ߞߎ߲߬ߠߊ߬ߛߌ߮ ߓߍ߯
ߟߊ߬ߞߊ߲߬ߘߊ߬ߟߌߓߌߟߏ߲߫ ߕߊ߬ߡߌ߲߬ߣߍ߲߸ ߓߙߎߞߌߣߊ߫ ߘߐ߬ߕߊߡߌ߲ ߞߊ߲ߕߌ߮ ߞߊ߬ ߓߋߟߋ߲ߠߊ ߘߏ߫ ߞߍ߫ ߦߊ߯ߘߑߜ߭ߊ߫ ߕߌ߲߬ߞߎߘߎ߲ ߘߐ߫߸ ߊ߬ ߞߊ߬ ߞߟߌߟߌ ߞߍ߫ ߛߌ߬ߟߡߊ߬ߦߊ ߘߐߣߐ߰ߦߊ ߟߋ߬ ߡߊ߬߸ ߞߊ߬ ߜߘߋߜߘߋߦߊ ߓߟߏߞߊ߬، ߞߊ߬ߕߎ߲߯߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ ߜߋ߬ߟߎ߲߬ߠߌ߲ ߖߍ߬ߘߍߖߍ߬ߘߍ ߟߊߥߟߌ߬ ߓߙߎߞߌߣߞߊ߫ ߗߡߍ߬ ߦߙߌߞߊ߫ ߞߐ߫߸ ߡߍ߲ ߠߎ߬ ߟߊߕߊ߯ߣߍ߲߫ ߛ߭ߊ߬ߙߌ߬ߦߊ ߞߊ߬ߙߊ߲߬ ߞߊ߲ߡߊ߬ ߞߐߞߊ߲߬، ߞߏ߫ ߞߊ߬ ߖߊ߲߬ߕߏ߬ ߞߍ߫ ߏ߬ ߟߎ߬ ߘߐ߫ ߞߏߛߓߍ߫.
ߞߌ߬ߓߊ߬ߙߏߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߓߊ߰ߓߊ߰ߟߌ߬ߟߊ ߟߎ߫ ߕߎ߲߬ߕߎ߲ ߘߊߡߌ߬ߣߴߊ߬ ߢߊ ߖߍ߬ߘߍߖߍ߬ߘߍ ߡߊ߬ ߞߎߣߎ߲߬ ߞߍ߲ߘߍߟߏ߲ ߞߊ߬ߙߌ߬ߝߐ ߕߟߋ߬ ߄ ߡߊ߬ ߞߐߣߊ߫ ߣߌ߫ ߛߏߡߊߘߜ߭ߎ߫ ߟߎ߫ ߘߐ߫߸ ߖߡߊ߬ߣߊ ߕߊ߲ߓߊ߲ ߘߐ߫، ߡߍ߲ ߝߐ߫ ߘߊ߫ ߟߊ߬ߛߋ߬ߟߌ ߘߐ߫ ߞߊ߬ ߝߘߊ߫ ߡߊ߬ߟߌ ߟߊ߫߸ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߊ߬ ߝߊ߰ߡߊ ߟߎ߫ ߝߏ߬ ߊ߬ߟߎ߬ ߟߊ߫ ߞߎ߬ߛߊ߲߬ߧߊ ߣߌ߫ ߢߊߟߐ߲ ߓߊ߯ߙߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ߫ ߜߘߍ߫ ߕߍ߫ ߝߊ߰ߡߊ ߟߎ߬ ߟߊ߫߸ ߖߡߊ߬ߣߊ ߟߊߞߊ߲ߘߊ ߞߐ߫.
