ߞߎ߲߬ߠߊ߬ߛߌ߮ ߓߍ߯
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߓߏ߲ ߘߏ߫ ߟߋ߬ ߟߐ߭ ߦߴߌߘߐ߫ ߞߐߣߊߞߙߌ߫ ߘߋ߬ߡߘߎ߬ߟߊ߫ ߞߌ߲߬ߘߊ ߟߊ߫߸ ߙߊ߬ߕߏߡߊ߬ ߞߊ߬ߝߏ߬ߙߋ߲ ߞߣߐ߫، ߓߟߌߕߍ ߣߌ߲߬ ߟߐ߭ ߟߋ߬ ߦߴߌߘߐ߫߸ ߏ߬ ߟߋ ߥߎ߬ߦߊ߬ߣߍ߲߫ ߓߌߟߏ߲ ߛߎ ߂߀߂߆ ߞߊ߬ߙߌ߬ߝߐ ߕߟߋ߬ ߁߆ ߞߵߊ߬ ߘߎ߰ߛߊ ߜߍ߫ ߛߌ߬ߣߌ߲߬ߟߏ߲ ߠߊ߫ ߸ ߞߊ߬ߙߌ߬ߝߐ ߕߟߋ߬ ߁߇، ߖߊ߬ߕߋ߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߐ߰ ߛߊ߬ߓߊ߫ ߟߋ߬ ߝߊ߰ߣߍ߲߫߸ ߞߊ߬ ߡߐ߰ ߝߌ߬ߟߊ߬ ߡߊߘߌߡߌ߲߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲Sߟߊ߬ߘߍ߬ߓߊ߫ ߟߋ߬ ߕߎ߲߬ ߦߴߌߘߐ߫ ߞߐߣߊߞߙߌ߫ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬߸ ߛߊߣߌ߲߫ ߓߊ߯ߙߟߊ ߟߎ߬ ߣߌ߫ ߞߊ߲ߕߌ߮ ߟߋ߬ ߞߊ߬ ߢߐ߲߯ߦߋ߫ ߞߍ߫، ߞߊ߲ߕߌ߮ ߞߊ߬ ߕߛߊ ߘߊ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߛߊߣߌ߲߫ ߢߊߘߊ߲ ߕߍ߫ ߓߐ߫ ߟߊ߫ ߡߎ߬ߕߎ߲߬، ߣߴߏ߬ ߡߊ߫ ߓߍ߲߬ ߡߍ߲ ߡߊ߬߸ ߏ߬ ߟߊ߫ ߓߊ߯ߙߊ߫ ߖߡߊߙߌ߫ ߛߓߍ ߘߌ߫ ߡߌ߬ߣߴߊ߬ ߟߊ߫، ߊߟߎ߫ ߦߋ߫ ߞߊ߲ߕߌ߮ ߟߊ߫ ߓߋߟߋ߲ߠߊ ߘߝߊߣߍ߲ ߘߐߞߊ߬ߙߊ߲߬ ߥߍ߫.
ߓߘߍ߬ߓߘߍ߬ߟߌSߖߌ߬ߣߍ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߮ ߊߟߌߞߏ߫ ߘߊ߲ߜ߭ߏߕߋ߫ ߟߋ߬ ߟߊߞߢߐ߬ߡߊ߬ ߟߊ߫ ߞߎߓߋ߫ ߡߊ߬ߤߊ߬ߡߍ߬ߘ ߅߲ ߠߊ߫߸ ߞߵߊ߬ߟߎ߬ ߟߊ߫ ߘߊߘߐߖߊߥߏ ߕߐ߭ ߘߊߓߊ߲߫ ߖߌߛߎ߲ߞߋߡߎ߲ ߣߌ߫ ߛߍ߬ߣߍ ߣߌ߫ ߜߟߐߡߌ߲ ߣߌ߫ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫. ߛߊ߫ ߖߌ߬ߣߍ߫ ߘߎ߰ߘߐ߬ߝߋ߲ ߠߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߐ߫ ߞߊ߬ ߥߴߊ߬ ߘߌ߫ ߝߊ߲߬ ߜߘߍ߫.
ߜߘߍ ߟߎ߬ߣߌ߲߬ ߞߍߣߍ߲߫ ߞߐߣߊߞߙߌ߫ ߟߊ߫߸ ߊ߲ߕߊ ߍߛ.ߏ.ߍߛ ߞߌ߲߬ߘߊ ߟߊ߫، ߕߍ߬ߣߍ߲߫ ߞߡߊ߬ߙߊ߫ ߟߋ߬ ߝߊ߰ߣߍ߲߫ ߞߌ߬ߛߍ ߟߊ߫߸ ߞߵߊ߬ ߞߣߐ ߕߏ߫ ߞߊߙߏ߫ ߛߋߦߌ߲߫ ߘߐ߫ (ߞߣߐߡߦߊ)، ߡߋߘߌߦߊߖߌߣߋ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߣߌ߲߬ ߓߏ߲߫ ߘߊ߫ ߞߌ߬ߛߍ ߟߋ߬ ߟߊ߫߸ ߊ߬ ߟߊ߫ ߓߏ߲ ߞߣߐ߫߸ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲ ߞߐ ߘߐ߫ ߊ߬ ߟߊ߫ ߟߎ ߘߊߝߍ߬.
