ߖߌ߬ߣߍ߬ ߞߣߐ߫߸ ߞߊ߲߬ߞߊߟߌ ߕߍ߫ ߡߌ߲߬ߕߊ߬ ߜߊ߲ߛߊ߲߫ ߘߌ߫ ߦߋ߲߬ ߕߋ߲߬ ߘߋ߬߸ ߘߏ߫ ߟߎ߫ ߜߎ ߘߍ߲ߣߍ߲߫ ߊ߬ ߟߊ߫ ߟߋ߬، ߞߌ߲߬ߘߊ ߟߎ߬ ߞߣߐ߫߸ ߓߊ߯ߙߊ߫ ߦߙߐ ߟߎ߬ ߘߐ߫߸ ߞߍߙߍ߲ߘߊ ߟߎ߬ ߟߊ߫߸ ߕߋ߬ߟߋ߲ߓߊ߲ ߓߊ߬ߘߏ ߟߎ߬ ߦߋ߫ ߞߍ߫ ߟߴߊ߬ߟߋ ߟߋ߬ ߞߎ߲߬ߠߊ߫߸ ߘߏ߫ ߟߎ߫ ߘߌ߫ ߛߎ ߓߊ߲߫ ߓߊ߲߬ߘߏ ߞߍ߫ ߊ߬ ߞߎ߲߬ߠߊ߫߸ ߞߊ߬ ߡߐ߰ߦߊ ߓߊ߬ߘߏ ߟߎ߬ ߣߌ߫ ߓߊ߯ߙߊ߫ ߞߏߢߊߓߐ ߟߎ߬ ߣߌ߫ ߞߏ߫ ߜߘߍ߫ ߟߎ߫ ߞߍ߫ ߞߊ߲߬ߞߊ߬ߟߌ ߓߙߊ߬ߘߊ߰ ߞߋߟߋ߲ ߞߎ߲߬ߠߊ߫ ߖߐ߫، ߒ߬ߓߊ߬߸ ߞߊ߲߬ߞߊߟߌ ߟߏ߲ߓߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߋ߬ ߞߏߛߐ߲߬߸ ߛߌߟߊߓߐߛߐ߯ߣߊ߫ ߛߋ߫ ߘߊ߫ ߛߏߓߊ߫ ߛߓߊ߬ ߞߎ߲ߝߊ߲ߓߐ߫ ߟߊ߫ ߞߵߊ߬ߟߎ߫ ߛߌ߰ߓߊ߮ ߟߎ߬ ߤߊ߲ߞߟߌߣߊ߲ ߛߐ߬ߘߐ߲߬߸ ߘߏ߫ ߟߎ߫ ߟߊ߫ ߞߎߡߊ ߟߎ߫ ߓߍ߲߬ ߘߊ߫ ߢߐ߲߮ ߡߊ߬߸ ߘߏ߫ ߟߎ߫ ߝߏ߫ ߘߊ߫ ߢߐ߲߮ ߞߐ߫ ߞߊ߬ ߓߍ߲߬ ߊ߬ ߕߣߐ߬ ߞߏ ߣߴߊ߬ ߡߊ߲߬ߕߙߐ߬ ߞߏ ߡߊ߬.

