ߞߎ߲߬ߠߊ߬ߛߌ߮ ߓߍ߯
ߕߋߟߋ߲ߓߊ߯ߦߊߗߍ߬ ߛߊ߲߬ ߄߁ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߟߍ߬ߡߐ߮ ߟߎ߬ ߓߟߏ߫ ߊߦߙߋ߫ ߟߊߥߏ߫߸ ߞߵߊ߬ ߟߊߕߊ߯ ߛߍ߲ߟߎߥߌ߫ ߞߏߢߊߢߌߣߌ߲ߘߊ ߟߊ߫، ߞߊ߬ߕߎ߲߯߸ ߊ߬ߟߋ߫ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߖߌ߬ߦߊ߬ߖߟߎ ߏ߬ ߘߐ߫߸ ߊ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߓߊ߰ߓߊ߰ ߟߊ߫ ߓߘߍߞߍ߭߸ ߊ߬ ߣߌ߫ ߞߕߌߞߊ߲ߘߊ ߣߌ߫ ߞߕߌߕߍ߯ߟߊ߸ ߞߏ߫ ߊ߬ ߘߌ߫ ߕߊ ߛߎ߫ ߏ߬ ߟߎ߬ ߟߊ߫ ߞߵߊ߬ߟߎ߫ ߖߋ߬ߣߌ߲߬، ߏ߬ ߟߋ ߞߏߢߊ ߣߐ߬ ߛߍ߲ߟߎߥߌ߫ ߞߕߌߘߊ ߕߙߐ߫ ߟߊ߫߸ ߝߏ߫ ߊ߬ߟߎ߫ ߖߍ߬ߘߍ ߞߵߊ߬ߟߎ߬ ߕߍ߯ ߞߍ߫ ߗߍ߭ ߣߌ߲߬ ߘߐ߫.
ߡߊ߲߬ߕߏ߲߬ߕߍ߬ߟߊ߬ߞߊߥߟߌߦߊߡ ߙߎߕߏ߫ ߟߋ߬ ߣߐ߬ ߟߊ߬ߞߙߐ߬ߛߌ߬ߟߌ ߘߏ߫ ߞߍ߫ ߟߊ߫ ߖߋ߬ߟߌ߬ߓߟߊ߬ߞߊ ߟߎ߬ ߟߊ߫ ߊ߲߬ߜ߭ߌ߬ߟߋ߬ ߞߊ߲ ߝߐ߫ ߢߊ ߞߊ߲߬߸ ߏ߬ ߓߘߊ߫ ߣߊ߬ ߞߎߡߊ߫ ߛߌߦߊߡߊ߲ ߘߌ߫ ߝߘߊ߬ߝߌ߲߬ߠߊ߬ ߞߣߐ߫، ߞߊ߬ߕߎ߲߯߸ ߊ߬ ߟߊ߫ ߓߋߟߋ߲ߠߊ ߡߊߞߕߌ ߟߋ߬ ߜߊ߬ߣߍ߲߫ ߕߋ߲߬߸ ߊ߬ ߓߘߊ߫ ߓߐ߫ ߕߏߟߏ߲ ߞߊߡߊ߲ ߖߍ߬ߘߍ ߞߣߐ߫ ߘߏ߫ ߟߎ߫ ߓߟߏ߫. ߝߘߊ߬ߝߌ߲߬ߠߊ߬ ߞߊ߲߫ ߞߏ ߦߋ߫ ߝߙߋߞߋ ߟߋ߬ ߘߌ߫ ߤߊߟߌ߬ߛߊ߫߸ ߞߵߏ߬ ߞߎ߲߭ ߞߍ߫ ߢߊߦߋߟߌ ߟߊ߫ ߕߜߋߦߊ ߘߌ߫.
ߕߋߟߋ߲ߓߊ߯ߦߊߡߊ߬ߝߊ߲߬ߞߏ߬ ߞߕߌߘߊ ߓߘߊ߫ ߛߊ߲߭ ߝߌ߬ߟߊ߬ ߥߛߎ߫ ߘߐ߲ߘߐ߫ ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߡߊ߬، ߞߊ߬ߙߊ߲߬ߡߐ߰ ߔߏߟ ߦߏ߲߬ߓߊ߫ ߞߙߎ߬ߡߊ߫ ߞߊ߬ ߞߕߌߘߊ ߟߊ߫ ߡߙߌߘߐ߫ ߕߊ߬ߣߍ߲ ߕߊ߲߬ߘߏ߬߸ ߞߵߊ߬ ߦߌ߬ߘߊ߬ ߞߏ߫ ߞߕߌ ߣߌ߲߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߐ߰ ߝߌ߬ߟߊ ߢߌ߲߬ ߠߎ߬ ߟߊߘߏ߲߬ ߥߏ߬ ߞߋߟߋ߲߫ ߠߊ߫ ߓߍ߲߭ ߞߣߐ߫.
ߘߍ߭ߕߟߋ߬ ߘߊ߲ߘߐ߫ ߓߟߐߟߐ߫ ߝߛߏߝߛߊ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߘߊ߫ ߛߊ߬ߦߌ߲߫ ߊ߬ߟߎ߬ ߡߊ ߡߊ߬ ߣߍ߲ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߕߎ߲߬ ߓߘߊ߫ ߓߟߏߕߍ߰߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߡߊ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߞߍ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫.
