ߞߎ߲߬ߠߊ߬ߛߌ߮ ߓߍ߯
ߜߘߍ ߟߎ߬ߕߐ߲ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߕߊ ߟߋ߬ ߥߟߌ߬ߣߍ߲߫ ߘߋ߲ߡߛߏߣߍ߲ ߠߎ߬ ߟߊ߫ ߦߙߐ ߘߐ߫ ߛߎ ߝߍ߬߸ ߖ߭ߌߟߑߖ߭ߌߟ ߘߎ߱ ߞߣߐ߫߸ ߙߌߝߕ ߞߐ߭ ߘߊߝߍ߬ ߞߋߣߌߦߊ߫߸ ߞߊ߬ ߞߊ߬ߙߊ߲߬ߘߋ߫ ߡߐ߰ ߁߅ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߞߊ߬ ߛߌߦߊߡߊ߲߫ ߖߐߞߌ߫، ߝߊ߰ߡߊ ߟߎ߬ ߦߋ߫ ߞߊ߬ߙߊ߲߬ߘߋ߲߬ ߕߎߣߎ߲ߣߍ߲ ߘߏ߫ ߟߎ߫ ߢߌߣߌ߲ ߞߊ߲߬ ߤߊ߲߯ ߕߋ߲߬.
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߞߓߊߞߏ ߟߎ߬ߣߌ߲߬ ߞߍ߫ ߘߊ߫ ߡߊߛߌ߲ߘߌ߫ ߟߋ߬߸ ߎߜ߭ߊ߲ߘߊ߫ ߖߡߊ߬ߣߊ ߞߊ߲߬، ߞߐߙߍ ߘߏ߫ ߟߋ߬ ߣߐ߬ ߊ߬ߟߎ߬ ߟߊ߫ ߡߐ߱ ߛߎ߭ ߘߏ߲߬ ߠߊ߫ ߝߎ߬ߕߎ߲߬ߕߌ߬ ߓߟߏ ߡߊ߬߸ ߞߣߊ߬ߕߏ߫ ߊ߬ ߟߐ߲߫ ߠߊ߫ ߛߎ߬ߘߏ߲ ߞߐ ߘߐ߫ ߛߊ߫߸ ߞߏ߫ ߊ߬ߟߎ߫ ߣߐ߬ ߡߍ߲ ߛߎ߭ ߘߏ߲߬ ߠߊ߫߸ ߏ߬ ߞߍ߲ߘߍ ߦߋ߫ ߓߊߟߏ߫ ߘߐ߫ ߡߎߣߎ߲߬ ߝߛߊߦߌ߫، ߏ߬ ߞߍ߫ ߘߊ߫ ߞߓߊߞߏ߫ ߟߊߞߊ߬ߟߌ߬ߕߊ߫ ߘߌ߫ ߛߏ ߣߌ߲߬ ߞߣߐ߫ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߊ߫ ߞߟߋ߫.
ߜߘߍ ߟߎ߬ߗߍ߭ ߘߏ߫ ߟߋ߬ ߣߐ߬ ߊ߬ ߖߘߍ߬ ߞߍ߫ ߟߊ߫ ߡߏߙߌߜߊߣߊ߲߫ ߘߊ߲ߘߊߟߌߟߊ߫ ߘߌ߫߸ ߕߍ߮ ߞߍߣߍ߲߫ ߏ߬ ߟߋ ߘߐ߫߸ ߝߊ߬ߘߌ߬ ߡߊ߬ߞߏ߬ߟߏ߲߬ ߖߌߦߊߓߍ ߥߙߍߓߊߓߊ ߦߴߊ߬ ߞߎ߲߬߸ ߊ߬ ߦߋ߫ ߡߍ߲ ߘߏ߫ ߟߎ߫ ߟߊߖߍ߲ߛߍ߲߫ ߠߊ߫ ߛߐ߲߬߸ ߞߊ߬ ߕߏ߫ ߖߌ߬ߦߊ ߏ߬ ߟߎ߬ ߞߍ߫ ߟߊ߫ ߡߐ߱ ߟߎ߬ ߡߊߛߐ߬ߘߐ߲߬ ߝߙߍ ߘߏ߫߸ ߊ߬ ߣߌ߫ ߞߊ߬ ߥߊߘߌ ߓߐ߫ ߡߏ߬ߛߏ ߟߎ߫ ߞߊ߲߬، ߊ߬ ߡߌ߬ߣߊ߬ߣߍ߲߫ ߏ߬ ߟߋ ߛߎ߮ ߘߐ߫ ߡߛߏ߬ ߝߘߎߣߍ߲ ߘߏ߫ ߟߊ߫ ߞߎ߲߬ߠߊ߫، ߢߊߢߌߣߌ߲ߠߌ߲ ߓߘߊ߫ ߛߌ߰ ߛߋ߲߬ߠߊ߫ ߒߘߡߊߕߎ߫ ߕߐ߲ߓߟߏߡߊߛߏ ߓߟߏ߫߸ ߛߌߞߊ߫ ߞߍߣߍ߲߫ ߞߏ߫ ߊ߬ ߓߘߊ߫ ߣߌ߲߬ ߛߎ߮ ߞߍ߫ ߡߐ߰ ߛߌߦߊߡߊ߲߫ ߠߋ߬ ߟߊ߫.
