ߞߎ߲߬ߠߊ߬ߛߌ߮ ߓߍ߯
ߘߍ߭ߊ߬ ߛߊ߲߬ ߦߙߌߞߊ ߟߋ߬ ߕߋ߲߬߸ ߕߎ߬ߡߙߎ߫ ߛߌ߰ߓߊ߮ ߟߎ߬ ߦߋ߫ ߡߊ߲߬ߕߙߐ߬ߓߊ߫ ߘߐ߫، ߛߊ߬ߡߊ ߓߊ߯ ߘߏ߲߬ ߢߊ ߡߍ߲ ߌߞߘߐ߫߸ ߕߎ߬ߡߙߎ߬ߞߊ ߟߎ߬ ߟߊ߫ ߤߙߍ ߓߊ߲ߣߍ߲߫ ߠߵߏ߬ ߘߌ߫ߛߌߟߊ ߣߌ߲߬ ߞߊ߲߬߸ ߞߵߏ߬ ߞߎ߲߭ ߞߍ߫ ߥߏߙߏ߲ߞߏ߲ߕߏ߲ ߘߌ߫، ߕߎ߬ߡߙߎ߫ ߣߌ߲߬ ߦߋ߫ ߞߎ߬ߙߎ ߺ ߞߘߐ߫ ߟߋ߬ ߘߐ߫߸ ߞߙߎ߬ߛߊ߫ ߡߙߊ߬ߘߊ߬ߓߊ ߘߐ߫.
ߟߊ߬ߞߟߏ߬ߞߟߏ߬ߟߌߝߘߏ߬ߓߊ߬ ߓߊ߯ߙߊ ߟߞߊ߬ߙߊ߲߬ߠߌ߲ ߛߊߛߋ߫ ߓߊ߯ߙߟߊ߫ ߞߘߐ߫ ߕߊ߬ߓߊߟߌ ߟߎ߬ ߓߘߊ߫ ߞߎߡߊ ߕߊ߬ ߞߊ߯ߙߌ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄، ߞߊ߲ߞߊ߲߫ ߞߣߐ߫ ߏ߬ ߘߐ߫߸ ߊߊ߬ߟߎ߬ ߟߊ߫ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ ߣߌ߫ ߓߋߟߋ߲ߕߌ߯ ߛߙߍߞߍ߫ ߝߊ߬ߛߏ߬ߟߊ߬ߞߊ ߡߎߛߊ߫ ߖߊ߬ߞߌ߬ߕߋ߫ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߜߍ߫ ߘߐ߫ ߡߊߝߟߍߟߌ߫ ߞߏ ߣߌ߲߬ ߛߋ߲߬ߠߊ߬ߞߊߟߌߦߊ߫ ߟߋ߬߸ ߞߵߊ߬ߟߎ߬ ߟߊ߫ ߘߐ߬ߛߙߋ ߟߎ߬ ߘߐߜߍ߫، ߣߴߏ߬ ߕߍ߫߸ ߞߏ߫ ߊ߬ߟߎ߬ ߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߣߴߊ߬ ߞߏ ߛߋ߲߬ߠߊ߬ߛߎߡߦߊ߫ ߘߊ߫ ߞߊ߬ߣߌ߲߬، ߓߊߏ߬߸ ߓߟߏߞߓߊ ߓߘߊ߫ ߛߋ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߒߞߏߞߍ߲ߘߍߟߏ߲ ߂߀߂߆ ߘߓߊ߬ߕߊ ߕߋ߬ߟߋ߫ ߂߉ ߡߊ߬߸ ߖߌ߬ߓߙߌ߬ߟߊ߲߬ ߞߐ߲ߘߍ߫ ߡߊ߲߬ߘߋ߲߫ ߡߟߍ߬ߞߊ ߞߊ߬ ߓߐߒߝߘߎߘߐ߫ ߓߟߋߓߟߋ߫ ߞߍ߫ ߊ߬ߟߎ߬ ߟߊ߫ ߛߏ ߦߋ߫߸ ߓߊ߯ߙߏ߫، ߓߊ߯ߙߏ߫ ߣߌ߲߬ ߦߋ߫ ߡߙߊ߬ߘߊ߬ߙߋ߲ ߠߋ߬ ߘߌ߫ ߞߙߎ߬ߛߊ߫ ߡߙߊ߬ߘߊ߬ߓߊ ߘߐ߫، ߊ߬ ߣߐ߬ ߝߟߊ ߟߋ߬ ߕߘߎ߫ ߟߊ߫ ߛߏ ߘߏ߲߬ߘߊ ߟߊ߫߸ ߡߍ߲ ߡߎ߰ߡߍ ߞߍߣߍ߲߫ ߒߞߏ ߛߓߍߟߌ ߘߍ߫߸ ߞߊ߬ ߡߊ߲߬ߘߋ߲߫ ߡߐ߬ߟߐ߲ ߟߊ߫ ߞߣߍ ߞߊ߲߬߸ ߊ߬ ߣߌ߫ ߒߞߏ ߛߊ߲ߞߘߐߕߊ߬.
ߟߊ߬ߞߟߏ߬ߞߟߏ߬ߟߌߢߍߡߍ߲߫ ߣߌ߲߬ ߦߋ߫ ߞߙߎ߬ߛߊ߫ ߡߙߊ߬ߘߊ߬ߓߊ ߟߋ߬ ߞߣߐ߫߸ ߊ߬ ߞߊ߬ߙߊ߲߬ߕߊ߬ ߓߊߖߎߟߞߊ ߦߋ߫ ߜߟߍ߬ߦߊ߬ߓߊ߫ ߟߋ߬ ߕߍߡߊ߬ ߕߋ߲߬߸ ߣߌ߫ ߞߌ߬ߦߊ߬ ߡߊ߫ ߞߍ߫߸ ߊ߬ ߘߌ߫ ߞߍ߫ ߦߏ߫ ߊ߬ ߞߊ߬ߙߊ߲߬ߕߊ ߘߊ ߦߋ߫ ߕߎ߲߯ ߘߟߊߞߊ߫ ߣߊ߬ߕߐ ߣߌ߲߬ ߡߊ߬.
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߞߌ߬ߓߊ߬ߙߏߗߍ߬ ߛߣߍ߬ߞߍ߬ߟߊ߫ ߞߊ߲߬ߜߍ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߘߏ߫ ߓߘߴߊ߬ ߖߘߍ߬ ߓߏ߲߫ ߡߊ߬ߙߌ߬ߝߊ ߟߊ߫ ߞߵߏ߬ ߞߍ߫ ߊ߬ ߛߕߊ ߘߌ߫ ߖߙߊ߬ߜߍ߬ߟߊ߫߸ ߞߙߎ߬ߛߊ߬ ߛߏ ߞߣߐ߫. ߛߙߋ߫ ߛߐ߬ߘߐ߲߬ߣߍ߲߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߰ߕߍ߮ ߟߋ߬ ߞߍߣߍ߲߫ ߊ߬ ߛߓߊߓߎ ߘߌ߫ ߊ߬ ߟߊ߫ ߓߐ߬ߟߐ߲߬ߞߊ ߟߊ߫ ߛߊ߬ߦߊ ߞߐ ߣߌ߲߬ ߘߐ߫.
