ߢߊߢߌߣߌ߲ߠߌ߲ ߣߌ߫ ߟߞߊ߬ߟߌ߬ߟߌߞߋߣߌߦߊ߫: ߛߌߞߊ߫ ߓߘߊ߫ ߞߍ߫ ߗߍ߭ ߘߏ߫ ߡߴߊ߬ ߘߋ߲ߞߍߣߍ߲߫ ߛߊ߲߭ ߛߊ߬ߓߊ ߝߊ߰ ߞߏ ߘߐ߫ ߊ߬ ߣߴߏ߬ ߣߊ߫ ߝߘߊ ߞߐ ߘߐ߫
ߗߍ߬ ߛߊ߲߬ ߃߃ ߘߏ߫ ߟߋ߬ ߡߌ߬ߣߊ߬ߣߍ߲߫ ߕߐ߲ߓߟߏߡߊ ߟߎ߬ ߓߟߏ߫ ߞߊ߬ ߖߊ߲߬ߕߏ߬ ߞߍ߫ ߊ߬ ߘߐ߫ ߘߊ߲ߘߊߛߏ ߟߊ߫߸ ߊ߬ ߘߋ߲ߞߍߣߍ߲߫ ߛߊ߲߭ ߛߊ߬ߓߊ ߝߊ߰ ߞߏ ߘߐ߫.
ߡߊ߬ߛߎߓߊ
ߞߎ߲߬ߠߊ߬ߛߌ߮ ߓߍ߯
ߢߊߢߌߣߌ߲ߠߌ߲ ߣߌ߫ ߟߞߊ߬ߟߌ߬ߟߌ
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߤߌ߲ߘߌ߬: ߘߎ߰ ߜߊߟߊ߲ߞߌ߫ ߘߍ߬ߜߍ ߓߘߊ߫ ߞߍ߫ ߞߊ߬ ߡߐ߰ ߟߏ߯ߟߎ߫ ߖߊ߬ߕߋ߫ ߓߐ߬ߣߐ߫ ߊ߬ ߣߌ ߘߐ߫ ߓߊ߯ߙߊ߫ ߦߌߟߊ ߘߏ߫ ߞߐ߫ ߞߋߙߟߊ߫
ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߇߸ ߘߎ߰ ߜߊߟߊ߲ߞߌ ߟߋ߬ ߞߍߣߍ߲߫ ߛߌߟߊ߫ ߓߊ߯ߙߊ߫ ߦߌߟߊ ߘߏ߫ ߘߐ߫ ߥߦߊߣߊߘ ߘߎ߱ ߞߣߐ߫߸ ߡߐ߰ ߟߏ߯ߟߎ߫ ߟߋ߬ ߛߊ߲߬ߓߊ ߓߘߊ߫ ߟߊߕߋ߬ ߜߍ ߘߐ߫ ߡߎߣߎ߲߬، ߓߊ߯ߙߊߞߍߟߊ߫ ߛߌߦߊߡߊ߲߫ ߕߎߣߎ߲ߣߍ߲߫ ߠߋ߬߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬߸ ߡߞߊ߬ߘߊ߲߬ߠߌ߲߬ߠߊ ߟߎ߬ ߝߣߊ߫ ߦߴߊ߬ ߞߊ߲߬.
ߞߓߊߞߏ ߟߎ߬ߡߊ߲߬ߖߊ߲߬ߠߊ߫ - ߖߟߊߞߘߐ߫ : ߗߍ߬ߓߊ߬ߟߋ߲߬ߣߍ߲߫ ߛߊ߲߬ ߈ ߘߏ߫ ߕߏ߫ ߞߐ߬ߟߐ߲ ߞߣߐ߫
ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߆߸ ߗߍ߬ߓߊ߬ߟߋ߲߬ߣߍ߲߫ ߛߊ߲߬ ߈ ߘߏ߫ ߟߋ߬ ߛߎ߭ ߟߊߦߟߍ߬ߣߍ߲߫ ߕߏ߬ߝߊ߬ ߜߊ߬ߛߌ߬ߟߊ ߟߎ߬ ߟߊ߫ ߖߌ߫ ߕߊ߫ ߞߐߟߐ߲ ߘߏ߫ ߞߣߐ߫߸ ߊ߬ߟߋ ߡߍ߲ ߕߎߣߎ߲߫ ߘߊ߫ ߞߊ߬ߦߌ߯ ߞߎߣߎ߲߬ ߓߌߟߏ߲ ߁߄ߕߎߡߊ ߟߊ߫، ߝߊ߰ߡߊ ߟߎ߬ ߓߘߴߊ߬ ߛߎ߭ ߟߊߕߊ߬ߡߌ߲߬ ߞߐߙߍ ߡߊ߬߸ ߛߎ߬ߘߏ߲ ߓߘߊ߫ ߞߍ߫ ߖߎߡߊ߫ ߛߊߟߌ߫ ߞߐ ߢߌ߲߬ ߘߐ߫.
