ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߘߏߣߊߟ ߕߑߙߐ߲ߔ ߞߵߊ߬ ߛߐ߬ߘߐ߲ ߛߊ߲߬ ߈߀ ߢߊ߰ߢߊ߮ ߞߍ߫ ߞߊ߯ߙߌ߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄ߣߌ߲߬ ߡߊ߬ ߓߏ߲ߜߍ ߡߊ߲߬ߛߊ߬ߓߌ߲ ߞߊ߲߬ ߥߙߏ߬ߘߎ߰ ߝߊ߲ ߝߍ߬، ߊ߬ ߞߎߡߊ߫ ߘߊ߫ ߌߙߊ߲߫ ߞߟߍ ߞߏߢߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߓߍ߲߬ߞߊ߲߫ ߞߎ߲߬ߝߟߐ ߟߎ߬ ߓߘߊ߫ ߝߟߐ߫ ߛߐ߬ߘߐ߲߬ ߠߊ߫߸ ߛߊ߫ ߘߊ߲߬ ߘߌ߫ ߛߌ߰ ߞߍ߬ߟߍ ߟߊ߫.
ߕߟߋ߬ߓߐ ߕߍߡߟߊ ߝߐߢߐ߲߯ߞߐߊߡߙߌߞߌ߬ ߦߴߊ߬ ߞߊ߲߬ ߞߊ߬ ߟߌ ߞߍ߫ ߊ߬ ߖߘߍ߬ ߕߟߏ ߘߐ߫ ߕߎ߬ߡߊ ߡߍ߲ ߠߊ߫ ߞߊ߬ ߓߍ߲߬ ߊ߬ ߣߌ߫ ߌߙߊ߲߫ ߠߊ߫ ߓߍ߲߬ߘߐ߬ ߞߏ ߡߊ߬، ߌߛߌ߬ߙߊ߬ߌߟߊ߫ ߓߘߊ߫ ߥߊ߫ ߖߌ ߟߊߘߏ߲߬ ߊ߬ߟߎ߬ ߟߊ߫ ߗߍ߬ߓߏ߲ ߠߊ߫ ߞߊ߯ߙߌ ߣߍ߲߬ ߡߊ߬߸ ߞߊ߬ ߥߊ߫ ߓߊ߰ ߟߌߓߊ߲߫ ߡߊ߬ ߝߎ߯ߝߊߘߌ߫߸ ߞߊ߬ ߡߐ߰ ߛߊ߬ߓߊ߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߓߘߊ߫ ߜߊ߬ ߕߑߙߐ߲ߔ ߟߊ߫ ߞߏߛߓߍ߫߸ ߞߏ߫ ߊ߬ ߞߊ߲߫ ߞߏ߫ ߌߛߌ߬ߙߊ߬ߌߟߊ߫ ߓߘߴߊ߬ߟߎ߬ ߟߊ߫ ߛߋ߲߬ߓߊ߬ ߝߊ߰ ߡߎ߮ ߜߊ߬ߛߌ߬ ߕߎ߫ ߟߊߞߏߟߏ߲ ߠߊ߫، ߌߙߊ߲߫ ߘߏ߲߬ ߝߣߊ߫ ߓߘߊ߫ ߞߎߡߊ߫ ߞߵߊ߬ ߦߌ߬ߘߊ߬ ߞߏ߫ ߊߡߙߌߞߌ߬ ߕߍߣߵߊ߬ ߞߎߡߊ߫ ߞߊ߲ ߡߊߓߏ߲߬ߧߊ߬ ߟߊ߫ ߝߏ߫ ߞߊ߬ ߘߎߢߊ߫ ߓߊ߲߫.
ߞߍߞߎߘߊߓߟߏ߫ ߗߍ߬ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߋ߬ ߣߐ߬ ߡߎ߮ ߛߏ߲ߛߙߏߡߊ߫ ߟߴߊ߬ ߘߐ߫ ߞߍ߲ߘߍߟߏ߲ ߣߌ߲߬ ߡߊ߬ ߥߊ߲ߛ߭ߌ߲ߕߐ߲߫߸ ߓߏ߲ߜߍ ߘߊߝߍ߬ ߌߞߘߐ߫، ߜߎ߲߬ߘߎ߬ ߗߋߢߊߘߋ߲ ߠߎ߬ ߞߵߊ߬ ߞߍ߫ ߛߎ߭ ߘߴߊ߬ ߣߐ߭ ߘߐ߫ ߦߋ߲߬؛ ߊ߬ ߞߊ߬ ߕߊ߬ߡߌ߲߬ߓߊ߰ߕߐ߬ ߞߋߟߋ߲߫ ߖߐߞߌ߫ ߟߋ߬߸ ߊ߬ ߞߏ߬ߣߌ߲ ߡߊ߫ ߛߋ߫ ߞߊ߲ߕߌ߯ ߘߏߣߊߟ ߕߑߙߐ߲ߔ ߡߊ߬، ߣߴߏ߬ ߕߍ߫߸ ߞߏ ߞߍ߫ ߥߊ߯ߕߌ ߞߵߊ߬ ߛߐ߬ߘߐ߲߫ ߠߋ߬߸ ߏ߬ ߦߋ߫ ߓߏ߲ߜߍ ߟߊ߫ ߦߋ߲߬.
ߞߍߞߎߘߊߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߘߏߣߊߟ ߕߑߙߐ߲ߔ ߕߐ߮ ߦߋ߫ ߡߊ߬ߝߌ߲߬ߠߌ߲߬ ߞߎߘߊ߫ ߟߋ߬ ߘߐ߫ ߣߌ߲߬߸ ߘߟߊ߫ ߞߋ߲߬ߥߟߎ߫ ߂߀߀ ߟߕߊ߬ߡߌ߲߬ߡߊ߬ߟߌ ߦߋߣߍ߲ ߞߐ߫ ߊ߬ ߣߐ߬ ߘߐ߫ ߓߟߐߟߐ ߞߊ߲߬، ߊߡߙߌߞߌ߬ ߓߍ߯ߦߊߟߞߊ ߟߎ߬ ߟߊ߫ ߡߐ߰ߘߐ߬ߜߍ ߟߎ߬ ߓߘߴߊ߬ ߡߊߓߎ߬ߙߎ߲߬ߕߌ߬ ߞߏߛߓߍ߫.
ߞߍߞߎߘߊߙߎ߬ߛߌ߬ ߞߊ߲ߕߌ߮ ߝ߭ߑߟߊߡߘߌߙ ߔߎߕߌߣ ߞߊ߫ ߞߊ߲߫ ߞߊ߬ ߥߊ߫ ߛߌ߯ߣߌ߲߬ ߘߓߊ߬ߕߊ ߕߋ߬ߟߋ߫ ߂߀ ߣߊ߬ߕߐ ߣߌ߲߬ ߡߊ߬߸ ߞߵߊ߬ ߛߐ߬ߘߐ߲߬ ߘߏߣߊߟ ߕߑߙߐ߲ߔ ߓߐ ߦߋ߲߬߸ ߏ߬ ߕߟߋ߬ ߘߊ߲ߘߐ ߟߋ߬ ߕߋ߲߬، ߔߎߕߌߣ ߠߊ߫ ߕߊ߯ߟߌ ߣߌ߲߬ ߢߐ߲߯ߦߋ ߟߎ߬ ߓߍߣߊ߬ ߓߎ߲ߓߎ߲߫ ߖߡߊ߬ߣߊ߫ ߝߌ߬ߟߊ ߕߍߟߊ ߟߋ߬ ߞߊ߲߬߸ ߊ߬ ߣߌ߫ ߘߎߢߊ߫ ߜߟߍ߬ߦߊ ߟߎ߬.
ߞߍߞߎߘߊߊ߬ ߓߘߊ߫ ߦߌ߬ߘߊ߬ ߢߌߣߌߣߌ߲ߠߌ߲ ߠߎ߬ ߞߐ ߘߐ߫ ߞߏ߫ ߞߐߟ ߊߟߍ߲߫ ߞߊ߬ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߝߊ߰ ߞߏ ߟߋ߬ ߘߐߓߍ߲߬ ߝߋߎ߫، ߞߊ߬ߕߎ߲߯߸ ߊ߬ߟߋ ߞߏߢߊ ߞߍ߫ ߛߊ߲ ߠߋ߬ ߕߋ߲߬߸ ߝߏ߫ ߕߐ߲ߓߟߏߡߊ ߘߏ߫ ߖߍ߬ߘߍ ߡߊߘߌߡߌ߲߫ ߘߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߡߊ߫ ߘߌߦߊ߫ ߏ߬ ߟߏ߲ ߝߋߎ߫.
ߓߘߍ߬ߓߘߍ߬ߟߌߘߏߣߊߟ ߕߑߙߐ߲ߔ ߣߐ߬ ߡߏ߬ߛߏ߫ ߡߐ߰ ߛߋߦߌ߲ ߡߍ߲ ߠߎ߬ ߝߊ߰ ߞߏ ߝߐ߫ ߟߊ߫ ߌߙߊ߲߫ ߞߣߐ߫، ߊ߬ߟߎ߬ ߞߊ߲߫ ߞߏ߫ ߞߎߡߊ ߏ߬ ߕߍ߫ ߕߎ߬ߢߊ߬ ߘߌ߫، ߊ߬ߟߎ߬ ߞߊ߲߫ ߞߏ߫ ߞߌ߬ߓߊ߬ߙߏ߬ ߟߊ߬ ߞߟߍ ߟߋ߬ ߦߴߌߘߐ߫ ߊ߬ߟߎ߬ ߞߊ߲ߡߊ߬߸ ߞߊ߬ ߕߏ߫ ߥߎߦߊ ߟߊ߫ ߟߴߊ߬ߟߎ߬ ߟߊ߫ ߛߐ߲߬ ߛߊ߫ ߞߵߊ߬ߟߎ߬ ߡߊߣߐ߯ ߢߊ ߡߍ߲ ߡߊ߬.
