ߞߎ߲߬ߠߊ߬ߛߌ߮ ߓߍ߯
ߕߋߟߋ߲ߓߊ߯ߦߊߞߕߌ ߘߏ߫ ߟߋ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߞߐ߬ߓߊ߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߊ߬ߟߋ ߞߕߌ ߦߴߌߘߐ߫ ߞߊ߬ ߓߍ߲߬ ߊ߬ ߗߍ߬ ߝߊ߰ ߞߏ ߟߋ߬ ߡߵߊ߬ ߓߟߏ߫، ߊ߬ ߝߘߎ߫ ߘߴߊ߬ ߛߊ߲߬ ߁߃ ߟߋ߬ ߡߊ߬߸ ߘߋ߲ߡߛߏ ߞߊ߲߫ ߞߏ߫ ߊ߬ ߞߵߏ߬ ߟߊߥߌ߬ߟߌ߫ ߟߋ߬ ߛߴߊ߬ ߘߌ߫ ߓߐ߫ ߕߙߐߦߊ ߞߘߐ߫ ߢߊ ߡߍ߲ ߡߊ߬߸ ߓߊ߬ߙߵߊ߬ ߡߴߊ߬ ߟߊߥߌ߬ߟߌ߫ ߝߊ߰ߟߌ߫ ߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߖߌ߬ߣߍ߫ ߞߎ߲߬ߠߊ߬ߛߌ߮ ߞߊ߬ ߛߓߍ ߘߏ߫ ߟߋ߬ ߞߟߊ߬ߣߐ߬ߦߊ߫ ߞߎߣߎ߲߬ ߞߊ߬ߙߌ߬ߝߐ ߕߋ߬ߟߋ߫ ߂߂߸ ߋߙߏ ߞߋ߲߬ߥߟߎ߫ ߃߀߀ ߦߋ߫ ߡߍ߲ ߞߣߐ߫ ߟߊߓߋ߬ ߣߌ߫ ߕߎߜ߭ߋ߬ ߓߊߝߌ߲ ߛߌߟߊ ߟߊ߫ ߞߊ߲ߡߊ߬߸ ߞߊ߬ ߛߍ߲߫ ߞߎߘߊ߫ ߟߊ߫ ߓߊߝߌ߲ ߞߎ߲߬ߠߊ߫ ߊ߬ ߣߌ߫ ߞߊ߬ ߛߌߟߊ ߘߏ߫ ߟߊ߫ ߡߍ߲ ߓߍ߲߬ߣߍ߲߫ ߞߎ߬ߓߌ߬ߦߊ߫ ߡߊ߬.
ߓߘߍ߬ߓߘߍ߬ߟߌߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߛߐ߬ߘߐ߲߬ ߛߘߋߦߊߥߏ (ߝߕߞߡߘ) ߡߙߊ߬ߓߊ߮ ߟߎ߬ ߟߊ߫ ߜߊ߬ߙߊ ߘߐ߫، ߒ߬ߓߊ߬߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ ߛߘߋߦߊߥߏ ߛߎ߮ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊߘߊ߲ߣߍ߲߫ ߛߐ߬ߘߐ߲ ߠߋ߬ ߓߊߛߌ߰ ߞߊ߲ߡߊ߬߸ ߞߊ߬ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍߒߘߌߦߊ ߓߌ߬ߟߊ߬ ߢߍߝߍ߬، ߊ߬ ߞߊ߬ ߓߌ߲߬ߓߊ߬ߥߏ߬ ߞߏ ߘߐߜߏߦߊ߫ ߟߋ߬ ߔߐ߫߸ ߞߊ߬ߕߎ߲߯߸ ߞߏ߫ ߓߌ߲߬ߓߊߥߏ ߡߊ߲߬ߕߙߐ ߡߍ߲ ߦߋ߫ ߖߡߊ߬ߣߊ߬ߘߋ߲ ߠߎ߬ ߞߊ߲߬߸ ߏ߬ ߕߍ߫ ߞߊ߲ߕߌ߮ ߟߎ߫ ߞߊ߲߬߸ ߓߌ߲߬ߓߊߥߏ ߦߋ߫ ߓߋ߬ ߟߴߏ߬ ߟߎ߬ ߡߍ߲ ߠߎ߬ ߞߊ߲߬.
ߓߘߍ߬ߓߘߍ߬ߟߌߊ߬ ߞߋߟߋ߲߫ ߔߋ߫ ߟߋ߬ ߓߐ߫ ߘߊ߫ ߞߎߡߊߞߍߓߏ߲ ߞߊ߲ߕߌ߯ߦߊ߫ ߢߌߣߌ߲ ߞߐ߫، ߒ߬ߓߊ߬߸ ߖߌ߬ߣߍ߫ ߘߐ߬ߕߊߡߌ߲ ߞߏߟߊߕߍ߯ߘߊ ߞߊ߲ߕߌ߯ ߞߘߐ ߓߘߊ߫ ߛߎߥߊ߲ߘߌ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߇߸ ߞߵߊ߬ ߟߊߦߍ߬ߟߍ߫ ߝߊ߬ߛߏ߬ ߜߙߊ߬ ߞߎߘߊ ߞߎ߲߬ߠߊ߫، ߊ߬ߟߋ ߟߋ߬ ߞߍߣߍ߲߫ ߖߌ߬ߣߍ߬ ߞߊ߲ߓߍ߲ ߝߊ߬ߛߏ߬ ߜߙߊ ߞߊ߲ߕߌ߯ ߝߟߐߝߟߐ ߘߌ߫ ߞߊ߲ߓߍ߲߫ ߟߏ߯ߟߎߣߊ߲ ߞߎߡߊߞߍߓߏ߲ ߞߣߐ߫.
ߞߌ߬ߓߊ߬ߙߏߖߌ߬ߣߍ߬ߞߊ߬ ߡߛߏ߬ ߞߋߟߋ߲߫ ߣߌ߫ ߣߌߖ߭ߋߙߌߦߞߊ߫ ߡߛߏ߫ ߞߋߟߋ߲߫ ߠߋ߬ ߓߌ߬ߓߊߏ߫ ߖߌ߬ߣߍ߫ ߓߌ߲߬ߓߊ߬ߏ߬ ߞߎߙߎ߲ߘߎ ߕߐ߲ߛߋ߲ ߁߉ ߣߌ߫ ߈߁߂ ߠߊ߫ ߸ ߞߵߏ߬ ߞߎ߲߭ ߓߌ߲߬ߘߌ߬ߓߊ߲߬ߓߊ߬ ߖߎߟߦߊ ߡߊ߲߬ߕߏ߲߬ߕߍ߬ߟߊ߬ߞߊ ߘߴߊ߬ߟߎ߬ ߓߟߏ߫
ߞߍߞߎߘߊߞߘߐߓߐߟߌ ߞߐߝߍ߬߸ ߟߊ߬ߘߎ߲߬ߠߌ߲߬ ߛߌߦߊߡߊ߲߫ ߓߘߊ߫ ߞߍ߫ ߞߏߕߌ߯ߘߊ ߓߟߏ߫߸ ߕߌ߲߬ߞߎߘߎ߲ ߟߊ߬ߞߟߏ߬ߞߟߏ߬ߟߌ ߜߋ߬ߟߎ߲߬ߓߊ߮ ߘߏ߫ ߣߌ߫ ߡߙߊ߬ߘߊ߬ߓߊ ߟߊ߬ߞߟߏ߬ߞߟߏ߬ߟߌ ߗߋߕߌ߯ߘߊ߫ ߛߌߦߊߡߊ߲߫ ߠߊ߫ ߞߎ߲߬ߠߊ߫߸ ߞߵߏ߬ ߞߎ߲߭ ߞߍ߫ ߞߏߡߊߓߌߟߊ ߘߌ߫.
ߛߊ߲߬ߞߟߊ߬ߕߋߖߌ߬ߣߍ߬ ߞߊ߲ߓߍ߲ ߜߊ߬ߕߌ߰ ߝߟߐߝߟߐ ߣߌ߫ ߞߊ߲ߕߌ߯ ߊߤߑߡߍߘ ߛߋߞߎ߫ ߕߎ߬ߙߋ߫ ߡߛߏ߬ ߜߐ߮߸ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߓߘߊ߫ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߣߊ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߈߸ ߡߊ߬ߙߐߞߎ߬، ߡߐ߰ ߛߌߦߊߡߊ߲߫ ߓߘߊ߫ ߞߎߡߊ߫߸ ߞߊ߬ ߓߍ߲߬ ߊ߬ ߟߊ߫ ߛߊ߬ߦߊ ߣߌ߲߬ ߡߊ߬߸ ߞߵߏ߬ ߞߎ߲߭ ߞߍ߫߸ ߊ߬ ߦߋ߫ ߖߌ߬ߣߍ߫ ߘߐ߬ߝߐ ߞߣߐ߫ ߕߐ߯ߕߌ߮ ߘߏ߫ ߟߋ߬ ߘߌ߫ ߊ߬ ߗߍ߬ ߡߊ߬ߣߊߡߊ߬.
ߓߐ߰ߝߍߖߌ߬ߣߍ߫ ߞߎ߲߬ߠߊ߬ߛߌ߮ ߓߘߊ߫ ߦߙߌ߫ ߕߍ߮ ߟߊߕߐ߲߫ ߞߵߊ߬ ߘߊߡߌ߬ߣߊ߫ ߞߊ߬ߙߌ߬ߝߐ ߕߟߋ߬ ߈ ߢߌ߲߬ ߡߊ߬ ߤߊ߲߯ ߕߎߟߊߝߌ߲ ߕߟߋ߬ ߃߀، ߞߎ߲߬ߕߊ߮ ߏ߬ ߞߣߐ߫߸ ߦߙߌ ߕߍ߫ ߕߍ߰߸ ߊ߬ ߕߍ߫ ߟߊߓߐ߫ ߊ߬ ߘߏ߲߬ ߕߍ߫ ߡߊߘߏ߬ߣߌ߲߫ ߖߡߊ߬ߣߊ ߘߎ߰ߞߟߏ ߡߎ߰ߡߍ ߞߊ߲߬، ߣߌ߲߬ ߞߎ߲߭ ߠߋ߬߸ ߛߊ߫ ߕߎ ߝߣߊ߫ ߘߴߊ߬ ߢߐߢߐ߲߫ ߣߍ߲ߞߍ߫߸ ߞߵߊ߬ ߘߐߝߎߟߋ߲߫ ߞߊ߬ ߦߙߌ߫ ߛߌߦߊߡߊ߲߫ ߠߊߥߟߏ߫ ߞߏߞߎߘߊ߫.
ߢߊߢߌߣߌ߲ߠߌ߲ ߣߌ߫ ߟߞߊ߬ߟߌ߬ߟߌߓߌ߬ߟߊ߬ߒ߬ߘߐ߬ߖߎ߮ ߘߏ߫ ߟߋ߬ ߞߍߣߍ߲߫ ߞߐ߬ߟߍ߲߬ߕߍ߲߫ ߛߍ߲ ߞߊ߲߬߸ ߞߊ߬ߡߐ߰ ߇ ߓߐ߬ߣߐ߫ ߊ߬ ߣߌ ߘߐ߫، ߡߊ߬ߘߏ߬ߣߌ߲߬ߠߌ߲߬ ߘߎ߯ߞߎߟߎ߲ ߘߏ߫ ߣߌ߫ ߝߊ߯ߞߊ߲ߓߋ߲ ߘߏ߫ ߟߋ߬ ߣߐ߬ ߊ߬ ߛߌ߰ ߟߊ߫ ߢߐ߲߮ ߞߎ߲߬ ߞߌ߲ߘߌߦߊ߫ ߣߌ߫ ߡߊ߯ߡߎ߲߫ ߛߌߟߊ ߞߊ߲߬.
ߕߋߟߋ߲ߓߊ߯ߦߊߘߊ߯ߟߋ߲ ߞߟߍ߬ߕߌ߮ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߞߐߣߊߞߙߌ߫ ߕߋ߲߬߸ ߊ߬ ߣߌ߫ ߜߋ߬ߟߎ߲߬ߠߌ߲߬ ߗߋߦߊߟߌ ߟߋ߬ ߣߊ߬ߣߍ߲߫߸ ߞߊ߬ ߖߌ߬ߣߍ߫ ߞߟߍ߬ߞߙߎ ߟߊ߫ ߓߟߏߘߐߓߍ߲ ߞߛߊߞߊ ߡߊߝߟߍ߫߸ ߞߵߊ߬ߟߎ߬ ߛߋߞߏߦߊ ߝߣߊ߫ ߡߊߝߟߍ߫߸ ߣߴߊ߬ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߐ߫.
ߟߊ߬ߞߟߏ߬ߞߟߏ߬ߟߌߣߌ߲߬ ߞߍߣߍ߲߫ ߓߋߟߊ߫ ߟߋ߬߸ ߂߀߂߆ ߓߊߘߎ߲ ߡߊ߬ߡߌ߬ߣߊ߬ߟߌ߬ߟߊ ߘߏ߫ ߟߋ߬ ߣߐ߬ ߞߟߊߓߎߡߦߊ ߘߝߊߣߍ߲ ߞߍ߫ ߟߊ߫߸ ߞߊ߬ ߡߏߦߌ߫ ߘߋ߲ߞߍ߫ ߞߎߘߎ߲ߓߊ߫ ߟߊ߫ ߛߎ ߝߍ߬߸ ߞߵߊ߬ ߞߎ߲߬ߛߌ߲߫ ߞߘߐߓߐߟߌ߫ ߝߏ߮ ߟߊ߫ ߛߐ߰ߡߊ߬ߘߊ ߢߌ߲߬ ߠߊ߫߸ ߓߊߘߎ߲ ߞߘߐߓߐߟߌ ߞߊ߲ߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲Sߟߊ߬ߘߍ߬ߓߊ߫ ߟߋ߬ ߕߎ߲߬ ߦߴߌߘߐ߫ ߞߐߣߊߞߙߌ߫ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬߸ ߛߊߣߌ߲߫ ߓߊ߯ߙߟߊ ߟߎ߬ ߣߌ߫ ߞߊ߲ߕߌ߮ ߟߋ߬ ߞߊ߬ ߢߐ߲߯ߦߋ߫ ߞߍ߫، ߞߊ߲ߕߌ߮ ߞߊ߬ ߕߛߊ ߘߊ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߛߊߣߌ߲߫ ߢߊߘߊ߲ ߕߍ߫ ߓߐ߫ ߟߊ߫ ߡߎ߬ߕߎ߲߬، ߣߴߏ߬ ߡߊ߫ ߓߍ߲߬ ߡߍ߲ ߡߊ߬߸ ߏ߬ ߟߊ߫ ߓߊ߯ߙߊ߫ ߖߡߊߙߌ߫ ߛߓߍ ߘߌ߫ ߡߌ߬ߣߴߊ߬ ߟߊ߫، ߊߟߎ߫ ߦߋ߫ ߞߊ߲ߕߌ߮ ߟߊ߫ ߓߋߟߋ߲ߠߊ ߘߝߊߣߍ߲ ߘߐߞߊ߬ߙߊ߲߬ ߥߍ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߲ߓߍ߲ ߞߊ߲ߕߌ߮ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߢߐ߲߯ߦߋ߫ ߘߏ߫ ߟߋ߬ ߞߎ߲߬ߠߊߛߌ߰ ߛߌ߬ߣߌ߲߬ߟߏ߲ ߥߊ߬ߛߌ߬ߥߙߊ ߕߟߋ߬ ߁߉ ߢߌ߲߬ ߡߊ߬߸ ߊ߬ߟߎ߬ ߣߌ߫ ߛߊߣߌ߲߫ ߓߊ߯ߙߟߊ ߟߎ߫ ߞߊ߬ ߢߐ߲߯ߦߋ߫ ߡߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߛߊߣߌ߲߫ ߢߊߘߊ߲ ߕߍ߫ ߟߊߓߐ߫ ߟߊ߫ ߡߎ߬ߕߎ߲߬߸ ߊ߬ ߓߍ߯ ߘߐߖߏ߲ߕߐ߫ ߖߡߊ߬ߣߊ ߞߣߐ߫ ߟߋ߬ ߛߍߣߍ߲߬، ߏ߬ ߓߊ߯ߙߊ ߘߏ߲߬ߣߍ߲߫ ߣߌ߲߬ߓߊ߬ ߛߊߣߌ߲߫ ߘߐߖߏ߲ߘߊ ߟߋ߬ ߓߟߏ߫، ߊ߬ߟߎ߬ ߞߊ߲߫ ߞߏ߫ ߣߌ߲߬ ߦߋ߫ ߖߡߊ߬ߣߊ ߟߊ߫ ߛߐ߬ߘߐ߲ ߠߊ߫ ߖߘߍ߬ߕߌ߰ߦߊ ߡߎ߬ߙߊ߲߬ ߞߟߏߡߊ ߘߏ߫ ߟߋ߬ ߘߌ߫.
