ߞߎ߲߬ߠߊ߬ߛߌ߮ ߓߍ߯
ߕߍߓߊ߯ߦߊߛߣߍ߬ߜ߭ߊߟߌ߫ ߞߊ߲ߕߌ߮߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߓߘߊ߫ ߞߙߍߞߙߍ߫ ߞߵߊ߬ ߞߍ߫ ߛߘߋߦߊߥߏ ߞߊ߬ߝߏ߬ ߞߎ߲ߕߌ߮ ߟߎ߬ ߟߊ߫ ߜߊ߬ߙߊ ߞߊ߲ߕߌ߮ ߘߌ߫، ߏ߬ ߡߍ߲ ߞߎߡߊ ߝߐ߫ ߘߊ߫ ߞߊ߯ߙߌߟߏ߲ ߡߊ߬߸ ߂߀߂߆ ߞߊ߬ߙߌ߬ߝߐ ߕߟߋ߬ ߁߉߸ ߛߌ߲߬ߝߏ߲߬ߘߊ ߟߊ߫ ߘߋ߬ߙߌ߬ߣߊ߲߬ ߜߙߊ ߆߉߲ ߘߐ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߝߌ߬ߙߌߕߐ߲߬߸ ߛߙߊ߬ߟߏ߲߫ ߖߡߊ߬ߣߊ ߞߊ߲߬.
ߞߌ߬ߓߊ߬ߙߏߖߎ߬ߟߊ ߘߏ߫ ߟߋ߬ ߦߋ߫ ߜ߭ߙߊ߲߫ ߦߐߝ߸ ߏ߬ ߟߋ ߣߐ߬ ߊ߬ ߟߊ߫ ߘߏߝߙߍߕߍ ߘߌ߫ ߟߊ߫ ߛߊ߲߬ߠߌ߲߬ߠߊ ߘߏ߫ ߡߊ߬߸ ߏ߬ ߞߵߊ߬ ߟߊߓߣߐ߬ ߓߣߐ߬ߣߍ߲߫ ߛߍߝߊ ߁߅߈ ߀߀߀ ߠߊ߫، ߏ߬ ߕߍ߬ߘߴߊ߬ ߝߍ߬ ߞߵߊ߬ ߟߊ߫ ߛߊ߲߬ߠߌ߲߬ ߞߍߣߍ߲ ߠߎ߬ ߥߊߘߌ ߛߙߊ߬߸ ߡߍ߲ ߓߍ߲߬ߣߍ߲߫ ߕߘߍ߬ ߛߍߝߊ ߂߀߀ ߘߐߙߐ߲߫ ߡߊ߬.
ߕߋߟߋ߲ߓߊ߯ߦߊߗߍ߬ ߛߊ߲߬ ߄߁ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߟߍ߬ߡߐ߮ ߟߎ߬ ߓߟߏ߫ ߊߦߙߋ߫ ߟߊߥߏ߫߸ ߞߵߊ߬ ߟߊߕߊ߯ ߛߍ߲ߟߎߥߌ߫ ߞߏߢߊߢߌߣߌ߲ߘߊ ߟߊ߫، ߞߊ߬ߕߎ߲߯߸ ߊ߬ߟߋ߫ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߖߌ߬ߦߊ߬ߖߟߎ ߏ߬ ߘߐ߫߸ ߊ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߓߊ߰ߓߊ߰ ߟߊ߫ ߓߘߍߞߍ߭߸ ߊ߬ ߣߌ߫ ߞߕߌߞߊ߲ߘߊ ߣߌ߫ ߞߕߌߕߍ߯ߟߊ߸ ߞߏ߫ ߊ߬ ߘߌ߫ ߕߊ ߛߎ߫ ߏ߬ ߟߎ߬ ߟߊ߫ ߞߵߊ߬ߟߎ߫ ߖߋ߬ߣߌ߲߬، ߏ߬ ߟߋ ߞߏߢߊ ߣߐ߬ ߛߍ߲ߟߎߥߌ߫ ߞߕߌߘߊ ߕߙߐ߫ ߟߊ߫߸ ߝߏ߫ ߊ߬ߟߎ߫ ߖߍ߬ߘߍ ߞߵߊ߬ߟߎ߬ ߕߍ߯ ߞߍ߫ ߗߍ߭ ߣߌ߲߬ ߘߐ߫.
