ߞߎ߲߬ߠߊ߬ߛߌ߮ ߓߍ߯
ߓߐ߰ߝߍߖߌ߬ߣߍ߫ ߞߎ߲߬ߠߊ߬ߛߌ߮ ߓߘߊ߫ ߦߙߌ߫ ߕߍ߮ ߟߊߕߐ߲߫ ߞߵߊ߬ ߘߊߡߌ߬ߣߊ߫ ߞߊ߬ߙߌ߬ߝߐ ߕߟߋ߬ ߈ ߢߌ߲߬ ߡߊ߬ ߤߊ߲߯ ߕߎߟߊߝߌ߲ ߕߟߋ߬ ߃߀، ߞߎ߲߬ߕߊ߮ ߏ߬ ߞߣߐ߫߸ ߦߙߌ ߕߍ߫ ߕߍ߰߸ ߊ߬ ߕߍ߫ ߟߊߓߐ߫ ߊ߬ ߘߏ߲߬ ߕߍ߫ ߡߊߘߏ߬ߣߌ߲߫ ߖߡߊ߬ߣߊ ߘߎ߰ߞߟߏ ߡߎ߰ߡߍ ߞߊ߲߬، ߣߌ߲߬ ߞߎ߲߭ ߠߋ߬߸ ߛߊ߫ ߕߎ ߝߣߊ߫ ߘߴߊ߬ ߢߐߢߐ߲߫ ߣߍ߲ߞߍ߫߸ ߞߵߊ߬ ߘߐߝߎߟߋ߲߫ ߞߊ߬ ߦߙߌ߫ ߛߌߦߊߡߊ߲߫ ߠߊߥߟߏ߫ ߞߏߞߎߘߊ߫.
ߕߋߟߋ߲ߓߊ߯ߦߊߕߍ߮ ߞߍߣߍ߲߫ ߡߐ߰ ߗߡߍ߬ ߡߊ߬ߜߍ߲߫ ߠߋ߬ ߘߐ߫߸ ߡߍ߲ ߠߎ߬ ߡߌ߬ߣߊ߬ߣߍ߲߫ ߛߊߣߌ߲ ߢߌߣߌ߲߫ ߢߊ߫ ߖߎ߮ ߘߐ߫ ߛߌ߯ߙߌ߲߫ ߞߣߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬، ߡߌ߬ߣߊ߬ߓߊ߰ߕߐ ߟߎ߬ ߘߐ߫߸ ߓߙߎߞߌߣߞߊ ߦߴߊ߬ ߘߐ߫߸ ߜ߯ߊߣߞߊ ߣߌ߫ ߛߣߍ߬ߜ߭ߊ߬ߟߌ߬ߞߊ ߟߎ߬ ߓߍ߯ ߘߏ߫ ߦߴߊ߬ ߘߐ߫، ߞߊ߬ߕߎ߲߯߸ ߗߋߦߊߟߌ ߟߋ߬ ߥߟߌ߬ߣߍ߲߫ ߞߊ߬ ߝߘߊ߫ ߞߊ߲ߞߊ߲߫ ߞߕߌߡߛߊߦߌ߲ߘߊ ߟߊ߫߸ ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ ߠߊ߫߸ ߞߊ߬ ߥߴߊ߬ߟߎ߬ ߢߊ ߟߊ߫ ߘߊ߬ߡߊ߲߬ߘߊ ߘߏ߫ ߟߎ߫ ߞߊ߲߬ ߛߌ߯ߙߌ߲߫ ߞߣߐ߫߸ ߓߐ߰ߝߍ ߘߐߖߊߛߌ߫ ߢߊ߫ ߛߎ߮ ߡߍ߲ ߠߎ߬ ߦߋ߫ ߛߋ߲߬ߠߊ߫ ߦߋ߲߬߸ ߞߵߏ߬ ߟߎ߬ ߡߊߝߟߍ߫߸ ߊ߬ ߣߌ߫ ߕߍ߮ ߞߍߣߍ߲߫ ߕߙߏ߬ߞߏ߬ ߓߟߏߓߊ ߡߍ߲ ߠߎ߬ ߘߐ߫߸ ߞߵߏ߬ ߟߎ߬ ߝߣߊ߫ ߡߌ߬ߣߊ߬ ߞߏ ߕߎ߬ߢߊ߬ߦߊ ߛߍ߯ߛߍ߯.