ߘߌ߯ߣߊߞߎ߲߬ߢߐ߲߰ ߘߊ߲ߘߐ߫ ߟߋ߬ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߕߊ߯ߟߌ ߟߊ߫ ߡߎ߬ߕߎ߲߬߸ ߊ߬ߟߎ߬ ߓߘߊ߫ ߓߐߒߝߘߎߘߐߓߊ߫ ߞߍ߫ ߛߏ ߢߍ߫߸ ߞߊ߬ ߕߙߏ߬ߞߏ߬ߘߓߊ߬ ߞߋߟߋ߲߫ ߣߌ߫ ߘߊ߲߬ߞߊ߬ߞߎ߬ߟߎ߲߬ ߞߎߘߊ߫ ߝߌ߬ߟߊ߫ ߓߌ߬ߟߊ߫ ߞߊ߬ߝߏ߬ߙߋ߲ ߛߊ߬ߥߏ߬ ߘߐ߫߸ ߞߵߏ߬ ߞߍ߫ ߊ߬ߟߎ߬ ߓߟߏߣߐ߫ ߟߊߓߊ߲ ߘߌ߫، ߞߊ߬ߕߎ߲߯߸ ߊ߬ ߕߍ߬ߘߍ߫ ߡߐ߰ ߛߌߦߊߡߊ߲߫ ߢߣߊ߫߸ ߞߏ߫ ߊ߬ߟߎ߬ ߡߊ߫ ߞߏߓߊ߫ ߞߍ߫ ߊ߬ߟߎ߬ ߟߊ߫ ߟߐ߬ߒ߬ߞߋ߬ߟߊ ߞߘߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߛߊ߲ߖߌ߫ ߕߐ߲ߞߐߟߐ߲ߡߊ ߟߋ߬ ߖߌ߰ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߛߎ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬ ߞߵߊ߬ ߘߎ߰ߛߊ ߜߍ߫ ߕߋ߬ߟߋ߫ ߂߀ ߢߌ߲߬ ߠߊ߫߸ ߡߍ߲ ߝߢߐߞߏߙߏ߲ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫߸ ߞߊ߬ ߘߋ߲ߣߍ߲߫ ߛߊ߲߬ ߁߀ ߘߏ߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߞߍ߫ ߘߊ߫ ߝߙߊ߬ߣߍ߲ ߺ ߞߐ߫ ߟߋ߬߸ ߞߎ߲ߖߊ߲߫ ߛߏ ߞߣߐ߫߸ ߞߎߘߍ߫ ߅߀ ߖߊ߬ߕߋ߬ ߟߊ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߊ߬ ߛߌ߰ߓߊ߮ ߟߎ߬ ߢߌߣߌ߲ߣߍ߲߫ ߝߊ߰ߡߊ ߟߎ߬ ߣߌ߫ ߓߟߏߘߐߢߌ߲ ߠߎ߬ ߟߊ߫ ߘߍ߬ߡߍ߲ ߡߊ߬ ߕߋ߲߬ ߞߏߛߓߍ߫.
ߘߍ߭ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬߸ ߞߊ߲ߞߊ߲ߞߊ߲߫ ߞߊ߬ ߗߋߦߊߟߌ߫ ߓߟߋߓߟߋ߫ ߟߋ߬ ߟߊߛߣߍ߫߸ ߡߍ߲ ߠߎ߬ ߣߊ߬ ߘߊ߫ ߡߊ߬ߞߍ߬ ߦߙߐ߬ ߁ ߀߀߀ ߟߐ߬ ߞߏ߬ ߞߎߡߊ ߝߐ߫߸ ߞߵߏ߬ ߞߍ߫ ߖߡߊ߬ߣߊ߬ߘߋ߲ ߠߎ߬ ߖߌ߰ߡߝߊ߬ ߦߙߐ ߘߏ߫ ߘߌ߫ ߓߏ߲߫ ߞߏ ߘߐ߫߸ ߡߍ߲ ߛߐ߬ߘߐ߲ ߞߊ߫ ߞߊ߲߫ ߞߊ߬ ߟߊߣߐ߰ߦߊ߬ ߓߍ߯ ߡߊ߬، ߓߊ߬ߙߌ߬߸ ߗߋߘߊߕߌ߮ ߟߎ߫ ߟߋ߬ ߢߍ ߘߐ߫ ߖߡߊ߬ߣߊ߬ߘߋ߲ ߕߐ߭ ߟߎ߬ ߢߍ߫.
ߟߊ߬ߞߟߏ߬ߞߟߏ߬ߟߌߞߊ߬ߙߊ߲߬ ߞߎ߲߬ߝߊ߰ ߞߘߐߓߐߟߌ ߡߍ߲ ߦߴߌߘߐ߫ ߛߋߒߞߏߟߊ߫ ߟߞߊߙߊ߲ߠߌ߲ ߣߌ߫ ߓߊ߯ߙߊ߫ ߡߞߊߙߊ߲ߘߊ ߟߎ߬ ߟߊ߫߸ ߏ߬ ߘߊߡߌ߬ߣߊ߬ ߘߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߊ߲ߞߊ߲߫ ߡߊ߬ߡߙߊ߬ߟߌ ߕߌ߲߬ߞߎߘߎ߲ ߘߐ߫، ߡߊ߬ߡߌ߬ߘߊ߬ߟߌ߬ߟߊ߫ ߃߀߀߀ ߢߐ߲߰ ߠߋ߬ ߕߊ߲ߓߊ߲߫ ߥߐߙߐ߲ߝߌ߬ߟߊ ߞߣߐ߫߸ ߡߍ߲ ߠߎ߬ ߘߐߕߟߊߣߍ߲߫ ߡߙߊ߬ߘߊ߬ߓߊ߫ ߛߓߊ߬ ߕߍ߫߸ ߜߍߦߊ ߞߣߐ߫߸ ߊ߬ ߣߴߊ߬ ߦߌ߬ߘߊ߬ ߦߌ߬ߘߊ߬ ߞߏ߫ ߘߐ߬ߞߏ߬ߦߊ߬ߕߏ߬ߟߌ߬ ߕߴߊ߬ ߘߐ߫ ߞߊ߬ߙߏ߲ ߡߊ߬ߝߊ߲ ߝߍ߬ ߝߋߎ߫.
ߓߘߍ߬ߓߘߍ߬ߟߌSߖߌ߬ߣߍ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߮ ߊߟߌߞߏ߫ ߘߊ߲ߜ߭ߏߕߋ߫ ߟߋ߬ ߟߊߞߢߐ߬ߡߊ߬ ߟߊ߫ ߞߎߓߋ߫ ߡߊ߬ߤߊ߬ߡߍ߬ߘ ߅߲ ߠߊ߫߸ ߞߵߊ߬ߟߎ߬ ߟߊ߫ ߘߊߘߐߖߊߥߏ ߕߐ߭ ߘߊߓߊ߲߫ ߖߌߛߎ߲ߞߋߡߎ߲ ߣߌ߫ ߛߍ߬ߣߍ ߣߌ߫ ߜߟߐߡߌ߲ ߣߌ߫ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫. ߛߊ߫ ߖߌ߬ߣߍ߫ ߘߎ߰ߘߐ߬ߝߋ߲ ߠߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߐ߫ ߞߊ߬ ߥߴߊ߬ ߘߌ߫ ߝߊ߲߬ ߜߘߍ߫.
ߒߞߏߞߍ߲ߘߍߟߏ߲ ߂߀߂߆ ߘߓߊ߬ߕߊ ߕߋ߬ߟߋ߫ ߂߉ ߡߊ߬߸ ߖߌ߬ߓߙߌ߬ߟߊ߲߬ ߞߐ߲ߘߍ߫ ߡߊ߲߬ߘߋ߲߫ ߡߟߍ߬ߞߊ ߞߊ߬ ߓߐߒߝߘߎߘߐ߫ ߓߟߋߓߟߋ߫ ߞߍ߫ ߊ߬ߟߎ߬ ߟߊ߫ ߛߏ ߦߋ߫߸ ߓߊ߯ߙߏ߫، ߓߊ߯ߙߏ߫ ߣߌ߲߬ ߦߋ߫ ߡߙߊ߬ߘߊ߬ߙߋ߲ ߠߋ߬ ߘߌ߫ ߞߙߎ߬ߛߊ߫ ߡߙߊ߬ߘߊ߬ߓߊ ߘߐ߫، ߊ߬ ߣߐ߬ ߝߟߊ ߟߋ߬ ߕߘߎ߫ ߟߊ߫ ߛߏ ߘߏ߲߬ߘߊ ߟߊ߫߸ ߡߍ߲ ߡߎ߰ߡߍ ߞߍߣߍ߲߫ ߒߞߏ ߛߓߍߟߌ ߘߍ߫߸ ߞߊ߬ ߡߊ߲߬ߘߋ߲߫ ߡߐ߬ߟߐ߲ ߟߊ߫ ߞߣߍ ߞߊ߲߬߸ ߊ߬ ߣߌ߫ ߒߞߏ ߛߊ߲ߞߘߐߕߊ߬.
ߘߍ߭ߛߊߣߌ߲߫ ߢߌߣߌ߲߫ ߕߙߏߞߏ߫ ߔߏߞߑߟߍ߲߫ ߠߊߓߊ߯ߙߊ߫ ߢߊ߫ ߖߎ߮ ߡߍ߲ ߦߴߌߘߐ߫ ߛߌ߯ߙߌ߲߫ ߞߣߐ߫߸ ߖߊ߰ߘߏ ߓߘߴߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫ ߏ߬ ߞߏ ߘߐ߫، ߞߊ߬ߕߎ߲߯߸ ߓߐߛߎ߲߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߘߏ߲߬ߞߏ ߘߏ߫ ߟߎ߫ ߟߋ߬ ߣߊ߬ߣߍ߲߫ ߛߌ߯ߙߌ߲߫ ߞߣߐ߫߸ ߞߊ߬ ߣߊ߬ ߡߐ߰ ߛߌߦߊߡߊ߲߫߸ ߊ߬ ߣߌ߫ ߛߏ ߝߊ߰ߡߊ ߘߏ߫ ߟߎ߫߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߡߍ߲ ߠߎ߬ ߡߊ߬، ߊ߲ ߞߏ߬ߣߌ߲ ߡߊ߫ ߕߍ߰ߒ߬ߞߊ߲߬ ߝߏߦߌ߬ ߛߐ߬ߘߐ߲߫ ߝߊ߰ߡߊ߬ ߞߎ߲ߘߊ߫ ߡߎߣߎ߲߬߸ ߞߵߊ߬ ߞߏ ߟߤߊߕߍߦߊ߫ ߓߘߍߞߍ߭.
ߟߊ߬ߞߟߏ߬ߞߟߏ߬ߟߌߢߍߡߍ߲߫ ߣߌ߲߬ ߦߋ߫ ߞߙߎ߬ߛߊ߫ ߡߙߊ߬ߘߊ߬ߓߊ ߟߋ߬ ߞߣߐ߫߸ ߊ߬ ߞߊ߬ߙߊ߲߬ߕߊ߬ ߓߊߖߎߟߞߊ ߦߋ߫ ߜߟߍ߬ߦߊ߬ߓߊ߫ ߟߋ߬ ߕߍߡߊ߬ ߕߋ߲߬߸ ߣߌ߫ ߞߌ߬ߦߊ߬ ߡߊ߫ ߞߍ߫߸ ߊ߬ ߘߌ߫ ߞߍ߫ ߦߏ߫ ߊ߬ ߞߊ߬ߙߊ߲߬ߕߊ ߘߊ ߦߋ߫ ߕߎ߲߯ ߘߟߊߞߊ߫ ߣߊ߬ߕߐ ߣߌ߲߬ ߡߊ߬.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬ ߓߎ߬ߙߋ߫ ߞߌ߲߬ߕߌ߬ߢߊ߲߫߸ ߝߌߘߌ߬ ߘߊ߬ߡߊ߲߬ߝߍ ߘߐ߫߸ ߞߊ߬ ߡߐ߰ ߁߁ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߄ ߖߐߞߌ߫߸ ߞߊ߬ ߓߍ߲߬ ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߦߙߐ ߘߐ߫ ߦߋ߲߬ ߌߞߘߐ߫.
ߓߘߍ߬ߓߘߍ߬ߟߌߞߊ߬ߝߏ߬ߙߋ߲߬ ߢߣߊߕߊߟߌ ߞߍ ߌߞߘߐ߫߸ ߡߐ߰ ߛߌߦߊߡߊ߲߫ ߠߋ߬ ߕߍ߬ߘߍ߫ ߊ߬ ߖߘߍ߬ ߡߊߢߌ߬ߣߌ߲߬ߞߊ߬ ߟߊ߫߸ ߞߏ߫ ߊ߬ߝߐ߫ ߛߙߍߘߍ߫ ߢߍߟߐ ߟߎ߫ ߟߋ߬ ߞߍߕߐ߫ ߞߊ߬ߝߏ߬ߙߋ߲߬ߕߌ߮ ߟߎ߫ ߘߌ߬ ߓߊ߬، ߒ߬ߓߊ߬߸ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߓߐ߬ߟߐ߲߬ߞߊ߫ ߖ߭ߋߣߊߓߎ߬ ߕߎ߬ߙߋ ߞߊ߬ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ߫ ߟߋ߬ ߖߏߣߊ߫߸ ߞߵߊ߬ ߦߌ߬ߘߊ߬ ߞߏ߫ ߞߐߝߟߌ ߢߌ߲߬ ߠߎ߬ ߟߊߓߐ ߞߘߐ߫ ߕߍ߫ ߞߊ߬ߝߏ߬ߙߋ߲߬ߕߌ߮ ߟߐ߲ ߘߌ߫ ߘߋ߬. ߊ߬ ߟߊ߫ ߝߐߟߌ߫ ߘߐ߫߸ ߞߊ߬ߝߏ߬ߙߋ߲ ߞߣߐ߫ ߡߐ߮ ߟߎ߫ ߟߋ߬ ߛߎߥߊ߲ߘߌ߫ ߟߊ߫ ߖߊ߬ߡߊ ߓߟߏ߫߸ ߏ߬ ߟߎ߫ ߜߊ߲߰ߛߊ߲ ߝߣߊ߫ ߘߌ߫ ߢߣߊߕߊߟߌ߫ ߜߘߍ߫ ߞߍ߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߞߵߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߟߊߛߌ߰.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߞߊ߯ߙߌ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߘߊ߬ߡߊ߲߬ ߓߊ߰ߙߊ߬ ߦߌߟߊ ߘߏߘߐ߫ ߞߌ߲߬ߞߌ߬ߢߊ߲߫߸ ߞߏ߫ ߝߌߘߌ߬ ߺ ߘߐ߫، ߊ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߘߊ߬ߡߊ߲߬ߛߋ߲߬ߠߊ ߟߎ߬ ߘߐ߫.
