍ߬ ߝߟߐ ߞߐߝߍ߬.

 

ߊ߬ߟߎ߫ ߞߊ߬ ߜߋ߬ߕߋߜߋ߭ ߂߄ ߘߐߕߌߢߍ߲߫ ߸ߞߟߍ߬ߞߍ߬ߝߋ߲ ߠߎ߬ ߕߘߍ߬ ߡߍ߲ ߞߣߐ߫ ،ߊ߬ ߜߋ߲ߜߋ߲߫ ߡߏ߬ߙߌ߬ߝߊ߬ ߓߘߎ ߟߎ߬ ߸ߡߍ߲ ߠߎ߬ ߦߋ߫ ߛߊ߲ߡߊߞߎߟߎ߲ ߠߎ߬ ߓߏ߲ ߠߊ߫ ߛߊ߲ ߡߊ߬ ߸ ߊ߬ ߣߌ߫ ߞߐ߲߬ߛߏ߬ ߃߀ ߢߐ߲߰ ߡߍ߲ ߠߎ߬ ߕߘߍ߬ ߞߟߍ߬ߞߍ߬ߟߊ ߡߊߘߏ߬ߣߌ߲߬ ߠߊ߫ ߞߟߍ߬ߞߍ߬ߘߊ߮ ߘߐ߫߸ߞߊ߬ ߔߏߔߏ߫ ߃߀߀ ߖߋ߬ߣߌ߲߬ ،ߝߊߦߌߘߊ߫ ߸ߛߏ߬ߙߌ߬ߡߊ߬ߘߋ߲߬ ߞߙߎ ߟߎ߬ ߝߐ߫ ߛߊ߫ ߓߟߏߝߋ߲߫ ߞߟߏߡߊ߫ ߛߌߦߊߡߊ߲߫ ߠߋ߬ ߟߊ߫ ߞߏߢߊ ߣߌ߲߬ ߘߊߞߎ߲ ߘߐ߫.

 

ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߗ߭ߊ߲߭ ߘߊߏ߫ ߛߎ߬ߣߎ߲߬ߣߍ߲ ߠߋ߬ ߞߊ߬ ߟߌ߬ߤߟߊ߬ ߖߎ߮ ߣߌ߲߬ ߠߊߛߋ߫ ߸ߞߊ߬ ߝߏ߬ߟߌ ߟߐ߬ ߡߊ߬ߟߌ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߟߎ߫ ߡߊ߬ ߸ ߊ߬ ߜߋ߲ߜߋ߲߫ ߡߐ߰ ߆߀ ߣߌ߫ ߞߐ ߡߍ߲ ߠߎ߬ ߡߊߘߌߡߌ߲߫ ߞߏߖߎ߯ߦߊ ߞߍ߫ ߘߊ߫ ،ߏ߬ ߞߐ߫ ߸ߞߊ߬ ߛߊ߲߬ߞߊ߬ ߝߏߟߌ ߟߊߛߋ߫ ߡߊ߬ߟߌ ߛߏ߬ߙߌ߬ߡߊ߬ߘߋ߲߫ ߡߐ߰ ߃߀ ߣߌ߫ ߞߐ ߞߐߙߍ ߡߊ߬ ߸ߡߍ߲ ߠߎ߬ ߣߌ ߕߏ߫ ߘߊ߫ ߞߍ߬ߟߍ ߘߐ߫.

 

ߟߊ߬ߓߊ߲ ߘߐ߫ ߸ ߞߵߊ߬ ߦߌ߬ߘߊ߬ ߸ߞߏ߫ ߊ߬ߟߎ߬ ߕߍߣߊ߬ ߞߍ߬ߟߍ ߣߌ߲߬ ߟߊߟߐ߬ ߟߊ߫ ߝߋߎ߫ ،ߝߐ߫ ߊ߬ߟߎ߬ ߓߊ߯ ߘߊ߲߭ߛߌ߱ ߓߊ߰ߓߊ߰ߟߌ߬ ߝߊ߲ߞߊ ߟߎ߬ ߟߊ߫ ߟߋ߬ ߖߐ߫߸ ߡߊ߬ߟߌ ߞߣߍ ߞߊ߲߬.