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߘߍ߭ߛߊߣߌ߲߫ ߢߌߣߌ߲߫ ߕߙߏߞߏ߫ ߔߏߞߑߟߍ߲߫ ߠߊߓߊ߯ߙߊ߫ ߢߊ߫ ߖߎ߮ ߡߍ߲ ߦߴߌߘߐ߫ ߛߌ߯ߙߌ߲߫ ߞߣߐ߫߸ ߖߊ߰ߘߏ ߓߘߴߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫ ߏ߬ ߞߏ ߘߐ߫، ߞߊ߬ߕߎ߲߯߸ ߓߐߛߎ߲߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߘߏ߲߬ߞߏ ߘߏ߫ ߟߎ߫ ߟߋ߬ ߣߊ߬ߣߍ߲߫ ߛߌ߯ߙߌ߲߫ ߞߣߐ߫߸ ߞߊ߬ ߣߊ߬ ߡߐ߰ ߛߌߦߊߡߊ߲߫߸ ߊ߬ ߣߌ߫ ߛߏ ߝߊ߰ߡߊ ߘߏ߫ ߟߎ߫߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߡߍ߲ ߠߎ߬ ߡߊ߬، ߊ߲ ߞߏ߬ߣߌ߲ ߡߊ߫ ߕߍ߰ߒ߬ߞߊ߲߬ ߝߏߦߌ߬ ߛߐ߬ߘߐ߲߫ ߝߊ߰ߡߊ߬ ߞߎ߲ߘߊ߫ ߡߎߣߎ߲߬߸ ߞߵߊ߬ ߞߏ ߟߤߊߕߍߦߊ߫ ߓߘߍߞߍ߭.
ߞߍߞߎߘߊߞߎ߲߬ߠߊ߬ߛߌ߮ ߓߘߊ߫ ߔߏߞߑߟߍ߲߫ ߓߊ߯ߙߊ ߟߊߕߐ߲߫ ߛߌ߯ߙߌ߲߫ ߞߣߐ߫ ߝߛߊߦߌ߫߸ ߓߊ߬ߙߵߊ߬ߟߋ߬ ߘߊ߬ߡߊ߲߬ߛߋ߲߬ ߕߙߏߞߏ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߐ߭ ߡߍ߲ ߕߌߢߍ߫ ߛߌ߯ߙߌ߲߫ ߞߣߐ߫߸ ߏ߬ ߘߌ߫ ߗߍ߬ߡߍ߫ ߝߌ߬ߟߊ߫ ߖߊ߬ߕߋ߬ ߓߐ߫߸ ߞߊ߬ ߓߍ߲߬ ߘߌ߲߬ߞߌߙߊ ߞߏߟߊߕߍ߮ ߟߎ߬ ߟߊ߫ ߝߐߟߌ ߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߬ ߓߍ߲߬ ߝߋ߲ ߠߎ߬ ߛߐ߲߬ߞߐ ߦߍ߬ߟߍ ߡߊ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫߸ ߞߊ߲ߞߊ߲߫ ߡߙߊ߬ߓߊ߮ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߙߌߘߐ߫ ߜߍߟߍ߲߫ ߛߌߦߊߡߊ߲߫ ߠߋ߬ ߕߊ߬߸ ߞߊ߬ ߓߍ߲߬ ߛߏ߬ߓߏ ߛߐ߲߬ߞߐ ߟߊ߫ ߦߍ߬ߟߍ ߡߊ߬.