ߓߘߍ߬ߓߘߍ߬ߟߌߥߊ߬ߛߌ߬ߥߙߊ ߕߟߋ߬ ߅ ߡߊ߬߸ ߥߛߊ߬ߘߋ߲߬ ߛߎߥߊ߲ߘߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߟߊ߲ߞߣߍߡߊ߫ ߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߟߏ߫߸ ߊ߬ ߦߋ߫ ߘߊ߫ ߞߏ߫ ߖ߭ߋߍߡߑߘߋ ߟߋ߬ ߦߟߍ߬ߣߍ߲߫ ߛߊ߲ߝߍ߬ ߦߙߐ ߝߊ߲߬ߓߊ ߘߐ߫. ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߡߍ߲ ߦߋ߫ ߣߌ߲߬߸ ߖ߭ߋߍߡߑߘߋ߸ ߊ߬ߟߋ ߟߋ߬ ߣߐ߬ ߦߙߐ ߓߍ߯ ߕߊ߬ ߟߊ߫ ߝߊߦߌߘߊ߫߸ ߝߏ߫ ߞߎ߲ߘߊߙߊ߬ ߣߌ߫ ߜߋ߬ߛߌ߬ߦߊ߬ ߘߐߙߐ߲߫߸ ߏ߬ ߟߎ߫ ߟߋ߬ ߕߟߊߣߴߊ߬ ߓߟߏߥߏ ߟߊ߫.
ߓߘߍ߬ߓߘߍ߬ߟߌ߂߀߂߆ ߘߓߊ߬ߕߊ ߃߁ ߥߛߊ߬ߘߋ߲߬ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߓߘߊ߫ ߥߛߊ߬ߘߋ߲߬ ߄߉ ߛߙߍߘߍ ߟߊߓߐ߫ ߝߊ߬ߛߏ߬ ߛߙߍߘߍ ߞߊ߲߬߸ ߡߍ߲ ߕߘߍ߬ߒ߬ߘߐ߬ߟߋ ߗߡߍ߬ߘߐ߬ߦߊ ߦߋ߫ ߅߂،߈߇ ߘߐ߫، ߎ߳ߍߡߑߔߋ ߞߙߎߞߊ ߟߋ߬ ߦߋ߫ ߢߍ ߘߐ߫߸ ߞߊ߬ ߍߣ.ߘߋ ߕߎ߲߰ ߏ߬ ߟߊ߫߸ ߊ߬ ߣߌ߫ ߍߙߑߖ߭ߋߑߕߋ.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߊ߬ ߣߊ߬ߕߐ߫ ߞߊߙߏ߫ ߝߌ߬ߟߊ ߟߋ߬ ߡߊ߬ ߕߋ߲߬߸ ߞߊ߲ߞߊ߲߫ ߦߋ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߕߍߡߊ߬߸ ߡߍ߲ ߓߘߊ߫ ߛߏ߫ ߞߣߐ߫ ߡߐ߮ ߟߎ߫ ߛߍ߰ ߞߐߝߌ߫߸ ߞߊ߬ ߓߊ߯ߙߊ ߓߍ߯ ߛߋ߲߬ߠߊߛߘߌ߬߸ ߞߊ߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߝߣߊ߫ ߛߌߦߊߦߊ߫، ߌ ߓߊ߯ ߛߋ߫ ߖߌߥߎߘߊ ߟߎ߬ ߟߊ߫߸ ߖߊ߬ߡߊ ߦߋ߫ ߥߊ߫ ߟߊ߫ ߖߎ߬ߟߎߡߊ߬ ߞߘߊߥߎ߫߸ ߓߍ߯ ߞߏ߬ߣߌ߲ ߦߋ߫ ߞߊ߬ߛߌ߬ ߟߊ߫ ߡߍ߲ ߞߐ߫ ߕߋ߲߬߸ ߏ߬ ߟߋ ߞߎ߲߬ߠߊ߬ߛߌ߮ ߟߊ߫ ߞߎߡߊ ߘߌ߫.
ߜߘߍ ߟߎ߬ߣߌ߲߬ ߞߍߣߍ߲߫ ߞߐߣߊߞߙߌ߫ ߟߊ߫߸ ߊ߲ߕߊ ߍߛ.ߏ.ߍߛ ߞߌ߲߬ߘߊ ߟߊ߫، ߕߍ߬ߣߍ߲߫ ߞߡߊ߬ߙߊ߫ ߟߋ߬ ߝߊ߰ߣߍ߲߫ ߞߌ߬ߛߍ ߟߊ߫߸ ߞߵߊ߬ ߞߣߐ ߕߏ߫ ߞߊߙߏ߫ ߛߋߦߌ߲߫ ߘߐ߫ (ߞߣߐߡߦߊ)، ߡߋߘߌߦߊߖߌߣߋ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߣߌ߲߬ ߓߏ߲߫ ߘߊ߫ ߞߌ߬ߛߍ ߟߋ߬ ߟߊ߫߸ ߊ߬ ߟߊ߫ ߓߏ߲ ߞߣߐ߫߸ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲ ߞߐ ߘߐ߫ ߊ߬ ߟߊ߫ ߟߎ ߘߊߝߍ߬.
ߓߘߍ߬ߓߘߍ߬ߟߌߖߌ߬ߣߍ߬ߞߊ ߟߎ߬ ߦߋ߫ ߞߊ߬ߝߏ߬ߙߋ߲߬ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߞߐߖߋߓߌ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߡߎ߬ߕߎ߲߬߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߞߊ߯ߙߌ ߣߌ߲߬ ߡߊ߬ ߖߡߊ߬ߣߊ ߝߊ߲߭ ߓߍ߯ ߘߐ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߣߐ߫߸ ߛߊ߬ߙߌ߬ߦߊ߬ߦߊ߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߟߏ߲ ߕߎ߲߬ ߦߋ߫ ߂߀߂߆ ߘߓߊ߬ߕߊ ߃߁ ߡߍ߲ ߘߌ߫߸ ߊ߬ ߢߣߊߕߊߟߌߟߊ ߟߎ߬ ߟߊ߫ ߓߐߟߌ ߕߜߋߦߊ߫ ߘߊ߫ ߟߋ߬ ߝߛߊߦߌ߫، ߞߵߏ߬ ߕߊ߬ ߞߵߏ߬ ߟߊ߫ ߢߣߊߕߊߟߌ߫ ߖߐ߯ߙߊ߲ ߠߎ߬ ߟߊ߫ ߘߛߍ ߞߊ߲߬ ߢߣߊߕߊߟߌ߫ ߛߓߍߘߊ߫ ߛߌߦߊߡߊ߲߫ ߞߣߐ߫ ߛߌ߯ߙߌ߲߫ ߛߏ ߖߍ߬ߘߍ ߞߣߐ߫.
ߓߘߍ߬ߓߘߍ߬ߟߌߥߛߊ߬ߘߋ߲߬ߧߊ߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ ߟߎ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߣߐ߫ ߡߊ߬ߝߊ ߟߋ߬ ߘߐ߫ ߞߊ߯ߙߌ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߟߋ߬ ߃߁ ߡߊ߬، ߓߊ߬ߙߌ߬߸ ߢߣߊߕߊߟߌ߫ ߕߊ߲ߓߊ߲ ߡߍ߲ ߠߎ߬ ߞߎ߲ߝߊ߲ߓߐ߫ ߘߊ߫߸ ߢߣߊߕߊߟߌߟߊ ߟߎ߬ ߣߌ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟ߫ߌ ߛߓߍߘߊ ߘߊ ߡߊ߫ ߟߊߞߊ߬ ߖߏߣߊ߫߸ ߜߟߍ߬ߦߊ ߕߘߍ߬ ߢߣߊߕߊߟߌ ߞߎ߲߬ߠߊ߬ߛߌ߰ߓߊ߮ ߟߎ߫ ߖߍ߬ߘߍ ߥߊ߫ ߦߙߐ ߞߏ ߘߐ߫߸ ߖߡߊ߬ ߛߎ߮ ߏ߬ ߘߏ߲߬ ߝߣߊ߫ ߡߊ߫ ߓߐ߫.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߘߌ߯ߣߊߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߛߊߟߌߝߎߥߊ ߞߍ߫ ߞߊ߲ߞߊ߲߫ ߕߌ߲ߓߌߘߌ߲ߘߓߊ ߟߋ߬ ߟߊ߫، ߊ߬ ߣߴߊ߬ ߝߊ߬ߛߏ ߡߐ߱ ߟߎ߫ ߟߋ߬ ߞߊ߬ ߛߊߟߌߝߎߥߊ ߢߊ߰ߢߊ߮ ߏ߬ ߞߍ߫ ߢߐ߲߯ ߝߍ߬ ߓߌ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߌ߯ߙߌ߲߫ ߞߣߐ߫ ߕߋ߲߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆ ߣߌ߲߬ ߡߊ߬߸ ߛߌ߬ߟߊ߬ߡߊ ߟߎ߬ ߟߐ߬ߣߍ߲߫ ߕߍ߬ߘߍ߫ ߖߎ߬ߟߎߡߊ߬ ߝߊ߲߬ ߛߌߦߊߡߊ߲߫ ߠߋ߬ ߘߐ߫߸ ߊ߬ߟߎ߬ ߟߊ߫ ߘߐ߲߬ߞߌ߲ ߟߌ߬ߦߊ߲߬ ߛߊ߲߬ ߞߏ ߘߐ߫، ߓߌߦߊ߲ ߠߋ߬ ߛߐ߲߬ߞߐ ߜߍ߬ߟߍ߲߬ߡߊ߲߫ ߓߊ߬߸ ߓߌߦߊ߲ ߠߋ߬ ߖߍ߬ߘߍ ߛߐ߬ߘߐ߲ ߜߍ߬ߟߍ߲߬ߡߊ߲߫ ߓߊ߬߸ ߣߌ߲߬ ߓߍ߯ ߟߋ߬ ߕߘߍ߬ ߢߐ߲߮ ߘߐ߫، ߛߊ߱ ߕߊ߬ߣߍ߲ ߞߵߊ߬ ߟߊ߫ ߣߌ߬ߛߌ ߞߊ߲߬߸ ߏ߬ ߟߎ߫ ߛߐ߬ߘߐ߲ ߓߘߊ߫ ߞߍ߫ ߡߐ߱ ߟߎ߬ ߓߟߏ߫ ߓߊ߯ߙߊ ߘߌ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߊߟߌ ߜߍ߬ߙߍ߲߬ߘߍ߬ ߕߎ߬ߡߊ߬ߣߍ߲ ߢߌ߲߬ ߠߊ߫߸ ߞߌ߲ߘߦߊ߫ ߖߎ߬ߟߊ ߛߌߦߊߡߊ߲߫ ߠߋ߬ ߞߵߊ߬ߟߎ߬ ߟߊ߫ ߝߋ߲ ߠߎ߬ ߘߊ ߟߊߖߌ߰ ߓߌ߬߸ ߖߐ߲߰ߛߊ߫ ߛߊ߲߬ߠߌ߲ ߘߌ߫ ߞߍ߫، ߓߊߏ߬߸ ߛߊ߲߬ߠߌ߲ ߕߎ߲߬ ߓߘߊ߫ ߛߎߡߦߊ߫، ߡߐ߰ ߕߴߊ߬ ߝߐ߫ ߟߊ߫ ߞߏ߫ ߓߊ߲߬ߖߏ߬ߟߌ߬ ߦߋ߫ ߛߊ߫߸ ߓߊ߬ߙߌ߬߸ ߓߛߌ߬ߞߟߌ߬ ߓߟߏ ߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߓߌ߬ ߞߐ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߂߆ ߣߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߣߐ߬ ߛߋ߲߬ߠߊ߬ߓߐ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ ߥߊ߫ ߛߋ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫ ߞߵߊ߬ ߓߍ߲߬ ߟߐ߯ߝߍ ߖߍ߬ߘߍ ߛߌ߬ߝߊߘߌ ߟߐ߲߫ ߡߊ߬ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߣߌ߲߬ ߘߐ߫
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߓߌ߬ ߞߐ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߂߀߂߆ ߣߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߣߐ߬ ߛߋ߲߬ߠߊ߬ߓߐ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ ߥߊ߫ ߛߋ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫ ߞߵߊ߬ ߓߍ߲߬ ߟߐ߯ߝߍ ߖߍ߬ߘߍ ߛߌ߬ߝߊߘߌ ߟߐ߲߫ ߡߊ߬ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߣߌ߲߬ ߘߐ߫
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߘߍ߭ߞߊ߬ ߓߍ߲߬ ߞߊ߲߬ߞߊߟߌ ߟߏ߲ߓߊ߫ ߡߊ߲߬ߕߏ߲߬ߟߊ߬ߞߊ ߓߍ߲߬ߒ߬ߛߋ߲߬ߡߊ ߡߊ߬߸ ߞߊ߲ߞߊ߲߫߸ ߛߌ߯ߙߌ߲߫߸ ߞߌ߲ߘߌߦߊ߫߸ ߏ߬߬ ߟߎ߫ ߛߌ߰ߓߊ߮ ߟߎ߫ ߞߊ߬ ߟߊ߬ߛߙߋ߬ߦߊ߬ߟߌ ߘߏ߫ ߟߎ߫ ߞߍ߫ ߞߊ߲߬ߞߊߟߌ ߟߊ߫ ߞߏ ߘߐ߫߸ ߥߟߊ߫ ߓߌ߲ߢߎ߮، ߡߌ߲߬ߕߊ߬ ߛߘߊߡߊ ߢߌ߲߬ ߠߊ߫ ߞߏ ߞߐߝߍ߬߸ ߞߎߡߊ߫ ߛߌߦߊߡߊ߲߫ ߠߋ߬ ߦߴߊ߬ ߞߐ߫߸ ߊߘߡߊߦߊ ߘߐߞߙߊ ߦߴߊ߬ ߣߐ߬ߟߊ߫߸ ߣߋ߬ߦߌ ߦߴߊ߬ ߣߐ߬ߟߊ߫߸ ߡߊ߲߬ߕߙߐ ߘߏ߫ ߟߎ߫ ߝߣߊ߫ ߦߴߊ߬ ߣߐ߬ߟߊ߫ ߘߊ߲߬ߠߊ߬ߕߊߡߌ߲ ߛߌߟߊ ߝߍ߬߸ ߞߍ߲ߘߍߦߊ ߖߐ߬ߘߐ ߟߎ߬ ߝߣߊ߫ ߦߴߊ߬ ߣߐ߬ߟߊ߫.
ߕߋߟߋ߲ߓߊ߯ߦߊߓߏ߬ߙߌ߬ߝߋ߲߬ߕߌ߰ ߛߌߦߊߡߊ߲߫ ߠߋ߬ ߕߎ߬ߡߊ߬ߙߋ߲߬ ߦߙߌߞߊ߫ ߞߍ߫ ߟߊ߫ ߕߋ߬ߟߋ ߞߘߐ߫ ߕߋ߲߬߸ ߛߴߊ߬ߟߎ߬ ߘߌ߫ ߖߌߥߎ ߛߐ߬ߘߐ߲߬߸ ߓߊ߬ߙߵߊ߬ ߕߍ߫ ߓߍ߲߬ ߠߊ߫، ߢߣߊߕߐߡߐ߲ߠߌ߲ ߣߌ߫ ߘߏߣߍ߲߫ ߓߐ ߓߘߊ߫ ߓߌ߬ߟߴߊ߬ ߘߐ߫ ߖߌߥߎߘߊ߫ ߛߌߦߊߡߊ߲߫ ߠߊ߫، ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߢߊ߫ ߛߐ߬ߘߐ߲߬ߣߍ߲߬ ߕߍ߫ ߖߌߥߎ߫ ߞߏ߫ ߜߟߍߦߊ ߣߌ߲߬ ߡߊ߬ ߝߊ߰ߡߊ ߟߎ߬ ߓߟߏ߫.