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߕߋߟߋ߲ߓߊ߯ߦߊߘߍ߬ߒ߬ߡߊ߬ ߟߊߛߋߟߌ߫ ߟߋ߬ ߞߍߣߍ߲߫ ߂߀߂߆ ߘߓߊ߬ߕߋ ߕߟߋ߬ ߇ ߡߊ߬߸ ߖߌ߬ߣߍ߬ ߞߕߌߓߋߟߋ߲߫ ߝߌ߬ߟߊ ߓߟߏ߫߸ ߞߊ߲ߞߊ߲߫ ߕߊ ߣߌ߫ ߞߐߣߊߞߙߌ߫ ߕߊ߸ ߞߵߊߟߎ߫ ߕߣߊ߬ ߜߍߟߍ߲ ߟߊ߫ ߘߊ߱ ߘߐ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߞߍ ߡߊ߬ ߛߌߟߊ߫ ߞߊ߲ߠߊ ߟߎ߬ ߣߌ߫ ߟߐ߯ߝߍ߫ ߞߣߐߟߊ ߟߎ߬ ߣߌ߫ ߡߍ߲߬ߛߍ߲߬ߧߊ߬ߘߊ ߟߎ߬ ߣߌ߫ ߓߊ߯ߙߊ߫ ߦߙߐ ߟߎ߬ ߘߐ߫، ߞߕߌ ߝߊ߰ߡߊ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߓߍߣߊ߬ ߥߊߟߋ߫ ߖߎ߯ ߛߎ߮ ߏ߬ ߞߍߓߊ߮ ߟߎ߫ ߣߐ߭ߡߌ߬ߣߊ߬߸ ߘߋ߲ߣߍ߲ ߠߎ߬ ߤߊߞߍ ߟߊߕߊ߲߬ߞߊ߬ߓߊߟߌߦߊ ߞߏߛߐ߲߬.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߓߘߍ߬ߓߘߍ߬ߟߌߖߌ߬ߣߍ߬ ߦߴߊ߬ ߝߍ߬ ߞߵߊ߬ ߣߌ߫ ߛߌ߯ߣߌ߲ ߠߊ߫ ߞߊ߬ߣߌ߲ ߞߘߐߛߊ߫ ߓߘߍߞߍ߭߸ ߞߊ߲߫ ߞߏ ߡߊ߬ߘߎ߮ ߘߐ߫، ߏ߬ ߟߋ ߘߐ߫߸ ߡߊ߲ߘߊߙߍ߲ ߕߌߙߌ߲ߘߊ ߘߏ߫ ߓߘߊ߫ ߟߊߞߊ߬ ߞߐߣߊߞߙߌ߫߸ ߡߍ߲ ߠߎ߬ ߣߐ߬ ߟߊ߬ߞߐ߰ߟߌ ߛߌ߰ ߟߊ߫ ߛߋ߲߬ߠߊ߫ ߣߊ߲߬ߕߌ߮ ߟߎ߫ ߞߎ߲߬.
ߕߋߟߋ߲ߓߊ߯ߦߊߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߊ߭ߦߊ߬ ߞߊ߬ߓߊ ߣߌ߫ ߦߡߊ߫ ߛߋߜ߭ߊ߬ ߡߌ߬ߣߊ߫ ߞߵߊ߬ߟߎ߬ ߟߊߞߘߎ߬ ߢߟߊߥߛߎ ߟߊ߫، ߊ߬ߟߎ߬ ߓߍߣߊ߬ ߦߌ߬ߘߊ߬ ߞߕߌߞߊ߲ߘߊ ߟߊ߫ ߞߐ߬ߓߊ߬ߟߏ߲߫ ߣߊ߬ߕߐ߸ ߞߏ߲ߞߏߘߓߌ ߕߋ߬ߟߋ߫ ߂߀ ߡߊ߬، ߊ߬ߟߎ߫ ߡߌ߬ߣߊ߬ߣߍ߲߫ ߞߵߏ߬ ߞߎ߲߭ ߞߍ߫ ߜߍ߫ ߘߐ߫ ߖߓߍߟߌ ߣߌ߫ ߜߍߟߊߜߍ߫ ߞߏ߫ ߞߎߡߊ ߟߋ߬ ߘߌ߫.
ߛߊ߲߬ߞߟߊ߬ߕߋߖߌ߬ߣߍ߫ ߓߘߍ߬ߓߘߍ߬ߟߌ ߡߐ߰ ߕߐ߯ߟߡߊ ߣߴߊ߬ ߥߊߟߌߘߊ ߟߎ߬ ߗߋߝߊ߫ ߞߎ߲ߕߌ߯ ߞߘߐ߸ ߡߊ߬ߡߊߘߎ߬ ߛߌ߬ߟߊ ߛߊ߬ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߆ ߣߌ߲߬ ߡߊ߬ ߞߐߣߊߞߙߌ߫߸ ߞߵߊ߬ ߛߐ߬ߘߐ߲߬ ߊ߬ ߓߘߴߊ߬ ߕߐ߮ ߕߏ߫ ߖߡߊ߬ߣߊ ߞߏߓߊ߫ ߛߌߦߊߡߊ߲߫ ߘߐ߫.
ߟߐ߲ߠߌ߲ߦߊߞߐߣߊߞߙߌ߫ ߞߣߐ߫߸ ߞߏߕߌ߯ ߝߟߐ ߊߡߊߘߎ߫ ߎ߯ߙߌ߬ ߓߊ ߛߐ߬ߘߐ߲߬ ߘߊ߫ ߟߋ߬ ߒߞߏ ߛߌ߲ߘߌ ߛߊ߲߬ ߇߇߲ ߢߊ߰ߢߊ߮ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߒߞߏߡߐ߮ ߟߎ߬ ߦߋ߫ ߓߊ߯ߙߊߞߍߟߊ ߟߎ߫ ߟߋ߬ ߘߌ߫.