ߘߍ߭ߖߟߊߞߘߐ߫: ߘߋ߲ߡߛߏߣߍ߲ ߛߊ߲߬ ߁߆ ߘߏ߫ ߓߘߴߊ߬ ߖߍ߬ߘߍ߫ ߛߐ߰ ߡߎ߬ߙߎ ߟߊ߫ ߞߵߏ߬ ߞߍ߫ ߊ߬ ߝߊ߰ߣߍ߲ ߘߌ߫߸ ߞߏ߫ ߊ߬ ߕߍ߫ ߞߍ߫ ߟߊ߫ ߡߛߏ߬ ߛߓߊߣߊ߲߫ ߘߌ߫ ߗߍ߬ ߞߎ߲߬ ߘߌߦߊߜߏߦߊ߫ ߓߟߏ ߡߊ߬
ߡߊ߬ߛߎ߬ߓߊ߬ ߞߏ ߟߋ߬ ߕߍ߰ߣߍ߲߫ ߖߟߊߞߘߐ߫ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߅ ߣߌ߲߬ ߡߊ߬، ߘߋ߲ߡߛߏ ߘߏ߫ ߟߋ߬ ߣߐ߬ ߊ߬ ߖߍ߬ߘߍ߫ ߛߐ߰ ߟߊ߫ ߡߎ߬ߙߎ ߟߊ߫߸ ߞߏ߫ ߊ߬ ߕߍ߫ ߘߏ߲߬ ߠߊ߫ ߝߘߎ߫ ߘߐ߫߸ ߊ߬ ߝߊ߬ ߣߐ߬ ߊ߬ ߞߘߊߡߊ߫ ߟߊ߫ ߝߘߎ ߡߍ߲ ߘߐ߫، ߊ߬ ߖߐߞߌߓߊ߯ߕߐ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߘߊ߲ߘߊߛߏ ߡߊߜߍ߲߫߸ ߊ߬ ߡߊ߫ ߛߴߊ߬ ߖߐߞߟߌ ߞߘߐ߫، ߊ߬ ߛߊ߬ ߘߊ߫ ߦߋ߲߬ ߊ߬ ߟߊ߫ ߕߊ߯ߟߌ ߕߎ߬ߡߊ߬ߙߋ߲߫ ߝߌ߬ߟߊ ߡߊ߬، ߞߢߐߡߊߟߐ ߕߎ߲߬ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߞߍ߲ߘߍߟߏ߲ ߠߊ߫߸ ߥߊ߬ߛߌ߬ߥߙߊ ߕߋ߬ߟߋ߫ ߂߇ ߣߊ߬ߕߐ.
ߜߘߍ ߟߎ߬ߟߓߌ߫: ߕߍ߮ ߓߘߊ߫ ߞߍ߫ ߘߋ߲ߡߛߏ߫ ߡߐ߰ ߛߓߊ߬ ߘߐ߫߸ ߊ߬ߟߎ߫ ߡߊ߬ߗߍ ߝߊ߱ ߞߏߛߐ߲߬ ߊ߬ߟߎ߬ ߓߟߏ߫߸ ߞߵߊ߬ ߛߎ߭ ߘߏ߲߰ ߗߙߎ߫߸ ߊ߬ ߡߊ߫ ߢߊߦߋ߫ ߝߏ߫ ߛߊ߲߭ ߞߐ߬ߣߐ߲߬ߘߐ߬
ߟߓߌ߫ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߓߟߏ ߟߊ߫ ߞߊ߲ߡߋߙߋ߲ ߘߏ߫ ߕߎߣߎ߲߫ ߞߏ ߞߌ߬ߛߍ ߘߐ߫߸ ߡߍ߲ ߕߎߣߎ߲߫ ߘߊ߫ ߞߊ߬ߦߌ߯ ߂߀߁߇ ߟߊ߫ ߓߊߕߕߊ߫ ߕߌ߲߬ߞߎߘߎ߲ ߘߐ߫߸ ߊ߬ߟߑߛߊߤߍߟ ߡߊ߬ߙߊ ߘߐ߫، ߊ߬ ߞߟߏ߫ ߓߘߎߓߘߎ ߟߎ߫ ߟߋ߬ ߦߋߣߍ߲߫ ߊ߬ ߞߐߙߍ ߟߊ߫ ߛߌ߬ߛߍ߬ߡߙߊ߬ ߦߙߐ߬ ߟߊߓߌ߬ߟߊ߬ߣߍ߲ ߘߏ߫ ߘߐ߫.