ߞߊ߲ߞߊ߲߫ ߞߣߐ߫߸ ߡߊ߬ߡߎߘߎ߬ ߕߙߊߥߟߋ߫ ߡߍ߲ ߞߊ߲߬ߕߐ߮ ߦߋ߫ <<ߘߌߞߏ߬ ߘߙߊߔ>> ߘߌ߫߸ ߏ߬ ߞߵߊ߬ ߦߌ߬ߘߊ߬ ߣߌ߫ ߕߡߊ߬ߖߌ߬ ߕߍ߫߸ ߞߏ߫ ߞߊ߲߬ߞߊߟߌ ߦߋ߫ ߕߣߐ߬ߡߊ ߣߌ߫ ߡߊ߲߬ߕߙߐ߬ߡߊ ߟߋ߬ ߘߌ߫. <<ߡߍ߲ ߓߍ߲߬ߣߍ߲߫ ߞߊ߲߬ߞߊߟߌ ߕߣߐ߬ ߞߏ ߡߊ߬߸ ߕߐ߬ߣߐ ߦߴߊ߬ ߟߊ߫ ߢߊ ߡߍ߲߸ ߡߊ߲߬ߕߙߐ ߦߴߊ߬ ߟߊ߫ ߕߋ߲߬ ߠߋ߬.>> ߊ߬ ߞߵߏ߬ ߦߌ߬ߘߊ߬، ߞߵߊ߬ ߟߴߊ߬ ߞߊ߲߬ ߞߏ߫ ߞߐߝߟߌ ߘߏ߫ ߟߎ߫ ߦߴߊ߬ ߟߊ߫߸ ߡߍ߲ ߠߎ߬ ߖߍ߬ߘߍ ߦߋ߫ ߔߊߟߊ߲ߞߊ ߛߌߟߊ ߘߌ߫، <<ߣߴߌ ߦߴߊ߬ ߡߌ߲߬ ߠߊ߫ ߕߎ߬ߡߊ ߓߍ߯߸ ߊ߬ ߘߌ߫ ߛߋ߫ ߛߎ߬ߣߐ߰ߓߊߟߌߦߊ ߓߌ߬ߟߊ߬ ߟߴߌ ߟߊ߫، ... ߞߊ߬ ߕߎ߬ߡߊ߬ ߘߐ߬ߖߊ߯ߛߌ ߝߣߊ߫ ߝߍ߬ߙߍߕߍ߰.>> ߊ߬ ߞߵߊ߬ ߦߌ߬ߘߊ߬ ߞߏ߫ ߣߴߊ߬ ߣߋ߬ߦߌ ߥߙߊ߬ ߘߴߌ ߝߊ߬ߘߌ ߞߘߐ߫ ߓߘߍߞߍ߭߸ ߊ߬ ߘߌ߫ ߞߴߌ ߡߊ߬ ߢߊ߬ߒ߬ߞߐ߬ߓߊߟߌ ߘߌ߫. <<ߝߏ߫ ߘߏ߫ ߟߎ߫ ߘߴߊ߬ ߝߐ߫ ߞߏ߫: ߣߌ߫ ߒ ߡߊ߫ ߞߊ߲߬ߞߊߟߌ ߡߌ߲߬߸ ߒ ߕߴߛߋ߫ ߝߏߦߌ߬ ߞߍ߫ ߟߊ߫.>> ߊ߬ ߞߵߏ߬ ߦߌ߬ߘߊ߬.

ߞߊ߲ߞߊ߲߫ ߞߋߟߋ߲ ߣߌ߲߬ ߞߣߐ߫߸ ߟߊ߲߱ߛߌ߬ߣߍ߬ ߞߋߕߊ߬ ߝߣߊ߫ ߞߊ߬ ߞߊ߲߬ߞߊߟߌ ߢߊ߬ߕߣߐ ߝߐ߫، ߊ߬ߟߋ ߝߍ߬߸ ߞߊ߲߬ߞߊߟߌ ߘߌ߫ ߡߐ߰ ߕߊ߲߬ߞߊ߫ ߛߐ߲߬ ߞߏ߬ߙߏ߲߬ ߛߌߦߊߡߊ߲߫ ߡߊ߬. <<ߒߠߋ ߕߍ߫ ߛߙߊߡߟߋߞߋ߫ ߡߌ߲߬ ߠߊ߫߸ ߒ ߕߍ߫ ߞߎ߲߬ߒ߬ߕߊ߲߬ߧߊ߬ ߝߋ߲߫ ߡߌ߲߬ ߠߊ߫....ߘߌߦߊߣߊ߲߫ ߞߋߟߋ߲ ߡߍ߲ ߠߊ߫߸ ߏ߬ ߟߋ ߓߌ߲ߢߎ߮ ߘߌ߫.>> ߊ߬ ߞߵߏ߬ ߦߌ߬ߘߊ߬، ߞߵߊ߬ ߟߴߊ߬ ߞߊ߲߬߸ ߞߏ߫ ߊ߬ ߖߍ߬ߘߍ ߜߎ ߕߍ߫ ߢߊ߬ ߓߌ߲ߢߎ߮ ߞߐ߫ ߟߋ߬ ߝߋߎ߫ <<ߞߊ߲߬ߞߊߟߌ ߟߋ߬ ߡߐ߱ ߟߎ߬ ߟߊߘߍ߬ ߟߊ߫ ߞߍߙߍ߲ ߠߊ߫߸ ߣߴߊ߬ߟߋ ߕߴߦߋ߲߬߸ ߓߊ߬ߘߏ ߕߍ߫ ߘߌߦߊ߫ ߟߊ߫߸ ߡߐ߱ ߟߎ߬ ߘߌ߫ ߖߍ߲ߛߍ߲߫.>>