ߓߘߍ߬ߓߘߍ߬ߟߌߦߏߡߌ߲߬ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲ ߞߏ߫ ߋߟߌ߫ ߞߡߊ߬ߣߏ߫ ߡߍ߲ ߦߋ߫ ߖߌ߬ߣߍ߫ ߖߏ߰ߛߏ߬ߖߊ߯ߛߊ߬ߟߊ ߘߏ߫ ߘߌ߫ ߸ ߞߴߏ߬ ߟߊ߫ ߞߎߡߊ ߜߊ߬ߣߍ߲߫ ߘߍ߬ߞߙߏߝߏ ߟߎ߫ ߞߊ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߞߴߏ߬ ߞߎ߲߭ ߞߍ߫ ߓߌ߬ߟߊ߬ ߘߌ߫ ߖߌ߬ߣߍ߬ ߛߌߦߊ ߘߏ߫ ߟߎ߫ ߟߊ߫ ߞߵߊ߬߬ ߕߏ߫ ߓߙߎߞߌߣߊ߫ ߝߊ߬ߛߏ߬ ߸ ߏ߬ ߟߋ ߞߐ ߘߐ߫ ߸ ߊ߬ ߞߊ߬ ߖߌ߬ߦߊ߬ߖߟߎ ߘߏ߫ ߞߍ߫ ߸ ߊ߬ ߦߋ߫ ߦߊ߬ߝߊ ߘߋߟߌ߫ ߟߊ߫ ߖߌ߬ߣߍ߬ߞߊ ߓߍ߯ ߝߍ߬ ߡߍ߲ ߘߐ߫
ߜߘߍ ߟߎ߬ߣߌ߲߬ ߞߍߣߍ߲߫ ߓߎ߬ߙߋ߬ ߓߎߞߊߙߌߦߊ߫ ߟߋ߬߸ߛߌ߯ߙߌ߲߫ ߡߙߊ߬ߘߊ߬ߓߊ ߘߐ߫، ߘߋ߲ߣߍ߲߫ ߛߊ߲߬ ߇ ߘߏ߫ ߟߋ߬ ߛߎ߭ ߦߋߣߍ߲߫ ߞߐ߲߬ߛߏ߬ ߞߏߙߏ߲ ߘߏ߫ ߞߣߐ߫߸ ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߞߐߝߟߌ ߟߊߓߐ ߘߎ߰ߛߊ߬ߜߍ ߡߊ߬. ߛߌߞߊ߫ ߞߍߣߍ߲߫ ߞߏ߫ ߊ߬ ߡߊ߫ ߛߎߘߊ߲߫ ߡߍ߲ߞߍ߬߸ ߏ߬ ߟߋ ߞߵߊ߬ ߟߐ߬ ߊ߬ ߓߊ߲߬ ߠߊ߫ ߘߏ߲߬ ߠߊ߫ ߟߎ ߞߣߐ߫، ߢߊߢߌߣߌ߲߫ߠߌ߲߫ ߝߏߦߌ߬ ߞߏ߬ߣߌ߲߬ ߡߊ߫ ߞߍ߫ ߊ߬ ߟߊ߫ ߡߎߣߎ߲߬.
ߘߍ߭ߞߛߌ߬ߘߎ߯ ߞߣߐ߫߸ ߘߏ߲߬ߛߏ ߟߎ߫ ߣߐ߬ ߛߘߊߞߊߓߐߓߊ߫ ߟߋ߬ ߞߍ߫ ߟߊ߫߸ ߞߊ߬ ߘߎ߬ߥߊ߬ߥߎ ߞߍ߫ ߖߡߊ߬ߣߊ ߦߋ߫߸ ߊ߬ߟߎ߬ ߟߊ߫ ߞߎ߲߬ߕߌ߰ ߞߎߘߊ ߟߎ߬ ߦߋ߫، ߝߏ߫ ߞߛߌ߬ߘߎ߯ ߞߊ߬ߝߏ߬ߙߋ߲߬ߕߌ߮ ߞߊ߬ ߓߋ߬ߝߘߍ߫ ߝߌ߬ߟߊ߬ ߘߌ߫ ߘߏ߲߬ߛߏ ߟߎ߫ ߡߊ߬߸ ߊ߬ߟߎ߬ ߟߊ߫ ߖߊ߲߬ߖߏ߲ ߠߎ߬ ߞߍ߫ ߞߊ߲ߡߊ߬.
ߓߟߏߟߊߓߊ߯ߙߊߞߊ߲ߞߊ߲߫ ߞߣߐ߫߸ ߞߙߊߟߌߟߊ ߟߎ߬ ߦߋ߫ ߓߊ߯ߙߊ߫ ߟߊ߫ ߟߋ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫ ߛߎ ߣߌ߫ ߕߋ߬ߟߋ، ߘߏ߫ ߟߎ߫ ߦߋ߫ ߞߎߡߊ ߞߊ߲߬߸ ߊ߬ߟߎ߬ ߟߊ߫ ߝߊ߰ߣߌ߲ ߠߞߊߟߌߦߊ߫ ߞߏ ߘߐ߫߸ ߘߏ߫ ߟߎ߫ ߦߋ߫ ߞߎߡߊ ߟߊ߫ ߝߊ߰ߣߌ߲ ߛߐ߬ߘߐ߲߬ߓߊߟߌߦߊ ߞߊ߲߬ ߟߐ߯ߝߍ ߘߐ߫߸ ߞߙߊߟߌߟߊ ߟߎ߫ ߖߍ߬ߘߍ ߝߣߊ߫ ߘߌ߫ ߝߊ߰ߣߌ߲ ߘߏ߫ ߟߎ߫ ߟߊߡߌ߬ߣߊ߬ ߤߌߣߊ ߡߊ߬߸ ߏ߬ ߘߌ߫ ߟߊߓߊ߲߫ ߊ߬ߟߎ߬ ߕߐ߮ ߕߌߢߍ ߡߊ߬.
ߘߍ߭ߊ߬ ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߛߌ߯ߙߌ߲߫ ߛߏߞߣߐߟߊ ߦߋ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߕߍߡߊ߬߸ ߡߍ߲ ߓߘߊ߫ ߟߊߓߊ߲߫ ߖߌߥߎ ߕߎߣߎ߲ ߡߊ߬ ߖߋߎ߲߫، ߛߊߟߌ ߟߋ߬ ߘߏ߲߬ ߓߘߊ߫ ߛߎ߬ߘߎ߲߬ߧߊ߫ ߕߋ߲߬߸ ߖߌߥߎ ߛߐ߲߬ߞߐ ߓߘߊ߫ ߦߟߍ߬߸ ߊ߬ ߓߘߊ߫ ߘߌ߯ ߘߊߞߎ߲ ߓߍ߯ ߘߏ߫ ߟߊ߫ ߕߋ߲߬.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߓߊ߲߬ߞߐ߬ ߡߍ߲ ߦߋ߫ ߡߏ߬ߙߌ߬ߓߊ߬ߦߊ߫ ߡߊ߬ߙߊ ߘߐ߫ ߞߊ߲ߞߊ߲߫ ߡߙߊ߬ߘߊ߬ߡߊ ߘߐ߫߸ ߝߢߐ ߣߐ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߛߌ߬ߓߏ߲ ߣߌ߫ ߞߊ߬ߙߊ߲߬ߕߊ ߣߌ߫ ߦߙߌߝߍ ߟߎ߬ ߘߐ߫، ߛߏ ߣߌ߲߬ ߞߣߐ߫ ߡߐ߮ ߟߎ߬ ߦߋ߫ ߞߊ߬ߛߌ߬ ߟߊ߫ ߕߋ߲߬߸ ߊ߬ߟߎ߬ ߓߘߴߊ߬ߟߎ߬ ߛߋߞߏ ߞߍ߫ ߊ߬ߟߎ߫ ߖߘߍ߬ ߦߋ߫߸ ߒ߬ߞߊ߬ ߞߎ߲߬ߠߊ߬ߛߌ߮ ߢߊ߫ ߕߴߊ߬ߟߎ߬ ߘߐ߫.
ߞߍߞߎߘߊߗߍ߭ ߘߏ߫ ߟߋ߬ ߛߎ߭ ߦߋߣߍ߲߫ ߛߏߜߍ ߞߌ߲߬ߘߊ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߕߎ߬ߡߊ߬ߙߋ߲߬ ߦߙߌߞߊ߫ ߞߍ ߞߐߝߍ߬ ߊ߬ ߓߟߏ߫ ߖߊ߲߬ߞߊߙߏ ߘߐ߫ ߟߊ߬ߓߌߟߊ ߕߍߡߊ߬ ߛߎ߬ߣߎ߲߬ߞߎ߬ ߓߛߌߞߌ߫ ߞߊ߲߬، ߞߌ߲߬ߘߊ ߞߏߟߊߕߍ߮ ߟߎ߬ ߞߊ߬ ߘߊ߲ߘߊߛߏ ߟߊߟߐ߲ߠߌ߲߫ ߓߌߟߏ߲߸ ߏ߬ ߟߎ߬ ߥߊ߫ ߘߊ߫ ߛߋ߲߬ߘߐ߬ߞߎߟߎ߲ ߘߌ߫ ߝߛߊߦߌ߫߸ ߓߊ߬ߙߵߊ߬ߟߎ߬ ߡߊ߫ ߛߊ߫ ߥߊ߫ ߟߊ߫ ߖߊ߲߬ߞߊ߬ߙߏ߬ߕߐ ߣߌ߲߬ ߘߌ߫ ߘߊ߲ߘߊߛߏ ߟߊ߫߸ ߖߋ߬ߟߌ߬ߛߎ߲ ߘߏ߲߬ ߘߴߊ߬ ߟߊ߫ ߞߵߊ߬ ߟߊߣߍ߲ ߕߏ߫ ߛߎ߬ߣߎ߲߬ߞߎ߲ ߞߊ߲߬ ߠߋ߬ ߞߵߊ߬ߟߎ߬ ߞߐߘߏ߲߬ ߊ߬ ߟߊ߫߸ ߏ߬ ߟߋ ߞߐ ߞߍߣߍ߲߫ ߊ߬ ߟߊ߫ ߛߊ߬ߦߊ ߘߌ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬.
ߞߍߞߎߘߊߞߎ߲߬ߠߊ߬ߛߌ߮ ߓߘߊ߫ ߔߏߞߑߟߍ߲߫ ߓߊ߯ߙߊ ߟߊߕߐ߲߫ ߛߌ߯ߙߌ߲߫ ߞߣߐ߫ ߝߛߊߦߌ߫߸ ߓߊ߬ߙߵߊ߬ߟߋ߬ ߘߊ߬ߡߊ߲߬ߛߋ߲߬ ߕߙߏߞߏ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߐ߭ ߡߍ߲ ߕߌߢߍ߫ ߛߌ߯ߙߌ߲߫ ߞߣߐ߫߸ ߏ߬ ߘߌ߫ ߗߍ߬ߡߍ߫ ߝߌ߬ߟߊ߫ ߖߊ߬ߕߋ߬ ߓߐ߫߸ ߞߊ߬ ߓߍ߲߬ ߘߌ߲߬ߞߌߙߊ ߞߏߟߊߕߍ߮ ߟߎ߬ ߟߊ߫ ߝߐߟߌ ߡߊ߬.
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߟߊ߬ߞߟߏ߬ߞߟߏ߬ߟߌߞߊ߲ߞߊ߲߫ ߖߊ߯ߓߘߊ߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߓߘߊ߫ ߛߋ߲߬ߕߊ߬ ߓߟߋߓߟߋ߫ ߞߍ߫ ߝߊ߬ߛߏ߬ ߞߊ߲ ߠߎ߬ ߛߊ߲ߞߘߐߕߊ߭ ߘߐ߫ ߖߌ߬ߣߍ߬ ߞߣߐ߫߸ ߞߊ߬ ߒߞߏ ߞߊ߬ߙߊ߲ ߣߴߊ߬ ߢߊߢߌߣߌ߲ ߕߌߙߌ߲ߘߊ߫ ߓߟߏߡߊߞߊ߬ߣߍ߲ ߘߏ߫ ߘߊߦߟߍ߬، ߏ߬ ߦߋ߫ ߡߙߌߦߊ߫ ߓߘߍߓߊ߫ ߟߋ߬ ߘߌ߫߸ ߡߍ߲ ߓߍ߯ ߦߋ߫ ߕߊ߬ߡߌ߲߬ ߠߊ߫ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߕߐ߬ߣߐ ߟߊ߲ߞߣߍߡߊ߫ ߟߊ߫.
ߕߋߟߋ߲ߓߊ߯ߦߊߘߍ߬ߒ߬ߡߊ߬ ߟߊߛߋߟߌ߫ ߟߋ߬ ߞߍߣߍ߲߫ ߂߀߂߆ ߘߓߊ߬ߕߋ ߕߟߋ߬ ߇ ߡߊ߬߸ ߖߌ߬ߣߍ߬ ߞߕߌߓߋߟߋ߲߫ ߝߌ߬ߟߊ ߓߟߏ߫߸ ߞߊ߲ߞߊ߲߫ ߕߊ ߣߌ߫ ߞߐߣߊߞߙߌ߫ ߕߊ߸ ߞߵߊߟߎ߫ ߕߣߊ߬ ߜߍߟߍ߲ ߟߊ߫ ߘߊ߱ ߘߐ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߞߍ ߡߊ߬ ߛߌߟߊ߫ ߞߊ߲ߠߊ ߟߎ߬ ߣߌ߫ ߟߐ߯ߝߍ߫ ߞߣߐߟߊ ߟߎ߬ ߣߌ߫ ߡߍ߲߬ߛߍ߲߬ߧߊ߬ߘߊ ߟߎ߬ ߣߌ߫ ߓߊ߯ߙߊ߫ ߦߙߐ ߟߎ߬ ߘߐ߫، ߞߕߌ ߝߊ߰ߡߊ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߓߍߣߊ߬ ߥߊߟߋ߫ ߖߎ߯ ߛߎ߮ ߏ߬ ߞߍߓߊ߮ ߟߎ߫ ߣߐ߭ߡߌ߬ߣߊ߬߸ ߘߋ߲ߣߍ߲ ߠߎ߬ ߤߊߞߍ ߟߊߕߊ߲߬ߞߊ߬ߓߊߟߌߦߊ ߞߏߛߐ߲߬.
ߜߘߍ ߟߎ߬ߕߊ ߥߟߌ߬ߣߍ߲߫ ߕߦߏߕߊ߫ ߞߐ߲ߛߏ ߘߏ߫ ߟߋ߬ ߟߊ߫ ߓߌ߬ ߓߌߟߏ߲ ߣߌ߲߬ ߡߊ߬ ߋߣߍߙߑߖ߭ߌ߫ ߞߌ߲߬ߘߊ ߟߊ߫ ߛߌ߯ߙߌ߲߫߸ ߊ߰ ߝߐ߫ ߟߊ߫ ߞߐ߲߬ߛߏ ߛߎ߯ߦߊ ߢߌ߲߬ ߠߋ߬ ߡߊ߬ ߡߐ߰ ߛߌߦߊߡߊ߲߫ ߓߟߏ߫ ߞߏ߫ >، ߡߐ߰ ߞߏ߬ߣߌ߲߬ ߡߊ߫ ߓߐ߬ߣߐ߫ ߊ߬ ߣߌ ߘߐ߫ ߓߌ߬ߟߊ߬ߒ߬ߘߐ ߣߌ߲߬ ߘߐ߫߸ ߞߐ߲߬ߛߏ ߞߏ߬ߣߌ߲ ߘߐߕߌߢߍߣߍ߲߫ ߠߋ߬ ߝߋߝߋ߫.