ߞߌ߬ߓߊ߬ߙߏߡߊ߯ߡߎ߲߫ : ߞߙߊߟߌߟߊ߫ ߛߊ߲߬ ߇߃ ߘߏ߫ ߓߘߴߊ߬ ߖߘߍ߬ ߓߏ߲߫ ߕߟߏߞߘߐ ߟߊ߫ ߓߊ߲ߕߡߊߦߊ߫
ߞߙߊߟߌߟߊ߫ ߛߊ߬ ߇߃ ߘߏ߫߸ ߞߏ߫ ߊߟߌߝߊ߫ ߡߊߡߎߘߎ߬ ߖߊ߬ߞߌ߬ߕߋ߫߸ ߏ߬ ߟߋ߬ ߛߊ߬ߣߍ߲߫ ߞߊ߯ߙߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߓߊ߲ߕߡߊߦߊ߫ ߛߏ ߞߣߐ߫߸ ߎߙߋߞߊߓߊ߬ ߞߊ߬ߝߏ߬ߙߋ߲ ߘߐ߫߸ ߡߊ߯ߡߎ߲߫ ߡߙߊ߬ߓߊ߰ߘߊ ߘߐ߫، ߊ߬ ߣߐ߬ ߡߊ߬ߙߌ߬ߝߊ ߟߋ߬ ߕߋ߬ ߟߴߊ߬ ߖߘߍ߬ ߟߊ߫߸ ߊ߬ ߞߎ߲߭ ߘߐ߫ ߞߊ߬ߣߌ߲߬، ߝߍ߬ ߘߏ߲߬ ߕߴߊ߬ ߤߊ߲ߞߟߌ ߟߊ߫߸ ߊ߬ ߡߊ߫ ߕߐ߬ߡߊ߬ߛߙߋ߬ ߛߌ߫ ߕߏ߫ ߝߣߊ߫ ߞߊ߬ ߓߍ߲߬ ߊ߬ ߟߊ߫ ߛߦߊ߬ ߞߏ ߣߌ߲߬ ߡߊ߬، ߏ߬ ߟߋ ߣߐ߬ ߊ߬ ߞߏ ߘߐߝߌ߲߬ ߠߊ߫ ߡߌߡߐ߫.
ߜߘߍ ߟߎ߬ߛߌ߯ߙߌ߲߫: ߡߐ߰ ߣߊ߯ߣߌ߲߫ ߢߐ߲߰ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߘߊ߬ߡߊ߲߬ߓߋ ߘߏ߫ ߘߐ߫ ߝߌߘߌ߬ ߺ ߘߐ߫
ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߞߊ߯ߙߌ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߘߊ߬ߡߊ߲߬ ߓߊ߰ߙߊ߬ ߦߌߟߊ ߘߏߘߐ߫ ߞߌ߲߬ߞߌ߬ߢߊ߲߫߸ ߞߏ߫ ߝߌߘߌ߬ ߺ ߘߐ߫، ߊ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߘߊ߬ߡߊ߲߬ߛߋ߲߬ߠߊ ߟߎ߬ ߘߐ߫.