ߊߘߡߊ߫ ߞߙߎ߬ߡߊ߬ ߝߣߊ߫ ߞߵߊ߬ ߦߌ߬ߘߊ߫ ߏ߬ ߢߊ߫ ߞߋߟߋ߲ ߠߋ߬ ߡߊ߬߸ ߞߏ߫߸ ߞߏ߫ ߞߊ߲߬ߞߊߟߌ ߦߴߊ߬ ߞߊ߬ߣߎ߲ ߘߏ߲߬ ߠߊ߫ ߟߋ߬ ߡߐ߱ ߛߣߐ߬ߡߍ ߘߐ߫، <<ߡߐ߰ ߛߌߦߊߡߊ߲߫ ߠߋ߬ ߞߊ߲߬ߞߊߟߌ ߡߌ߲߬ ߠߊ߫߸ ߊ߬ߟߎ߬ ߡߴߊ߬ ߕߐ߬ߣߐ ߟߐ߲߫، ... ߌ ߓߊ߯ ߛߋ߫ ߘߌ߲߬ߞߌߙߊ ߘߏ߫ ߟߎ߫ ߘߐ߫߸ ߌ ߘߴߊ߬ ߦߋ߫ ߕߋ ߦߋ߫ ߏ߬ ߟߎ߬ ߓߟߏ߫ ߦߋ߲߬߸ ߤߊߟߌ߬ ߣߴߊ߬ ߡߊ߲߫ ߘߴߌ ߦߋ߫߸ ߊ߬ ߟߊߓߊ߲ ߘߌߣߊ߬ ߞߍ߫߸ ߌ ߘߌ߫ ߘߏ߲߬ ߊ߬ ߘߐ߫ ߏ߬ ߟߎ߫ ߝߍ߬.>> ߊ߬ ߞߵߏ߬ ߢߊߝߐ߫، ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ <<ߘߏ߫ ߟߎ߫ ߝߣߊ߫ ߦߴߊ߬ ߖߊ߬ߕߋ߬ ߟߊ߫ ߟߋ߬ ߞߏ߫ ߌ ߓߊ߯ ߕߋ ߡߌ߲߬߸ ߊ߬ ߘߴߌ ߟߊ߫ ߛߌ߬ߣߐ߮ ߓߍ߯ ߕߌߢߍ߫ ߌ ߡߊ߬߸ ߓߊ߬ߙߌ߫߸ ߒߠߋ ߕߊ ߕߍ߫ ߏ߬ ߢߊ߸ ߒߠߋ ߘߌ߫ ߒ ߥߟߌ߬ ߛߌ߬ߣߐ߮ ߘߐ߫ ߞߊ߬ ߕߋ ߡߌ߲߫߸ ߏ߬ ߞߐ߫ ߞߊ߬ ߕߊ߬ߡߌ߲߬ ߒ ߠߊ߫ ߛߌ߬ߣߐ߮ ߝߍ߬.>> ߊ߬ ߞߵߊ߬ ߟߴߊ߬ ߞߊ߲߬ ߞߏ߫ <<ߕߋ߫ ߘߊ߮ ߕߍ߫ ߖߌ߰ ߟߊ߫ ߦߊ߲߬ ߘߐ߫߸ ߣߌ߫ ߘߏ߫ ߛߍ߰ ߘߊ߫ ߓߙߊ߬ߘߊ߮ ߞߎ߲߬ߠߊ߫߸ ߘߏ߫ ߘߴߊ߬ ߡߊߘߏ߲߬.>>

