ߓߊ߰ߓߊ߰ߟߌ߬ߟߊ ߟߎ߬ ߥߊߣߴߊ߬ߟߎ߬ ߞߍ߫ ߟߊ߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߡߊߞߍ߫ ߦߌߟߊ ߘߏ߫ ߟߎ߫ ߟߋ߬ ߞߊ߲߬ ߖߡߊ߬ߣߊ ߞߐ߰ߘߎ߮ ߣߴߊ߬ ߕߍߡߟߊ ߘߐ߫، ߒ߬ߓߊ߬߸ ߏ߬ ߕߊߛߙߊߟߌ ߡߍ߲ ߞߍ߫ ߘߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߓߟߏ߫߸ ߊ߬ߟߎ߬ ߞߊ߲߫ ߞߏ߫ ߊ߬ߟߎ߫ ߣߐ߬ "ߓߊ߰ߓߊ߰ߟߌ߬ߟߊ߫ ߡߐ߰ ߁߆߃ ߟߋ߬ ߝߊ߰ ߟߊ߫".
ߣߌ߲߬ ߝߐ߫ ߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߘߐ߫߸ ߡߍ߲ ߞߊ߬ߙߊ߲߬ ߘߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߞߊ߬ ߝߘߊ߫ ߣߊ߲߬ߕߌ߰ ߘߊ߯ߘߐ ߟߊ߫، ߊ߬ߟߎ߬ ߞߊ߲߫ ߞߏ߫ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ߫ ߝߌ߬ߟߊ߬߸ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ (ߊߞߞ) ߣߌ߫ ߊߟߑߞߊߦߌߘߊ ߓߏߟߏ߲ߝߘߊ߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߦߊ߬ ߞߐߡߊߓߌ߲ߓߌ߲߫ ߞߙߎ (ߛߛߞߞ)߸ ߏ߬ ߟߎ߫ ߟߋ߬ ߥߊߣߍ߲߫ ߓߊ߰ ߟߴߊ߬ߟߎ߫ ߡߊ߬ ߞߍ߲ߘߍߟߏ߲ ߛߐ߰ߡߘߊ߬ ߖߏߣߊ ߟߊ߫߸ ߊ߬ߟߎ߬ ߟߊ߫ ߘߊ߮ ߡߍ߲ ߠߎ߬ ߦߋ߫ ߊߜ߭ߍߟߑߘߐߞ߸ ߊߣߋߝߌߛ߸ ߜ߭ߊ߬ߥߏ߫߸ ߊ߬ ߣߌ߫ ߛߋߝ߭ߊߙߋ߫߸ ߞߵߊ߬ߟߎ߬ ߞߍ߫ ߏ߬ ߟߎ߫ ߞߊ߲߬، ߞߊ߬ ߓߊ߲߫ ߌߞߐ߫߸ ߥߛߎߓߏ߲ ߡߍ߲ ߦߋ߫ ߞߌ߬ߢߍ߬ߙߏ߬ߓߊ߫߸ ߞߵߊ߬ߟߎ߬ ߞߍ߫ ߏ߬ ߝߣߊ߫ ߞߊ߲߬.
ߒ߬ߓߊ߬߸ ߡߊ߬ߟߌ ߣߊ߲߬ߕߌ߮ ߟߎ߬ ߕߊ߬ߣߍ߲ ߞߵߊ߬ ߟߊ߫ ߊ߬ߟߎ߬ ߞߏߟߊߘߍߢߐ߲߯ ߙߎ߬ߛߌ߫ ߣߊ߲߬ߕߌ߯ ߞߐߙ ߊߝߙߌߞߊ߬ ߞߊ߲߬߸ ߏ߬ ߟߎ߫ ߞߊ߬ ߜߊ߬ߟߏ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߣߌ߫ ߡߙߊ߬ߒ߬ߡߊ߬ߝߋ߲߬ߕߌ߯ ߡߙߎߕߌߓߊ߮ ߢߌ߲߬ ߠߎ߫ ߞߊ߲߬߸ ߞߵߊ߬ߟߎ߬ ߛߐ߲ߛߐ߲߫ ߞߏߛߓߍ߫.