ߓߘߍ߬ߓߘߍ߬ߟߌߢߊߞߎߘߦߊߟߌ ߣߌ߫ ߢߍߕߊ߮ ߢߌ߲߬ߧߊ ߞߙߎߞߊ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ߸ ߡߊ߬ߡߊ߬ߘߌ߬ ߞߋߕߊ߬ ߡߍ߲ ߦߋ߫ ߞߙߎߞߊ߫ ߞߋߟߋ߲ ߣߌ߲߬ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߣߌ߲߬ ߛߙߍߘߍ߫ ߝߊ߬ߛߏ߬ߟߊ߬ߞߊ ߞߊ߲߬߸ ߏ߬ ߞߊ߬ ߘߏ߫ ߢߊߝߐ߫ ߊ߬ߟߎ߬ ߟߊ߫ ߞߙߎߞߊ ߢߌߣߌ߲ߞߏ ߟߎ߬ ߣߴߊ߬ ߟߊ߬ߢߌߣߌ߲ ߠߎ߬ ߘߐ߫ ߓߌߟߏ߲ ߣߌ߲߬ ߡߊ߬߸ ߏ߬ ߡߍ߲ ߢߍߡߌ߬ߣߊ߬ߣߍ߲߫ ߡߏ߬ߤߊ߬ߡߍߘ ߣߊ߬ߓߋ ߓߟߏ߫، ߊ߬ ߟߊ߫ ߢߊߝߐߟߌ ߟߎ߬ ߘߐ߫߸ ߟߊ߬ߞߟߏ߬ߞߟߏ߬ߟߌ߸ ߛߍ߬ߣߍ߸ ߦߙߎ߬ߞߎ߬ߦߙߎߞߎ ߞߍ߬ߟߍ߸ ߊ߬ ߣߌ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߸ ߏ߬ ߟߎ߫ ߟߋ߬ ߝߟߐߦߊ ߟߴߊ߬ߟߎ߬ ߓߟߏ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߬ ߓߍ߲߬ ߝߋ߲ ߠߎ߬ ߛߐ߲߬ߞߐ ߦߍ߬ߟߍ ߡߊ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫߸ ߞߊ߲ߞߊ߲߫ ߡߙߊ߬ߓߊ߮ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߙߌߘߐ߫ ߜߍߟߍ߲߫ ߛߌߦߊߡߊ߲߫ ߠߋ߬ ߕߊ߬߸ ߞߊ߬ ߓߍ߲߬ ߛߏ߬ߓߏ ߛߐ߲߬ߞߐ ߟߊ߫ ߦߍ߬ߟߍ ߡߊ߬.
ߒߞߏߒߞߏ ߛߌ߲ߘߌ ߛߊ߲߬ ߇߈߲ ߓߟߏߘߐߓߍ߲ ߡߍ߲ ߠߎ߬ ߦߴߌߘߐ߫ ߡߊ߲߬ߖߊ߲߬ߠߊ߫ ߒߟߕ ߘߍ߬ߞߙߎ ߓߟߏ߫߸ ߏ߬ ߟߋ ߛߐ߰ߒ߬ߡߊ ߞߍߣߍ߲߫ ߦߌ߬ߘߊ߬ߥߟߊ߬ ߕߘߎ ߘߌ߫߸ ߡߍ߲ ߘߊߡߌ߬ߣߊ߬ߣߍ߲߫ ߂߀߂߆ ߘߓߊ߬ߕߊ ߕߟߋ߬ ߅ ߣߌ߲߬ ߡߊ߬، ߒߞߏ ߟߕ ߣߐ߬ ߢߌ߲߬ ߠߊߥߟߌ߬ ߟߊ߫ ߝߊ߬ߛߏ߬ ߞߊ߲ ߠߎ߬ ߛߊ߲ߞߘߐߕߊ߭ ߟߋ߬ ߡߊ߬ ߝߘߏ߬ߓߊ߬ ߘߌ߲ߞߌߙߊ ߟߎ߬ ߘߐ߫.
ߟߐ߲ߠߌ߲ߦߊߞߡߊ߬ߙߊ ߟߎ߬ ߦߋ߫ ߖߊ߲߬ߖߏ߲߬ߓߊ߫ ߟߋ߬ ߞߊ߲߬ ߛߞߍ߬ ߥߘߎߟߊ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫߸ ߡߍ߲ ߖߊ߬ߡߊ ߓߐߣߍ߲߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߝߊ߲߬ ߛߌߦߊߡߊ߲߫ ߝߍ߬ ߞߡߊ߬ ߓߏ߲ߞߣߐ ߟߎ߬ ߘߐ߫߸ ߛߘߊߞߊߓߐ ߘߌ߫ ߝߊ߬ߛߏ ߢߍ߫߸ ߊ߬ ߣߌ߫ ߓߏ߬ߟߏ߲߬ ߘߟߊ߬ߞߊ.
ߜߘߍ ߟߎ߬ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߟߋ߬ ߖߎߙߊ߲ߣߍ߲߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂ ߡߊ߬ ߞߌߢߍ߲ߞߎߘߊ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߝߊ߰ߓߊ߰ߕߐ ߦߙߌߞߊ ߦߋ߫ ߝߌߙߌ߲ߝߌߙߌ߲߫ ߛߏ߫ ߞߣߐ߫ ߡߐ߮ ߟߎ߬ ߣߌ߫ ߛߏ ߝߊ߰ߡߊ ߟߎ߬ ߕߍ߫. ߊ߬ ߞߏ߬ߣߌ߲߸ ߡߐ߰ ߞߐ߬ߣߐ߲߬ߘߐ߫ ߢߐ߲߰ ߠߋ߬ ߕߏߣߴߊ߬ ߘߐ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫ ߞߊ߬ߣߌ߲߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߣߍ߬ߞߍ ߞߏߕߌ߮߸ ߊߡߌߣߊߕߊ߬ ߞߊ߬ߓߊ ߞߊ߬ ߂߀߂߆ ߣߌ߫ ߂߀߂߇ ߛߣߍ߬ߞߍ ߓߙߊߡߊߖߊ߲ߓߊ߲ ߛߌ߰ ߟߋ߬ ߛߋ߲߬ߠߊ߫ ߓߊ߲ߞߊߟߊ߲߫ ߞߣߐ߫ ߘߓߊ߬ߕߊ ߕߋ߬ߟߋ߫ ߂ ߣߌ߲߬ ߡߊ߬، ߖߌ߬ߣߍ߫ ߞߎ߲߬ߠߊ߬ߛߌ߮ ߓߘߴߊ߬ ߦߌ߬ߘߊ߬ ߞߏ߫ ߞߐߙߐ߲ߘߌ߫ ߛߣߍ ߦߋ߫ ߢߌ߬ߣߊ߲߬ ߕߊ ߘߟߊ߫߸ ߏ߬ ߡߍ߲ ߦߋ߫ ߛߐ߬ߘߐ߲ ߠߊߥߙߎߞߌ ߛߡߊ߬ߛߋ߲ ߘߏ߫ ߘߌ߫ ߞߊ߬ߣߌ߲߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊߦߌߙߊߥߊ߯ߣߍ߲߫ ߞߣߐ߫߸ ߓߊߥߎ ߥߌ߯ߣߌ߲ ߞߐ߲ߛߐߙߑߛߌߦߐߡ ߛߌ߬ߡߊ߲߬ߘߎ߯ ߓߊ߯ߙߊߘߋ߲ ߠߎ߫ ߣߐ߬ ߝߎ߬ߙߎ߲߬ߞߎ߬ߟߌ ߟߋ߬ ߛߌ߰ ߟߊ߫ ߛߋ߲߬ߠߊ߫߸ ߖߊ߬ߡߊ ߟߊ߫ ߓߍ߲߬ߞߊ߲߬ߡߊ ߓߐߓߊߟߌߦߊ ߞߏߛߐ߲߬ ߊ߬ ߛߌߟߊ ߝߍ߬ ߞߊ߬ ߓߍ߲߬ ߘߊ߬ߡߊ߲߬ ߓߊ߯ߙߊ ߛߙߊߕߌ ߟߎ߫ ߡߊ߬، ߝߣߊ߫߸ ߊ߬ߟߎ߬ ߦߴߊ߬ߟߎ߬ ߡߊߞߊ߬ߛߌ߬ ߟߊ߫ ߡߌ߬ߣߊ߬ ߞߏ߬ ߢߌߡߊ ߣߌ߫ ߛߙߊ߬ ߞߏ߬ ߢߌߡߊ ߟߊ߫.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߓߘߍ߬ߓߘߍ߬ߟߌߞߊ߲ߞߊ߲߫ ߞߣߐ߫߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐߕߊ ߖߋ߬ߕߌ߰ߘߊ ߡߍ߲ ߦߋ߫ ߞߊ߲ߞߊ߲߫߸ ߏ߬ ߓߘߴߊ߬ ߞߊ߲ߠߊߘߌ߫ ߝߐ߰ߓߍ߬ߦߊ߬ߟߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߘߊߟߊߝߛߊ ߡߊߕߊ߲߬ߞߊ߬ ߢߣߊߕߊߟߌ ߥߎ߬ߛߎ ߣߌ߲߬ ߞߣߐ߫߸ ߞߵߊ߬ߟߎ߫ ߓߊ߲߬ ߖߎ߯ߦߊ߫ ߞߎߡߊ ߓߍ߯ ߟߊߖߍ߲ߛߍ߲ ߡߊ߬ ߟߋ߬ߟߋ ߓߍ߯ ߘߏ߫ ߘߐ߫.
ߒߞߏߒߞߏ ߛߌ߲ߘߌ ߛߊ߲߬ߞߎ߲߬ߓߍ߲ ߇߇߲ ߢߊ߰ߢߊ߮ ߛߌ߲߬ߝߏ߲߬ߧߊ߬ ߘߊ߫ ߞߊ߲ߞߊ߲߫ ߟߍߙߊߓߏ߲߫ ߟߊ߲߱ߛߌ߬ߣߍ߬ ߥߟߌߦߊߡߛ ߟߋ߬ ߞߣߐ߫߸ ߒߞߏ ߛߍ߬ߘߏ߲߬ߠߊ ߟߎ߬ ߣߴߊ߬ ߕߐ߲߫ ߛߌߦߊߡߊ߲߫ ߞߵߊ߬ߟߎ߬ ߞߙߎߝߊ߫ ߡߍ߲ ߞߣߍ ߞߊ߲߬، ߖߊ߲߬ߖߏ߲ ߞߊ߬ ߝߊ߬ߛߏ߬ ߞߊ߲ ߠߎ߬ ߟߐ߬ߘߎ߮ ߟߋ߬ ߓߌ߬ߟߊ߬ ߜߍ ߘߐ߫ ߜߙߋ ߟߊߥߙߎߞߌ ߘߐ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߓߊ߲ߓߋߓߊ߲ߓߋ ߣߌ߲߬ ߦߋ߫ ߝߘߊ߬ߝߌ߲߬ߠߊ߬ߟߊ߲߬ߘߌ߫ ߡߌ߬ߞ߭ߌ߲ߘߋ߬ ߘߊ߯ߟߌ߲߬ߘߋ߬ ߞߎߡߊ߫ ߞߊ߲ ߠߋ߬ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߣߌ߫ ߖߌ߬ߣߍ߫ ߞߎ߲߬ߠߊ߬ߛߌ߰ ߞߊ߲ ߡߊ߫ ߢߊ߬ ߛߎߥߊ߲ߘߌ ߞߐ߫߸ ߊ߬ ߦߋ߫ ߞߍ߫ ߞߊ߲߫ ߠߋ߬ ߘߌ߫߸ ߡߍ߲ ߦߋ߫ ߖߡߊ߬ߣߊ ߓߐߕߏ߲ ߞߐߛߊ߬ߥߏ߬ ߟߊ߫، ߡߊ߬ߣߌ߲߬ߞߊ߬ߞߊ߲ ߠߋ߬ ߘߏ߲߬ ߓߍ߲߬ߣߍ߲߫ ߏ߬ ߘߐ߫ ߥߟߊ߫ ߝߎߟߊߞߊ߲، ߛߏ߬ߛߏ߬ ߞߊ߲ ߛߎߥߊ߲ߘߌ ߞߍߕߐ߫ ߖߌ߬ߣߍ߬ ߟߊߞߋ߲߬ߛߎ߲߬ ߠߊ߫ ߟߋ߬ ߝߘߊ߬ߝߌ߲߬ߠߊ߫ ߞߙߎߝߊ߫ ߞߊߝߏ߫ ߣߊ߬ߕߐ ߞߣߐ߫.
ߕߍߓߊ߯ߦߊߗߋߛߓߍ߫ ߘߟߊߞߊ߬ߣߍ߲ ߘߏ߫ ߟߋ߬ ߛߓߍߣߍ߲߫ ߘߋ߲ߡߌߛߍ߲߫ ߥߊߟߌߝߊ߫ ߊ߲ߕߊ߫ ߖߐߔ ߛߥߊ߬ߣߍ߬ ߓߟߏ߫߸ ߡߍ߲ ߦߋ߫ ߦߟߌߓߌߟߊ ߣߌ߫ ߡߊ߬ߞߕߌ߬ߟߌ ߗߋߛߓߍ ߘߌ߫، ߊ߬ ߞߊ߬ ߞߐߞߊ߲ߞߏ ߟߎ߬ ߞߏߕߌ߮ ߝߏ߬߸ ߊ߬ ߡߐ߬ߟߐ߲ ߞߘߐߕߊ߭ ߘߐ߫ ߞߐߛߊ߲ ߢߌ߲߬ ߠߊ߫ ߞߊ߲ߕߌ߮ ߓߟߏ߫،ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߜߟߍ߬ߦߊ߬ ߛߌߦߊߡߊ߲߫ ߦߋ߫ ߛߐ߬ߘߐ߲߬ ߠߊ߫ ߖߌ߬ߣߍ߬ߞߊ ߟߎ߬ ߓߟߏ߫ ߋߙߐߔߎ߬ ߞߣߐ߫߸ ߖߌ߬ߣߍ߬ ߟߏ߲ߟߊ߲ߞߎ߲ߕߌ߯ߘߊ ߘߏ߫ ߟߎ߫ ߟߊ߫، ߊ߬ ߟߊ߫ ߗߋߛߓߍ ߣߌ߲߬ ߞߣߐ߫߸ ߛߓߍ߫ ߛߐߘߐ߲ ߞߏߢߊ ߟߎ߫ ߛߋ߲߬ߠߊ߬ ߛߎߡߦߊ ߦߴߊ߬ ߘߐ߫߸ ߡߞߊ߬ߘߊ߲߬ߠߌ߲߬ߓߊߟߌߦߊ ߦߴߊ߬ ߘߐ߫߸ ߊ߬ ߣߌ߫ ߞߏ߫ ߟߎ߫ ߞߍߟߌ ߟߏ߲ߟߊ߲ߞߎ߲ߕߌ߯ߘߊ ߟߊ߫߸ ߡߍ߲ ߠߎ߬ ߡߊ߲߫ ߞߊ߲߫، ߏ߬ ߘߐ߫߸ ߊ߬ ߞߊ߬ ߞߟߌߟߌ ߞߍ߫ ߗߋߛߓߍ ߣߌ߲߬ ߞߣߐ߫߸ ߞߏ߫ ߝߏ߫ ߞߊ߬ ߦߟߍ߬ߡߊ߲ ߘߏ߲߬ ߞߏ߫ ߛߌߦߊߡߊ߲߫ ߘߐ߫.
ߓߘߍ߬ߓߘߍ߬ߟߌߛߓߊ߬ߘߎ߰ ߓߙߊߣߊ߬ߡߊ߫ ߛߌ߰ߓߊ߮ ߟߎ߬ ߓߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߊ߬ߟߎ߬ ߟߊ߫ ߛߙߍߘߍ ߡߊߦߟߍ߬ߡߊ߲ ߞߏߛߐ߲߬ ߊ߬ߟߎ߫ ߢߌ߬ߣߊߡߊ߬، ߊ߬ߟߎ߫ ߞߊ߬ ߡߍ߲ ߕߐ߮ ߟߊߕߊ߯߸ ߞߵߏ߬ ߓߐ߫ ߦߋ߲߬ ߞߊ߬ ߡߐ߰ ߜߘߍ߫ ߕߐ߮ ߓߌ߬ߟߊ߬߸ ߊ߬ߟߎ߫ ߕߍ߫ ߡߍ߲ ߞߊ߬ߟߊߡߊ߬، ߊ߬ߟߎ߬ ߝߣߊ߫ ߞߊ߲߫ ߞߏ߫ ߣߌ߫ ߥߞߓ ߞߏߟߊߕߍ߮ ߟߎ߬ ߡߊ߫ ߢߊ߫ ߢߌߣߌ߲߫ ߊ߬ ߡߊ߬߸ ߢߣߊߕߊߟߌ߫ ߕߍߣߊ߬ ߞߍ߫ ߟߊ߫ ߛߓߊ߬ߘߎ߰ ߓߙߊߣߡߊ߬.