ߕߋߟߋ߲ߓߊ߯ߦߊߕߎ߲ߞߊߙߊ߲ߞߋ߫ ߘߓߌߘߓߌ ߞߍ߬ߟߍ ߞߐ߬ߡߐ߲߬ߞߐߡߐ߲߫ ߝߊ߬ߛߏ߬ߟߊ߬ߞߊ ߡߍ߲ ߦߋ߫ ߗߍ߬ߘߎ߯߸ ߏ߬ ߟߋ ߣߐ߬ ߊ߬ ߕߍ߯ ߞߍ߫ ߟߊ߫ ߞߙߏ߬ߝߏ߬ ߓߟߋߓߟߋ߫ ߡߊ߲߬ߕߏ߲߬ߕߍ߬ߟߊ߬ߞߊ ߘߏ߫ ߘߐ߫߸ ߡߊ߬ߞߘߐ߬ߦߊ߬ ߓߊ߯ߙߊ ߖߍ߬ߘߍߖߍ߬ߘߍ ߦߋ߫ ߞߍ߫ ߟߊ߫ ߡߍ߲ ߠߎ߬ ߓߟߏ߫߸ ߏ߬ ߞߍߍ߫ ߘߊ߫ ߞߊ߯ߙߊߞߋߣߊ߫ ߘߎ߰ߣߍ߲ ߠߋ߬ ߞߣߐ߫، ߦߙߍߞߍߟߌ ߟߋ߬ ߛߌ߰ ߘߊ߫ ߛߋ߲߬ߠߴߊ߬ߟߎ߬ ߞߊ߲ߡߊ߬ ߥߊ߬ߛߌ߬ߥߙߊ ߕߋ߬ߟߋ߫ ߂߁ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߍ߯ ߞߍ߫ ߊ߬ߟߎ߬ ߟߊ߫ ߞߙߏ߬ߝߏ ߡߊ߬ߞߘߐ߬ ߞߎ߲ߕߌ߮ ߘߐ߫߸ ߞߵߊ߬ ߛߐ߬ߘߐ߲߬ ߖߋ߬ߟߌ߬ߓߟߊ߬ߞߊ߬ ߘߋ߲ߡߛߏߣߍ߲߫ ߡߐ߰ ߣߊ߯ߣߌ߲߫ ߦߴߊ߬ߟߎ߬ ߓߟߏ߫ ߦߋ߲߬߸ ߏ߬ ߟߎ߫ ߖߍ߬ߘߍ ߓߘߊ߫ ߓߌ߬ߟߊ߬، ߡߐ߰ ߣߊ߯ߣߌ߲ ߏ߬ ߘߐ߫߸ ߘߋ߲ߣߍ߲߫ ߡߐ߰ ߝߌ߬ߟߊ߬ ߦߴߏ߬ ߘߐ߫.
ߜߘߍ ߟߎ߬ߣߌ߲߬ ߞߍߣߍ߲߫ ߖߡߊߖߍߣ ߛߌߞߊߔ ߒߓߊߥߎ߬ ߟߋ߬߸ ߗߍ߭ ߘߏ߫ ߟߋ߬ ߣߐ߬ ߊ߬ ߖߘߍ߬ ߦߋ߫ ߖߌ߰ߕߍ߰ߞߏ߬ߓߊ߫ ߕߍߡߊ߬، ߊ߬ ߣߐ߬ ߊ߬ ߟߊ߫ ߜߋߟߋ߲ߜߋߟߋ߲ ߠߋ߬ ߘߌ߫ ߟߴߊ߬ ߟߊ߫ ߓߏ߲߫ ߛߎߝߙߎߟߊ ߘߏ߫ ߡߊ߬߸ ߞߏ߫ ߞߊ߬ ߟߥߊߟߌߟߊ߲ ߘߏ߫ ߡߊߞߍ߫ ߊ߬ ߞߎ߲߬، ߏ߬ ߝߣߊ߫ ߞߵߏ߬ ߟߋ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫߸ ߞߵߊ߬ ߟߊ߫ ߛߎ߬ߕߙߊ߬ ߖߌߦߊߖߟߎ ߓߍ߯ ߟߊߘߏ߲߬ ߊ߬ ߞߎ߲߬߸ ߞߵߏ߬ ߞߍ߫ ߞߐ߲߬ߞߐ߲߬ߒ߬ߡߊ߬ߟߌ߬ ߝߋ߲ ߘߌ߫ ߛߍߣߍ߲߬، ߖߊ߲߬ߝߊ߬ ߖߎ߮ ߏ߬ ߘߏ߲߬ ߥߟߏߣߴߊ߬ ߞߍߓߊ߮ ߟߋ߬ ߞߊ߲߬ ߞߟߋ߫߸ ߝߏ߫ ߊ߬ ߓߘߊ߫ ߡߌ߬ߣߊ߬ ߞߵߊ߬ ߟߊߘߏ߲߬ ߥߛߎ ߟߊ߫߸ ߞߕߌ߫ ߡߊߞߐߣߐ߲߫ ߥߛߎ.