ߕߋߟߋ߲ߓߊ߯ߦߊߡߊ߬ߟߌ ߓߊ߬߸ ߓߙߎߞߌߣߊ߫ ߝߊ߬ߛߏ߫ ߓߊ߬߸ ߏ߬ ߟߎ߬ ߓߘߴߊ߬ ߦߌ߬ߘߊ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߍ߬ߟߊ߬ߞߊ ߟߊ߫ ߛߍߣߍ߲߬ ߔߊߞߌߛߊ߫߸ ߞߏ߫ ߊ߬ߟߎ߬ ߕߴߊ߬ ߘߐ߫ ߡߎ߬ߕߎ߲߬، ߊ߬ߟߎ߬ ߥߊߣߍ߲߫ ߖߋ߬ߟߌ߬ߓߊ߬ߘߎ߯ ߛߋ߲߬ߣߐ ߟߋ߬ ߞߊ߲߬ ߏ߬ ߘߌ߫، ߞߊ߬ߕߎ߲߯߸ ߡߙߌߦߊ ߣߌ߲߬ ߓߘߊ߫ ߕߊ߬ߡߌ߲߫ ߊ߬ߟߎ߬ ߟߊ߫ ߞߎߡߊ ߘߏ߫ ߛߍ߲ߓߍߘߏ߲߬ ߠߊ߫߸ ߊ߬ߟߎ߫ ߞߵߊ߬ ߝߐ߫ ߡߍ߲ߞߍ߬ ߂߀߂߅ ߕߎߟߊߝߌ߲ ߠߊ߫߸ ߞߏ߫ ߊ߬ߟߎ߬ ߦߋ߫ ߞߕߌ ߘߐ߫ ߖߘߍ߬ߕߌ߰ߦߊ ߟߋ߬ ߝߣߊ߫ ߝߍ߬ ߡߎ߬ߕߎ߲߬، ߒ߬ߓߊ߬߸ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߖߡߊ߬ߣߊ߫ ߛߊ߬ߓߊ ߓߘߴߊ߬ ߣߍ߰ߓߐ߫ ߘߋ߬.
ߕߍߓߊ߯ߦߊߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߆߸ ߞߏ߫ ߊ߬ߟߎ߬ ߣߌ߫ ߝߊ߬ߙߊ߲߬ߛߌ߬ ߟߊ߫ ߕߍߓߊ߯ߦߊ ߖߎ߬ߟߎ ߓߘߊ߫ ߕߍ߰ ߓߌ߬ ߞߵߊ߬ ߘߐߓߎ߲ߘߊ߲߫ ߝߛߊߦߌ߫، ߝߊ߬ߙߊ߲߬ߛߌ߬ ߞߊ߲ߓߍ߲ ߠߋ߬ ߞߏ߫ ߦߋ߫ ߣߌ߲߬ ߖߐ߫، ߊ߬ߟߎ߬ ߞߊ߲߫ ߞߏ߫ ߥߙߎߣߍߦߊ ߞߍ ߝߊ߬ߙߊ߲߬ߛߌ߬ ߓߟߏ߫߸ ߓߊ߰ߓߊ߰ߟߌ߬ߟߊ ߟߎ߬ ߞߐߡߊߓߌ߲ߓߌ߲ ߊ߬ߟߎ߬ ߓߟߏ߫߸ ߊ߬ߟߎ߫ ߛߋ߲߬ߓߐ߫ ߞߎ߲ ߠߴߏ߬ ߘߌ߫ ߊ߬ߟߎ߫ ߛߋ߲߬ߘߐ߫ ߝߋߎ߫، ߓߙߎߞߌߣߊ߫ ߓߘߊ߫ ߘߐ߬ߝߐ ߟߊߖߌ߲߯ߛߊ߫ ߓߌ߬ ߞߏߞߎߘߊ߫.