ߜߘߍ ߟߎ߬ߛߣߍ߬ߜ߭ߊߟߌ߫: ߓߋ߬ ߞߌߣߌ߲߫ ߘߋ߲ߡߛߏߣߍ߲߫ ߛߊ߲߬ ߁߄ ߘߏ߫ ߟߋ߬ ߞߊ߲߬ ߞߎ߲ߖߋߟ߸ ߊ߬ ߡߊ߬ ߡߛߏ߬ߞߘߐ ߟߋ߬ ߡߊߝߌ߲߬ߣߍ߲߫ ߏ߬ ߞߏ ߘߐ߫ ߛߍߣߍ߲߬߸ ߞߏ߫ ߊ߬ ߓߘߊ߫ ߛߍߝߊ ߥߊ߯ ߃߀ ߡߌ߬ߣߊ߫ ߞߵߊ߬ ߡߊߞߎ߲߬ ߏ߬ ߡߊ߬
ߓߋ߬ ߞߍߣߍ߲߫ ߛߙߎߓߊ߲ߣߍ߲߫ ߛߊ߲߬ ߁߄ ߘߏ߫ ߟߋ߬ ߞߊ߲߬ ߞߎߖߋߟ ߘߎ߱ ߞߣߐ߫߸ ߏ߬ ߞߏ ߓߘߊ߫ ߟߊ߬ߡߊ߮ ߟߊߘߏ߲߬ ߦߋ߲߬ ߞߏߛߓߍ߫، ߞߊ߬ߕߎ߲߯߸ ߘߋ߲ߡߛߏߣߍ߲ ߣߌ߲߬ ߦߋ߫ ߞߊ߬ߙߊ߲߬ߘߊ ߟߋ߬ ߟߊ߫߸ ߊ߬ ߘߍ߬ߢߐ߲߮ ߘߏ߫ ߟߋ߬ ߦߋ߲߬ ߛߍߣߍ߲߬߸ ߗߍ߬ߡߊ߲߬ߣߍ߲߫ ߛߊ߲߬ ߁߇ ߟߵߏ߬ ߘߌ߫߸ ߏ߬ ߟߋ ߓߋ߬ߣߴߊ߬ ߞߊ߲߬، ߘߋ߲ߡߛߏߣߍ߲ ߣߌ߲߬ ߘߏ߲߬ ߦߋ߫ ߝߊߙߌߕߊߣߍ߲߫ ߘߌ߫߸ ߊ߬ ߡߊ߬ ߝߣߊ߫ ߣߐ߬ ߥߊߘߌ ߟߋ߬ ߡߌ߬ߣߊ߬ ߞߊ߲ߡߋߙߋ߲ ߏ߬ ߟߊ߫ ߡߐ߱ ߟߎ߬ ߟߊ߫߸ ߞߵߊ߬ ߡߊߞߎ߲߬ ߓߋ߬ߒ߬ߞߊ߲߬ߠߌ߲߬ ߞߏ ߣߌ߲߬ ߡߊ߬ ߜߘߎ߫߸ ߛߊ߫ ߞߊ߬ ߝߎ߯ߘߌ ߞߍ߫ ߊ߬ ߢߍߡߊ߬.
ߜߘߍ ߟߎ߬ߛߣߍ߬ߜ߭ߊߟߌ߫: ߡߏ߬ ߡߍ߲ ߞߊ߬ ߕߟߎ߫ ߞߟߊߡߊ߲ ߠߊߓߐ߲߬ ߊ߬ ߗߍ߬ ߞߊ߲߬ ߞߵߊ߬ ߡߊߖߋ߬ߣߌ߲߬ ߞߏ߬ߖߎ߮ ߞߍ߫ ߕߎߓߊ߫߸ ߕߍ߮ ߓߘߊ߫ ߞߍ߫ ߏ߬ ߘߐ߫
ߗߍ߭ ߘߏ߫ ߟߋ߬ ߡߏ߬ߛߏ ߞߊ߬ ߕߟߎ߫ ߞߟߊߡߊ߲ ߠߊߓߐ߲߬ ߊ߬ ߞߊ߲߬ ߞߍ߲ߘߍߟߏ߲߸ ߂߀߂߆ ߘߓߊ߬ߕߊ ߕߟߋ߬ ߃߀ ߛߎ ߘߐ߫ ߕߎߓߊ߫، ߊ߬ ߡߏ߬ߛߏ ߛߌ߬ߞߛߊߓߌ ߦߋ߫ ߛߊ߲߭ ߂߆ ߟߋ߬ ߘߐ߫߸ ߊ߬ ߓߊ߲߫ ߘߊ߫ ߕߌߢߍߟߌ ߟߋ߬ ߞߍ߫ ߟߊ߫ ߞߵߊ߬ ߓߏ߬ߙߌ߬߸ ߕߍ߮ ߓߘߊ߫ ߞߍ߫ ߊ߬ ߘߐ߫ ߞߟߍ߬ߡߐ߮ ߟߎ߬ ߓߟߏ߫.