ߓߐ߰ߝߍ
ߟߊ߬ߞߊ߲߬ߘߊ߬ߟߌߛߌ߯ߙߌ߲߫ ߞߣߐ߫߸ ߡߙߊ߬ߓߊ߮ ߓߘߊ߫ ߛߊߣߌ߲߫ ߓߊ߯ߙߊ߫ ߕߙߏߞߏ ߟߎ߬ ߟߊߟߐ߬ ߞߏ ߖߊ߬ߡߊߙߌ ߘߌ߫ (ߡߍ߲ ߠߎ߬ ߕߍ߫ ߛߊ߬ߙߌ߬ߦߊ߬ ߞߣߐ߫ ߞߊ߬ߣߌ߲߬)، ߘߋ߲ߡߌߛߍ߲ ߠߎ߬ ߞߊ߲߫ ߞߏ߫ ߝߏ߫ ߕߙߏ߬ߞߏ ߟߎ߬ ߦߋ߫ ߓߐ߫ ߥߊ߭ ߞߣߐ߫ ߟߋ߬ ߡߎߣߎ߲߬ ߖߐ߫߸ ߣߴߊ߬ߟߎ߬ ߘߌ߫ ߟߴߊ߬ ߟߊ߫، ߟߊ߬ߘߍ߬ ߞߋߟߋ߲ ߏ߬ ߛߋ߲߭ߝߍ߬߸ ߘߋ߲ߡߌߛߍ߲ ߘߏ߫ ߟߎ߫ ߞߊ߬ ߝߐ߰ߓߍ߬ߦߊ߬ߟߊ ߘߏ߫ ߣߊ߬ߣߌ߲߫ ߞߵߊ߬ ߜߊ߬ߛߌ߬، ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ ߖߏߣߊ߫.
ߟߊ߬ߞߊ߲߬ߘߊ߬ߟߌÀ Siguiri, des manifestations nocturnes ont éclaté dans plusieurs quartiers après l’arrestation de Moussa Diawara, membre de l’Union des jeunes pour le développement de Siguiri. Les protestataires réclament sa libération et dénoncent la destruction de l’environnement.
ߓߌ߬ߟߊ߬ߒ߬ߘߐ߬ߖߎ߮ߘߎ߰ ߜߊߟߊ߲ߞߌ ߟߋ߬ ߞߍߣߍ߲߫ ߛߎ߯ߙߌ߲߫ ߕߡߐ߬ߜ߭ߐ߫߸ ߞߊ߬ ߡߐ߰ ߥߐ߯ߙߐ߫ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫߸ ߡߛߏ߬ ߞߣߐߡߊ߫ ߞߋߟߋ߲߫ ߦߴߊ߬ ߘߐ߫، ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߬ ߖߏߣߊ߫ ߞߵߊ߬ ߕߐ߭ ߞߊ߬ߙߊ߲߬.
ߘߍ߭ߘߋ߲ߡߌߛߍ߲ ߠߎ߬ ߣߐ߬ ߊ߬ ߡߍ߲߫ ߠߊ߫ ߟߋ߬ ߓߌ߬ ߞߏ߫ ߕߍ߮ ߓߘߊ߫ ߞߍ߫ ߊ߬ߟߌ ߗߊߡ ߘߐ߫߸ ߏ߬ ߡߍ߲ ߦߋ߫ ߓߐ߰ߝߍ ߘߐߖߊߛߌ ߛߍ߬ߘߏ߲߬ߠߊ ߘߏ߫ ߘߌ߫، ߒ߬ߓߊ߬߸ ߏ߬ ߞߎߡߊ ߡߍ߲ ߠߋ߬ ߣߐ߬ ߘߋ߲ߡߌߛߍ߲ ߠߎ߬ ߟߊߡߐߣߍ߫ ߟߊ߫߸ ߝߏ߫ ߊ߬ߟߎ߬ ߓߘߊ߫ ߕߊ ߛߎ߫ ߛߣߌߥߊ ߟߎ߬ ߟߊ߫ ߓߏ߬ߙߌ߬ߝߋ߲߬ ߛߌߦߊߡߊ߲߫ ߠߊ߫، ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߵߊ߬ ߕߐ߭ ߞߊ߬ߙߊ߲߬.