ߕߍߓߊ߯ߦߊߓߋߣߍ߲߫ ߞߊ߲ߕߌ߯ ߞߎߘߊ ߙߏߡߎߥߊߟߘ ߥߘߊߢߌ߫ ߕߊ߯ ߞߏ ߓߘߊ߫ ߝߐ߫ ߓߙߎߞߌߣߊ߫ ߝߊ߬ߛߏ߬߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߞߊ߲߬ ߥߊ߬ߛߌ߬ߥߙߊ ߕߋ߬ߟߋ߫ ߂ ߣߌ߲߬ ߡߊ߬، ߞߊ߬ߝߏ߬ ߞߎ߲ߕߌ߮ ߓߍߣߊ߬ ߛߐ߰ ߥߊ߱ߘߎ߰ ߟߋ߬ ߡߊ߬߸ ߞߊ߬ ߓߐ߫ ߊߓߎߖߊ߫ ߞߊ߬ ߕߊ߯ ߦߋ߲߬، ߞߊ߬ߕߎ߲߯߸ ߊ߬ ߛߐ߰ ߘߊ߫ ߦߋ߲߬ ߠߋ߬ ߡߊ߬ ߥߊ߬ߛߌ߬ߥߙߊ ߕߟߋ߬ ߁߭ ߣߌ߲߬ ߡߊ߬.
ߞߍߞߎߘߊߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ (ߞߞߢ) ߓߘߊ߫ ߞߕߌߓߏ߲߫ ߞߎߘߊ߫ ߟߊߘߊ߲߫ ߞߏ ߝߐ߫߸ ߡߍ߲ ߞߍߕߐ߫ ߛߋ߲߬ߕߊ߬ ߞߎߘߊ߫ ߘߴߊ߬ߟߎ߬ ߟߊ߫ ߘߍ߭ ߣߌ߲߬ ߞߣߐ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߡߙߌߦߊ ߡߍ߲ ߦߴߊ߬ߟߎ߬ ߟߊ߫߸ ߣߴߊ߬ߟߎ߫ ߞߵߊ߬ ߝߐ߫ ߞߏ߫ ߊ߬ߟߎ߬ ߕߍ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ (CPI) ߘߐ߫߸ ߊ߬ߟߎ߬ ߦߴߏ߬ ߛߌߟߊ ߟߋ߬ ߞߊ߲߬ ߤߊ߲߯ ߕߋ߲߬.
ߟߊ߬ߞߊ߲߬ߘߊ߬ߟߌߞߍ߲ߘߍߟߏ߲ ߡߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߮ ߓߊ߬ߛߌߙߏ߬ ߖߏ߬ߡߊߦߌ߬ ߝߊߦߌ߬ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲߬ߠߊ߫ ߡߊ߬߸ ߞߏ߫ ߓߍ߯ ߖߎ߬ߛߎ ߦߋ߫ ߦߍ߬ߟߍ߫ ߓߊ߰ߓߊ߰ߟߌ ߞߊ߲ߡߊ߬ ߞߌ߬ߢߍ߬ߞߏ߲ߞߏ߫ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߊߟߌߦߊ߫ ߓߟߏ ߡߊ߬ ߕߋ߲߬ ߌߞߘߐ߫߸ ߞߵߊ߬ߟߎ߬ ߞߍߕߊ ߞߍ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߡߊ߲߬ߕߏ߲߬ߕߍ߬ߟߊ߬ߞߊߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߓߘߊ߫ ߊߡߙߌߞߌ߬ ߞߍߥߊߟߌ ߣߌ߲߬ ߘߐߜߏߦߊ߫߸ ߞߊ߬ ߡߟߛ ߞߟߌ߫ ߝߊ߲ߞߊߢߊ߲߫ ߞߏ߫ ߊ߬ ߦߋ߫ ߣߌ߲߬ ߞߏ ߢߊߓߐ߫߸ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߣߌ߫ ߝ߭ߣߋߖ߭ߎߥߋߟߊ߫ ߡߌ߬ߙߌ߲߬ߘߌ ߓߍ߯ ߦߋ߫ ߥߏ߬ߘߊ߬ ߞߋߟߋ߲߫ ߠߋ߬ ߟߊ߫ ߣߌ߲߬ ߞߏ ߘߐ߫، ߞߵߊ߬ ߕߎ߬ߙߎ ߞߍ߫ ߊߡߙߌߞߌ߬ ߟߊ߫ ߞߟߍ߬ߓߋ ߓߋ߬ߒ߬ߞߊ߲߬ߠߌ߲ ߣߌ߲߬ ߘߌ߫ ߝ߭ߣߋߖ߭ߎߥߋߟߊ߫. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