ߜߘߍ ߟߎ߬ߞߋߣߌߦߊ߫ - ߊ߬ ߛߌߞߊߣߍ߲ ߊ߬ ߗߍ߬ ߡߊ߬ ߡߛߏ߬ ߝߌ߬ߟߊ߬ߣߊ߲߬ ߕߊ߬ ߞߏ ߘߐ߫: ߊ߬ ߞߊ߬ ߕߊ ߛߎ߫ ߊ߬ߟߎ߬ ߟߊ߫ ߟߎ ߡߎ߰ߡߍ ߟߊ߫߸ ߞߵߊ߬ ߘߋ߲߫ ߡߐ߰ ߝߌ߬ߟߊ߬ ߕߏ߫ ߊ߬ ߘߐ߫
ߞߋߣߌߦߊ߫ ߞߌ߬ߓߊ߬ߙߏ߬ߘߊ ߡߍ߲ ߕߐ߯ ߞߏ߫ ߕߎߞߏ߫߸ ߏ߬ ߞߊ߲߫ ߞߏ߫ ߡߏ߬ߛߏ߫ ߛߊ߲߬ ߃߀ ߘߏ߫ ߟߋ߬ ߞߵߊ߬ ߝߐ߫ ߊ߬ ߦߋ߫ ߞߏ߫ ߡߛߏ߬ ߝߌ߬ߟߊ߬ߣߊ߲߬ ߕߊ߬ ߟߐ߮ ߦߴߊ߬ ߟߊ߫، ߒ߬ߓߊ߬߸ ߡߏ߬ߛߏ ߡߐߣߍߣߍ߲߫ ߏ߬ ߟߋ ߘߐ߫ ߞߊ߬ ߕߊ ߛߎ߫ ߊ߬ߟߎ߬ ߟߊ߫ ߟߎ ߟߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߘߋ߲߫ ߡߐ߰ ߝߌ߬ߟߊ ߦߋ߫ ߓߏ߲ ߠߊ߫߸ ߏ߬ ߟߎ߬ ߕߏ߫ ߘߴߊ߬ ߘߐ߫ ߟߋ߬، ߊ߬ߟߋ߫ ߖߍ߬ߘߍ ߝߣߊ߫ ߛߎ߭ ߟߋ߬ ߦߋߣߍ߲߫ ߤߏߡߊ߫ ߓߊߦߌ߬ ߘߎ߱ ߞߣߐ߫߸ ߞߋߣߌߦߊ߫ ߕߟߋ߬ߓߋ ߘߐ߫.
ߜߘߍ ߟߎ߬ߞߋߣߌߦߊ߫: ߞߊ߬ߙߊ߲߬ߘߋ߲߫ ߡߐ߰ ߁߅ ߢߐ߲߰ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߡߛߏ߬ߡߊ߲߬ߣߍ߲ ߠߎ߬ ߟߊ߫ ߞߣߐߘߐߞߊߙߊ߲ߕߊ ߘߏ߫ ߟߊ߫
ߕߐ߲ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߕߊ ߟߋ߬ ߥߟߌ߬ߣߍ߲߫ ߘߋ߲ߡߛߏߣߍ߲ ߠߎ߬ ߟߊ߫ ߦߙߐ ߘߐ߫ ߛߎ ߝߍ߬߸ ߖ߭ߌߟߑߖ߭ߌߟ ߘߎ߱ ߞߣߐ߫߸ ߙߌߝߕ ߞߐ߭ ߘߊߝߍ߬ ߞߋߣߌߦߊ߫߸ ߞߊ߬ ߞߊ߬ߙߊ߲߬ߘߋ߫ ߡߐ߰ ߁߅ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߞߊ߬ ߛߌߦߊߡߊ߲߫ ߖߐߞߌ߫، ߝߊ߰ߡߊ ߟߎ߬ ߦߋ߫ ߞߊ߬ߙߊ߲߬ߘߋ߲߬ ߕߎߣߎ߲ߣߍ߲ ߘߏ߫ ߟߎ߫ ߢߌߣߌ߲ ߞߊ߲߬ ߤߊ߲߯ ߕߋ߲߬.