ߘߍ߭ߦߋߒߓߋߟ ߘߎ߱ ߞߣߐ߫ ߸ ߘߋ߲ߓߦߊ ߕߌ߮ ߘߏ߫ ߟߋ߬ ߟߊߟߐ߬ߣߍ߲ ߞߕߌߓߏ߲ ߢߊߞߘߐ ߞߐ߬ߓߊ߬ߟߏ߲ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߈ ߣߌ߲߬ ߡߊ߬. ߞߏ ߢߊߢߌߣߌ߲ߠߊ ߟߎ߬ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߦߋ߫ ߟߴߏ߬ ߟߎߕߌ߮ ߘߏ߫ ߟߊ߫ ߜߋߟߋ߲ߜߋߟߋ߲߫ ߞߣߐ߫ ߞߵߏ߬ ߟߊ߫ ߖߌ߬ߦߊ߬ߓߍ ߟߎ߬ ߞߊ߲߬ ߸ߏ߬ ߟߎ߬ ߡߍ߲ ߕߍ߬ߘߍ߫ ߊ߬ ߖߘߍ߬ߞߊߣߌ߲ ߛߐ߬ߘߐ߲߬ ߘߋ߲ ߡߛߏ߬ߡߊ߲߬ߣߍ߲ ߛߊ߲߬ ߁߄ ߘߌ߫ ߸ ߊ߬ ߡߊߝߌ߲߬ߣߍ߲ ߗߍ߬ߣߌ߬ߡߛߏ߬ߦߊ߬ ߖߌߦߊߖߟߎ ߣߌ߫ ߖߌ߬ߦߊ߬ߓߍ ߟߎ߫ ߟߋ߬ ߞߏߛߐ߲߬ ߞߵߊ߬ ߟߐ߬ ߘߋ߲߫ ߡߛߏ߬ߡߊ߲߬ߣߍ߲ ߡߊ߬.
ߜߘߍ ߟߎ߬ߓߋ߬ ߞߍߣߍ߲߫ ߛߙߎߓߊ߲ߣߍ߲߫ ߛߊ߲߬ ߁߄ ߘߏ߫ ߟߋ߬ ߞߊ߲߬ ߞߎߖߋߟ ߘߎ߱ ߞߣߐ߫߸ ߏ߬ ߞߏ ߓߘߊ߫ ߟߊ߬ߡߊ߮ ߟߊߘߏ߲߬ ߦߋ߲߬ ߞߏߛߓߍ߫، ߞߊ߬ߕߎ߲߯߸ ߘߋ߲ߡߛߏߣߍ߲ ߣߌ߲߬ ߦߋ߫ ߞߊ߬ߙߊ߲߬ߘߊ ߟߋ߬ ߟߊ߫߸ ߊ߬ ߘߍ߬ߢߐ߲߮ ߘߏ߫ ߟߋ߬ ߦߋ߲߬ ߛߍߣߍ߲߬߸ ߗߍ߬ߡߊ߲߬ߣߍ߲߫ ߛߊ߲߬ ߁߇ ߟߵߏ߬ ߘߌ߫߸ ߏ߬ ߟߋ ߓߋ߬ߣߴߊ߬ ߞߊ߲߬، ߘߋ߲ߡߛߏߣߍ߲ ߣߌ߲߬ ߘߏ߲߬ ߦߋ߫ ߝߊߙߌߕߊߣߍ߲߫ ߘߌ߫߸ ߊ߬ ߡߊ߬ ߝߣߊ߫ ߣߐ߬ ߥߊߘߌ ߟߋ߬ ߡߌ߬ߣߊ߬ ߞߊ߲ߡߋߙߋ߲ ߏ߬ ߟߊ߫ ߡߐ߱ ߟߎ߬ ߟߊ߫߸ ߞߵߊ߬ ߡߊߞߎ߲߬ ߓߋ߬ߒ߬ߞߊ߲߬ߠߌ߲߬ ߞߏ ߣߌ߲߬ ߡߊ߬ ߜߘߎ߫߸ ߛߊ߫ ߞߊ߬ ߝߎ߯ߘߌ ߞߍ߫ ߊ߬ ߢߍߡߊ߬.
ߜߘߍ ߟߎ߬ߗߍ߭ ߘߏ߫ ߟߋ߬ ߡߏ߬ߛߏ ߞߊ߬ ߕߟߎ߫ ߞߟߊߡߊ߲ ߠߊߓߐ߲߬ ߊ߬ ߞߊ߲߬ ߞߍ߲ߘߍߟߏ߲߸ ߂߀߂߆ ߘߓߊ߬ߕߊ ߕߟߋ߬ ߃߀ ߛߎ ߘߐ߫ ߕߎߓߊ߫، ߊ߬ ߡߏ߬ߛߏ ߛߌ߬ߞߛߊߓߌ ߦߋ߫ ߛߊ߲߭ ߂߆ ߟߋ߬ ߘߐ߫߸ ߊ߬ ߓߊ߲߫ ߘߊ߫ ߕߌߢߍߟߌ ߟߋ߬ ߞߍ߫ ߟߊ߫ ߞߵߊ߬ ߓߏ߬ߙߌ߬߸ ߕߍ߮ ߓߘߊ߫ ߞߍ߫ ߊ߬ ߘߐ߫ ߞߟߍ߬ߡߐ߮ ߟߎ߬ ߓߟߏ߫.
