ߞߎ߲߬ߠߊ߬ߛߌ߮ ߓߍ߯
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߡߐ߰ ߕߊ߲߫ ߢߐ߲߰ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߊߓߌߖߊ߲߬ ߞߣߐ߫ ߖߌߓߐ ߞߏߛߐ߲߬߸ ߡߐ߰ ߞߐ߬ߣߐ߲߬ߘߐ߫ ߖߍ߬ߘߍ ߦߴߊ߬ ߘߐ߫߸ ߏ߬ ߟߎ߬ ߓߍ߯ ߦߋ߫ ߟߎ߫ ߞߋߟߋ߲ ߞߣߐ߫ ߡߐ߮ ߟߋ߬ ߘߌ߫، ߖߌ ߟߋ߬ ߘߏ߲߬ߣߍ߲߫ ߊߓߌߖߊ߲߬ ߞߣߐ߫߸ ߞߊ߬ ߓߐ߰ ߔߕߐߔߕߐ ߛߌ߰ ߊߕߋߞߎߓߋ߫ ߣߌ߫ ߦߋ߬ߔߎߜ߭ߐ߲߬ ߠߎ߬ ߘߐ߫.
ߞߍߞߎߘߊߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߸ ߞߕߌߘߊ ߞߊ߬ ߜߋ߲ߞߐ߰ߖߌ߬ߘߊ ߕߐ߯ߟߡߊ߫ ߛߑߕߋߝߊߣ ߊ߬ߜߙߋ߫ (ߊߔߎ߬ߗߎ) ߣߌ߫ ߟߌߦߐߣߍߟ ߊߞߏߓߋ߫ (ߟߌߦߐߣߍߟ ߔߋ.ߛߋ.ߍߛ) ߖߊ߲߬ߞߌ߲߬، ߥߛߎߖߌ߲߫ ߘߊߕߎ߲߯ߣߍ߲߫ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߡߐ߰ ߝߌ߬ߟߊ ߢߌ߲߬ ߠߎ߬ ߣߌ߫ ߘߏ߬ߣߌ߲߬ ߜߌ߬ߟߌ߲߬ߓߊ߫ ߟߋ߬ ߝߣߊ߫ ߦߋ߫߸ ߣߊߟߌ߬ߡߎ߲߫ ߢߍ߬ߢߌ߲߬ߘߐ߬ߓߍ߲߬ ߛߙߊ ߘߌ߫߸ ߞߵߊ߬ߟߎ߬ ߓߟߏߝߋ߲ ߠߎ߬ ߡߊߣߡߊߙߴߊ߬ߟߎ߬ ߓߟߏ߫߸ ߊ߬ ߣߌ߫ ߞߊ߬ ߓߐߟߌ ߟߊߕߐ߲߫ ߊ߬ߟߎ߫ ߡߊ߬ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߕߋߟߋ߲ߓߊ߯ߦߊߦߙߍߞߍߟߌ߫ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߜߋ߲ߞߐ߰ߖߌ߬ߘߊ ߞߟߍ߬ߡߐ߮ ߟߎ߬ ߓߟߏ߫߸ ߝߏ߫ ߊ߬ߟߎ߬ ߛߋ߫ ߘߴߊ߬ߟߎ߬ ߕߍ߯ ߞߍ߫ ߟߊ߫ ߡߐ߰ ߁߃ ߘߐ߫߸ ߊ߬ ߣߌ߫ ߞߵߊ߬ߟߎ߬ ߟߊ߫ ߘߎ߰ ߛߌߦߊߡߊ߲߫ ߥߦߊ߬ ߛߊߣߌ߲߫ ߛߋ߲߫ ߦߙߐ߫ ߛߌߦߊߡߊ߲߫ ߘߐ߫ ߌߛߌߦߊ߫ ߡߊ߬ߙߊ ߘߐ߫߸ ߖߡߊ߬ߣߊ ߕߟߋ߬ߓߋ ߘߐ߫.
ߞߍߞߎߘߊߘߟߊ߬ ߞߏ߬ ߡߊ߲ߞߊ߲ ߠߋ߬ ߘߏ߲߬ߣߍ߲߫ ߜߋ߲ߞߐ߰ߖߌ߬ߘߊ ߘߎ߱ ߘߏ߫ ߣߌ߫ ߖߌ߬ߣߍ߫ ߘߎ߱ ߘߏ߫ ߕߍ߫ ߘߊ߯ߙߌ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߉ ߣߌ߲߬ ߡߊ߬߸ ߞߊ߬ ߡߐ߰ ߁߅ ߖߐߞߌ߫ ߝߊ߲߭ ߝߌ߬ߟߊ ߓߍ߯ ߟߊߞߊ߬ߝߏ߬ߣߍ߲ ߘߐ߫، ߊ߬ߟߋ߬ ߘߊ߬ߟߊ ߕߐ߯ ߟߋ߬ ߞߏ߫ ߘߟߊ߬ߜߍ߬ߓߊ߫.