ߘߍ߭ߘߋ߲ ߡߍ߲ ߠߊߝߟߌ߬ߣߍ߲ ߦߋ߫ ߘߊ߫ ߞߊ߬ߓߌߣߍ ߞߣߐ߫ ߜߙߋߘߎ߯ ߞߌ߬ߢߍ߬ߙߐ߬߸ ߏ߬ ߛߋ߫ ߘߊ߫ ߟߊߦߟߍ߬ ߟߊ߫ ߞߵߊ߬ ߡߞߊߘߊ߲߫ ߞߵߊ߬ ߓߌ߬ߟߊ߬ ߘߊ߲ߘߊߟߌ ߘߊߞߘߐ߫߸ ߞߊ߬ ߓߊߟߏ ߟߎ߬ ߘߴߊ߬ ߡߊ߬، ߒ߬ߓߊ߬߸ ߡߏ߬ߛߏ ߘߏ߫ ߓߘߊ߫ ߡߌ߬ߣߊ߬߸ ߛߌߞߊ߫ ߞߍߣߍ߲߫ ߞߏ߫ ߊ߬ ߣߊ߫ ߦߋ߫ ߡߍ߲ ߘߌ߫، ߏ߬ ߞߊ߲߫ ߞߏ߫ ߊ߬ ߛߌߟߊ߲߫ ߘߊ߫ ߟߋ߬߸ ߓߊߏ߬ ߊ߬ ߡߴߊ߬ ߟߐ߲߫ ߗߍ߭ ߡߍ߲ ߞߊ߬ ߞߣߐ ߟߴߊ߬ ߟߊ߫، ߏ߬ ߟߋ ߞߵߊ߬ ߞߍ߫ ߊ߬ ߞߊ߬ ߘߋ߲ ߓߌ߬ߟߊ߫ ߞߊ߬ߓߌߣߍ ߞߣߐ߫، ߊ߬ ߞߏ߬ߣߌ߲ ߓߘߊ߫ ߡߌ߬ߣߊ߫ ߞߵߊ߬ ߟߊߕߊ߯ ߞߙߎ߬ߛߊ߬߸ ߢߊߢߌߣߌ߲ߠߌ߲ ߕߐ߭ ߞߍ߫ ߞߊ߲ߡߊ߬.
ߘߍ߭ߘߋ߲߫ ߠߊߝߟߌ߬ߣߍ߲ ߘߏ߫ ߞߍ߲ߘߍ ߓߘߊ߫ ߟߊߦߍ߬ߟߍ߫ ߞߊ߬ߓߌߣߍ ߘߏ߫ ߞߣߐ߫ ߜߙߋߘߎ߯ ߞߌ߬ߢߍ߬ߙߐ߬، ߛߌߟߊߓߐߛߐ߯ߣߊ߫ ߛߍߝߍ߲ߘߊ ߛߋ߫ ߘߴߊ߬ ߓߟߏ ߟߊ߫ ߟߊ߫ ߣߌ߲߬ ߞߏ ߓߊ ߘߐ߫، ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߬ ߘߐߙߐ߲߫ ߞߵߊ߬ ߢߊߘߐߜߍ ߟߐ߲߫.
ߞߓߊߞߏ ߟߎ߬ߓߌ߬ ߛߐ߰ߡߊ߬ߟߊ ߡߊ߫ ߓߍ߲߬ ߞߙߎ߬ߛߊ߬ ߞߣߐ، ߡߊ߬ߡߘߎ ߞߐ߲ߘߍ߫ ߟߋ߬ ߣߐ߬ ߊ߬ ߡߏ߬ߛߏ ߓߏ߲߫ ߠߊ߫ ߕߟߏߞߘߐ ߟߊ߫߸ ߞߵߊ߬ ߖߍ߬ߘߍ ߝߣߊ߫ ߓߏ߲߫ ߏ߬ ߞߐ ߘߐ߫، ߊ߬ߟߋ ߕߊ ߟߊߓߊ߲߫ ߘߊ߫ ߛߊ߬ߦߊ ߡߊ߬߸ ߡߏ߬ߛߏ ߓߘߊ߫ ߟߊߣߊ߬ ߞߊ߲ߞߊ߲߫ ߘߊ߲ߘߊߟߌ߫ ߤߏߞߌ ߞߊ߲ߡߊ߬.