ߓߘߍ߬ߓߘߍ߬ߟߌߊߤߑߡߊߘߎ߫ ߊ߬ߟ ߊߡߌߣߎ߫ ߡߏ߬ߤߊ߬ߡߍ߬ߘ ߟߏ ߓߌ߬ߟߊ ߞߐ ߘߐ߫ ߛߣߍ߬ߜ߭ߊߟߌ߫ ߞߎ߲߬ߠߊ߬ߛߌ߮ ߞߎ߲߬ߠߊ߫ ߞߊ߬ ߞߍ߫ ߞߏߕߌ߯ ߝߟߐ ߘߌ߫߸ ߏ߬ ߕߟߋ߬ ߕߊ߲ ߠߋ߬ ߕߋ߲߬، ߒ߬ߓߊ߬߸ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߀߁߭߸ ߛߣߍ߬ߜ߭ߊߟߌ߫ ߞߊ߬ ߞߎ߲߬ߠߊ߬ߛߌ߰ ߞߎߘߊ߫ ߛߐ߬ߘߐ߲߬߸ ߡߍ߲ ߘߐߞߍߣߍ߲߫ ߞߏߕߌ߯ ߃߀ ߟߊ߫، ߔߊߛߑߕߍߝ ߓߘߴߊ߬ ߦߌ߬ߘߊ߬ ߜߍ ߘߐ߫ ߞߏ߫ ߊ߬ߟߎ߬ ߡߊ߫ ߛߐ߲߬ ߞߎ߲߬ߠߊ߬ߛߌ߰ ߞߎߘߊ ߣߌ߲߬ ߡߊ߬߸ ߊ߬ߟߎ߬ ߕߴߊ߬ ߘߐ߫، ߓߊ߬ߙߌ߬߸ ߡߐ߰ ߛߌߦߊߡߊ߲߫ ߦߋ߫ ߞߏߕߌ߯ ߞߎߘߊ ߢߌ߲߬ ߠߎ߬ ߘߐ߫߸ ߔߊߛߑߕߍߝ ߛߎߡߊ ߦߴߏ߬ ߟߎ߫ ߝߍ߬ ߟߋ߬ ߝߋߎ߫، ߞߎ߲߬ߠߊ߬ߛߌ߰ ߞߎߘߊ ߢߌ߲߬ ߠߎ߫ ߘߏ߲߬ ߦߋ߫ ߖߊ߬ߕߋ߬ ߟߊ߫ ߛߓߍߘߟߊߛߋߒߞߏߟߊ ߟߎ߬ ߣߌ߫ ߓߘߍ߬ߓߘߍ߬ߟߌ߬ ߞߙߎ ߟߎ߫ ߟߋ߬ ߘߌ߫ ߝߋߎ߫.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߓߘߍ߬ߓߘߍ߬ߟߌߞߐ߬ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߎߛߑߡߊߣߌ߲߫ ߛߐ߲ߞߏ߫ ߛߎߥߊ߲ߘߌ߫ ߘߊ߫ ߞߊ߬ ߞߍ߫ ߛߣߍ߬ߜ߭ߊߟߌ߫ ߝߊ߬ߛߏ߬ ߜߙߊ ߞߊ߲ߕߌ߮ ߘߌ߫، ߞߏߕߌ߯ ߝߟߐ߫ ߞߘߐ ߣߌ߲߬ ߞߊ߬ ߞߊ߲ߢߊ߫ ߁߃߂ ߟߋ߬ ߛߐ߬ߘߐ߲߬.
ߜߘߍ ߟߎ߬ߖߋ߬ߟߌ߬ߓߟߊ߬ߞߊ߬ ߘߋ߲ߡߛߏ ߘߏ߫ ߟߋ߬ ߟߊߕߊ߯ߣߍ߲߫ ߥߛߎ ߟߊ߫ ߗߍ߬ߘߎ߯ ߞߕߌߓߋߟߋ߲ ߓߟߏ߫ ߂߀߂߆ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߡߐ߱ ߕߣߐ߬ߓߌߘߌ߲ ߞߏߛߐ߲߬߸ ߊ߬ ߣߌ߫ ߖߘߍ߬ߝߙߋ ߛߐ߲ߞߐߟߐ߲ߧߊ، ߘߐ߬ߛߏ߰ߙߋ߬ߟߌ ߟߋ߬ ߞߍ߫ ߘߊ߫ ߕߙߎ߬ ߘߌ߫߸ ߊ߬ߟߎ߬ ߟߊ߫ ߞߙߏ߬ߝߏ ߣߌ߲߬ ߟߊ߫ ߘߊ߫ ߕߋ߬ߟߋ ߟߊ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߦߴߊ߬ ߞߍ߫ ߟߊ߫ ߖߡߊ߬ߣߊ ߟߎ߬ ߣߌ߫ ߢߐ߲߯ ߕߍ߫ ߟߋ߬ ߝߛߊߦߌ߫߸ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ߬ ߛߌߦߊߡߊ߲߫ ߦߴߊ߬ ߘߐ߫.
ߓߘߍ߬ߓߘߍ߬ߟߌߊ߬ ߜߍ߲ ߞߐ ߡߌ߬ߛߍ߲߬ ߘߊ߲ߘߐ ߞߏߕߌ߯ ߝߟߐߦߊ ߟߊ߫߸ ߎߛߑߡߊߣߌ߲߫ ߛߐ߲ߞߏ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߞߍ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫ ߛߎ߬ߘߎ߲߬ߧߊ߬ ߓߟߏ ߡߊ߬ ߕߋ߲߬ ߜߍߜߘߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߣߌߘߐߝߎߟߋ߲ߣߍ߲ ߠߋ߬ ߕߋ߲߬، ߊ߬ ߟߊ߫ ߕߊ߯ߟߌ ߡߍ߲ ߦߋ߫ ߣߌ߲߬߸ ߊ߬ ߡߙߌߘߐߕߊ߬ߣߍ߲߫ ߞߊ߲ߕߌ߮ ߟߋ߬ ߓߟߏ߫ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬߸ ߏ߬ ߡߍ߲ ߞߍߣߍ߲߫ ߕߙߎ߬ ߘߌ߫ ߞߊ߬ ߞߎ߲߬ߠߊ߬ߛߌ߮ ߡߎ߰ߡߍ ߟߐ߬ ߓߙߐߕߐ߫ ߟߊ߫.