ߟߊ߬ߞߟߏ߬ߞߟߏ߬ߟߌߊ߬ ߡߊ߫ ߕߟߋ߬ ߞߋߟߋ߲ ߓߐ߫߸ ߞߊ߲ߞߊ߲߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߓߘߊ߫ ߝߐ߫ ߊ߬ ߟߊ߫ ߞߊ߬ߙߊ߲߬ߠߊ߬ߘߋ߲߫ ߝߌ߬ߟߊ߬ ߟߊ߫ ߝߏߘߋߦߊ ߂߲ ߠߊ߫߸ ߊ߬ ߓߍ߯ ߛߊ߬ߣߍ߲߫ ߞߵߊ߬ ߕߎ߬ߙߎ ߞߍ߫ ߖߊ߲߬ߞߊߙߏ߫ ߞߎ߲߬ߘߐ߬ߛߎߘߎ߲ ߠߋ߬ ߘߌ߫، ߛߊ߬ߦߊ߫ ߝߌ߬ߟߊ߬ߣߍ߲ ߏ߬ ߓߘߊ߫ ߞߍ߫ ߛߎ߬ߣߎ߲߬ ߞߏ߬ߓߊ߫ ߘߌ߫ ߖߊ߯ߓߘߊ ߡߊ߬ ߕߋ߲߬.
ߞߌ߬ߓߊ߬ߙߏߗߍ߬ ߛߣߍ߬ߞߍ߬ߟߊ߫ ߞߊ߲߬ߜߍ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߘߏ߫ ߓߘߴߊ߬ ߖߘߍ߬ ߓߏ߲߫ ߡߊ߬ߙߌ߬ߝߊ ߟߊ߫ ߞߵߏ߬ ߞߍ߫ ߊ߬ ߛߕߊ ߘߌ߫ ߖߙߊ߬ߜߍ߬ߟߊ߫߸ ߞߙߎ߬ߛߊ߬ ߛߏ ߞߣߐ߫. ߛߙߋ߫ ߛߐ߬ߘߐ߲߬ߣߍ߲߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߰ߕߍ߮ ߟߋ߬ ߞߍߣߍ߲߫ ߊ߬ ߛߓߊߓߎ ߘߌ߫ ߊ߬ ߟߊ߫ ߓߐ߬ߟߐ߲߬ߞߊ ߟߊ߫ ߛߊ߬ߦߊ ߞߐ ߣߌ߲߬ ߘߐ߫.
ߓߘߍ߬ߓߘߍ߬ߟߌߡߎ߲߬ ߠߊ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߕߎ߲߬ ߡߊ߫ ߒߞߏ ߛߓߍߟߌ ߣߌ߫ ߊߘߑߟߊߡ ߘߟߊߡߌ߬ߣߊ߬ ߤߊ߲߯ ߕߋ߲߬؟ ߖ߭ߋߣߊߓ ߓߊ߲߬ߜ߭ߎߙߊ߬ ߟߊ߫ ߖߊ߬ߕߋ߬ ߘߐ߫߸ ߏ߬ ߦߋ߫ ߕߋߟߋ߲ߓߊߟߌߦߊ߫ ߞߘߐߞߘߐ ߟߋ߬ ߘߌ߫߸ ߞߎ߲߬ߠߊ߬ߛߌ߮ ߣߐ߬ ߡߍ߲ ߣߐ߭ ߘߐߓߍ߲߬ ߠߊ߫ ߟߊ߬ߕߍ߰ߦߊ߬ ߘߐ߫߸ ߡߍ߲ ߠߊߓߐ߫ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߇ ߕߊ߬ߡߌ߲߬ߣߍ߲ ߣߌ߲߬ ߡߊ߬.
ߟߐ߲ߠߌ߲ߦߊߖߌ߬ߣߍ߬ ߓߘߊ߫ ߒߞߏ ߛߓߍߟߌ ߣߌ߫ ߊߘߑߟߊߡ ߘߊ߲ߞߎ߲߫ ߞߎ߲߬ߠߊ߬ߛߌ߰ ߞߎ߲ߘߊ߫ ߡߎ߬ߕߎ߲߬ ߛߍߣߍ߲߬ ߝߋߎ߫، ߏ߬ ߡߍ߲ ߞߍ߫ ߘߊ߫ ߞߊ߲ߕߌ߮ ߟߊ߫ ߟߊ߬ߕߍ߰ߦߊ ߘߏ߫ ߛߋ߲߭ߝߍ߬ ߂߀߂߆ ߞߏ߲ߞߏߘߓߌ ߕߟߋ߬ ߁߇ ߡߊ߬، ߏ߬ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߘߌ߫ ߝߊ߬ߛߏ߬ ߞߊ߲ ߠߎ߬ ߟߊ߫ ߞߏ ߘߐ߫، ߡߙߌߘߐ ߣߌ߲߬ ߓߘߊ߫ ߣߊ߬ ߛߌߟߊ ߟߊߞߊ߬ ߝߊ߬ߛߏ ߞߊ߲ ߠߎ߬ ߣߴߊ߬ ߛߓߍߟߌ ߟߎ߬ ߦߋ߫ ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ߬ ߘߊߞߎ߲ ߠߎ߬ ߘߐ߫ ߡߎ߬ߕߎ߲߬.
ߓߘߍ߬ߓߘߍ߬ߟߌߛߛߞ ߓߘߊ߫ ߞߊ߲ߕߌ߮ ߝߏ߬ ߞߵߊ߬ ߞߎߟߎ߲ߖߋ߫ ߝߊ߬ߛߏ߬ ߞߊ߲ ߠߎ߬ ߟߊߘߏ߲߭ ߘߐ߫ ߞߊ߲ߕߌ߯ߘߊ ߓߌ߬ߟߊ߬ߢߐ߲߰ߡߊ ߘߐ߫. ߊ߬ߟߎ߬ ߞߊ߲߫ ߞߏ߫ ߣߌ߲߬ ߞߍߣߍ߲߫ ߞߏߓߊ߫ ߘߝߐ߬ߡߊ ߟߋ߬ ߘߌ߫߸ ߝߊ߬ߛߏ ߟߐ߲ߠߌ߲ߦߊ ߡߐ߬ߟߐ߲߬ߡߊ߬ߦߊ ߘߐ߫߸ ߞߎ߲߬ߠߊ߬ߛߌ߰ߟߌ߬ ߞߏ߬ߢߌ߲ ߘߐ߫߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߕߊߕߘߍ߬ ߞߏ߫ ߘߐ߫.
ߕߋߟߋ߲ߓߊ߯ߦߊߡߊ߬ߝߊ߲߬ߞߏ߬ ߞߕߌߘߊ ߓߘߊ߫ ߛߊ߲߭ ߝߌ߬ߟߊ߬ ߥߛߎ߫ ߘߐ߲ߘߐ߫ ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߡߊ߬، ߞߊ߬ߙߊ߲߬ߡߐ߰ ߔߏߟ ߦߏ߲߬ߓߊ߫ ߞߙߎ߬ߡߊ߫ ߞߊ߬ ߞߕߌߘߊ ߟߊ߫ ߡߙߌߘߐ߫ ߕߊ߬ߣߍ߲ ߕߊ߲߬ߘߏ߬߸ ߞߵߊ߬ ߦߌ߬ߘߊ߬ ߞߏ߫ ߞߕߌ ߣߌ߲߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߐ߰ ߝߌ߬ߟߊ ߢߌ߲߬ ߠߎ߬ ߟߊߘߏ߲߬ ߥߏ߬ ߞߋߟߋ߲߫ ߠߊ߫ ߓߍ߲߭ ߞߣߐ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߣߐ߫߸ ߛߌ߬ߛߍ ߣߌ߫ ߖߍ߮ ߘߏ߫ ߟߎ߫ ߟߋ߬ ߕߌߢߍߣߍ߲߫ ߕߊߓߐ ߘߏ߫ ߘߐ߫ ߛߏ߬ߣߌ ߔߍߛ߭ ߟߊ߫ ߛߌ߲߬ߓߌ߬ߓߏ߲ ߠߊ߫߸ ߡߏ߬ߛߏ ߘߏ߫ ߟߎ߫ ߓߘߴߊ߬ߟߎ߬ ߗߋ ߓߊ߲߫ ߞߵߊ߬ ߘߍ߲߫ ߏ߬ ߟߎ߫ ߟߋ߬ ߕߊ߭ ߟߊ߫ ߞߵߊ߬ߟߎ߫ ߝߙߋ߬ ߟߐ߮ ߘߐ߫ ߞߏߞߎߘߊ߫، ߏ߬ ߟߋ ߞߏߢߊ ߓߘߊ߫ ߜߊ߬ ߝߊ߰ߡߊ ߟߎ߬ ߟߊ߫߸ ߊ߬ߟߎ߬ ߓߘߊ߫ ߓߟߏߘߐߓߍ߲ ߠߎ߬ ߞߍ߫، ߕߍ߮ ߞߏ߬ߣߌ߲߬ ߓߘߊ߫ ߞߍ߫ ߡߏ߬ߛߏ ߘߏ߫ ߟߎ߫ ߘߐ߫.
ߕߋߟߋ߲ߓߊ߯ߦߊߢߐ߲߯ ߞߘߐߡߊߕߍ߮ ߝߍߛߑߓߎߞ ߞߊ߲߬߸ ߢߐ߲߯ ߖߓߍ߸ ߏ߬ ߟߊߓߊ߲߫ ߘߊ߫ ߡߌ߬ߣߊ߬ߟߌ ߟߋ߬ ߡߊ߬߸ ߞߊ߬ ߞߕߌ߫ ߟߞߊߟߌߡߊ߲ ߛߌ߰ ߛߋ߲߬ߠߊ߫ ߞߵߊ߬ߟߎ߫ ߖߊ߲߬ߞߌ߲߬: ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߓߘߊ߫ ߓߌ߬ߟߊ߫ ߛߊ߲߭ ߝߌ߬ߟߊ߬ ߥߛߎ߫ ߟߊ߫ ߘߐ߲ߘߐߟߌ߫ ߓߟߏ ߡߊ߬߸ ߞߊ߬ ߞߋ߲߬ߥߟߎ߬ ߄߀ ߟߴߊ߬ߟߎ߫ ߞߎ߲߬ ߓߌ߲߬ߓߊߥߏ ߘߌ߫߸ ߊ߬ ߣߌ߫ ߛߊ߲߭ ߂߸ ߊ߬ߟߎ߬ ߕߍ߫ ߘߍ߬ߞߙߏߝߏ ߟߊߓߊ߯ߙߊ߫ ߟߊ߫ ߝߏ߫ ߓߊ߯ߙߊ߫ ߘߊߞߎ߲ ߠߎ߬.
ߞߍߞߎߘߊߘߟߊ߬ ߞߏ߬ ߡߊ߲ߞߊ߲ ߠߋ߬ ߘߏ߲߬ߣߍ߲߫ ߜߋ߲ߞߐ߰ߖߌ߬ߘߊ ߘߎ߱ ߘߏ߫ ߣߌ߫ ߖߌ߬ߣߍ߫ ߘߎ߱ ߘߏ߫ ߕߍ߫ ߘߊ߯ߙߌ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߉ ߣߌ߲߬ ߡߊ߬߸ ߞߊ߬ ߡߐ߰ ߁߅ ߖߐߞߌ߫ ߝߊ߲߭ ߝߌ߬ߟߊ ߓߍ߯ ߟߊߞߊ߬ߝߏ߬ߣߍ߲ ߘߐ߫، ߊ߬ߟߋ߬ ߘߊ߬ߟߊ ߕߐ߯ ߟߋ߬ ߞߏ߫ ߘߟߊ߬ߜߍ߬ߓߊ߫.
ߞߍߞߎߘߊߞߎ߲߬ߕߌ߰ ߞߎ߬ߘߊ߬ ߟߊ߬ߛߌ߮ ߡߍ߲ ߞߍߣߍ߲߫ ߘߏ߲߬ߛߏ ߟߎ߬ ߟߊ߫ ߕߙߊߓߊ ߂߆ ߟߊ߬ߘߍ ߘߐ߫ ߞߊ߲ߞߊ߲߫ ߞߣߐ߫߸ ߏ߬ ߟߋ ߞߎߡߊ ߓߘߴߊ߬ ߞߐߕߊ߲߫، ߓߊߏ߬߸ ߞߘߐ߬ߡߊ߲ ߡߍ߲ ߠߥߟߌ߬ߣߍ߲߫ ߣߴߊ߬ߟߋ߫ ߖߍ߬ߘߍ ߢߊ ߕߘߍ߬ ߜߍ ߘߐ߫߸ ߣߊߟߌ߬ߡߎ߲߬ ߞߎߟߎ߲ߝߊ߲߫ ߘߋ߲ߓߊ߫ ߘߌ߫، ߏ߬ ߟߋ ߞߊ߲߫ ߞߏ߫ ߊ߬ ߡߊ߫ ߛߐ߲߬ ߊ߬ ߟߊߥߟߌ߬ ߞߏ ߡߊ߬. ߒ߬ߓߊ߬߸ ߛߌ߲߬ߓߏ߲߫ ߡߊ߬ߡߊ߬ߘߌ߬ ߞߊ߲߫ ߞߏ߫ ߌߞߏߡߌ߲߬ ߊ߬ ߓߘߴߊ߬ ߞߐߡߊߓߌ߲ߓߌ߲ߠߊ߫ ߛߐ߬ߘߐ߲߬ ߞߏߕߌ߯ߘߊ ߟߊ߫߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߓߍ߲߬ ߊ߬ ߟߊߥߟߌ߬ ߞߏ ߡߊ߬.
ߓߘߍ߬ߓߘߍ߬ߟߌߖߌ߬ߣߍ߬ ߦߴߊ߬ ߝߍ߬ ߞߵߊ߬ ߣߌ߫ ߛߌ߯ߣߌ߲ ߠߊ߫ ߞߊ߬ߣߌ߲ ߞߘߐߛߊ߫ ߓߘߍߞߍ߭߸ ߞߊ߲߫ ߞߏ ߡߊ߬ߘߎ߮ ߘߐ߫، ߏ߬ ߟߋ ߘߐ߫߸ ߡߊ߲ߘߊߙߍ߲ ߕߌߙߌ߲ߘߊ ߘߏ߫ ߓߘߊ߫ ߟߊߞߊ߬ ߞߐߣߊߞߙߌ߫߸ ߡߍ߲ ߠߎ߬ ߣߐ߬ ߟߊ߬ߞߐ߰ߟߌ ߛߌ߰ ߟߊ߫ ߛߋ߲߬ߠߊ߫ ߣߊ߲߬ߕߌ߮ ߟߎ߫ ߞߎ߲߬.
ߕߋߟߋ߲ߓߊ߯ߦߊߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߊ߭ߦߊ߬ ߞߊ߬ߓߊ ߣߌ߫ ߦߡߊ߫ ߛߋߜ߭ߊ߬ ߡߌ߬ߣߊ߫ ߞߵߊ߬ߟߎ߬ ߟߊߞߘߎ߬ ߢߟߊߥߛߎ ߟߊ߫، ߊ߬ߟߎ߬ ߓߍߣߊ߬ ߦߌ߬ߘߊ߬ ߞߕߌߞߊ߲ߘߊ ߟߊ߫ ߞߐ߬ߓߊ߬ߟߏ߲߫ ߣߊ߬ߕߐ߸ ߞߏ߲ߞߏߘߓߌ ߕߋ߬ߟߋ߫ ߂߀ ߡߊ߬، ߊ߬ߟߎ߫ ߡߌ߬ߣߊ߬ߣߍ߲߫ ߞߵߏ߬ ߞߎ߲߭ ߞߍ߫ ߜߍ߫ ߘߐ߫ ߖߓߍߟߌ ߣߌ߫ ߜߍߟߊߜߍ߫ ߞߏ߫ ߞߎߡߊ ߟߋ߬ ߘߌ߫.
ߘߍ߭ߕߟߋ߬ ߘߊ߲ߘߐ߫ ߓߟߐߟߐ߫ ߝߛߏߝߛߊ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߘߊ߫ ߛߊ߬ߦߌ߲߫ ߊ߬ߟߎ߬ ߡߊ ߡߊ߬ ߣߍ߲ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߕߎ߲߬ ߓߘߊ߫ ߓߟߏߕߍ߰߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߡߊ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߞߍ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫.