ߣߊ߲߬ߕߌ߰ ߘߊ߯ߘߐ ߞߊ߲߫ ߞߏ߫ ߊ߬ߟߋ߬ ߡߐ߰ߖߎ߮ ߢߌ߲߬ ߠߎ߬ ߥߊ߫ ߘߊ߫ ߟߋ߬ ߞߐߣߊ߫߸ ߊ߬ߟߎ߫ ߞߵߊ߬ߟߎ߫ ߕߎ߬ߙߎ߲߫ ߦߋ߲߬، ߊ߬ߟߎ߬ ߥߊ߫ ߘߴߊ߬ߟߎ߬ ߟߊߘߍ߬ ߛߏߡߊߘߜ߭ߎ߫ ߌߞߐߕߎ߲߯߸ ߞߏ߫ ߛߴߊ߬ߟߎ߬ ߘߌ߫ ߥߊ߫ ߓߋ߬ ߛߏ߬ߝߙߊ߫ ߞߊ߲߬߸ ߣߊ߲߬ߕߌ߮ ߡߍ߲ ߠߎ߬ ߕߍ߬ߘߍ߫ ߘߎ߱ ߡߊ߬ ߦߋ߲߬߸ ߏ߬ ߟߎ߫ ߞߵߏ߬ ߟߎ߬ ߞߍ߫ ߡߎ߮ ߓߋ߬ ߞߋߟߋ߲ ߘߌ߫ ߦߋ߲߬߸ ߞߵߊ߬ߟߎ߬ ߛߌߟߊߛߊ߬.
ߖߊ߬ߕߋ߫ ߘߍ߲߬ߞߍ߬ߕߎ߬ߣߍ߲ ߡߍ߲ ߝߐߣߍ߲߫ ߡߊ߬ߟߌ ߣߊ߲߬ߕߌ߮ ߟߎ߬ ߓߟߏ߫ ߡߎߣߎ߲߬߸ ߏ߬ ߟߋ ߞߏ߫ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߁߆߃ ߟߋ߬ ߝߊ߰߸ ߞߵߊ߬ߟߎ߬ ߓߟߏߝߋ߲ ߥߙߍߓߊߓߊ ߡߌ߬ߣߊ߬، ߡߊ߬ߟߌ ߣߊ߲߬ߕߌ߰ ߞߎ߲ߕߌ߮ ߟߎ߬ ߞߊ߲߫߸ ߞߏ߫ ߖߡߊ߬ߣߊ߬ߘߋ߲ ߠߎ߬ ߦߋ߫ ߕߡߊ߬ߖߌ ߓߐ߫ ߊ߬ߟߎ߬ ߘߐ߫ ߛߎ ߣߌ߬ ߕߋ߬ߟߋ߸ ߊ߬ߟߎ߬ ߟߊ߫ ߖߡߊ߬ߣߊ ߦߙߐ߫ ߛߌ߫ ߛߎߡߊ߲߫ ߘߊ߫ ߡߐ߰ߖߎ߮ ߢߌ߲߬ ߠߎ߬ ߓߟߏ߫߸ ߊ߬ߟߎ߬ ߕߴߊ߬ ߕߏ߫ ߊ߬ߟߎ߬ ߘߐ߫ ߢߊ߫ ߛߌ߫ ߡߊ߬، ߝߣߊ߫߸ ߞߏ߫ ߊ߬ ߞߊߣߊ߬ ߡߐ߱ ߟߎ߬ ߢߣߊ߫߸ ߞߏ߫ ߦߙߐ ߏ߬ ߟߎ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߟߋ߬ ߓߟߏ߫߸ ߊ߬ߦߌ߫߸ ߞߏ߫ ߊ߬ ߓߍ߯ ߦߋ߫ ߡߊ߬ߟߌ ߣߊ߲߬ߕߌ߮ ߟߊ߫ ߓߌ߬ߟߊ ߟߋ߬ ߘߐ߫.
ߣߊ߲߬ߕߌ߰ ߘߊ߯ߘߐ ߞߵߊ߬ ߝߐ߫ ߌߞߐ߫߸ ߞߏ߫ ߊ߬ߟߎ߬ ߦߋ߫ ߦߙߍߞߍߟߌ ߞߊ߲߬߸ ߓߊ߰ߓߊ߰ߟߌ߬ߟߊ ߡߍ߲ ߠߎ߬ ߣߐ߬ ߥߊ߭ ߡߌ߬ߣߊ߬ ߟߴߊ߬ߟߎ߫ ߞߎ߲߬ ߘߌ߫ ߞߵߊ߬ߟߎ߫ ߓߏ߬ߙߌ߬߸ ߊ߬ߟߎ߬ ߦߴߏ߬ ߟߎ߬ ߢߌߣߌ߲߫ ߥߊ ߟߊ߫߸ ߣߴߊ߬ߟߎ߬ ߓߟߏ߫ ߟߊ߫ ߘߊ߫ ߡߍ߲ ߠߎ߬ ߘߐ߫߸ ߊ߬ߟߎ߬ ߘߴߏ߬ ߓߟߏߓߐ߫ ߔߋߎ߫.
Aucun commentaire pour le moment.