ߓߘߍ߬ߓߘߍ߬ߟߌߛߣߍ߬ߜ߭ߊ߬ߟߌ߬ ߞߊ߲ߕߌ߮ ߣߐ߬ ߟߊ߬ߕߍ߰ߦߊ߫ ߟߋ߬ ߟߊߛߋ߬߫ ߟߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߞߏ߫ ߊ߬ ߓߘߊ߫ ߘߊ߲߭ߛߌ߰ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߓߊ߯ߙߊ ߟߊ߫߸ ߎߛߑߡߊߣߌ߲߫ ߛߐ߲ߞߏ߫، ߕߙߌߘߐ ߏ߬ ߡߍ߲ ߞߍߣߍ߲߫ ߞߎ߲߬ߠߊ߬ߛߌ߮ ߡߎ߰ߡߍ ߟߊߥߟߏߣߍ߲ ߘߌ߫߸ ߞߊ߬ ߛߌߟߊ ߟߊߞߊ߬ ߞߏߕߌ߯ ߝߟߐ߫ ߜߘߍ߫ ߦߋ߫߸ ߡߍ߲ ߞߊ߫ ߞߊ߲߫ ߞߊ߬ ߓߌ߬ߟߴߊ߬ ߣߐ߭ ߘߐ߫߸ ߣߴߏ߬ ߡߊ߫ ߟߐ߲߫ ߡߎߣߎ߲߬.
ߜߘߍ ߟߎ߬ߣߌ߲߬ ߞߍߣߍ߲߫ ߖ߭ߌߞߌ߲ߛ߭ߐߙ ߟߋ߬߸ ߝߊ߲ߘߊߓߏ߲ ߓߊ߯ߙߊߞߍߟߊ ߘߏ߫ ߟߋ߬ ߞߵߊ߬ ߖߋ߬ߕߌ߰ߡߛߏ߫ ߝߊ߰ ߡߙߎ߬ߓߊ ߟߊ߫ ߂߀߂߄ ߞߏ߲ߞߏߜߍ ߟߊ߫ ߞߊߔ ߛߑߞߌߙߌ߲߫، ߏ߬ ߞߍ߫ ߘߊ߫ ߡߊ߬ߛߎ߬ߓߊ߬ ߓߟߋߓߟߋ߫ ߟߋ߬ ߘߌ߫ ߏ߬ ߟߏ߲߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߕߍߟߊ ߝߐߢߐ߲߯ߞߐ ߘߏ߫ ߘߌ߫߸ ߊ߬ ߞߏ ߞߕߌ ߦߴߌߘߐ߫ ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߠߊ߫.
ߜߘߍ ߟߎ߬߂߀߂߆ ߘߓߊ߬ߕߊ ߕߟߋ߬ ߁߈ ߣߌ߲߬ ߡߊ߬߸ ߕߍ߮ ߞߍߣߍ߲߫ ߡߏ߬ߛߏ ߘߏ߫ ߟߋ߬ ߘߐ߫ ߗߋ߳ߕߍߡ ߔߋ߳ߟ߸ ߙߐߛ ߓߋߕߌߦߏ߫ ߘߊߝߍ߬߸ ߊ߬ߟߋ ߣߐ߬ ߖߌ߫ ߞߟߊߡߊ߲߫ ߥߟߌ߬ߣߍ߲ ߠߋ߬ ߞߍ߫ ߟߴߊ߬ ߗߍ߬ ߣߴߊ߬ ߛߌ߬ߣߊ߬ߡߛߏ߫ ߞߊ߲߬، ߡߐ߰ ߝߌ߬ߟߊ ߏ߬ ߟߎ߬ ߓߍ߯ ߖߐߞߌߣߍ߲߫ ߞߏߖߎ߯ ߡߊߓߙߏ߬ߓߙߏ߬ߣߍ߲ ߦߋ߫ ߘߊ߲ߘߊߛߏ ߟߊ߫ ߞߟߊߡߊ߲߫ ߓߟߏ ߡߊ߬ ߕߋ߲߬.