ߜߘߍ ߟߎ߬ߓߐ߬ߙߑߘߏ߫ ߍߛ.ߏ.ߍߛ ߞߌ߲߬ߘߊ ߣߐ߬ ߕߌߢߍߟߌ߫ ߜߘߍ߫ ߟߋ߬ ߟߊߛߐ߬ߘߐ߲߬ ߠߊ߫ ߌߞߐ߫߸ ߕߊ ߟߋ߬ ߓߐߣߍ߲߫ ߟߎ ߘߏ߫ ߞߣߐ߫ ߞߊ߬ ߓߟߏߝߋ߲߫ ߛߌߦߊߡߊ߲߫ ߞߊ߬ߛߙߊ߬، ߡߐ߰ ߡߊ߫ ߕߏ߫ ߊ߬ ߘߐ߫ ߛߊ߫߸ ߓߊ߬ߙߌ߬ ߞߐߙߍ ߓߘߊ߫ ߓߌ߬ߟߊ߬ ߥߏߦߌߞߏ߲߬ߓߊ ߘߐ߫.
ߛߊ߲߬ߞߟߊ߬ߕߋߖߌ߬ߣߍ߫ ߓߘߍ߬ߓߘߍ߬ߟߌ ߡߐ߰ ߕߐ߯ߟߡߊ ߣߴߊ߬ ߥߊߟߌߘߊ ߟߎ߬ ߗߋߝߊ߫ ߞߎ߲ߕߌ߯ ߞߘߐ߸ ߡߊ߬ߡߊߘߎ߬ ߛߌ߬ߟߊ ߛߊ߬ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߆ ߣߌ߲߬ ߡߊ߬ ߞߐߣߊߞߙߌ߫߸ ߞߵߊ߬ ߛߐ߬ߘߐ߲߬ ߊ߬ ߓߘߴߊ߬ ߕߐ߮ ߕߏ߫ ߖߡߊ߬ߣߊ ߞߏߓߊ߫ ߛߌߦߊߡߊ߲߫ ߘߐ߫.
ߓߊ߯ߙߘߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߣߍ߬ߞߍ߬ߟߊ ߟߎ߬ ߦߋ߫ ߞߊ߬ߛߌ ߟߊ߫ ߕߍ߬ߡߍߞߘߎ߬ߡߊ ߡߊ߲߬ߕߙߐ ߞߏߛߐ߲߬߸ ߥߊ߬ߦߌ ߟߎ߬ ߞߊ߲߫ ߞߏ߫ ߣߌ߬ ߕߍ߬ߡߍߞߘߎ߬ߡߊ ߟߎ߬ ߕߍ߫߸ ߛߏ߬ߓߏ ߛߐ߲߬ߞߐ ߕߴߛߋ߫ ߖߌ߰ ߟߊ߫، ߒ߬ߓߊ߬߸ ߛߏ߬ߓߏ ߓߘߊ߫ ߓߐ߫ ߖߕ ߄߅ ߀߀߀ ߘߐ߫߸ ߞߊ߬ ߞߍ߫ ߖߕ ߇߀ ߀߀߀ ߤߊ߲߯ ߈߀ ߀߀߀ ߘߌ߫.
ߟߐ߲ߠߌ߲ߦߊߞߐߣߊߞߙߌ߫ ߞߣߐ߫߸ ߞߏߕߌ߯ ߝߟߐ ߊߡߊߘߎ߫ ߎ߯ߙߌ߬ ߓߊ ߛߐ߬ߘߐ߲߬ ߘߊ߫ ߟߋ߬ ߒߞߏ ߛߌ߲ߘߌ ߛߊ߲߬ ߇߇߲ ߢߊ߰ߢߊ߮ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߒߞߏߡߐ߮ ߟߎ߬ ߦߋ߫ ߓߊ߯ߙߊߞߍߟߊ ߟߎ߫ ߟߋ߬ ߘߌ߫.
ߞߍߞߎߘߊߞߊ߲ߞߊ߲߫ ߞߣߐ߫߸ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߟߎ߬ ߓߟߏߘߏ߲߭ ߦߴߌߘߐ߫ ߞߊ߬ ߞߐ߲߰ ߢߣߊߕߊߟߌ ߛߋ ߢߍ߫، ߖߐ߲߰ߛߊ߫ ߝߐߢߐ߲߯ߞߐ ߟߎ߬ ߘߌ߫ ߛߋ߫ ߡߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬.
ߘߍ߭ߛߊ߲ߝߌߣߊ߫ ߡߏ߬ߛߏ ߟߎ߬ ߡߐߣߍߣߍ߲ ߠߋ߬ ߓߐ߫ ߘߊ߫ ߝߏ߲߬ߘߏ ߞߊ߲߬ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߐ߭ ߓߘߊ߫ ߡߊߛߌߟߊ߲߫ ߖߌߕߍߙ ߟߊ߫ ߣߊ߯ߓߊ߫ ߟߊߛߌ߰ߣߍ߲ ߓߟߏ߫، ߏ߬ ߘߐ߫߸ ߟߊ߬ߤߘߌ߬ ߕߌ߬ߢߍ߬ ߛߌߦߊߡߊ߲ ߠߎ߬ ߞߐߝߍ߬ ߞߊ߬ ߝߘߊ߫ ߞߏߟߊߘߍ ߟߊ߫߸ ߊ߬ ߓߘߊ߫ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߕߙߏ߬ߞߏ ߟߎ߬ ߟߊߥߟߌ߬ ߒߞߘߐ߫ ߞߊ߬ ߥߊ߫ ߣߊ߯ߓߊ ߟߎ߬ ߟߊߥߟߌ߬.
ߓߌ߬ߟߊ߬ߒ߬ߘߐ߬ߖߎ߮ߞߊ߲ߡߋߙߋ߲߫ ߡߐ߰ ߝߌ߬ߟߊ߬ ߓߘߊ߫ ߕߏ߫ ߓߌ߬ߟߊ߬ߒ߬ߘߐ߬ߖߎ߮ ߘߐ߫ ߓߊ߰ߢߊ߫، ߊ߬ߟߎ ߕߘߍ߬ ߔߏߔߏ ߟߋ߬ ߞߊ߲߬߸ ߊ߬ߟߎ߬ ߣߌ߫ ߝߊ߯ߞߊ߲ߓߋ߲ ߘߏ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬ ߏ߬ ߘߐ߫߸ ߞߵߊ߬ߟߎ߫ ߓߐ߬ߣߐ߫ ߊ߬ߟߎ߬ ߣߌ ߘߐ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߜߘߍ ߟߎ߬ߞߊ߲ߡߋߙߋ߲߫ ߛߊ߲߭ ߂߅ ߘߏ߫ ߜߊ߬ߛߌ߬ ߞߏ߬ߖߎ߰ߦߊ ߓߘߊ߫ ߞߍ߫ ߊ߬ ߞߎ߲߭ ߘߐ߫ ߖߟߊߥߛߊ߫ ߝߊߕߏߓߏ߲ ߘߏ߫ ߞߣߐ߫ ߛߌ߯ߙߌ߲߫߸ ߞߵߊ߬ ߓߐ߬ߣߐ߫ ߊ߬ ߣߌ ߘߐ߫.
ߓߘߍ߬ߓߘߍ߬ߟߌߞߐ߲߬ߛߏ ߘߌߣߍ߲߫ ߘߐߜߐ߬ ߡߊ߬ ߞߏ ߘߏ߫ ߟߋ߬ ߞߍ߫ ߞߊ߲ߡߊ߬߸ ߞߊ߬ ߓߊ߲߫ ߞߵߊ߬ ߟߊߛߊ߬ߦߌ߲߬، ߓߊ߬ߙߌ߬ ߘߐߜߐ߬ ߞߊ߲߫ ߞߏ߫ ߞߎߡߊ߫ ߛߎ߮ ߏ߬ ߡߊ߫ ߝߐ߫ ߊ߬ ߦߋ߫، ߊ߬ ߓߘߊ߫ ߞߐ߲߬ߛߏ ߕߊ߬ߓߊ߮ ߟߎ߬ ߞߍ߫ ߢߊߣߊ߲ ߘߌ߫߸ ߏ߬ ߟߎ߬ ߝߣߊ߫ ߞߊ߲߫ ߞߏ߫ ߊ߬ ߡߙߌߦߊ ߟߋ߬ ߣߐ߬ ߊ߬ ߖߍ߬ߘߍ߫ ߖߊ߲߬ߝߊ߬ ߟߊ߫.
ߟߊ߬ߞߊ߲߬ߘߊ߬ߟߌߖߌ߬ߣߍ߫ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߓߘߊ߫ ߛߙߊ߬ߟߏ߲߫ ߣߊ߲߬ߕߌ߰ ߁߆ ߡߌ߬ߣߊ߬ ߞߏ ߟߊߛߋ߫߸ ߊ߬ߟߎ߫ ߘߏ߲߭ ߞߏߛߐ߲߬ ߖߡߊ߬ߣߊ ߘߎ߰ߞߣߍ ߞߊ߲߬ ߣߌ߫ ߖߡߊ߬ߙߌ߬ ߕߍ߫، ߓߌ߬ߟߊ߬ߒ߬ߘߐ ߣߌ߲߬ ߞߍ߫ ߘߊ߫ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߂ ߟߋ߬ ߡߊ߬߸ ߞߎߘߦߊ߫ ߣߐ߬ߘߎ߮ ߘߐ߫߸ ߝߙߊߣߊ߫ ߡߙߊ߬ߓߊ߰ߘߊ ߞߣߐ߫.
ߟߊ߬ߞߟߏ߬ߞߟߏ߬ߟߌߞߊ߬ ߞߊ߬ߙߊ߲ ߞߍ߫߸ ߞߊ߬ ߟߐ߲ߠߌ߲ ߛߐ߬ߘߐ߲߬߸ ߏ߬ ߦߋ߫ ߣߐ߰ߦߊ߬ ߟߊ߫ ߘߋ߲ߣߍ߲ ߡߊ߬ ߛߌ߲ߡߌ߲߫ ߞߊ߲ ߠߋ߬ ߘߐ߫ ߞߊ߬ ߕߊ߬ߡߌ߲߬ ߞߊ߲ ߕߐ߭ ߓߍ߯ ߞߊ߲߬، ߒ߬ߓߊ߬߸ ߊ߲ ߠߊ߫ ߓߌ߬ ߘߟߊߛߎ߲ߓߎߟߌ ߟߎ߫ ߞߵߊ߬ ߦߌ߬ߘߊ߫ ߒ߬ ߠߊ߫߸ ߞߏ߫ ߞߊ߬ߙߊ߲߸ ߛߓߍߟߌ߸ ߟߐ߲ߞߏ߸ ߛߋߒߞߏߟߊߘߐߦߊ߸ ߏ߬ ߓߍ߯ ߦߋ߫ ߘߊߡߌ߬ߣߊ߬ ߟߊ߫ ߛߌ߲ߡߌ߲߫ ߞߊ߲ ߠߋ߬ ߘߐ߫ ߢߊߦߋߟߌ ߞߊߡߊ߲ ߞߣߐ߫ ߛߎ߲ߞߎ߲ ߕߊ߫ ߓߟߏ߫ ߡߊ߬. ߊߟߎ߫ ߦߋ߫ ߛߌߟߊߓߐߛߐ߯ߣߊ߫ ߟߊ߫ ߞߊ߲߬ߞߎߡߊ ߘߝߊߣߍ߲ ߘߐߜߍ߫.
ߘߍ߭« C’est faux, ils mentent » — la fille d’Alpha Oumar Barry conteste la version de l’université
ߟߊ߬ߞߊ߲߬ߘߊ߬ߟߌߘߌ߲ߜ߭ߌߙߊߦߌ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߣߴߊ߬ ߞߎߡߊߛߏ ߕߊ߬ߣߍ߲ ߞߵߊ߬ ߟߊ߫ ߞߏ߲ߞߏߘߐߕߊ ߥߎߢߊ߲ߖߍ߲ߛߍ߲ ߞߊ߲߬߸ ߏ߬ ߟߎ߬ ߖߐ߯ߙߊ߲ ߠߎ߬ ߦߋ߫ ߟߊߛߎߡߊ߫ ߟߊ߫ ߓߊ߲ߘߦߊߟߊ߲ ߡߍ߲ ߠߊ߫߸ ߏ߬ ߟߋ ߣߌߘߐ ߛߏ߲߬ߧߊ߬ߣߍ߲߫ ߡߐ߰ ߞߏߙߏ߲ ߠߎ߬ ߓߟߏ߫ ߦߋ߲߬، ߛߋߒߞߏߟߊ߫ ߡߊ߬ߡߊ߬ߘߎ ߛߥߊ߬ߣߍ߬ ߞߊ߲߫ ߞߏ߫ ߸ ߊ߬ ߓߊ߲߫ ߘߊ߫ ߞߵߊ߬ ߞߊ߲ߠߊߘߌ߫ ߝߊ߰ߡߊ ߟߎ߬ ߣߌ߫ ߓߊ߯ߙߟߊ ߟߎ߬ ߡߊ߬، ߊ߬ߟߎ߬ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫.
ߓߘߍ߬ߓߘߍ߬ߟߌߊ߬ߘߌߛߊ߬ߓߋ߬ߓߊ߬ ߞߣߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߞߍ߫ ߖߌ߬ߣߍ߬ ߞߊ߲ߓߍ߲ ߘߊ ߘߌ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߟߊ߬ߘߍ ߃߉߲ ߘߐ߫، ߊ߬ ߞߊ߲ߕߌ߯ ߢߐ߲߮ ߠߎ߬ ߢߊߞߘߐ߫߸ ߊ߬ ߞߊ߬ ߖߌ߬ߣߍ߬ ߟߊ߫ ߥߙߎߞߌ ߢߍߥߟߊ ߟߎ߬ ߞߐߡߊߓߌ߲ߓߌ߲߫߸ ߞߵߊ߬ ߦߌ߬ߘߊ߬ ߞߏ߫ ߛߌߡߊ߲ߘߎ߯ ߂߀߂߄ ߢߍߥߟߊ ߦߋ߫ ߢߍߥߟߊ߫ ߞߟߏߡߊ߫ ߟߋ߬ ߘߌ߫߸ ߖߡߊ߬ߣߊ ߟߊ߫ ߛߌߣߌ߲߫ ߣߊ߬ߕߐ ߥߙߎߞߌ ߣߌߘߐ ߟߋ߬ ߦߴߊ߬ ߘߌ߫. 🌍🇬🇳
ߘߍ߭ߘߋ߲߫ ߠߊߝߟߌ߬ߣߍ߲ ߘߏ߫ ߞߍ߲ߘߍ ߓߘߊ߫ ߟߊߦߍ߬ߟߍ߫ ߞߊ߬ߓߌߣߍ ߘߏ߫ ߞߣߐ߫ ߜߙߋߘߎ߯ ߞߌ߬ߢߍ߬ߙߐ߬، ߛߌߟߊߓߐߛߐ߯ߣߊ߫ ߛߍߝߍ߲ߘߊ ߛߋ߫ ߘߴߊ߬ ߓߟߏ ߟߊ߫ ߟߊ߫ ߣߌ߲߬ ߞߏ ߓߊ ߘߐ߫، ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߬ ߘߐߙߐ߲߫ ߞߵߊ߬ ߢߊߘߐߜߍ ߟߐ߲߫.