ߊ߲ ߛߋ߫ ߘߊ߫ ߛߌ߯ߙߌ߲߫߸ ߊ߬ ߦߌ߬ߘߊ߬ ߘߴߊ߲ ߠߊ߫ ߦߋ߲߬ ߞߏ߫ ߞߊ߲߬ߞߊߟߌ ߦߋ߫ ߓߊ߯ߙߊ ߘߌߦߊߘߏ߲߬ ߠߊ߫ ߡߐ߱ ߘߐ߫، ߛߊߟߎ߬ ߘߎ߲߬ߓߎ߬ߦߊ߫ ߡߍ߲ ߦߋ߫ ߞߙߊߟߌߟߊ߫ ߘߌ߫ ߦߋ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߣߌ߫ ߒ ߧߋ߫ ߓߊ߯ߙߊ ߟߊ߫ ߕߎ߬ߡߊ ߡߍ߲ ߛߌ߬ߣߐ߮ ߓߊ߯ ߒ ߡߌ߬ߣߊ߬ ߕߎ߲߫ ߣߌ߫ ߒ ߞߵߊ߬ ߡߌ߲߬ ߛߌ߬ߣߐ߮ ߘߌ߫ ߕߎߣߎ߲߫ ߖߋߎ߲߫ ߹ ߒ ߘߌ߫ ߒ ߠߊ߫ ߓߊ߯ߙߊ ߞߎ߬ߘߎ߫ ߊ߬ ߡߊ߬.>> ߊ߬ ߞߵߊ߬ ߦߌ߬ߘߊ߬ ߞߏ߫ ߢߊ߬ߕߣߐ߬ߓߊ߫ ߟߋ߬ ߓߌ߲ߢߎ߮ ߟߊ߫ <<ߕߋ ߡߌ߲߭ ߦߋ߫ ߞߐ߲ߞߐ ߓߌ߬ߟߊ߬ ߟߊ߫ ߡߐ߱ ߟߊ߫ ߸ ߏ߬ ߘߏ߲߬ ߦߋ߫ ߞߍ߲ߘߍߦߊ ߕߐ߰ߡߊ߬ߛߙߋ ߟߋ߬ ߘߌ߫ ،ߓߊ߸ ߘߊߡߎ߲ߠߌ߲ߝߋ߲߫ ߛߌ߫ ߦߋ߫ ߞߐ߲ߞߐ ߓߌ߬ߟߊ߬ ߟߊ߫ ߡߐ߰ ߟߊ߫ ߞߴߌ ߟߐ߬ ߘߊߡߎ߲ߠߌ߲ߓߊ ߟߊ߫ ߸ ߏ߬ ߓߍ߯ ߦߋ߫ ߖߊ߲߬ߞߊ߬ߙߏ߬ ߡߌߛߍ߲ ߠߎ߫ ߞߊ߬ߟߊ ߟߋ߬ ߘߌ߫.>> ߊ߬ ߞߏ߬ߣߌ߲ ߞߵߊ߬ ߘߊߣߐ ߕߏ߫ ߦߙߐߣߍ߲߫ ߞߋߟߋ߲߫ ߡߊ߬: <<ߒ ߞߊ߬ ߡߊ߲߬ߕߙߐ߬ ߞߋߟߋ߲߫ ߔߋ߫ ߡߍ߲ ߦߋ߫ ߕߋ ߟߊ߫ ߸ ߏ߬ ߟߋ ߣߴߌ ߞߊ߬ ߟߌߞߐ߮ ߛߌߦߊߦߊ߫ ߟߊ߫ ߸ ߊ߬ ߘߌ߫ ߡߊ߲߬ߕߙߐ ߟߊߛߋ߫ ߌ ߡߊ߬.>>

ߞߌ߲ߘߌߦߊ߫ ߞߣߐ߫߸ ߘߋ߲ߡߌߛߍ߲߫ ߞߊ߬ߙߊ߲߬ߠߊ߬ߘߋ߲ ߠߎ߬ ߝߣߊ߫ ߟߊ߫ ߞߝߊ߬ ߘߐ߬ߞߊߙߊ߲ ߦߋ߫ ߘߌߦߊ߫ ߟߊ߫ ߓߌ߲ߢߎ߮ ߟߋ߬ ߓߟߏ߫، ߡߏ߬ߤߊ߬ߡߍߘ ߞߋߕߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߲߬ߞߊߟߌ ߕߣߐ߬ ߝߟߐ ߦߋ߫ ߡߐ߰ߦߊ ߘߐߘߌߦߊ ߟߋ߬ ߘߌ߫: <<ߕߋ ߕߐ߬ߣߐ ߞߊ߫ ߓߏ߲߬ ߓߊߟߋ߬ : ߏ߬ ߘߏ߫ ߟߋ߬ ߞߊ߬ ߘߋ߲ߡߌߛߍ߲ ߠߎ߬ ߓߟߏ ߘߏ߲߬ ߢߐ߲߮ ߓߟߏ߫ [...] ߞߊ߬ ߤߊߞߟߌ ߟߎ߬ ߘߌ߫ ߢߐ߲߮ ߡߊ߬ ߞߵߊ߬ߟߎ߫ ߕߊ߲߬ߞߊ߬ ߕߊ߯ߡߊ߫ ߞߟߊ߬ߒߕߊ߲ ߠߎ߬ ߡߊ߬.