ߜߘߍ ߟߎ߬ߞߛߌ߬ߘߎ߯: ߘߋ߲߫ ߛߐ߬ߘߐ߲ ߕߟߋ߬ ߇ ߘߏ߫ ߛߎ߭ ߓߘߊ߫ ߟߊߦߍ߬ߟߍ߫ ߞߊ߬ߓߌߣߍ ߞߣߐ߫ ߦߛߊߝߍߞߙߐ߫߸ ߞߏߘߐߛߏ߯ߙߋ ߦߴߌߘߐ߫
ߣߌ߲߬ ߞߍߣߍ߲߫ ߞߛߌ߬ߘߎ߯ ߟߋ߬߸ ߦߛߊߝߍߞߙߐ߫ ߞߌ߲߬ߘߊ ߟߊ߫، ߘߋ߲ߣߍ߲߫ ߕߟߋ߬ ߇ ߘߏ߫ ߟߋ߬ ߛߎ߭ ߟߊߦߟߍ߬ߣߍ߲߫ ߞߊ߬ߓߌߣߍ ߞߣߐ߫ ߘߓߊ߬ߕߊ ߕߋ߬ߟߋ߫ ߂߃ ߛߎ ߞߵߊ߬ ߘߎ߰ߛߊ ߜߍ߫ ߊ߬ ߕߋ߬ߟߋ߫ ߂߄ ߠߊ߫ ߂߀߂߆ ߢߌ߲߬ ߠߊ߫، ߡߊ߬ߛߎߓߊ ߣߌ߲߬ ߞߍߢߊ߫ ߖߐ߲ߖߐ߲߫ ߞߏ߬ߣߌ߲߬ ߟߐ߲ߣߍ߲߫ ߕߍ߫ ߡߎߣߎ߲߬߸ ߊ߬ ߞߏ ߘߐߝߌ߲߬ߣߍ߲߬ ߡߌߡߐ߫، ߛߊ߬ߙߌ߬ߦߊ߬ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫.
ߜߘߍ ߟߎ߬ߛߌ߯ߙߌ߲߫: ߘߋ߲ߣߍ߲߫ ߛߊ߲߬ ߇ ߘߏ߫ ߛߎ߭ ߓߘߊ߫ ߦߋ߫ ߞߐ߲߬ߛߏ߬ ߞߏߙߏ߲ ߘߏ߫ ߞߣߐ߫߸ ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߞߐߝߟߌ߫ ߘߌ ߞߐ ߘߐ߫
ߣߌ߲߬ ߞߍߣߍ߲߫ ߓߎ߬ߙߋ߬ ߓߎߞߊߙߌߦߊ߫ ߟߋ߬߸ߛߌ߯ߙߌ߲߫ ߡߙߊ߬ߘߊ߬ߓߊ ߘߐ߫، ߘߋ߲ߣߍ߲߫ ߛߊ߲߬ ߇ ߘߏ߫ ߟߋ߬ ߛߎ߭ ߦߋߣߍ߲߫ ߞߐ߲߬ߛߏ߬ ߞߏߙߏ߲ ߘߏ߫ ߞߣߐ߫߸ ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߞߐߝߟߌ ߟߊߓߐ ߘߎ߰ߛߊ߬ߜߍ ߡߊ߬. ߛߌߞߊ߫ ߞߍߣߍ߲߫ ߞߏ߫ ߊ߬ ߡߊ߫ ߛߎߘߊ߲߫ ߡߍ߲ߞߍ߬߸ ߏ߬ ߟߋ ߞߵߊ߬ ߟߐ߬ ߊ߬ ߓߊ߲߬ ߠߊ߫ ߘߏ߲߬ ߠߊ߫ ߟߎ ߞߣߐ߫، ߢߊߢߌߣߌ߲߫ߠߌ߲߫ ߝߏߦߌ߬ ߞߏ߬ߣߌ߲߬ ߡߊ߫ ߞߍ߫ ߊ߬ ߟߊ߫ ߡߎߣߎ߲߬.
ߜߘߍ ߟߎ߬ߛߣߍ߬ߜ߭ߊߟߌ߫: ߡߏ߬ߛߏ ߘߏ߫ ߓߘߊ߫ ߖߌ߫ ߞߟߊߡߊ߲߫ ߥߙߌ߬ߣߍ߲ ߞߍ߫ ߊ߬ ߗߍ߬ ߣߴߊ߬ ߛߌ߬ߣߊ߬ߡߛߏ߫ ߞߊ߲߬߸ ߕߍ߮ ߓߘߊ߫ ߞߍ߫ ߊ߬ ߘߐ߫
߂߀߂߆ ߘߓߊ߬ߕߊ ߕߟߋ߬ ߁߈ ߣߌ߲߬ ߡߊ߬߸ ߕߍ߮ ߞߍߣߍ߲߫ ߡߏ߬ߛߏ ߘߏ߫ ߟߋ߬ ߘߐ߫ ߗߋ߳ߕߍߡ ߔߋ߳ߟ߸ ߙߐߛ ߓߋߕߌߦߏ߫ ߘߊߝߍ߬߸ ߊ߬ߟߋ ߣߐ߬ ߖߌ߫ ߞߟߊߡߊ߲߫ ߥߟߌ߬ߣߍ߲ ߠߋ߬ ߞߍ߫ ߟߴߊ߬ ߗߍ߬ ߣߴߊ߬ ߛߌ߬ߣߊ߬ߡߛߏ߫ ߞߊ߲߬، ߡߐ߰ ߝߌ߬ߟߊ ߏ߬ ߟߎ߬ ߓߍ߯ ߖߐߞߌߣߍ߲߫ ߞߏߖߎ߯ ߡߊߓߙߏ߬ߓߙߏ߬ߣߍ߲ ߦߋ߫ ߘߊ߲ߘߊߛߏ ߟߊ߫ ߞߟߊߡߊ߲߫ ߓߟߏ ߡߊ߬ ߕߋ߲߬.