ߜߘߍ ߟߎ߬ߘߓߊ߬ߕߊ ߕߟߋ߬ ߁߁ ߡߊ߬߸ߡߊ߬ߙߌ ߖߎߝ ߦߋ߫ ߛߙߎߓߊ߲ߣߍ߲߫ ߛߊ߲߬ ߁߁ ߠߋ߬ ߘߌ߫߸ ߏ߬ ߟߋ ߟߊ߫ ߡߐ߱ ߟߎ߫ ߞߵߊ߬ ߟߐ߬ ߞߋߟߊ ߟߊ߫ ߝߎ߲ߞߎ߲ ߘߏ߫ ߟߊ߫߸ ߊ߬ߟߋ߫ ߛߎ߭ ߟߊߝߟߌ߬ߣߍ߲ ߠߋ߬ ߥߊߣߍ߲߫ ߦߋ߫ ߟߊ߫ ߓߏ߲ ߘߏ߫ ߞߣߐ߫ ߞߐ߬ߟߏ߲، ߊ߬ ߝߊ߰ ߞߏ߬ߖߎ߰ߦߊ ߜߊ߬ ߘߊ߫ ߡߐ߱ ߟߎ߬ ߟߊ߫ ߢߊ ߓߍ߯ ߡߊ߬ ߛߣߍ߬ߜ߭ߊߟߌ߫ ߘߌ߲߬ߞߌߙߊ ߣߌ߲߬ ߘߐ߫.
ߜߘߍ ߟߎ߬ߗߍ߭ ߘߏ߫ ߟߋ߬ ߣߐ߬ ߊ߬ ߖߘߍ߬ ߞߍ߫ ߟߊ߫ ߡߏߙߌߜߊߣߊ߲߫ ߘߊ߲ߘߊߟߌߟߊ߫ ߘߌ߫߸ ߕߍ߮ ߞߍߣߍ߲߫ ߏ߬ ߟߋ ߘߐ߫߸ ߝߊ߬ߘߌ߬ ߡߊ߬ߞߏ߬ߟߏ߲߬ ߖߌߦߊߓߍ ߥߙߍߓߊߓߊ ߦߴߊ߬ ߞߎ߲߬߸ ߊ߬ ߦߋ߫ ߡߍ߲ ߘߏ߫ ߟߎ߫ ߟߊߖߍ߲ߛߍ߲߫ ߠߊ߫ ߛߐ߲߬߸ ߞߊ߬ ߕߏ߫ ߖߌ߬ߦߊ ߏ߬ ߟߎ߬ ߞߍ߫ ߟߊ߫ ߡߐ߱ ߟߎ߬ ߡߊߛߐ߬ߘߐ߲߬ ߝߙߍ ߘߏ߫߸ ߊ߬ ߣߌ߫ ߞߊ߬ ߥߊߘߌ ߓߐ߫ ߡߏ߬ߛߏ ߟߎ߫ ߞߊ߲߬، ߊ߬ ߡߌ߬ߣߊ߬ߣߍ߲߫ ߏ߬ ߟߋ ߛߎ߮ ߘߐ߫ ߡߛߏ߬ ߝߘߎߣߍ߲ ߘߏ߫ ߟߊ߫ ߞߎ߲߬ߠߊ߫، ߢߊߢߌߣߌ߲ߠߌ߲ ߓߘߊ߫ ߛߌ߰ ߛߋ߲߬ߠߊ߫ ߒߘߡߊߕߎ߫ ߕߐ߲ߓߟߏߡߊߛߏ ߓߟߏ߫߸ ߛߌߞߊ߫ ߞߍߣߍ߲߫ ߞߏ߫ ߊ߬ ߓߘߊ߫ ߣߌ߲߬ ߛߎ߮ ߞߍ߫ ߡߐ߰ ߛߌߦߊߡߊ߲߫ ߠߋ߬ ߟߊ߫.
ߜߘߍ ߟߎ߬ߛߣߍ߬ߜ߭ߊߟߌ߫ ߝߊ߬ߛߏ ߞߟߍ߬ߡߐ߰ߘߊ ߛߏ߬ߝߊ߬ߥߣߊ߬ߟߋ߲ ߘߏ߫ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߴߊ߬ ߡߊߞߍ߫ ߦߌߟߊ ߘߐ߫ ߕߊ߲߬ߓߊ߬ߞߎ߲߬ߘߊ߫، ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߠߊ߫ ߟߞߊ߬ߟߌ߬ ߞߊ߲߫ ߘߐ߫߸ ߛߏ߬ߝߊ߬ ߘߎ߯ߟߊ ߣߌ߲߬ ߣߐ߬ ߊ߬ ߖߍ߬ߘߍ߫ ߝߊ߰ ߟߴߊ߬ ߟߊ߫ ߡߊ߬ߙߌ߬ߝߊ ߟߋ߬ ߟߊ߫߸ ߥߊߘߌ߫ ߛߌߦߊߡߊ߲߫ ߕߌߢߍ ߞߐ ߘߐ߫ ߊ߬ ߓߟߏ߫ ߛߏ߬ߓߏ߲ ߘߐ߫ ߓߟߐߟߐ ߞߊ߲߬.
