ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ߬ ߥߙߍ߫ ߕߎ߰ߣߍ߲߫ ߢߐ߲߮ ߠߊ ߞߐ ߘߐ߫ ߖߡߊ߬ߣߊ ߣߌߡߊ߫ ߦߙߐ ߟߎ߬ ߘߐ߫ ߡߊ߬ߟߌ ߞߣߐ߫߸ ߝߏ߫ ߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߣߌ ߕߏ߫ ߘߴߊ߬ ߘߐ߫߸ ߊ߬ ߣߌ߫ ߞߊ߬ ߞߌ߬ߘߊߟ ߓߐ߬ߛߌ߫ ߖߡߊ߬ߣߊ ߗߍ߬ߘߋ߲ ߠߎ߬ ߟߊ߫ ߞߵߊ߬ ߘߏ߲߬ ߖߎ߮ ߟߎ߬ ߓߟߏ߫، ߡߟߛ ߓߘߴߏ߬ ߞߏ ߘߐߜߏߦߊ߫ ߔߐߕߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߏߕߌ߯ ߝߟߐ ߓߘߊ߫ ߥߴߊ߬ ߢߊ ߟߊ߫ ߞߊ߬ߕߌ߫ ߡߙߊ߬ߒ߬ߡߊ߬ߟߌ ߖߐߞߌߓߊ߯ߕߐ ߟߎ߫ ߞߊ߲߬߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߦߋ߫ ߕߟߋ߬ ߝߌ߬ߟߊ߬ ߝߙߌߦߊ߫ ߘߐ߫ ߞߟߍ߬ߕߌ߰ ߛߊ߯ߖߐ߬ ߟߊ߫ ߛߊ߬ߦߊ ߞߐ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߡߍ߲ ߠߎ߬ ߖߐߞߌߣߍ߲߫߸ ߊ߬ߟߎ߬ ߘߴߊ߬ߟߎ߫ ߟߐ߬ ߏ߬ ߟߎ߬ ߟߊ߫ ߞߏ ߟߊ߫߸ ߡߍ߲ ߠߎ߬ ߝߣߊ߫ ߣߐ߬ ߡߊ߲߬ߕߙߐ߫ ߛߐ߬ߘߐ߲߬ ߠߊ߫ ߡߊ߬ߞߍ߬ ߦߙߐ߬ ߞߏ ߞߊ߬ߘߊ߲ ߞߣߐ߫߸ ߊ߬ߟߎ߬ ߓߘߊ߫ ߦߙߐ߫ ߢߌߣߌ߲߫ ߏ߬ ߟߎ߬ ߦߋ߫ ߏ߬ ߕߎ߬ߡߊ.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߘߊ߫ ߕߏ߫ ߞߟߊߘߊ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߛߋ߲߭ߝߍ߬ ߊ߬ ߡߊߞߍ߫ ߦߌߟߊ ߘߐ߫ ߞߊ߬ߕߌ߬، ߊ߬ ߦߋ߫ ߡߊ߬ߟߌ ߘߐ߬ߕߊߡߌ߲ ߡߐ߰ߘߐ߬ߜߍ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߖߡߊ߬ߣߊ ߓߍߣߵߊ߬ ߛߎ߬ߞߏ߬ߦߊ ߞߍ߫ ߖߌ߲ߘߊ߲ߓߊ߫ ߘߐ߫߸ ߏ߬ ߡߍ߲ ߟߏ߲ ߓߍߣߊ߬ ߟߊߕߍ߰ ߊ߬ ߕߊ߫ ߟߊ߬ߛߋ߬ߟߌ߬ ߜߘߍ߫ ߘߐ߫.