ߘߍ߭ߝߎ߯ߘߌ߫ ߞߘߎ ߟߋ߬ ߥߎ߬ߦߊ߬ߣߍ߲߫ ߢߡߊ߬ ߛߎ߬ߛߎ߬ ߘߊߡߊ߲ ߘߏ߫ ߞߣߐ߫ ߞߎߣߎ߲ߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߁ ߡߊ߬ ߞߏ߲߬ߖߊ߲߬ߠߊ߬ߞߎߘߊ߫߸ ߞߊ߬ ߡߛߏ߬ ߁߀ ߓߐ߬ߣߐ߫ ߊ߬ ߣߌ ߘߐ߫، ߊ߬ߟߎ ߦߋ߫ ߓߊ߯ߙߊ߫ ߟߊ߫ ߘߊ߬ߡߊ߲߬ ߞߘߐ ߟߋ߬ ߞߣߐ߫߸ ߞߊ߬ ߢߍ ߕߍ߬ ߞߊ߬ ߥߴߊ߬ ߞߏ߬ ߘߊ߬ߡߊ߲߬ ߞߘߐ ߞߣߐ߫، ߖߊ߰ ߕߌ߲ߘߌ ߡߍ߲ ߦߴߊ߬ߟߎ߫ ߞߎ߲߬ߘߐ߫߸ ߏ߬ ߓߘߊ߫ ߛߍ߲ߞߍ߫߸ ߏ߬ ߟߋ ߝߎ߯ߘߌ߫ ߞߘߎ ߥߟߌ߬ߣߍ߲߫ ߡߎ߬ߕߎ߲߬ ߞߊ߬ ߣߊ߬ ߖߎߙߊ߲߫ ߊ߬ߟߎ߫ ߞߊ߲߬߸ ߞߊ߬ ߡߐ߰ ߕߊ߲߫ ߓߐ߬ߣߐ߫ ߊ߬ ߣߌ ߘߐ߫.
ߞߓߊߞߏ ߟߎ߬ߣߌ߲߬ ߞߍߣߍ߲߫ ߡߌߕߌ߬ ߟߋ߬߸ ߘߟߊ߬ߓߊ߫ ߡߙߊ߬ߓߊ߰ߘߊ ߞߣߐ߫، ߘߏ߲߬ߛߏ߬ ߞߊ߲ߡߋߙߋ߲ ߘߏ߫ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߴߊ߬ ߖߍ߬ߘߍ ߟߊ߫ ߡߊ߬ߙߌ߬ߝߊ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߓߟߏ߫߸ ߏ߬ ߕߐߘߐ߲ߣߴߊ߬ ߖߎ߭ ߟߋ߬ ߞߊ߲߬ ߞߊ߬ ߓߐ߫ ߛߊ߲ߡߊ߬߸ ߞߊ߬ ߞߌ߬ߛߍ ߛߊߙߌ߫ ߊ߬ߟߋ ߟߊ߫ ߡߎ߬ߕߎ߲߬ ߛߊ߫.
ߞߍߞߎߘߊÀ Kankan, un témoignage pour le moins troublant suscite de nombreuses interrogations. Souleymane Touré affirme avoir vomi un insecte vivant après avoir consommé l’eau d’un puits, avant de ressentir un net soulagement de son état de santé. Lire l’article complet : 👇🏿
ߕߋߟߋ߲ߓߊ߯ߦߊÀ Dialakoro, en Guinée, un conflit foncier ancien a dégénéré en affrontements armés, faisant un mort et plusieurs blessés, selon des témoignages concordants.
ߕߋߟߋ߲ߓߊ߯ߦߊߞߊ߲ߞߊ߲߫ ߞߣߐ߫߸ ߡߍ߬ߞߍ߬ߦߙߐ߬ ߞߏ ߞߎ߲߬ߕߌ߮ ߟߋ߬ ߟߊߘߏ߲߬ߣߍ߲߬ ߥߛߎ ߟߊ߫ ߡߎߣߎ߲߬ ߘߎ߰ ߞߏ ߞߊ߬ߙߏ߲߬ߕߍ߰ߟߌ ߞߏߛߐ߲߬. ߊߟߎ߫ ߦߋ߫ ߛߘߌ߬ߜߋ߲ ߣߌ߲߬ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߓߘߍ߬ߓߘߍ߬ߟߌߊ߬ߟߎ߬ ߓߘߊ߫ ߞߏ ߝߐ߫ ߞߊ߬ ߝߘߊ߫ ߞߊ߲ߕߌ߯ߘߊ ߟߊ߫ ߟߊ߬ߛߋ߬ߟߌ߬ ߛߓߍ ߟߊ߫.
ߓߘߍ߬ߓߘߍ߬ߟߌAprès l’investiture du président Mamadi Doumbouya, l’Union des chasseurs traditionnels de Guinée salue son élection et l’appelle à poser des gestes forts en faveur de l’apaisement, de la réconciliation nationale et de la justice. 👉 Article complet sur silabosoona.com
ߞߓߊߞߏ ߟߎ߬ߓߙߋߡߊ߬ ߛߊ߬ߞߐ߬ ߥߊߕߐߟߊ ߟߋ߬ ߕߏߣߍ߲߫ ߓߊߛߌ߫ ߛߊ߲߫ ߦߙߐ ߞߊ߬ ߣߵߊ߬ ߘߴߊ߬ ߘߋ߲߫ ߖߊ߲߬ߞߊ߬ߙߏ߬ߕߐ ߡߊ߬߸ ߕߋ߰ߙߋ ߟߎ߫ ߞߊ߬ ߛߌߟߊ ߕߍ߰ ߊ߬ ߦߋ߫ ߞߵߊ߬ ߓߏ߲߫ ߞߵߊ߬ ߟߊ߫ ߔߏߔߏ ߕߊ߬، ߊ߬ ߞߊ߫ ߞߊ߲߫ ߞߊ߬ ߟߊߕߊ߯ ߞߐߣߊߞߙߌ߫߸ ߊ߬ ߞߏ߬ߣߌ߲ ߦߴߊ߬ ߡߊߞߊ߬ߛߌ߬ ߟߊ߫ ߛߋߒߕߊ߲ߧߊ ߟߊ߫߸ ߞߵߏ߬ ߞߎ߲߭ ߞߍ߫ ߘߋ߲ߓߦߊ ߟߊ߫ ߞߏ ߖߍ߬ߘߍ ߝߟߐ߫ ߘߌ߫߸ ߞߎߡߊߕߍ߫ ߞߏ߫ ߜߘߍ ߕߐ߭ ߟߎ߫ ߡߊ߬.
ߞߓߊߞߏ ߟߎ߬ߓߌ߬ ߛߐ߰ߡߊ߬ߟߊ ߡߊ߫ ߓߍ߲߬ ߞߙߎ߬ߛߊ߬ ߞߣߐ، ߡߊ߬ߡߘߎ ߞߐ߲ߘߍ߫ ߟߋ߬ ߣߐ߬ ߊ߬ ߡߏ߬ߛߏ ߓߏ߲߫ ߠߊ߫ ߕߟߏߞߘߐ ߟߊ߫߸ ߞߵߊ߬ ߖߍ߬ߘߍ ߝߣߊ߫ ߓߏ߲߫ ߏ߬ ߞߐ ߘߐ߫، ߊ߬ߟߋ ߕߊ ߟߊߓߊ߲߫ ߘߊ߫ ߛߊ߬ߦߊ ߡߊ߬߸ ߡߏ߬ߛߏ ߓߘߊ߫ ߟߊߣߊ߬ ߞߊ߲ߞߊ߲߫ ߘߊ߲ߘߊߟߌ߫ ߤߏߞߌ ߞߊ߲ߡߊ߬.
ߞߓߊߞߏ ߟߎ߬ߘߊ߲ߘߊߟߌ߫ ߓߏ߲ߣߍ߲ ߠߎ߬ ߓߘߊ߫ ߞߍ߫ ߞߊ߬ߛߙߊ߬ ߓߏ߲ߣߍ߲ ߠߎ߬ ߘߌ߫ ߞߊ߲ߞߊ߲߫ ߕߋ߬ߟߋߝߌ߬ߟߊ ߣߌ߲߬ ߘߐ߫، ߞߎߣߎ߲߬ ߕߟߋ߬ ߞߋߟߋ߲ ߡߊ߬߸ ߡߏ߬ߛߏ߫ ߝߌ߬ߟߊ߫ ߟߋ߬ ߓߣߐ߬ ߘߴߊ߬ ߣߌ ߘߐ߫ ߘߎ߲߬ߘߎ߬ߡߊ߬ ߘߊ߲ߘߊߟߌ߫ ߓߏ߲ߣߍ߲ ߘߏ߫ ߟߎ߫ ߞߣߐ߫߸ ߡߍ߲ ߞߍߢߊ߫ ߖߐ߲ߖߐ߲߫ ߖߘߍ߬ ߟߐ߲ߣߍ߲߫ ߕߍ߫، ߊߟߎ߫ ߦߋ߫ ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߕߋߟߋ߲ߓߊ߯ߦߊߞߑߟߏߘ ߔߌ߯ߝ߭ߌ߫ ߛߎ߭ ߓߘߊ߫ ߟߊߕߊ߬ߡߌ߲߫ ߊ߬ ߟߊ߫ ߡߐ߱ ߟߎ߫ ߡߊ߬߸ ߊ߬ߟߋ ߡߍ߲ ߛߊ߬ ߘߊ߫ ߞߵߊ߬ ߕߏ߫ ߥߛߎ ߟߊ߫ ߞߐߣߊߞߙߌ߫، ߊ߬ ߛߎ߭ ߞߊ߫ ߞߊ߲߫ ߞߊ߬ ߘߏ߲߬ ߊ߬ ߟߊ߫ ߘߎ߰ߣߍ߲ ߠߋ߬ ߟߊ߫ ߛߌߣߌ߲߬ߟߏ߲ ߣߌ߲߬ ߡߊ߬. ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߵߊ߬ ߕߐ߭ ߞߊ߬ߙߊ߲߬߸ ߞߵߊ߬ ߡߍ߲ ߝߣߊ߫ ߟߊߡߍ߲߫
ߘߍ߭ߘߋ߲ߡߌߛߍ߲ ߠߎ߬ ߣߐ߬ ߊ߬ ߡߍ߲߫ ߠߊ߫ ߟߋ߬ ߓߌ߬ ߞߏ߫ ߕߍ߮ ߓߘߊ߫ ߞߍ߫ ߊ߬ߟߌ ߗߊߡ ߘߐ߫߸ ߏ߬ ߡߍ߲ ߦߋ߫ ߓߐ߰ߝߍ ߘߐߖߊߛߌ ߛߍ߬ߘߏ߲߬ߠߊ ߘߏ߫ ߘߌ߫، ߒ߬ߓߊ߬߸ ߏ߬ ߞߎߡߊ ߡߍ߲ ߠߋ߬ ߣߐ߬ ߘߋ߲ߡߌߛߍ߲ ߠߎ߬ ߟߊߡߐߣߍ߫ ߟߊ߫߸ ߝߏ߫ ߊ߬ߟߎ߬ ߓߘߊ߫ ߕߊ ߛߎ߫ ߛߣߌߥߊ ߟߎ߬ ߟߊ߫ ߓߏ߬ߙߌ߬ߝߋ߲߬ ߛߌߦߊߡߊ߲߫ ߠߊ߫، ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߵߊ߬ ߕߐ߭ ߞߊ߬ߙߊ߲߬.
ߞߓߊߞߏ ߟߎ߬Deux ans après la disparition d’Idrissa Diallo, 9 ans, son père refuse d’abandonner. Entre soupçons, silence judiciaire et détresse familiale, il réclame une seule chose : la vérité. Lire l’article complet : 👇🏿
ߞߍߞߎߘߊߛߌ߯ߙߌ߲߫ ߞߣߐ߫߸ ߞߊ߬ߝߏ߬ߙߋ߲ ߛߓߍ߫ ߟߊߘߊ߲ߠߊ ߟߎ߬ ߞߊ߲߫ ߞߏ߫ ߊ߬ߟߎ߫ ߞߊ߬ ߛߐ߬ߘߐ߲߬ ߛߓߍ߫ ߂߅ ߀߀߀ ߟߋ߬ ߟߊߢߎߡߍߙߋ߲ߧߊ߫ ߛߊ߲߭ ߂߀߂߅ ߟߊ߫߸ ߜߟߍ߬ߦߊ߬ ߛߌߦߊߡߊ߲ ߓߍ߯ ߣߴߊ߬ ߕߊ߫ ߓߊ߯ߙߊ߫ ߡߎߙߊ߲߫ ߞߏ ߘߐ߫߸ ߏ߬ ߡߍ߲ ߓߘߊ߫ ߞߍ߫ ߊ߬ߟߋ߬ ߛߐ߬ߘߐ߲߬ ߛߓߍ߬ ߟߊ߬ߘߊ߲ ߟߊߟߐ߭ ߕߎ߬ߙߎ ߘߌ߫ ߕߋ߲߬ ߞߊ߬ߣߌ߲߬. ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߓߘߍ߬ߓߘߍ߬ߟߌߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊߛߌ߱ ߡߊ߬ߛߎߘߎ߲ߧߊ ߣߌ߲߬ ߘߐ߫߸ ߣߴߊ߬ ߟߐ߯ߟߊߣߍ߲߫ ߞߵߊ߬ ߕߏ߫ ߓߌ߲ߠߊߥߎߟߋ߲ ߕߟߋ߬ ߁߇ ߟߊ߫ ߞߐߣߊߞߙߌ߫߸ ߖߌ߬ߣߍ߫ ߝߊ߰ߡߊ ߟߎ߬ ߦߋ߫ ߓߟߏߘߐߓߍ߲ ߖߍ߬ߘߍߖߍ߬ߘߍ ߟߋ߬ ߞߊ߲߬ ߕߋ߲߬߸ ߛߊ߫ ߖߊ߲߬ߖߏ߲ ߏ߬ ߘߌ߫ ߕߊ߬ߡߌ߲߫ ߊ߬ ߢߌ߬ߡߊ ߟߊ߫ ߢߊ ߡߍ߲ ߡߊ߬ ߞߐߣߊߞߙߌ߫ ߞߣߐ߫.
ߞߍߞߎߘߊߞߊ߲ߞߊ߲߫ ߞߣߐ߫߸ ߡߣߐ߬ߓߏ߲ ߘߏ߫ ߓߘߊ߫ ߓߌ߬ߟߊ߫ ߖߊ߬ߡߊ ߛߊ߬ߥߏ߬ ߘߐ߫߸ ߡߍ߲ ߟߐ߬ߣߍ߲߫ ߢߣߊߕߊߟߌ ߡߎ߬ߙߊ߲ ߠߎ߬ ߟߊߡߙߊ߬ ߞߊ߲ߡߊ߬، ߊ߬ ߛߊ߲߬ ߕߊ߲ ߣߌ߫ ߟߏ߯ߟߎ߫ ߡߊ߬ߞߐ߬ߣߐ߲߬ߠߌ߲ ߞߐߝߍ߬߸ ߛߌ߬ߓߏ ߓߘߊ߫ ߞߍ߫ ߕߎ߬ߢߊ ߘߌ߫، ߥߊߘߌ ߟߎ߬ ߞߎ߲߬ߡߙߎ ߞߐߝߍ߬߸ ߥߟߎ߬ߡߊ߬ ߕߊ߲ ߣߌ߫ ߟߏ߯ߟߎ߫ ߓߘߊ߫ ߞߍ߫ ߞߊ߬ ߓߏ߲ ߣߌ߲߬ ߟߐ߬ ߞߊ߲ߞߊ߲߫ ߞߣߐ، ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߫ ߞߵߊ߬ ߕߐ߭ ߞߊ߬ߙߊ߲߬.
ߞߍߞߎߘߊߞߊ߲ߞߊ߲߫ ߞߣߐ߫߸ ߞߌ߬ߓߊ߬ߙߏ߬ߦߊ߬ߟߌ ߝߊ߰ߡߊ ߟߎ߬ ߓߘߊ߫ ߝߐ߰ߓߍ߬ߦߊ߬ߟߊ ߟߎ߫ ߝߏ߬ ߊ߬ߟߎ߬ ߟߊ߫ ߓߊ߯ߙߊ߫ ߓߘߊ ߟߊ߫ ߢߣߊߕߊߟߌ ߞߎ߲߬ߕߊ߮ ߖߛߎ߬ߛߎߡߊ ߟߊߛߓߊ߬ߕߌ ߘߐ߫ ߂߀߂߅ ߞߏߟߌ߲ߞߏߟߌ߲ ߠߊ߫. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ ߥߍ߫.
ߓߘߍ߬ߓߘߍ߬ߟߌÀ Kankan, une publication de Karamo Kaba et le report d’une session communale ravivent les débats sur la transparence et la gestion financière de la mairie.