ߞߓߊߞߏ ߟߎ߬ߛߑߥߌߛ : ߗߍ߭ ߘߏ߫ ߓߘߊ߫ ߓߌ߬ߟߊ߫ ߛߎ߭ ߡߎ߰ߡߍ ߥߛߎ ߟߊ߫߸ ߊ߬ ߡߏ߬ߛߏ ߝߊ߱ ߞߏߛߐ߲߬ ߊ߬ ߓߟߏ߫ ߞߵߊ߬ ߘߐߞߎߘߎ߲ߞߎߘߎ߲߫
߂߀߂߄ ߞߏ߲ߞߏߜߍ ߟߊ߫߸ ߗߍ߭ ߘߏ߫ ߟߋ߬ ߞߵߊ߬ ߡߏ߬ߛߏ ߝߊ߰ ߛߑߥߌߛ ߖߡߊ߬ߣߊ ߞߊ߲߬߸ ߞߊ߬ ߞߊ߬ ߓߊ߲߫ ߞߵߊ߬ ߘߐߞߎߘߎ߲ߞߎߘߎ߲߫، ߒ߬ߓߊ߬߸ ߗߍ߬ ߛߊ߲߬ ߄߃ ߏ߬ ߟߋ ߟߊ߫ ߞߕߌ ߕߍ߰ߣߍ߲߫ ߞߎߣߎ߲ߟߏ߲ ߣߌ߲߬ ߡߊ߬߸ ߞߵߊ߬ ߓߌ߬ߟߊ߫ ߛߌ߭ ߡߎ߰ߡߍ ߥߛߎ ߟߊ߫، ߡߊ߬ߛߎߓߊ ߡߍ߲ ߦߋ߫ ߕߋ߲߬߸ ߊ߬ ߞߏ ߡߊߞߓߊ߫ ߘߊ߫ ߟߋ߬ ߞߏߛߓߍ߫߸ ߡߍ߲ ߥߙߊ߬ߣߍ߲߫ ߡߐ߰ ߛߌߦߊߡߊ߲߫ ߡߊ߬.
ߜߘߍ ߟߎ߬ߛߣߍ߬ߜ߭ߊߟߌ߫: ߓߋ߬ ߓߘߊ߫ ߞߍ߫ ߛߙߎߓߊ߲ߣߍ߲ ߘߏ߫ ߞߊ߲߬ ߥߊߙߊ߲߲߫߸ ߞߊ߬ ߓߊ߲߫ ߞߵߊ߬ ߞߊ߲ߠߊߕߍ߰߸ ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫
ߘߓߊ߬ߕߊ ߕߟߋ߬ ߁߁ ߡߊ߬߸ߡߊ߬ߙߌ ߖߎߝ ߦߋ߫ ߛߙߎߓߊ߲ߣߍ߲߫ ߛߊ߲߬ ߁߁ ߠߋ߬ ߘߌ߫߸ ߏ߬ ߟߋ ߟߊ߫ ߡߐ߱ ߟߎ߫ ߞߵߊ߬ ߟߐ߬ ߞߋߟߊ ߟߊ߫ ߝߎ߲ߞߎ߲ ߘߏ߫ ߟߊ߫߸ ߊ߬ߟߋ߫ ߛߎ߭ ߟߊߝߟߌ߬ߣߍ߲ ߠߋ߬ ߥߊߣߍ߲߫ ߦߋ߫ ߟߊ߫ ߓߏ߲ ߘߏ߫ ߞߣߐ߫ ߞߐ߬ߟߏ߲، ߊ߬ ߝߊ߰ ߞߏ߬ߖߎ߰ߦߊ ߜߊ߬ ߘߊ߫ ߡߐ߱ ߟߎ߬ ߟߊ߫ ߢߊ ߓߍ߯ ߡߊ߬ ߛߣߍ߬ߜ߭ߊߟߌ߫ ߘߌ߲߬ߞߌߙߊ ߣߌ߲߬ ߘߐ߫.