ߜߘߍ ߟߎ߬ߡߏ߬ߛߏ߫ ߛߊ߲߬ ߃߀ ߘߏ߫ ߟߋ߬ ߝߊ߰ߣߍ߲ ߦߋߣߍ߲߫ ߞߎߣߎ߲ߟߏ߲ ߛߎ ߘߐ߫ ߜ߭ߊߕߌߣߏ߫، ߝߊ߰ߡߊ ߟߎ߬ ߛߌߞߊߣߍ߲߫ ߊ߬ ߖߋ߬ߕߌ߰ߗߍ߫ ߛߊ߲߬ ߃߄ ߠߋ߬ ߡߊ߬߸ ߞߏ߫ ߊ߬ߟߋ ߟߋ߬ ߣߐ߬ ߘߌ߫ ߞߍ߫ ߘߋ߲ߡߛߏ ߝߊ߰ ߟߊ߫ ߞߊ߬ ߓߊ߲߫ ߞߵߊ߬ ߖߍ߬ߘߍ߫ ߝߊ߰، ߞߊ߬ߦߌ߯ ߂߀߂߆ ߘߎ߰ߛߊ ߜߍ߫ ߘߊ߫߸ ߡߛߏ߬ ߝߊ߮ ߛߋ߲߬ߢߊ߬ ߕߊ߲ߣߊ߲ ߠߋ߬ ߕߋ߲߬ ߞߋߓߍߞ ߞߣߐ߫.
ߞߌ߬ߓߊ߬ߙߏߡߏߙߌߕߊߣߌ߲߫ ߕߊ߯ߡߊߘߋ߲ ߘߏ߫ ߟߎ߫ ߟߊ߫ ߡߐ߱ ߟߎ߬ ߦߋ߫ ߖߐ߬ߘߐ ߖߍ߬ߘߍߖߍ߬ߘߍ ߟߋ߬ ߕߍߡߊ߬ ߥߊ߯ߕߌ߫ ߢߌ߲߬ ߠߊ߫߸ ߓߊߏ߬߸ ߕߊ߯ߡߊߘߋ߲ ߠߎ߬ ߝߊ߲߬ߓߊ ߦߋ߫ ߡߏߙߌߕߊߣߌ߲ߞߊ ߣߌ߫ ߖߌ߬ߣߍ߬ߞߊ ߟߎ߬ ߟߋ߬ ߘߌ߫، ߊ߬ߟ߫ߎ ߕߘߍ߬ ߦߴߊ߬ ߢߌߣߌ߲߫ ߠߊ߫ ߟߋ߬ ߞߊ߬ ߡߊ߬ߙߐߞߎ߬ ߘߐߛߊ߲߬ ߞߊ߬ ߝߘߊ߬ߜߍ߬ߟߊ߫ ߡߊߜߍ߲߫߸ ߓߊ߬ߙߌ߫߸ ߖߡߊ߬ߣߊ ߏ߬ ߕߐ߲߫ ߓߟߏߡߊ ߟߎ߫ ߟߋ߬ ߞߊ߬ ߊ߬ߟߎ߬ ߕߍ߯ ߞߍ߫ ߊ߬ߟߎ߬ ߘߐ߫ ߞߵߊ߬ߟߎ߬ ߟߊߕߊ߯...