>> ߊ߬ ߞߊ߬ ߞߊ߲߬ߞߊߟߌ ߡߊ߲߬ߕߙߐ ߘߏ߫ ߟߎ߫ ߝߣߊ߫ ߟߊ߲ߞߣߍߡߊ߫߸ ߞߏ߫ : <<ߣߴߌ ߞߊ߬ ߕߋ ߡߌ߲߬ ߞߏߖߎ߯ߦߊ߫ ߌ ߕߍߣߊ߬ ߛߋ߫ ߟߊ߫ ߥߟߊ߬ߘߊ ߡߊ߬ߛߊߦߌ߫ ߟߊ߫،ߞߊ߬ߕߎ߲߰ ߞߎ߲߬ߣߍ ߡߊ߬ߞߏ ߦߋ߫ ߘߝߐ߬ߢߐ߲߬ߟߌ ߟߊ߫ ߸ߣߴߏ߬ ߡߊ߫ ߞߍ߫ ߕߎ߫ ߌ ߕߍߣߊ߬ ߛߋ߫ ߟߊ߫ ߝߐߦߌ߬ ߕߊ߲߬ߞߊ߬ ߟߊ߫.>> ߝߏ߫ ߊ߬ ߞߊ߬ ߞߊ߲߬ߞߊߟߌ ߞߎߡߊ ߟߊߝߘߏ߬ߓߊ߬ߦߊ߫ ߞߵߊ߬ ߓߍ߲߬ ߊ߬ ߟߊߓߊ߯ߙߊ߫ ߢߊ ߡߊ߬ ߓߌ߬ ߕߟߋ ߣߌ߲߬ ߘߐ߫: <<ߝߟߐ߫ ߡߐ߱ ߟߎ߬ ߕߘߍ߬ ߕߋ ߟߊߓߊ߯ߙߊ߫ ߟߊ߫ ߢߊ ߡߍ߲ ߠߎ߬ ߡߊ߬ ߸ߊ߲ߠߎ߬ ߓߌ߬ ߘߋ߲ߡߌߛߍ߲ ߠߎ߬ ߓߘߊ߫ ߛߌߟߊ ߏ߬ ߝߘߏ߬߸ߝߊߦߌߘߊ߫ ߕߋ ߡߊ߲߬ߕߙߐ ߞߊ߫ ߓߏ߲߬ ߊ߬ ߕߐ߬ߣߐ ߘߌ߫.>>

ߟߊ߬ߛߙߋ߬ߦߊ߬ߟߌ߬ ߛߌߦߊߡߊ߲ ߢߌ߲߬ ߠߎ߬ ߘߐ߫߸ ߟߊ߬ߞߙߐ߬ߛߌ߬ߟߌ ߦߋ߫ ߡߎ߲߬ ߦߌ߬ߘߊ߬ ߟߊ߫: ߓߌ߲ߢߎ߮ ߦߋ߫ ߖߌ߬ߣߍ߬ ߞߣߐ߫߸ ߘߍ߭ ߘߐߘߌߦߊߟߊ߲ ߠߠߋ߬ ߘߌ߫، ߊ߬ ߘߌ߫ ߡߐ߱ ߟߎ߬ ߓߟߏߘߏ߲߬ ߢߐ߲߯ ߓߟߏ߫߸ ߞߊ߬ ߓߊ߯ߙߊ ߘߐߘߌߦߊ߫ ߘߏ߫ ߟߎ߫ ߓߟߏ߫، ߊ߬ ߘߌ߫ ߛߋ߫ ߞߍ߫ ߟߊ߫ ߡߊ߲߬ߕߙߐ߬ߓߊ ߘߌ߫߸ ߣߴߌ ߞߵߌ ߣߌ ߟߴߊ߬ ߞߊ߲߬ ߞߵߊ߬ ߞߴߌ ߣߋ߬ߦߌ߫ ߘߊ߲߬ߠߊߕߊ߬ߡߌ߲߬ߣߍ߲ ߘߌ߫.

ߞߍߙߍ߲ߘߊ ߡߍ߲ ߠߎ߬ ߦߋ߫ ߓߍ߯ ߛߊ߬ߥߏ߬ ߝߐ߬ ߦߙߐ ߟߎ߬ ߘߌ߫߸ ߞߊ߲߬ߞߊߟߌ ߟߋ߬ ߓߊ߬ߘߏ ߘߌߦߊ߫ ߟߊ߫ ߦߋ߲߬، ߣߴߊ߬ ߕߴߦߋ߲߬ ߘߐߙߐ߲߫߸ ߓߊ߬ߘߏ ߕߴߛߋ߫ ߟߊ߫ ߞߍ߫ ߟߊ߫ ߡߐ߱ ߟߎ߬ ߓߟߏ߫.