ߜߘߍ ߟߎ߬ߌߙߊ߲߫: ߡߐ߰ ߛߋߦߌ߲߫ ߓߘߊ߫ ߝߊ߰ ߕߊߓߐ ߘߐ߫ ߕߤߋߙߊ߲߫ ߖߊ߬ߥߏ߬ ߕߊ߲ߓߊ߲ ߘߏ߫ ߞߣߐ߫
ߡߐ߰ ߝߊ߰ ߕߊߓߐ ߟߋ߬ ߞߍߣߍ߲߫ ߞߎߣߎ߲߬ ߞߐ߬ߟߏ߲ ߡߊ߬ ߕߤߋߙߊ߲߫ ߕߟߋ߬ߓߋ ߖߊ߬ߥߏ߬ ߕߊ߲ߓߊ߲ ߘߏ߫ ߞߣߐ߫ ߊ߲ߘߌߛ߭ߋ߫߸ ߊ߬ߟߋ߬ ߖߊ߬ߥߏ߬ ߕߊ߲ߓߊ߲ ߕߐ߯ ߞߏ߫ ߊߙߑߜ߭ߊߝ߭ߊ߲߫، ߞߕߌߓߋߟߋ߲ ߓߘߊ߫ ߘߐ߬ߛߏ߰ߙߋ߬ߟߌ ߟߊߥߟߌ߬ ߞߊ߬ ߡߌ߬ߣߊ߬ߟߌ߬ ߛߓߍ ߓߌ߬ߟߊ߬ ߓߏ߲ ߟߐ߬ߓߊ߮ ߞߐ߫.
ߜߘߍ ߟߎ߬ߡߊ߲߬ߖߊ߲߬ߠߊ߫: ߡߐ߰ ߞߐ߬ߣߐ߲߬ߘߐ߬ ߓߘߊ߫ ߕߏ߫ ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߘߐ߫ ߞߌߢߍ߲ߞߎߘߊ߫
ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߟߋ߬ ߖߎߙߊ߲ߣߍ߲߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂ ߡߊ߬ ߞߌߢߍ߲ߞߎߘߊ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߝߊ߰ߓߊ߰ߕߐ ߦߙߌߞߊ ߦߋ߫ ߝߌߙߌ߲ߝߌߙߌ߲߫ ߛߏ߫ ߞߣߐ߫ ߡߐ߮ ߟߎ߬ ߣߌ߫ ߛߏ ߝߊ߰ߡߊ ߟߎ߬ ߕߍ߫. ߊ߬ ߞߏ߬ߣߌ߲߸ ߡߐ߰ ߞߐ߬ߣߐ߲߬ߘߐ߫ ߢߐ߲߰ ߠߋ߬ ߕߏߣߴߊ߬ ߘߐ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫ ߞߊ߬ߣߌ߲߬.
ߞߌ߬ߓߊ߬ߙߏߞߙߎ߬ߛߊ߬: ߗߍ߭ ߘߏ߫ ߓߘߊ߫ ߞߍ߫ ߊ߬ ߖߘߍ߬ ߛߕߊ ߘߌ߫ ߡߊ߬ߙߌ߬ߝߊ ߟߊ߫ ߖߙߊ߬ߜߍ߬ߟߊ߫
ߗߍ߬ ߛߣߍ߬ߞߍ߬ߟߊ߫ ߞߊ߲߬ߜߍ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߘߏ߫ ߓߘߴߊ߬ ߖߘߍ߬ ߓߏ߲߫ ߡߊ߬ߙߌ߬ߝߊ ߟߊ߫ ߞߵߏ߬ ߞߍ߫ ߊ߬ ߛߕߊ ߘߌ߫ ߖߙߊ߬ߜߍ߬ߟߊ߫߸ ߞߙߎ߬ߛߊ߬ ߛߏ ߞߣߐ߫. ߛߙߋ߫ ߛߐ߬ߘߐ߲߬ߣߍ߲߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߰ߕߍ߮ ߟߋ߬ ߞߍߣߍ߲߫ ߊ߬ ߛߓߊߓߎ ߘߌ߫ ߊ߬ ߟߊ߫ ߓߐ߬ߟߐ߲߬ߞߊ ߟߊ߫ ߛߊ߬ߦߊ ߞߐ ߣߌ߲߬ ߘߐ߫.