ߟߊ߬ߞߊ߲߬ߘߊ߬ߟߌߞߍ߲ߘߍߟߏ߲ ߡߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߮ ߓߊ߬ߛߌߙߏ߬ ߖߏ߬ߡߊߦߌ߬ ߝߊߦߌ߬ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲߬ߠߊ߫ ߡߊ߬߸ ߞߏ߫ ߓߍ߯ ߖߎ߬ߛߎ ߦߋ߫ ߦߍ߬ߟߍ߫ ߓߊ߰ߓߊ߰ߟߌ ߞߊ߲ߡߊ߬ ߞߌ߬ߢߍ߬ߞߏ߲ߞߏ߫ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߊߟߌߦߊ߫ ߓߟߏ ߡߊ߬ ߕߋ߲߬ ߌߞߘߐ߫߸ ߞߵߊ߬ߟߎ߬ ߞߍߕߊ ߞߍ߫.
ߕߋߟߋ߲ߓߊ߯ߦߊߢߊߢߌߣߌ߲ߠߌ߲ߠ߫ߌ߲ ߠߋ߬ ߛߌ߰ߣߍ߲߫ ߛߋ߲߬ߠߊ߫ ߕߋ߲߬߸ ߡߐ߰ ߘߊ߲ߘߐ߫ ߡߊߝߌ߲߭ ߞߏߛߐ߲߬߸ ߞߏ߫ ߊ߬ߟߎ߬ ߓߘߊ߫ ߓߋ߬ ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߬ ߁߂ ߘߏ߫ ߞߊ߲߬ ߏߡߊߙߌߦߊߣ ߕߌ߲ߓߌߘߌ߲ߘߓߊ ߞߣߐߘߐߞߊߙߊ߲ߕߊ ߟߊ߫، ߡߐ߰ ߟߏ߯ߟߎ ߏ߬ ߟߎ߬ ߘߐ߫߸ ߘߋ߲ߣߍ߲ ߠߎ߬ ߞߊ߬ߙߊ߲߬ߡߐ߰ ߞߋߟߋ߲߫ ߦߴߊ߬ ߘߐ߫߸ ߊ߬ߟߎ߬ ߦߋ߫ ߢߟߊߥߛߎ ߟߊ߫ ߕߋ߲߬، ߓߊߏ߬߸ ߘߊ߲ߘߊߟߌߟߊ ߟߎ߬ ߓߘߴߊ߬ ߞߏ ߟߊߛߙߋߦߊ߫߸ ߘߊ߬ߟߎ߬ ߜߘߍ߫ ߟߎ߫ ߝߣߊ߫ ߓߘߊ߫ ߛߐ߬ߘߐ߲߬ ߢߊߢߌߣߌ߲ߠߌ߲ߠߊ ߟߎ߬ ߓߟߏ߫߸ ߞߊ߬ ߓߍ߲߬ ߊ߬ ߞߏ ߘߊߡߌ߬ߣߊ߬ ߢߊ ߡߊ߬.
ߕߋߟߋ߲ߓߊ߯ߦߊߛߏ߲߬ ߞߙߎ ߘߏ߫ ߟߎ߫ ߟߊ߫ ߞߙߏ߬ߝߏ ߓߘߊ߫ ߟߊߞߏߟߐ߲߫߸ ߊ߬ߟߎ ߓߟߏߡߊߞߊ߬ߣߍ߲߫ ߔߏߔߏ߫ ߛߏ߲ߧߊ ߟߋ߬ ߞߊ߲ߡߊ߬، ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߛߏ߲߬ߧߊ߬ߟߌ ߞߍ߫ ߟߊ߫ ߥߊߘߌ߫ ߞߏߖߊ ߟߋ߬ ߞߏߛߐ߲߬. ߊ߬ߟߎ߫ ߡߐ߰ ߥߐ߯ߙߐ߫ ߓߘߊ߫ ߛߋ߫ ߕߐ߲ߓߟߏߡߊ ߟߎ߬ ߕߍ߯ ߞߘߐ߫߸ ߊ߬ߟߎ߫ ߕߐ߭ ߟߎ߬ ߢߌߣߌ߲ ߦߴߌߘߐ߫، ߊ߬ߟߎ߬ ߦߋ߫ ߔߏߔߏ ߘߏ߫ ߟߎ߫ ߛߏ߲߬ߧߊ߬ ߟߊ߫ ߞߊ߬ ߥߴߊ߬ ߝߋ߬ߙߋ߫ ߛߣߍ߬ߜ߭ߊߟߌ߫ ߟߋ߬.
ߘߍ߭ߞߊ߲ߡߋߙߋ߲ ߘߏ߫ ߟߋ߬ ߟߊ߫ ߞߕߌ ߦߴߌߘߐ߫ ߛߊ߬ߙߌ߬ߦߊ߬ ߟߊ߫ ߛߣߍ߬ߜ߭ߊߟߌ߫ ߞߣߐ߫ ߕߋ߲߬߸ ߡߍ߲ ߞߵߊ߬ ߛߐ߬ߘߐ߲߬ ߝߊ ߝߊ߰߸ ߞߵߊ߬ ߦߌ߬ߘߊ߬ ߞߏ߫ ߟߊ߬ߕߍ߮ ߟߋ߬ ߓߏ߬ߙߌ߬ߣߴߊ߬ ߞߊ߲߬، ߊ߬ ߓߘߊ߫ ߦߋ߫ ߘߊ߲ߘߊߟߌߟߊ ߟߎ߬ ߟߊ߫ ߡߊ߬ߝߟߍ߬ߟߌ ߞߐ ߘߐ߫ ߞߐ ߢߌ߲߬ ߠߊ߫߸ ߞߏ߫ ߊ߬ ߞߎ߲߭ ߛߌ߰ߣߍ߲߬ߓߊ߫ ߕߍ߫߸ ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߵߊ߬ ߟߊ߫ ߞߏ ߜߟߍ߬ߦߊ߬ ߡߎߣߎ߲߬، ߞߕߌ ߞߏ߬ߣߌ߲ ߘߌ߫ ߕߍ߰ ߘߓߊ߬ߕߊ ߕߟߋ߬ ߁߅ ߣߊ߬ߕߐ ߡߊ߬.