ߓߘߍ߬ߓߘߍ߬ߟߌߘߏߣߊߟ ߕߑߙߐ߲ߔ ߟߊ߫ ߟߕߊ߬ ߞߊ߲߬ ߝߐ ߓߘߊ߫ ߛߋ߫ ߌߛߊ߫ ߣߊߡߎ߲ ߘߏ߲߬ߞߏ ߟߎ߬ ߟߊ߫ ߞߎ߲߬ߕߌ߮ ߟߋ߬ ߡߊ߬ ߝߣߊ߫߸ ߞߏ߫ ߊ߬ߟߋ ߕߴߏ߬ ߟߊ߫ ߞߏ߫ ߘߐ߫߸ ߓߊߏ߬ ߏ߬ ߡߊ߬ߞߏ߬ ߕߍ߫ ߞߏߖߎ߯ ߝߏߦߌ߬ ߟߊ߫߸ ߝߏ߫ ߞߵߊ߬ ߝߐ߫ ߕߋ߲߬ ߞߏ߫ ߞߊ߬ ߞߍ߬ߟߍ ߟߊߟߐ߬، ߞߏ߫ ߏ߬ ߟߊ߫ ߞߏ߫ ߕߍ߫ ߞߏ߫ ߘߐ߫.
ߡߊ߲߬ߕߏ߲߬ߕߍ߬ߟߊ߬ߞߊߕߑߙߐ߲ߔ ߟߊ߫ ߞߎߡߊ߫ ߓߎߚߎߕߎߕߎ ߣߴߊ߬ ߕߊ߫ ߘߎߢߊ߫ ߝߐߢߐ߲߯ߞߐ ߟߎ߬ ߓߊ߲߫ ߞߏ ߘߐ߫߸ ߊ߬ ߓߘߊ߫ ߕߊ߬ߡߌ߲߫ ߛߐ߲߬ߖߊ ߟߊ߫ ߟߊ߫ ߡߐ߱ ߟߎ߫ ߞߊ߲߬ ߣߊ߲߬ߕߌ߰ ߞߎ߲ߘߊ߫߸ ߞߊ߬ ߖߊ߬ߡߊߙߌ ߘߌ߫ ߞߏ߫ ߞߊ߬ ߝߕߌߡߊ ߟߎ߬ ߡߊߝߟߍ ߘߊߡߌ߬ߣߊ߬߸ ߊ߬ ߓߘߊ߫ ߖߡߊ߬ߣߊ߬ ߛߌߦߊߡߊ߲߫ ߝߣߊ߫ ߓߍߟߍ߲߫ ߕߋ߲߬، ߟߊ߫ ߞߎߡߊ ߣߴߊ߬߬ ߞߍߥߊߟߌ ߟߊ߫ ߝߘߏ߬ߢߐ߲߰ߡߊ ߏ߬ ߟߋ ߓߘߊ߫ ߡߐ߰ ߛߌߦߊߡߊ߲߫ ߓߊ߬ߟߌ߬.
ߞߍߞߎߘߊߌߙߊ߲߫ ߝߊ߲߬ߞߊߛߌ߬ߣߊ ߟߎ߬ ߘߐ߫ ߛߘߊߡߊ ߓߘߴߊ߬ ߞߊ߲ߠߊߘߌ߫ ߘߏߣߊߟ ߕߑߙߐ߲ߔ ߡߊ߬߸ ߞߏ߫ ߊ߬ ߦߋ߫ ߣߵߊ߬ߟߎ߬ ߓߐ߫ ߓߟߏ߫ ߘߐ߫، ߊ߬ ߓߘߴߊ߬ ߞߐߡߊߓߌ߲ߓߌ߲ߓߊ߮ ߟߎ߬ ߞߟߌ߫߸ ߞߏ߫ ߊ߬ߟߎ߬ ߖߌ߰ ߛߌߟߊ ߞߊ߲߬߸ ߞߊ߬ ߖߊߟߌߞߦߊߟߊ ߟߎ߬ ߜߍ߲߫. ߘߎߢߊ߫ ߓߘߊ߫ ߛߌߞߊ߫ ߞߊ߬ߝߏ߫ ߘߍ߬ߣߍ߲ ߡߊ߬ ߞߏߟߊ߲ߘߌߦߊ ߘߐ߫߸ ߊ߬ ߣߌ߫ ߖߘߍ߬ߞߍ߬ߒ߬ߞߏ߬ߘߌ ߘߐ߫. ߊߟߎ߫ ߦߋ߫ ߛߘߌ߬ߜߋ߲ ߣߌ߲߬ ߛߐ߲߬ߞߌ߫ ߞߵߊ߬ ߕߐ߭ ߞߊ߬ߙߊ߲߬ ߥߍ߫ 👇🏿