ߝߊ߬ߘߌ߬ߡߊ߬ߞߟߏߓߌ߬ߟߊ߬ߒ߬ߘߐ ߡߍ߲ ߞߍ߫ ߘߊ߫ ߝߘߊ߬ߝߌ߲߬ߠߊ߫ ߂߀߂߅ ߖߌߟߊߝߍ߫ ߕߊ߲ߠߌ߲ ߟߊ߬ߓߊ߲ ߝߍ߬ ߡߊ߬ߙߐߞߎ߬ (ߙߓߊ߫)߸ ߕߍ߮ ߞߍ߫ ߘߊ߫ ߛߣߍ߬ߜ߭ߊߟߌ߫ ߕߏ߬ߟߊ߲ ߞߐߡߊߓߌ߲ߓߌ߲ߠߊ ߘߏ߫ ߟߎ߫ ߟߋ߬ ߘߐ߫߸ ߡߍ߲ ߠߎ߬ ߖߊ߲߬ߞߌ߲߬ ߘߊ߫ ߞߵߊ߬ߟߎ߬ ߟߊߘߏ߲߬ ߥߛߎ ߟߊ߫، ߒ߬ߓߊ߬߸ ߏ߬ ߡߐ߰ ߛߓߊ߬ ߓߘߊ߫ ߓߊ߲߫ ߊ߬ߟߎ߬ ߟߊ߫ ߖߊ߲߬ߞߌ߬ߟߌ ߥߛߎ ߞߍ߫ ߟߊ߫ ߞߊߙߏ߫ ߛߓߊ߬ ߞߣߐ߫߸ ߓߟߏ߫ ߓߘߊ߫ ߓߐ߫ ߏ߬ ߟߎ߬ ߘߐ߫ ߞߵߊ߬ߟߎ߬ ߟߊߛߊ߬ߦߌ߲߬.
ߕߋߟߋ߲ߓߊ߯ߦߊߕߍ߮ ߞߍ߫ ߘߊ߫ ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲ ߞߐߡߊߓߌ߲ߓߌ߲ߓߊ߮ ߡߍ߲ ߠߎ߬ ߘߐ߫ ߡߊ߬ߙߐߞߎ߬ ߝߘߊ߬ߝߌ߲߬ߠߊ߬ ߖߌߟߊߝߍ ߟߊ߬ߓߊ߲ ߕߊ߲ߠߌ߲ ߝߍ߬߸ ߏ߬ ߟߎ߬ ߟߊ߫ ߞߕߍ ߕߍ߰ ߞߏ߬ ߝߟߐ ߞߐ ߘߐ߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߊ߬ ߓߘߊ߫ ߡߊߛߊ߬ߦߌ߲߬߸ ߏ߬ ߟߎ߬ ߝߣߊ߫ ߓߍ߲߬ ߘߊ߫ ߞߕߌ߫ ߝߟߐ ߝߐ߫ ߞߊ߲ ߠߎ߬ ߟߋ߬ ߡߊ߬، ߘߏ߫ ߟߎ߫ ߟߊ߫ ߥߛߎ ߓߘߊ߫ ߓߊ߲߫ (ߞߊߙߏ߫ ߛߓߊ߬ ߞߐߝߍ߬)߸ ߘߏ߫ ߟߎ߫ ߕߊ ߥߊߣߍ߲߫ ߠߋ߬ ߝߏ߯ ߛߊ߲߬ ߁.
ߞߍߞߎߘߊߖߌ߬ߣߍ߫ ߣߊ߲߬ߕߌ߮ ߟߎ߬ ߣߌ߫ ߛߣߍ߬ߜ߭ߊߟߌ߫ ߣߊ߲߬ߕߌ߮ ߟߎ߬ ߣߐ߬ ߟߊ߬ߘߍ߬ߓߊ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߟߊߓߋ߬ ߞߣߐ߫߸ ߛߴߊ߬ߟߎ߬ ߘߴߊ߬ߟߎ߫ ߝߊ߲߬ߞߊ ߝߙߊ߬ ߢߐ߲߮ ߞߊ߲߬ ߞߵߊ߬ ߓߍ߲߬ ߖߡߊ߬ߣߊ߫ ߝߌ߬ߟߊ ߓߐߕߏ߲ ߟߊ߬ߞߊ߲߬ߘߊ߬ߟߌ ߓߊ߲ߓߊ߲ ߡߊ߬.
